ಸೆಂಟ್ ಜಾವೆಲಿನ್ ಯಾರು?, ಹೇಗೆ ಉಕ್ರೇನಿಯನ್‌ ಪ್ರತಿರೋಧದ ಸಂಕೇತ?

ಕೀವ್‌, ಫೆಬ್ರವರಿ 28: ಉಕ್ರೇನ್‌ ಹಾಗೂ ರಷ್ಯಾ ನಡುವೆ ಯುದ್ಧ ನಡೆಯುತ್ತಿದೆ. ಈ ನಡುವೆ ಹಲವಾರು ಉಕ್ರೇನಿಯನ್ ಪ್ರತಿರೋಧದ ವ್ಯಕ್ತಿಗಳ ಚಿತ್ರಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗುತ್ತಿದೆ. ಈ ಪ್ರಮುಖ ವ್ಯಕ್ತಿಗಳ ಪೈಕಿ ಬಹುಮುಖ್ಯವಾಗಿ ಈಗ ಮೇರಿ ಮ್ಯಾಗ್ಡಲೀನ್. ಯೇಸುವಿನ ಅನುಯಾಯಿಯ ಚಿತ್ರವು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.

ಇದನ್ನು ಹೊರತುಪಡಿಸಿ ಯೇಸುವಿನ ಅನುಯಾಯಿಯು ಕೈಯಲ್ಲಿ ವಿಚಿತ್ರವಾದ ವಸ್ತುವಿನೊಂದಿಗೆ ಕಾಣಿಸಿಕೊಂಡಿದ್ದಾರೆ. ಜಾವೆಲಿನ್ ಎಂಬ ಆಂಟಿ ಟ್ಯಾಂಕ್ ಕ್ಷಿಪಣಿ ಲಾಂಚರ್ ಕೈಯಲ್ಲಿ ಕಾಣಿಸಿಕೊಂಡಿದೆ. ಆಕೆಗೆ 'ಸೆಂಟ್ ಜಾವೆಲಿನ್' ಎಂಬ ಹೆಸರನ್ನು ಸಾಮಾಜಿಕ ಮಾಧ್ಯಮಗಳು ಇರಿಸಿದೆ.

ಯೇಸುವಿನ ಅನುಯಾಯಿ ಮೇರಿ ಮ್ಯಾಗ್ಡಲೀನ್ ರಷ್ಯಾ ಮತ್ತು ಉಕ್ರೇನ್ ನಡುವೆ ನಡೆಯುತ್ತಿರುವ ಯುದ್ಧದ ನಡುವೆ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ. ಆಂಟಿ ಟ್ಯಾಂಕ್ ಕ್ಷಿಪಣಿ ಲಾಂಚರ್ ಅನ್ನು ತೋಳುಗಳಲ್ಲಿ ಹಿಡಿದಿರುವ ಫೋಟೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ಸೇಂಟ್ ಜಾವೆಲಿನ್ ಎಂದು ಶ್ಲಾಘಿಸಲ್ಪಟ್ಟ ಈ ಫೋಟೋವು ನಡೆಯುತ್ತಿರುವ ಯುದ್ಧದಲ್ಲಿ ಉಕ್ರೇನ್‌ನ ಪ್ರತಿರೋಧದ ಸಂಕೇತವಾಗಿದೆ.

ಜಾವೆಲಿನ್ ಎಂದರೇನು?

1980 ರ ದಶಕದ ಉತ್ತರಾರ್ಧದಲ್ಲಿ ಯುಎಸ್‌ ರಕ್ಷಣಾ ಸಂಸ್ಥೆಗಳಿಂದ ವಿನ್ಯಾಸಗೊಳಿಸಲ್ಪಟ್ಟ ಜಾವೆಲಿನ್ ಸುಮಾರು 50 ಪೌಂಡ್‌ಗಳಷ್ಟು ತೂಗುತ್ತದೆ. ಇದನ್ನು ಸೈನಿಕರು ಹಾರಿಸಬಹುದು. ಯಾವುದೇ ಮಿಲ್ಲಿ ಲಾಂಚರ್ ಅಗತ್ಯವಿಲ್ಲ. ವರದಿಗಳ ಪ್ರಕಾರ, ರಷ್ಯಾದ ಪಡೆಗಳ ಸಂಪೂರ್ಣ ದಾಳಿಯನ್ನು ಎದುರಿಸಲು ಉಕ್ರೇನಿಯನ್ ರಕ್ಷಣೆಯು ಹೆಚ್ಚಾಗಿ ಜಾವೆಲಿನ್ ಅನ್ನು ಅವಲಂಬಿಸಿದೆ.

ಫೆಬ್ರವರಿ 26 ರವರೆಗೆ ರಷ್ಯಾದ ಪಡೆಗಳು 3,500 ಸೈನಿಕರು, 102 ಟ್ಯಾಂಕ್‌ಗಳು, 536 ಶಸ್ತ್ರಸಜ್ಜಿತ ವಾಹನಗಳು, 15 ಫಿರಂಗಿಗಳು, 14 ಫೈಟರ್ ಜೆಟ್‌ಗಳು, 8 ಹೆಲಿಕಾಪ್ಟರ್‌ಗಳು, ಒಂದು BUK-1 ವ್ಯವಸ್ಥೆಯನ್ನು ಕಳೆದುಕೊಂಡಿವೆ ಎಂದು ಉಕ್ರೇನ್ ರಕ್ಷಣಾ ಸಚಿವಾಲಯ ಹೇಳಿಕೊಂಡಿದೆ. ಕ್ಷಿಪಣಿಯನ್ನು ಒಮ್ಮೆ ಹಾರಿಸಿದರೆ, ಅದು ಕರ್ವ್‌ಬಾಲ್ ಶಾಟ್‌ನಲ್ಲಿ ಗುರಿಯ ಮೇಲೆ ಬೀಳುವ ಮೊದಲು ಅದು ಗಾಳಿಯಲ್ಲಿ 490 ಅಡಿಗಳಷ್ಟು ಹಾರಬಲ್ಲದು. ಜಾವೆಲಿನ್ ಒಂದು ಶೂಟ್ ಮತ್ತು ಸ್ಕೂಟ್ ಆಯುಧವಾಗಿದೆ, ಅಂದರೆ ಸೈನಿಕರು ಗುಂಡು ಹಾರಿಸಿದ ನಂತರ ಇದು ಹಾರುತ್ತದೆ.

Ukraine new patron saint. St Javelin.

Thanks to our wonderful friends and allies.

Twenty six countries now giving military aid to Ukraine. pic.twitter.com/djN6MNppET

— Lev Havryliv (@LevHavryliv) February 27, 2022

ವರದಿಗಳ ಪ್ರಕಾರ, ಉಕ್ರೇನ್ ದೀರ್ಘಕಾಲದವರೆಗೆ ಜಾವೆಲಿನ್ ಅನ್ನು ಹೊಂದಿರಲಿಲ್ಲ. 2018 ರಲ್ಲಿ ಯುನೈಟೆಡ್ ಸ್ಟೇಟ್ಸ್‌ನಿಂದ ಮೊದಲು ಖರೀದಿ ಮಾಡಿದೆ. ನಡೆಯುತ್ತಿರುವ ಬಿಕ್ಕಟ್ಟಿನ ನಡುವೆ ಯುಎಸ್, ಯುಕೆ ಮತ್ತು ಎಸ್ಟೋನಿಯಾ ಈ ಜಾವೆಲಿನ್ ಅನ್ನು ಉಕ್ರೇನ್‌ಗೆ ಕಳುಹಿಸಿವೆ. ಜಾವೆಲಿನ್ ಹೊರತಾಗಿ, ಉಕ್ರೇನ್ ಮುಂದಿನ ತಲೆಮಾರಿನ ಲಘು ಟ್ಯಾಂಕ್ ವಿರೋಧಿ ಶಸ್ತ್ರಾಸ್ತ್ರಗಳು, ಸ್ಟ್ರಿಂಗರ್ ಕ್ಷಿಪಣಿಗಳು, ಬೇರಕ್ತರ್ ಟಿಬಿ 2 ಡ್ರೋನ್‌ಗಳು, 152 ಎಂಎಂ ಫಿರಂಗಿ ಮದ್ದುಗುಂಡುಗಳು ಇತ್ಯಾದಿಗಳನ್ನು ಹೊಂದಿದೆ.

ಸೆಂಟ್ ಜಾವೆಲಿನ್‌ ಬಿಕ್ಕಟ್ಟಿನ ಸಂಕೇತವಾಗುವುದರ ಹೊರತಾಗಿ, ಉಕ್ರೇನ್‌ಗೆ ಬೆಂಬಲ ನೀಡಲು ಹಣವನ್ನು ಸಂಗ್ರಹಿಸಲು ಅದೇ ಹೆಸರಿನ ವೆಬ್‌ಸೈಟ್ ಅನ್ನು ಪ್ರಾರಂಭಿಸಲಾಗಿದೆ. ವೆಬ್‌ಸೈಟ್ ಬಟ್ಟೆ, ಧ್ವಜಗಳು ಮತ್ತು ಐಕಾನ್‌ನೊಂದಿಗೆ ಸ್ಟಿಕ್ಕರ್‌ಗಳನ್ನು ಮಾರಾಟ ಮಾಡುತ್ತಿದೆ. (ಒನ್‌ಇಂಡಿಯಾ ಸುದ್ದಿ)

English summary

Who is St Javelin? How Did She Become Face of Ukraine Resistance Amid War With Russia.