Navratri 2023: ಈ 5 ಕೆಲಸಗಳನ್ನು ಮಾಡದೆ ನವರಾತ್ರಿ ಅಪೂರ್ಣ

Published: Thursday, October 12, 2023, 10:13 [IST]

ಅಕ್ಟೋಬರ್ ಮತ್ತು ನವೆಂಬರ್ ತಿಂಗಳುಗಳಲ್ಲಿ ಹಿಂದೂ ಧರ್ಮದ ವಿಶೇಷ ಹಬ್ಬಗಳನ್ನು ಆಚರಿಸಲಾಗುತ್ತದೆ. ಇದರಲ್ಲಿ ಶಾರದೀಯ ನವರಾತ್ರಿ ಕೂಡ ಒಂದು. ಶಾರದೀಯ ನವರಾತ್ರಿ ಅಕ್ಟೋಬರ್ 15 ರಿಂದ ಪ್ರಾರಂಭವಾಗುತ್ತಿದೆ. ಈ ಸಮಯದಲ್ಲಿ ಒಂಬತ್ತು ದಿನಗಳ ಕಾಲ ದುರ್ಗಾ ದೇವಿಯ ಒಂಬತ್ತು ವಿಭಿನ್ನ ರೂಪಗಳನ್ನು ಪೂಜಿಸಲಾಗುತ್ತದೆ.

ಅನೇಕ ಭಕ್ತರು ದುರ್ಗಾ ದೇವಿಯ ಆರಾಧನೆಯಲ್ಲಿ ತೊಡಗುತ್ತಾರೆ ಮತ್ತು ಉಪವಾಸವನ್ನು ಆಚರಿಸುತ್ತಾರೆ. ನವರಾತ್ರಿ ಪೂಜೆಯ ಸಮಯದಲ್ಲಿ ಕೆಲವು ವಿಶೇಷ ಕೆಲಸಗಳಲ್ಲಿ ಕಾಳಜಿ ವಹಿಸುವುದು ತುಂಬಾ ಮುಖ್ಯವಾಗಿದೆ. ಯಾಕೆಂದರೆ ದುರ್ಗೆಯ ಆಶೀರ್ವಾದಕ್ಕಾಗಿ ಈ ಕಾರ್ಯಗಳು ಅತ್ಯಾವಶ್ಯಕವಾಗಿವೆ.

ಹವನ ಮಾಡುವುದು

ಹವನ ಮಾಡದ ಹೊರತು ಯಾವುದೇ ಪೂಜೆ ಅಥವಾ ಉಪವಾಸ ಸಂಪೂರ್ಣವೆಂದು ಪರಿಗಣಿಸಲಾಗುವುದಿಲ್ಲ. ನವರಾತ್ರಿಯ ಒಂಬತ್ತು ದಿನಗಳ ಪೂಜೆ ಮತ್ತು ಉಪವಾಸವನ್ನು ಹವನದೊಂದಿಗೆ ಕೊನೆಗೊಳಿಸಬೇಕು. ನವಮಿಯ ದಿನದಂದು ತಾಯಿ ದುರ್ಗೆಯ ಹೆಸರಿನಲ್ಲಿ ಹವನವನ್ನು ಮಾಡಬೇಕು. ಇದು ಮನೆಯಲ್ಲಿ ಸಕಾರಾತ್ಮಕತೆ ಮತ್ತು ಉತ್ತಮ ಶಕ್ತಿಯನ್ನು ಹರಡುತ್ತದೆ.

ಕಲಶ ಸ್ಥಾಪನೆ

ನವರಾತ್ರಿಯ ಪೂಜೆಯಲ್ಲಿ ಕಲಶ ಬಹುಮುಖ್ಯ ಪಾತ್ರವನ್ನು ವಹಿಸುತ್ತದೆ. ನವರಾತ್ರಿಯ ಮೊದಲ ದಿನದಂದು ಕಲಶ ಸ್ಥಾಪನೆ ಮಾಡಲಾಗುತ್ತದೆ. ಇದನ್ನು ಮಾತೃ ದೇವತೆಯ ಶಕ್ತಿಯ ಸಂಕೇತವಾಗಿ ಕಾಣಲಾಗುತ್ತದೆ. ಕಲಶದಲ್ಲಿ ಗಂಗಾಜಲವನ್ನು ಹಾಕಿ, ಬಾಳೆ ಎಲೆಗಳಿಂದ ಮುಚ್ಚಿ, ಅದರ ಮೇಲೆ ತೆಂಗಿನಕಾಯಿ ಮತ್ತು ಹೂವುಗಳನ್ನು ಇರಿಸಿ. ತೆಂಗಿನ ಮೇಲೆ ಕೆಂಪು ಬಟ್ಟೆ ಕಟ್ಟಲಾಗುತ್ತದೆ.

ದುರ್ಗಾ ದೇವಿಗೆ ಆರತಿ

ನವರಾತ್ರಿಯ ಪ್ರತಿ ದಿನ ದೇವಿಯ ಆರತಿಯೊಂದಿಗೆ ಪ್ರಾರಂಭಿಸುವುದು ಪದ್ಧತಿ. ಇದರೊಂದಿಗೆ ಉಪವಾಸದ ಮೊದಲು ದೇವಿಯ ಆರತಿಯನ್ನು ಮಾಡುವುದನ್ನು ಮುಖ್ಯವೆಂದು ಪರಿಗಣಿಸಲಾಗುತ್ತದೆ. ಹೀಗೆ ದುರ್ಗೆಯ ಸರಿಯಾದ ಪೂಜೆ ಮತ್ತು ಆರತಿ ಮಾಡುವ ಮೂಲಕ ನವರಾತ್ರಿಯನ್ನು ಯಶಸ್ವಿಗೊಳಿಸಿ.

ದುರ್ಗಾ ದೇವಿಗೆ ಅಲಂಕಾರಿಕ ವಸ್ತುಗಳು

ದುರ್ಗೆಯ ಆರಾಧನೆಯಲ್ಲಿ ಅವಳ 16 ಅಲಂಕಾರಗಳು ಬಹಳ ಮುಖ್ಯ. ಈ ಅಲಂಕಾರಿಕ ವಸ್ತುಗಳಲ್ಲಿ ಬಿಂದಿ, ಕೆಂಪು ಬಳೆಗಳು, ಮೆಹಂದಿ, ಬಾಚಣಿಕೆ, ಕಾಜಲ್, ಮೂಗುತಿ, ಕಿವಿಯೋಲೆಗಳು, ಕೆಂಪು ಬಟ್ಟೆ, ಕುಂಕುಮ, ಕಾಲುಂಗುರಗಳು, ಕೈ ಉಂಗುರಗಳು ಇವೆಲ್ಲವನ್ನು ಇರಿಸಲಾಗುತ್ತದೆ. ಈ ವೇಳೆ ಮಂಗಳ ಸೂತ್ರವನ್ನು ಸರಿಯಾಗಿ ಪಠಿಸಬೇಕು.

ಕನ್ಯಾ ಪೂಜೆ

ನವರಾತ್ರಿ ಪೂಜೆಯು ಕನ್ಯಾ ಪೂಜೆಯೊಂದಿಗೆ ಕೊನೆಗೊಳ್ಳುತ್ತದೆ. ಹೆಣ್ಣು ಮಕ್ಕಳನ್ನು ದೇವಿಯ ರೂಪವೆಂದು ಪರಿಗಣಿಸಲಾಗುತ್ತದೆ. ಆದ್ದರಿಂದ ಅವರಿಗೆ ನವರಾತ್ರಿಯ ಕೊನೆಯ ದಿನದಂದು ಪೂಜಿಸಲಾಗುತ್ತದೆ ಮತ್ತು ಆಹಾರವನ್ನು ನೀಡಲಾಗುತ್ತದೆ. ಅಷ್ಟಮಿ ಅಥವಾ ನವಮಿಯ ದಿನದಂದು ಚಿಕ್ಕ ಹುಡುಗಿಯರನ್ನು ಪೂಜಿಸಲಾಗುತ್ತದೆ.

(ಗಮನಿಸಿ: ಈ ಮಾಹಿತಿಯು ಅಂತರ್ಜಾಲದಲ್ಲಿ ಲಭ್ಯವಿರುವ ಮಾಹಿತಿಯನ್ನು ಆಧರಿಸಿದೆ. ಮಾಹಿತಿ ನೀಡುವುದು ನಮ್ಮ ಏಕೈಕ ಉದ್ದೇಶವಾಗಿದೆ. ಯಾವುದೇ ಮಾಹಿತಿ ಅನುಷ್ಠಾನಗೊಳಿಸುವ ಮೊದಲು ದಯವಿಟ್ಟು ಸಂಬಂಧಿತ ತಜ್ಞರ ಸಲಹೆಯನ್ನು ಪಡೆಯಿರಿ)

Published On October 12, 2023