ಟ್ವಿಟ್ಟರ್ ಬ್ಲೂ ಟಿಕ್ ಎಂದರೇನು? ಇದನ್ನು ಪಡೆಯುವುದು ಹೇಗೆ?

Updated: Wednesday, November 2, 2022, 15:54 [IST]

ಈಗ ಟ್ವಿಟ್ಟರ್‌ನಲ್ಲಿ ಬ್ಲೂ ಟಿಕ್ ಪಡೆಯುವುದು ಪ್ರತಿಯೊಬ್ಬ ಬಳಕೆದಾರರ ಆಶಯವಾಗಿದೆ. ಆದರೆ, ಈ ಬ್ಲೂ ಟಿಕ್ ಪಡೆಯುವುದು ಅಷ್ಟು ಸುಲಭವಲ್ಲ. ನೀವು ಅನೇಕ ಟ್ವಿಟ್ಟರ್ ಖಾತೆಗಳಲ್ಲಿ ಬ್ಲೂ ಟಿಕ್‌ಗಳನ್ನು ನೋಡಿರಬೇಕು. ಈ ಬ್ಲೂ ಟಿಕ್ ವಿಶೇಷ ವ್ಯಕ್ತಿಗಳಿಗೆ ಮಾತ್ರ ನೀಡಲಾಗುತ್ತದೆ. ಸಾರ್ವಜನಿಕರು, ಸೆಲೆಬ್ರಿಟಿಗಳಿಂದ ಹಿಡಿದು ರಾಜಕಾರಣಿಗಳು, ಉದ್ಯಮಿಗಳು ಹಾಗೂ ಇತರೆ ವಲಯಗಳಲ್ಲಿ ಹೆಸರು ಮಾಡಿದವರನ್ನು ಟ್ವಿಟ್ಟರ್ ಪರಿಶೀಲನೆ ಮಾಡುತ್ತದೆ.

ಟ್ವಿಟ್ಟರ್‌ನಲ್ಲಿ ಈ ನೀಲಿ ಟಿಕ್ ಎಂದರೆ ನಿಮ್ಮ ಟ್ವಿಟ್ಟರ್ ಖಾತೆಯನ್ನು ಪರಿಶೀಲಿಸಲಾಗಿದೆ ಮತ್ತು ನಕಲಿ ಅಲ್ಲ. ಅಂತಹವರ ನಿಜವಾದ ಖಾತೆಯ ಬಗ್ಗೆ ಜನರಿಗೆ ತಿಳಿಯುವಂತೆ ಮತ್ತು ಯಾವುದೇ ನಕಲಿ ಖಾತೆಯೊಂದಿಗೆ ಸಂಪರ್ಕಕ್ಕೆ ಬರುವುದನ್ನು ತಪ್ಪಿಸಲು ಈ ಬ್ಲೂ ಟಿಕ್ ನೀಡಲಾಗಿದೆ.

ಟ್ವಿಟರ್‌ನಲ್ಲಿ ಲಕ್ಷಾಂತರ ಜನರು ಖಾತೆಗಳನ್ನು ಹೊಂದಿದ್ದಾರೆ. ಆದರೆ ಈ ಖಾತೆಗಳಲ್ಲಿ ಕೇವಲ 89 ಸಾವಿರ ಖಾತೆಗಳನ್ನು ಮಾತ್ರ ಪರಿಶೀಲಿಸಲಾಗಿದೆ. ಆದರೆ, ಶೀಘ್ರದಲ್ಲೇ ಈ ಬ್ಲೂ ಟಿಕ್ ಅನ್ನು ಸಾಮಾನ್ಯ ಜನರ ಖಾತೆಗೂ ಹಾಕಬಹುದು. ಇದಕ್ಕಾಗಿ ಟ್ವಿಟ್ಟರ್ ಕೆಲವು ಹೊಸ ನಿಯಮಗಳನ್ನು ಹೊರಡಿಸಿದೆ. ಅದನ್ನು ಅನುಸರಿಸಿದ ನಂತರ ನೀವು ನಿಮ್ಮ ಖಾತೆಯಲ್ಲಿ ಬ್ಲೂ ಟಿಕ್ ಪಡೆಯಬಹುದು. ಟ್ವಿಟ್ಟರ್‌ನ ಬ್ಲೂ ಟಿಕ್ ಬಗ್ಗೆ ತಿಳಿಯೋಣ, ನೀಲಿ ಟಿಕ್ ಹೇಗೆ ಕಾಣುತ್ತದೆ? ಮತ್ತು ನೀಲಿ ಟಿಕ್ ಯಾರು ಪಡೆಯುತ್ತಾರೆ? ನಿಮ್ಮ ಖಾತೆಯಲ್ಲಿ ಬ್ಲೂ ಟಿಕ್ ನೀವು ಹೇಗೆ ಪಡೆಯಬಹುದು ಎಂಬ ಪ್ರಶ್ನೆಗೆ ಉತ್ತರ ಇಲ್ಲಿದೆ.

ಟ್ವಿಟ್ಟರ್ ಖರೀದಿಸಿದ ನಂತರ ಹಲವು ಬದಲಾವಣೆಗಳು

ಟೆಸ್ಲಾ ಸಿಇಒ ಎಲಾನ್ ಮಸ್ಕ್ ಟ್ವಿಟ್ಟರ್ ಖರೀದಿಸಿದ ನಂತರ ಹಲವು ಬದಲಾವಣೆಗಳನ್ನು ತಂದಿದ್ದಾರೆ. 'ಬ್ಲೂ ಟಿಕ್' ಚಂದಾದಾರರಿಗೆ ಪಾವತಿಯನ್ನು ಸೇರಿಸುವುದು ದೊಡ್ಡ ಬದಲಾವಣೆಯಾಗಿದೆ. ಮೈಕ್ರೋಬ್ಲಾಗಿಂಗ್ ಪ್ಲಾಟ್‌ಫಾರ್ಮ್ ಟ್ವಿಟ್ಟರ್‌ನ ಹೊಸ ಮಾಲೀಕ ಎಲೋನ್ ಮಸ್ಕ್ ಅವರು ಟ್ವಿಟರ್‌ನಲ್ಲಿ 'ಬ್ಲೂ ಟಿಕ್' ಬೆಲೆಯನ್ನು ಘೋಷಿಸಿದ್ದಾರೆ. ಎಲಾನ್ ಮಸ್ಕ್ ಅವರ ಪ್ರಕಟಣೆಯ ಪ್ರಕಾರ, ಟ್ವಿಟ್ಟರ್‌ನಲ್ಲಿನ 'ಬ್ಲೂ ಟಿಕ್' ತಿಂಗಳಿಗೆ $ 8 (ಸುಮಾರು 660 ರೂ.) ವೆಚ್ಚವಾಗುತ್ತದೆ.
ಈ ಹಣವನ್ನು ಈಗಾಗಾಲೇ ಬ್ಲೂ ಟಿಕ್‌ ಹೊಂದಿರುವ ಟ್ವಿಟ್ಟರ್ ಬಳಕೆದಾರರು ಪಾವತಿಸಬೇಕು ಹಾಗೂ ಹೊಸದಾಗಿ ಟ್ವಿಟ್ಟರ್ ಖಾತೆಗೆ ಬ್ಲೂ ಟಿಕ್‌ ಪಡೆಯುವ ಟ್ವಿಟ್ಟರ್ ಬಳಕೆದಾರರು ಸಹ ಪಾವತಿಸಬೇಕಾಗುತ್ತದೆ. ಹಾಗಾಗಿ ಎಲಾನ್ ಮಸ್ಕ್ ಮಂಗಳವಾರ 'ಟ್ವಿಟ್ಟರ್ ಬ್ಲೂ'ನ ಹೊಸ ಆವೃತ್ತಿಯನ್ನು ಘೋಷಿಸಿದರು. ಇದರಲ್ಲಿ ಅವರು ಟ್ವಿಟ್ಟರ್‌ನ ಚಂದಾದಾರಿಕೆ ಸೇವೆಗೆ ತಿಂಗಳಿಗೆ $8 ಡಾಲರ್ ಶುಲ್ಕ ವಿಧಿಸಲು ಯೋಜಿಸಿದ್ದಾರೆ.

ಟ್ವಿಟ್ಟರ್ ಯಾವ ಖಾತೆಗಳನ್ನು ಹೇಗೆ ಪರಿಶೀಲಿಸುತ್ತದೆ?

ಟ್ವಿಟ್ಟರ್‌ನಲ್ಲಿ ನೀಲಿ ಟಿಕ್ ಪಡೆಯುವುದು ಅಥವಾ ಪರಿಶೀಲಿಸುವುದು ಸುಲಭವಲ್ಲ. ಇದಕ್ಕಾಗಿ ಕೆಲವು ಪ್ರೊಫೈಲ್‌ಗಳಿವೆ. ಅವುಗಳಲ್ಲಿ ಒಂದು ನಿಮ್ಮದೇ ಆಗಿರಬೇಕು. ಈ ಪ್ರೊಫೈಲ್‌ಗಳ ಜೊತೆಗೆ, ಪ್ರೊಫೈಲ್ ಹೆಸರು, ಪ್ರೊಫೈಲ್ ಫೋಟೋ, ಇಮೇಲ್ ವಿಳಾಸ ಅಥವಾ ಮೊಬೈಲ್ ಸಂಖ್ಯೆಯಂತಹ ಕೆಲವು ವಿವರಗಳು ಮತ್ತು ಮುಖ್ಯವಾಗಿ ಖಾತೆಯು ಕನಿಷ್ಠ 6 ತಿಂಗಳವರೆಗೆ ಸಕ್ರಿಯವಾಗಿರಬೇಕು. ಈ ಎಲ್ಲಾ ವಿಷಯಗಳು ಪ್ರೊಫೈಲ್‌ಗೆ ಕಡ್ಡಾಯವಾಗಿದೆ.

ಪರಿಶೀಲಿಸಬಹುದಾದ ಖಾತೆಗಳು
ಸರ್ಕಾರಿ ನೌಕರರು
ಕಂಪನಿಗಳು
ಬ್ರಾಂಡ್ಸ್
ಸಂಸ್ಥೆ
ಸುದ್ದಿ ಸಂಸ್ಥೆ
ಪತ್ರಕರ್ತ, ಪತ್ರಕರ್ತೆ
ಎಂಟರ್ಟೈನ್ಮೆಂಟ್ ಇಂಡಸ್ಟ್ರಿ
ಕ್ರೀಡಾ ವ್ಯಕ್ತಿ
ಕಾರ್ಯಕರ್ತರು
ಸಂಘಟಕರು
ಪ್ರಭಾವಿ ವ್ಯಕ್ತಿಗಳು

ಟ್ವಿಟರ್‌ನಲ್ಲಿ ಬ್ಲೂ ಟಿಕ್ ಪಡೆಯುವುದು ಹೇಗೆ?

ಮೊದಲನೆಯದಾಗಿ ನೀವು ನಿಮ್ಮ ಟ್ವಿಟ್ಟರ್ ಖಾತೆಯ ಸೆಟ್ಟಿಂಗ್ ಆಯ್ಕೆಗೆ ಹೋಗಬೇಕು.

ಇಲ್ಲಿ ನೀವು ಕ್ಲಿಕ್ ಮಾಡಬೇಕಾದ ವಿನಂತಿ ಪರಿಶೀಲನೆ ಬಟನ್ ಪಡೆಯುತ್ತೀರಿ.

ನೀವು ಇಲ್ಲಿ ಕ್ಲಿಕ್ ಮಾಡಿದಾಗ ನೀಲಿ ಟಿಕ್‌ಗಾಗಿ ವರ್ಗವನ್ನು ಆಯ್ಕೆ ಮಾಡಬೇಕು.

ಇದರ ನಂತರ ನೀವು, ಸರ್ಕಾರ ಅಥವಾ ಕಚೇರಿ ಇಮೇಲ್ ವಿಳಾಸದಿಂದ ನೀಡಿದ ಐಡಿ ಕಾರ್ಡ್ಗಳನ್ನು ಒದಗಿಸಬೇಕು ಅಥವಾ ಯಾವುದೇ ಅಧಿಕೃತ ವೆಬ್‌ಸೈಟ್‌ಗೆ ಲಿಂಕ್ ಮಾಡಬೇಕು. ಇದು ನಿಮ್ಮ ಖಾತೆಯನ್ನು ಪರಿಶೀಲಿಸಲು ಟ್ವಿಟ್ಟರ್ ನಿಮಗೆ ಸಹಾಯ ಮಾಡುತ್ತದೆ.