ಸೂರ್ಯಗ್ರಹಣ 2021: ಮಾಡಬೇಕಾದ ಮತ್ತು ಮಾಡಬಾರದ ಕೆಲಸವೇನು?
ನವದೆಹಲಿ, ಡಿಸೆಂಬರ್ 1: ಸೂರ್ಯಗ್ರಹಣವು ಹಿಂದೂ ಧರ್ಮದಲ್ಲಿ ಪ್ರಮುಖ ಪಾತ್ರವನ್ನು ವಹಿಸಿದೆ. ಈ ಬಾರಿ ಸೂರ್ಯಗ್ರಹಣ ವರ್ಷದ ಕೊನೆಯ ತಿಂಗಳು ಅಂದರೆ ಡಿಸೆಂಬರ್ 4, 2021 ರಂದು ನಡೆಯಲಿದೆ. ಈ ಡಿಸೆಂಬರ್ನಲ್ಲಿ ಸಂಭವಿಸುವ ವರ್ಷದ ಕೊನೆಯ ಸೂರ್ಯಗ್ರಹಣ ಅಮವಾಸ್ಯೆಯಂದು ಅಂದರೆ ಮಾರ್ಗಶಿರ ಮಾಸದ ಕೃಷ್ಣ ಪಕ್ಷ ತಿಥಿಯಂದು ನಡೆಯಲಿದೆ. ವಿಜ್ಞಾನದ ಪ್ರಕಾರ, ಸೂರ್ಯ ಮತ್ತು ಭೂಮಿಯ ನಡುವೆ ಚಂದ್ರ ಬಂದಾಗ ಸೂರ್ಯಗ್ರಹಣ ಸಂಭವಿಸುತ್ತದೆ. ಶನಿವಾರ 10:59 ಕ್ಕೆ ಪ್ರಾರಂಭವಾಗಿ 3:07 ಕ್ಕೆ ಸೂರ್ಯಗ್ರಹಣ ಕೊನೆಗೊಳ್ಳುತ್ತದೆ.
ವರದಿಗಳ ಪ್ರಕಾರ, ಗ್ರಹಣವು ದಕ್ಷಿಣ ಆಫ್ರಿಕಾ, ಅಂಟಾರ್ಕ್ಟಿಕಾ, ಆಸ್ಟ್ರೇಲಿಯಾ, ದಕ್ಷಿಣ ಅಮೆರಿಕಾ ಮತ್ತು ಅಟ್ಲಾಂಟಿಕ್ನ ದಕ್ಷಿಣ ಭಾಗದ ನಿವಾಸಿಗಳಿಗೆ ಗೋಚರಿಸುತ್ತದೆ. ಆದರೆ, ಭಾರತದಲ್ಲಿ ಗ್ರಹಣ ಹೆಚ್ಚು ಗೋಚರಿಸುವುದಿಲ್ಲ. ಚಂದ್ರನು ಇಡೀ ಸೂರ್ಯನನ್ನು ಮರೆ ಮಾಡುವಷ್ಟು ದೊಡ್ಡದಾಗಿರುವುದಿಲ್ಲ. ಹೀಗಾಗಿ, ಚಂದ್ರನು ಸೂರ್ಯನನ್ನು ಮರೆ ಮಾಡಿದಂತೆ, ಸೂರ್ಯನ ಹೊರಭಾಗವು ಇನ್ನೂ ಗೋಚರಿಸುತ್ತದೆ.
ಗೋಲ್ಡನ್ ರಿಂಗ್:
ಇದನ್ನು ಗೋಲ್ಡನ್ ರಿಂಗ್ ಅಥವಾ ಚಿನ್ನದ ಉಂಗುರದ ಸ್ಥಿತಿ ಎನ್ನುತ್ತಾರೆ. ಈ ವೇಳೆ ಭೂಮಿಯ ಮೇಲೆ ಕತ್ತಲು ಕವಿಯುತ್ತದೆ. ಹಿಂದಿನ ಕಾಲದಲ್ಲಿ ಜನರು ಸೂರ್ಯಗ್ರಹಣದ ವೇಳೆ ಮನೆಯಿಂದ ಕೂಡ ಹೊರಗೆ ಬರುತ್ತಿರಲಿಲ್ಲ. ಆದರೆ ಇತ್ತೀಚಿನ ವಿದ್ಯಾಮಾನಗಳಲ್ಲಿ ಜನರು ಹೊರಗಡೆ ಸುತ್ತಾಡುತ್ತಾರೆ. ಆದರೆ ಸೂರ್ಯ ಗ್ರಹಣ 2021ರ ದಿನದಂದು ಮಾಡಬೇಕಾದ ಮತ್ತು ಮಾಡಬಾರದ ಕೆಲಸಗಳು ಇವೆ. ಇದರ ಬಗ್ಗೆ ಮಾಹಿತಿ ಇಲ್ಲಿದೆ.
ಕಣ್ಣುಗಳ ಬಗ್ಗೆ ಎಚ್ಚರ
ನ್ಯಾಷನಲ್ ಏರೋನಾಟಿಕ್ಸ್ ಮತ್ತು ಸ್ಪೇಸ್ ಅಡ್ಮಿನಿಸ್ಟ್ರೇಷನ್ (NASA) ಪ್ರಕಾರ, ಸೂರ್ಯ ಗ್ರಹಣ ಸಂದರ್ಭದಲ್ಲಿ ಜನರು ಜಾಗರೂಕರಾಗಿರಬೇಕು. ಜೊತೆಗೆ ತಮ್ಮ ಕಣ್ಣುಗಳ ಬಗ್ಗೆ ಕಾಳಜಿ ವಹಿಸಬೇಕು. ಕಣ್ಣುಗಳ ರಕ್ಷಣೆಗೆ 'ಗ್ರಹಣ ಕನ್ನಡಕ'ಗಳನ್ನು ಬಳಸಬೇಕು. ಗ್ರಹಣ ವೇಳೆ ಕಣ್ಣುಗಳಿಗೆ ಹಾನಿಯಾಗುವುದರಿಂದ ಸೂರ್ಯನನ್ನು ನೇರವಾಗಿ ನೋಡದಂತೆ ಜನರಿಗೆ ಸೂಚಿಸಲಾಗಿದೆ. ಬಾಹ್ಯಾಕಾಶ ಸಂಸ್ಥೆ ಜನರಿಗೆ ಮನೆಯಲ್ಲಿ ಬಳಕೆ ಮಾಡುವ ಫಿಲ್ಟರ್ ಅಥವಾ ಸಾಂಪ್ರದಾಯಿಕ ಸನ್ಗ್ಲಾಸ್ ಅನ್ನು ಬಳಸದಂತೆ ಸಲಹೆ ನೀಡುತ್ತದೆ. ಯಾಕೆಂದರೆ ಇದರ ಬಳಕೆಯಿಂದಾಗಿ ಕಣ್ಣುಗಳು ಹಾನಿಗೊಳಗಾಗಬಹುದು. ರಕ್ಷಣಾತ್ಮಕ ಕನ್ನಡಕಗಳಿಲ್ಲದೆ ಗ್ರಹಣ ಸಮಯದಲ್ಲಿ ನೀವು ಸೂರ್ಯನನ್ನು ದಿಟ್ಟಿಸಿದರೆ ನಿಮ್ಮ ರೆಟಿನಾದಲ್ಲಿ ರಂಧ್ರವನ್ನು ಸುಡಬಹುದು ಮತ್ತು ಕುರುಡುತನವೂ ಉಂಟಾಗುತ್ತದೆ.
ಗ್ರಹಣ ವೀಕ್ಷಿಸುವಾಗ ಗಮನಿಸಿ
ಫಾಕ್ಸ್ ನ್ಯೂಸ್ ಪ್ರಕಾರ, ಕಣ್ಣುಗಳು ಹಾನಿಯನ್ನು ಅನುಭವಿಸಲು ಕೇವಲ 100 ಸೆಕೆಂಡುಗಳ ಮಾನ್ಯತೆ ತೆಗೆದುಕೊಳ್ಳುತ್ತದೆ. ಕೆಲವೊಂದು ಬಾರಿ ಉತ್ತಮ ಗುಣಮಟ್ಟದ ಸನ್ಗ್ಲಾಸ್ ಸಹ ಸಾಕಷ್ಟು ರಕ್ಷಣೆ ನೀಡುವುದಿಲ್ಲ. ಸೌರ ವೀಕ್ಷಣೆಯ ಕನ್ನಡಕವನ್ನು ಯುವಿಎ ಮತ್ತು ಯುವಿಬಿ ಕಿರಣಗಳಿಂದ ರಕ್ಷಿಸಲು ವಿನ್ಯಾಸಗೊಳಿಸಲಾಗಿದೆ, ಆದರೆ ವಿಶಿಷ್ಟವಾದ ಸನ್ಗ್ಲಾಸ್ ಸಾಕಷ್ಟು ಯುವಿ ಕಿರಣಗಳನ್ನು ಫಿಲ್ಟರ್ ಮಾಡುವುದಿಲ್ಲ. ಗ್ರಹಣವನ್ನು ವೀಕ್ಷಿಸಲು ಯೋಜಿಸುವ ಜನರು ಚಂದ್ರನು ಸೂರ್ಯನನ್ನು ಸಂಪೂರ್ಣವಾಗಿ ನಿರ್ಬಂಧಿಸುವವರೆಗೆ ಕನ್ನಡಕವನ್ನು ಧರಿಸಬೇಕಾಗುತ್ತದೆ. ಚಂದ್ರನು ಸೂರ್ಯನನ್ನು ನಿರ್ಬಂಧಿಸುವ ಅಂದಾಜು ಎರಡು ನಿಮಿಷಗಳವರೆಗೆ, ವೀಕ್ಷಕರು ಅದನ್ನು ಕನ್ನಡಕದಲ್ಲಿ ವೀಕ್ಷಿಸಬಹುದು. ಸಂಪೂರ್ಣ ಹ್ರಹಣವನ್ನು ನೋಡುವವರು ತಮ್ಮ ಕನ್ನಡಕವನ್ನು ಸಂಪೂರ್ಣ ಸಮಯದವರೆಗೆ ಇಟ್ಟುಕೊಳ್ಳಬೇಕಾಗುತ್ತದೆ.
ಕ್ಯಾಮರಾದಲ್ಲಿ ಗ್ರಹಣ ಸೆರೆ
ತಮ್ಮ ಕ್ಯಾಮರಾಗಳಲ್ಲಿ ಗ್ರಹಣವನ್ನು ಸೆರೆಹಿಡಿಯಲು ಉತ್ಸುಕರಾಗಿರುವ ಜನರು ಅದನ್ನು ಮಾಡಬಾರದು. ಏಕೆಂದರೆ ಇದು ಅಪಾಯಕ್ಕೆ ದಾರಿಯಾಗಬಹುದು ಎಂದು NASA ಸಲಹೆ ನೀಡುತ್ತದೆ. ಈಗಾಗಲೇ ಕನ್ನಡಕವನ್ನು ಹಾಕಿಕೊಳ್ಳುವ ಜನರು ಗ್ರಹಣ ವೀಕ್ಷಿಸಲು ತಮ್ಮ ದಿನನಿತ್ಯದ ಕನ್ನಡಕಗಳ ಮೇಲೆ ಗ್ರಹಣ ಕನ್ನಡಕವನ್ನು ಧರಿಸಬಹುದು. ಇನ್ನೂ ಗ್ರಹಣವನ್ನು ವೀಕ್ಷಿಸಲು ಬಯಸುವ ಮಕ್ಕಳು ಪೋಷಕರ ಮೇಲ್ವಿಚಾರಣೆಯಲ್ಲಿ ನೋಡಬಹುದು.
ಜೊತೆಗೆ ವಾಹನ ಸವಾರಿ ಮಾಡುವ ಜನರು ತಮ್ಮ ಹೆಡ್ಲೈಟ್ಗಳನ್ನು ಆನ್ ಮಾಡಿ ಮತ್ತು ವೇಗವನ್ನು ನಿಯಂತ್ರಣದಲ್ಲಿಟ್ಟುಕೊಳ್ಳಲು ಸಲಹೆ ನೀಡಲಾಗಿದೆ. ಇತರ ವಾಹನಗಳಿಂದ ಉತ್ತಮ ಅಂತರವನ್ನು ಕಾಯ್ದುಕೊಳ್ಳಲು ಜನರಿಗೆ ಸೂಚಿಸಲಾಗಿದೆ.
-
Karnataka Weather: ಮಾ.23ರಿಂದ 28ರವರೆಗೆ 10ಕ್ಕೂ ಅಧಿಕ ಜಿಲ್ಲೆಗಳಿಗೆ ಮಳೆ ಮುನ್ಸೂಚನೆ -
'ಬೆಂಗಳೂರಿನ ಬಸವನಗುಡಿಯಿಂದ ಬೆಳ್ಳಂದೂರಿಗೆ ಹೋಗಿ ದೊಡ್ಡ ತಪ್ಪು ಮಾಡಿಬಿಟ್ಟೆ': ಅಳಲು ತೋಡಿಕೊಂಡ ಕನ್ನಡಿಗ, ಭಾರೀ ವೈರಲ್ -
ಜಿಯೋ, ಏರ್ಟೆಲ್ಗೆ ಸೆಡ್ಡು ಹೊಡೆಯಲು BSNL ಮಾಸ್ಟರ್ ಪ್ಲಾನ್: ವೊಡಾಫೋನ್ ಐಡಿಯಾ ಜತೆ ಮಹತ್ವದ ಹೆಜ್ಜೆ -
Vande Bharat Express: ಬೆಂಗಳೂರು-ಕಲಬುರಗಿ ಸೇರಿದಂತೆ 4 ರೈಲುಗಳ ವೇಳಾಪಟ್ಟಿ ಪರಿಷ್ಕರಣೆ -
SWR: ವಿಜಯಪುರ-ಮಂಗಳೂರು ಎಕ್ಸ್ಪ್ರೆಸ್ ರೈಲು ಸಂಚಾರದಲ್ಲಿ ಭಾಗಶಃ ರದ್ದು, ವೇಳಾಪಟ್ಟಿ ಗಮನಿಸಿ -
March 21 Horoscope: 12 ರಾಶಿಗಳ ಇಂದುದಿನ ಭವಿಷ್ಯ – ಹಣ, ಆರೋಗ್ಯ, ಕೆಲಸದ ಫಲಿತಾಂಶ -
ಯುವತಿಯರ ಜೊತೆ ಸೆಕ್ಯೂರಿಟಿ ಗಾರ್ಡ್ ಭರ್ಜರಿ ಸ್ಟೆಪ್ಸ್: 'ಬೇಬಿ ಡಾಲ್' ಡ್ಯಾನ್ಸ್ ವಿಡಿಯೋ ಸಖತ್ Viral -
Pink Line Metro: ಏಪ್ರಿಲ್ನಲ್ಲಿ ಪರೀಕ್ಷೆ ಮುಕ್ತಾಯ, ಮೇ ತಿಂಗಳಲ್ಲಿ ಗುಲಾಬಿ ಮಾರ್ಗದಲ್ಲಿ ಸಂಚಾರ -
India Rain Forecast: ಮುಂದಿನ 5 ದಿನ ಈ ಭಾಗಗಳಲ್ಲಿ ವ್ಯಾಪಕ ಮಳೆ, ಉಷ್ಣ ಅಲೆ ಎಚ್ಚರಿಕೆ -
ಶೃಂಗೇರಿ ಮಠದಿಂದ ಶಾಲಾ ಮಕ್ಕಳಿಗೆ ಸುವರ್ಣಾವಕಾಶ: 'ರಾಮಾಯಣ ಪರೀಕ್ಷೆ' ಬರೆದು 50 ಸಾವಿರ ರೂ. ನಗದು ಗೆಲ್ಲಿ -
Gold Price Today: ಇಂದು ಚಿನ್ನ-ಬೆಳ್ಳಿ ದರದಲ್ಲಿ ದಾಖಲೆಯ ಇಳಿಕೆ, 30000 ರೂ ಕುಸಿದ ಬಿಳಿ ಲೋಹ -
Rain Alert: ಕರ್ನಾಟಕದಲ್ಲಿ ಮಾ.27ರವರೆಗೆ ಗುಡುಗು ಸಹಿತ ಮಳೆ, ಕರಾವಳಿಗೆ ಉಷ್ಣ ಅಲೆ ಎಚ್ಚರಿಕೆ
Click it and Unblock the Notifications
Sign in with Google