Akshaya Tritiya 2024: ಅಕ್ಷಯ ತೃತೀಯ ದಿನದಂದು ಈ ತಪ್ಪನ್ನು ಮಾಡಲೇ ಬೇಡಿ.. ಇಲ್ಲವಾದರೆ..

ಹಿಂದೂ ಧರ್ಮದಲ್ಲಿ ಅಕ್ಷಯ ತೃತೀಯ ಅತ್ಯಂತ ಮಂಗಳಕರ ದಿನವಾಗಿದೆ. ಅಕ್ಷಯ ತೃತೀಯ ದಿನದಂದು ನೀವು ಏನು ಮಾಡಿದರೂ ಅಥವಾ ಏನೇ ಖರೀದಿಸಿದರೂ ಅದು ದುಪಟ್ಟು ಹೆಚ್ಚಾಗುತ್ತದೆ ಎಂದು ನಂಬಲಾಗುತ್ತದೆ. ಈ ವರ್ಷ ಅಕ್ಷಯ ತೃತೀಯ ದಿನವನ್ನು ಮೇ 10 ರಂದು ಅಂದರೆ ಇಂದು ಆಚರಿಸಲಾಗುತ್ತಿದೆ.

ಈ ದಿನ ಜನರು ಗಣೇಶ, ಲಕ್ಷ್ಮಿ, ಕುಬೇರ ಮತ್ತು ವಿಷ್ಣುವಿಗೆ ವಿಶೇಷ ಪೂಜೆಗಳನ್ನು ಸಲ್ಲಿಸುತ್ತಾರೆ. ಅಕ್ಷಯ ಎಂದರೆ ಎಂದಿಗೂ ಮುಗಿಯದ ಮತ್ತು ಹೆಚ್ಚುತ್ತಿರುವ ಎಂದರ್ಥ. ಆದ್ದರಿಂದ ಜನರು ಅಕ್ಷಯ ತೃತೀಯ ಈ ಮಂಗಳಕರ ದಿನದಂದು ಒಳ್ಳೆಯದನ್ನು ಪ್ರಾರಂಭಿಸುತ್ತಾರೆ. ಸಾಮಾನ್ಯವಾಗಿ ಜನರು ಸಮೃದ್ಧ ಜೀವನ ನಡೆಸಲು ಈ ದಿನದಂದು ಚಿನ್ನ, ಬೆಳ್ಳಿ ಇತ್ಯಾದಿಗಳನ್ನು ಖರೀದಿಸುತ್ತಾರೆ.

ಆದರೆ ಈಗಿನ ಚಿನ್ನದ ಮಾರಾಟ ಬೆಲೆ ನೋಡಿದರೆ ಎಲ್ಲರೂ ಚಿನ್ನವನ್ನು ಖರೀದಿಸಲು ಸಾಧ್ಯವಿಲ್ಲ. ಈ ಸಂದರ್ಭದಲ್ಲಿ ಲಕ್ಷ್ಮಿ ದೇವಿಗೆ ಸಮಾನವೆಂದು ಪರಿಗಣಿಸಲಾದ ಉಪ್ಪು, ಅರಿಶಿನ ಪುಡಿ, ಮಲ್ಲಿಗೆ ಹೂವು ಮತ್ತು ಪರಿಮಳಯುಕ್ತ ಉತ್ಪನ್ನಗಳನ್ನು ಖರೀದಿಸಬಹುದು. ಹಾಗಾದರೆ ಈ ಮಂಗಳಕರ ದಿನದಂದು ಮಾಡಬೇಕಾದ ಮತ್ತು ಮಾಡಬಾರದ ಕೆಲವು ವಿಷಯಗಳು ಇಲ್ಲಿವೆ. ಅವು ಯಾವುವು ಎಂದು ಈಗ ನೋಡೋಣ.

ಅಕ್ಷಯ ತೃತಿಯಂದು ಮಾಡಬೇಕಾದುದು ಮತ್ತು ಮಾಡಬಾರದು

1. ಮಾಂಸಾಹಾರ

ಅಕ್ಷಯ ತೃತೀಯ ಅತ್ಯಂತ ಮಂಗಳಕರ ದಿನವಾಗಿದೆ. ಈ ದಿನ ಜನರು ಲಕ್ಷ್ಮಿ, ಕುಬೇರ, ಗಣೇಶ, ವಿಷ್ಣು ದೇವರನ್ನು ಪೂಜಿಸುತ್ತಾರೆ. ವಿಶೇಷ ಪೂಜೆಗಳನ್ನು ಮಾಡಿ ಸಮೃದ್ಧ ಜೀವನವನ್ನು ನಡೆಸಲು ಅವರ ಆಶೀರ್ವಾದವನ್ನು ಪಡೆಯುತ್ತಾರೆ. ಈ ದಿನದಂದು ಮಾಂಸಾಹಾರಿ ಆಹಾರವನ್ನು ಸೇವಿಸುವುದನ್ನು ಕಟ್ಟುನಿಟ್ಟಾಗಿ ತಪ್ಪಿಸಬೇಕು. ತರಕಾರಿಗಳು, ಜ್ಯೂಸ್, ಹಣ್ಣುಗಳು ಮತ್ತು ಡೈರಿ ಉತ್ಪನ್ನಗಳಂತಹ ಸಸ್ಯಾಹಾರಿ ಆಹಾರವನ್ನು ಸೇವಿಸಬೇಕು.

2. ಆಭರಣಗಳನ್ನು ಖರೀದಿಸಿ

ಅಕ್ಷಯ ತೃತೀಯ ದಿನದಂದು ಖರೀದಿಸಿದ ವಸ್ತುಗಳು ಸಂಪತ್ತನ್ನು ಹೆಚ್ಚಿಸುತ್ತವೆ. ಹೀಗಾಗಿ ಈ ದಿನ ಉತ್ತಮ ಸಮೃದ್ಧ ಜೀವನವನ್ನು ನಡೆಸಲು ಚಿನ್ನ, ಬೆಳ್ಳಿ ಮತ್ತು ಇತರ ದುಬಾರಿ ವಸ್ತುಗಳನ್ನು ಖರೀದಿಸಲು ಸಲಹೆ ನೀಡಲಾಗುತ್ತದೆ. ಅದೂ ಅಲ್ಲದೆ ಆಸ್ತಿ, ಹೊಸ ವಾಹನಗಳ ಖರೀದಿ ಮಾತ್ರವಲ್ಲದೆ ಈ ದಿನ ಹೊಸ ಉದ್ಯಮಗಳನ್ನು ಕೂಡ ಆರಂಭಿಸಲಾಗುತ್ತದೆ.

3. ದೇವಸ್ಥಾನಕ್ಕೆ ಭೇಟಿ

ದೇವಾಲಯ ಸಕಾರಾತ್ಮಕ ಶಕ್ತಿಯಿಂದ ತುಂಬಿರುವ ಅತ್ಯಂತ ಪವಿತ್ರ ಸ್ಥಳವಾಗಿದೆ. ದೇವಸ್ಥಾನಕ್ಕೆ ಭೇಟಿ ನೀಡುವುದರಿಂದ ಮನಸ್ಸಿನ ಶಾಂತಿ ಹೆಚ್ಚಾಗುತ್ತದೆ. ಅಲ್ಲದೆ ಭದ್ರತೆಯ ಭಾವನೆಯನ್ನು ಪಡೆಯಬಹುದು. ಮಂಗಳಕರ ದಿನದಂದು ದೇವಸ್ಥಾನಕ್ಕೆ ಭೇಟಿ ನೀಡಿ ದೇವತೆಗಳನ್ನು ಪೂಜಿಸಿ ಅವರ ಆಶೀರ್ವಾದ ಪಡೆಯುವುದು ಒಳ್ಳೆಯದು.

4. ದಾನ ಮಾಡಿ

ಸಾಮಾನ್ಯವಾಗಿ ಈ ಶುಭದಿನದಂದು ದಾನ ಮಾಡುವುದು ತುಂಬಾ ಒಳ್ಳೆಯದು. ಅದೂ ಕೂಡ ಅಕ್ಷಯ ತೃತೀಯ ದಿನದಂದು ಬಡವರಿಗೆ ವಸ್ತ್ರ, ಅನ್ನ, ನೀರು ಇತ್ಯಾದಿಗಳನ್ನು ದಾನ ಮಾಡುವುದರಿಂದ ದೇವಾನುದೇವತೆಗಳ ಆಶಿರ್ವಾದವನ್ನು ಪಡೆಯಬಹುದು.

5. ಆಧ್ಯಾತ್ಮಿಕ ಚಟುವಟಿಕೆಗಳು

ಅಕ್ಷಯ ತೃತೀಯ ದಿನದಂದು ಧೂಮಪಾನ ಮತ್ತು ಮದ್ಯಪಾನದಂತಹ ಕೆಟ್ಟ ಅಭ್ಯಾಸಗಳನ್ನು ತ್ಯಜಿಸಲು ಸಲಹೆ ನೀಡಲಾಗುತ್ತದೆ. ಇದಲ್ಲದೆ ಉಗುರುಗಳನ್ನು ಕತ್ತರಿಸುವುದು ಮತ್ತು ಜೂಜಾಟವನ್ನು ತಪ್ಪಿಸಬೇಕು. ಈ ದಿನ ಅತ್ಯಂತ ಮಂಗಳಕರವಾಗಿದೆ. ಈ ದಿನ ತಮ್ಮ ಸಮಯವನ್ನು ಕೆಟ್ಟ ವಿಷಯಗಳಿಗೆ ಬಳಸದೆ ಆಧ್ಯಾತ್ಮಿಕ ಚಟುವಟಿಕೆಗಳಲ್ಲಿ ಸಮಯವನ್ನು ಕಳೆಯುವ ಮೂಲಕ ಉತ್ತಮ ಫಲಿತಾಂಶಗಳನ್ನು ಪಡೆಯಬಹುದು.

6. ಸಾಲ ಮಾಡಬೇಡಿ

ಅಕ್ಷಯ ತೃತೀಯ ದಿನ ಅತ್ಯಂತ ಮಂಗಳಕರ ದಿನವಾಗಿದೆ. ಈ ದಿನ ಸಾಲ ತೆಗೆದುಕೊಳ್ಳುವುದನ್ನು ತಪ್ಪಿಸಿ. ಇಲ್ಲದಿದ್ದರೆ ವರ್ಷವಿಡೀ ಹೆಚ್ಚು ಸಾಲ ಮಾಡಿ ಸಾಲದ ಸಮಸ್ಯೆಯಿಂದ ಬಳಲಬೇಕಾಗುತ್ತದೆ.

(ಗಮನಿಸಿ: ಮೇಲೆ ನೀಡಲಾದ ಮಾಹಿತಿಯು ಅಂತರ್ಜಾಲದಲ್ಲಿ ಲಭ್ಯವಿರುವ ಮಾಹಿತಿಯನ್ನು ಆಧರಿಸಿದೆ. ಮಾಹಿತಿಯನ್ನು ಒದಗಿಸುವುದು ನಮ್ಮ ಏಕೈಕ ಉದ್ದೇಶವಾಗಿದೆ. ಯಾವುದೇ ಮಾಹಿತಿ ಅನುಷ್ಠಾನಗೊಳಿಸುವ ಮೊದಲು ಸಂಬಂಧಿತ ವೃತ್ತಿಪರರನ್ನು ಸಂಪರ್ಕಿಸಿ.)

English summary

Akshaya Tritiya 2024 dos and donts to follow on Akshaya Tritiya in kannada.