ಜಗತ್ತಿನಲ್ಲಿ ಕೇವಲ 43 ಜನರಲ್ಲಷ್ಟೇ ಇರುವ ಈ ರಕ್ತದ ಮಾದರಿ ಬಗ್ಗೆ ಕೇಳಿದ್ದೀರಾ?
ಮನುಷ್ಯನ ದೇಹ ಅಂದ್ರೆ ಸೋಜಿಗದ ಸಂತೆ. ನಮ್ಮದೇ ದೇಹದ ಪ್ರತಿಯೊಂದು ಅಂಗಾಂಗವೂ ಕಾರ್ಯ ನಿರ್ವಹಿಸುವ ಪರಿಯ ಬಗ್ಗೆ ಆಲೋಚಿಸುತ್ತಾ ಹೋದರೆ ವಿಸ್ಮಯವೆನ್ನಿಸುತ್ತದೆ. ಮನುಷ್ಯನ ದೇಹದಲ್ಲಿ ಜೀವಜಲವಾಗಿ ಹರಿಯುತ್ತಿರುವ ರಕ್ತ ನೋಡುವುದಕ್ಕೆ ಒಂದೇ ಬಣ್ಣವಾದರೂ ಅದರಲ್ಲೇ ಹಲವು ವಿಧಗಳಿವೆ.
ಕೆಲವು ಸಾಮಾನ್ಯವಾಗಿ ಬಹುಪಾಲು ಜನರಲ್ಲಿ ಕಂಡುಬರುವ ರಕ್ತದ ಗುಂಪುಗಳಾದರೆ, ಮತ್ತೆ ಕೆಲವು ಅಪರೂಪದವು, ಕೆಲವು ಹೆಚ್ಚು ಅಪರೂಪದವು. ಆದರೆ ಈ ಎಲ್ಲವುಗಳ ನಡುವೆ ವಿರಳಾತಿ ವಿರಳ ಎನ್ನಿಸಿರುವ, ಜಗತ್ತಿನಲ್ಲಿ ಕೇವಲ 43 ಜನರಷ್ಟೇ ಹೊಂದಿರುವ ರಕ್ತದ ಗುಂಪೊಂದಿದೆ. ಅದರ ಬಗ್ಗೆ ಹೆಚ್ಚಿನ ಜನರಿಗೆ ತಿಳಿದಿರಲಿಕ್ಕಿಲ್ಲ.
'Rh-Null' ಎಂದು ಕರೆಯಲ್ಪಡುವ ಈ ರಕ್ತದ ಮಾದರಿ ಜಗತ್ತಿನ ಕೇವಲ 43 ಜನರಲ್ಲಿ ಮಾತ್ರ ಕಂಡುಬರುತ್ತದೆ. ಅದೇ ಕಾರಣಕ್ಕೆ ಈ ರಕ್ತದ ಮಾದರಿಗೆ 'ಗೋಲ್ಡನ್ ಬ್ಲಡ್' ಎಂದು ಕರೆಯಲಾಗುತ್ತದೆ.
1961 ರಲ್ಲಿ ಈ ರಕ್ತದ ಗುಂಪನ್ನು ಪತ್ತೆಹಚ್ಚಲಾಯಿತಾದರೂ ಇದುವರೆಗೂ ಈ ರಕ್ತದ ದಾನಿಗಳು ಸಿಗುವುದು ಕೇವಲ 8 ಜನ ಮಾತ್ರ!
ಅಪರೂಪದ ರಚನೆಗೆ ಕಾರಣವೇನು?
ನರಗಳ ಮೂಲಕ ಮನುಷ್ಯನ ದೇಹದುದ್ದಕ್ಕೂ ರಕ್ತ ಸಂಚರಿಸುತ್ತದೆ. ಈ ರಕ್ತ ಕೆಂಪು ರಕ್ತಕಣ, ಪ್ಲಾಸ್ಮಾ ಮತ್ತು antigens (ಪ್ರತಿಜನಕ) ಸೇರಿ ಒಟ್ಟು 342 ಪ್ರತಿಕಾಯಗಳಿಂದ(antibodies) ಉತ್ಪಾದನೆಯಾಗಿದ್ದು. ಈ antigens ಗಳೇ ದೇಹದಲ್ಲಿರುವ ರಕ್ತದ ಮಾದರಿಯನ್ನು ನಿರ್ಧರಿಸುತ್ತವೆ. 342 ರಲ್ಲಿ 160 antigens ಸಾಮಾನ್ಯವಾಗಿ ಮನುಷ್ಯನ ರಕ್ತದಲ್ಲಿ ಕಂಡುಬರುತ್ತದೆ. ಇದಕ್ಕಿಂತ ಕಡಿಮೆ antigensಗಳು ಪತ್ತೆಯಾದರೆ ಅದು ಅಪರೂಪದ ರಕ್ತದ ಮಾದರಿ ಎಂದರ್ಥ. ದೇಹದಲ್ಲಿ 61 ರಷ್ಟು antigens ಗಳ ಕೊರತೆಯಾದರೆ ಅಂಥವರ ರಕ್ತದ ಮಾದರಿಯನ್ನು Rh-Null ಎಂದು ಗುರುತಿಸಿ, ಅತ್ಯಪರೂಪದ ರಕ್ತದ ಮಾದರಿ ಎನ್ನಲಾಗುತ್ತದೆ.
ಗೋಲ್ಡನ್ ಬ್ಲಡ್
ಈ ಮಾದರಿ 6 ದಶಲಕ್ಷ ಜನರಲ್ಲಿ ಒಬ್ಬರಲ್ಲಿ ಕಂಡುಬರುತ್ತದೆ! ಮೊದಲೆಲ್ಲ ಈ ರಕ್ತದ ಮಾದರಿಯನ್ನು ಹೊಂದಿರುವವರು ಅದೃಷ್ಟವಂತರು ಎನ್ನಲಾಗುತ್ತಿತ್ತು. ಇದನ್ನು ಗೋಲ್ಡನ್ ಬ್ಲಡ್ ಎಂದು ಕರೆಯಲಾಗುತ್ತಿತ್ತು. ಆದರೆ ಈ ರಕ್ತದ ಮಾದರಿ ಹೊಂದಿದ ವ್ಯಕ್ತಿಗೆ ರಕ್ತದ ಕೊರತೆಯೇನಾದರೂ ಉಂಟಾದರೆ ಭಾರೀ ಸಮಸ್ಯೆ ಎದುರಿಸಬೇಕಾಗುತ್ತದೆ ಎಂಬುದು ಅರಿವಿಗೆ ಬಂದ ನಂತರ ಈ ರಕ್ತದ ಮಾದರಿ ಹೊಂದುವುದೇ ಸಂಕಟ ಎಂಬಂತಾಗಿದೆ.
ಇವರ ಆರೋಗ್ಯ ಹೇಗಿರುತ್ತದೆ?
ಈ ರಕ್ತದ ಮಾದರಿ ಹೊಂದಿರುವ ವ್ಯಕ್ತಿಗಳೂ ಆರೋಗ್ಯವಂತರಾಗಿಯೇ ಇರುತ್ತಾರೆ. ಆದರೆ ಆರೋಗ್ಯ ಕೈಕೊಡದಂತೆ ಹೆಚ್ಚಿನ ಎಚ್ಚರಿಕೆ ವಹಿಸುವುದು ಅವರಿಗೆ ಅನಿವಾರ್ಯ. ಈ ಮಾದರಿ ಹೊಂದಿರುವವರು ಯಾರಿಗೆ ಬೇಕಾದರೂ ತಮ್ಮ ರಕ್ತದಾನ ಮಾಡಬಹುದು. ಆದರೆ ಅವರು ಸ್ವೀಕರಿಸಬೇಕೆಂದರೆ ಅದು Rh-Null ಮಾತ್ರ. ಅವರ ರಕ್ತದಲ್ಲಿ ಕೆಂಪು ರಕ್ತ ಕಣಗಳು ಕಡಿಮೆಯಾಗುತ್ತ ಬಂದರೆ, ಕೂಡಲೇ ರಕ್ತಹೀನತೆಯಿಂದ ಬಳಲುವ ಸಾಧ್ಯತೆ ಹೆಚ್ಚು.
ವರ್ಗಾವಣೆಯ ಸಂಕಟ
ವಿಶ್ವದಲ್ಲಿ ಕೇವಲ 43 ಜನರಲ್ಲಿ ಮಾತ್ರವೇ ಈ ರಕ್ತದ ಮಾದರಿ ಕಂಡುಬರುವುದರಿಂದ ವರ್ಗಾವಣೆಯೂ ಕಷ್ಟ. ಒಂದು ದೇಶದಿಂದ ಮತ್ತೊಂದು ದೇಶಕ್ಕೆ ರಕ್ತವನ್ನು ವರ್ಗಾವಣೆ ಮಾಡಬೇಕೆಂದರೆ ಅದಕ್ಕೆ ನೂರಾರು ನಿಯಮಗಳು! ಈ ಮಾದರಿಯ ರಕ್ತ ಹೊಂದಿರುವವರಿಗೆ ರಕ್ತಕ್ಕೆ ವಿಮೆ ಮಾಡಲು ಅಥವಾ ಬ್ಲಡ್ ಬ್ಯಾಂಕ್ ಗೆ ದಾನ ಮಾಡಲು ಮನವಿ ಮಾಡಲಾಗುತ್ತದೆ! ಅಷ್ಟರ ಮಟ್ಟಿಗೆ ಈ ರಕ್ತ 'ಗೋಲ್ಡನ್ ಬ್ಲಡ್' ಎಂಬ ಉಪಮೇಯಕ್ಕೆ ಅನ್ವರ್ಥವಾಗಿದೆ.
-
ಮಗುವನ್ನ ಸಾಕಲು ಹಣ ಬೇಕಾದ್ರೆ ಯಾರ ಜೊತೆ ಬೇಕಿದ್ರೂ ಮಲಗುವೆ: ಬಿಗ್ಬಾಸ್ ಖ್ಯಾತಿಯ ಚಂದ್ರಿಕಾ ದೀಕ್ಷಿತ್ -
Karnataka Weather: ಬೆಂಗಳೂರು ಸೇರಿದಂತೆ ರಾಜ್ಯದ 17 ಜಿಲ್ಲೆಗಳಲ್ಲಿ ನಾಳೆವರೆಗೆ ಗುಡುಗು ಸಹಿತ ಮಳೆ ಸಾಧ್ಯತೆ -
SSLC ಪರೀಕ್ಷೆ 2026: ವೇಳಾಪಟ್ಟಿ, ಸಮಯ, ಡ್ರೆಸ್ಕೋಡ್ ಹಾಗೂ ಪ್ರಮುಖ ಮಾರ್ಗಸೂಚಿಗಳ ಮಾಹಿತಿ ಇಲ್ಲಿದೆ -
Karnataka Weather: ಕರ್ನಾಟಕದ ಈ 9 ಜಿಲ್ಲೆಗಳಲ್ಲಿ ಮಾರ್ಚ್ 21ರವರೆಗೆ ಮಳೆ ಸಾಧ್ಯತೆ: ಹವಾಮಾನ ಇಲಾಖೆ -
Bengaluru Rent: ಬೆಂಗಳೂರು ಬಾಡಿಗೆ ಮನೆ ಸಮಸ್ಯೆ: 10 ತಿಂಗಳ ಮುಂಗಡ ಹಣ,ಮಾಲೀಕರ ಕಿರಿಕಿರಿ; 2026ರ ಹೊಸ ಬಾಡಿಗೆ ನಿಯಮವೇನು -
ಸರಕು ಖಾಲಿಯಾಯ್ತಾ ಪ್ರೇಮ್, ಇಡೀ ದೇಶದ ಮುಂದೆ ಕನ್ನಡಿಗರು ತಲೆತಗ್ಗಿಸುವಂತೆ ಮಾಡಿದಿರಿ: ಸೆರಗ ಸರ್ಸೆ ಹಾಡಿಗೆ ವಿರೋಧ -
Horoscope March 16; ಈ ರಾಶಿಯವರಿಗೆ ಶುಭ ಸುದ್ದಿ ಬರಬಹುದು -
Anil Kumble: ನಟ ಶಾರುಖ್ ಖಾನ್ ಮಾಲೀಕತ್ವದ ಕೆಕೆಆರ್ ತಂಡ ದಾರಿತಪ್ಪಿದ ಬಗ್ಗೆ ಅನಿಲ್ ಕುಂಬ್ಳೆ ಮಹತ್ವದ ಮಾಹಿತಿ -
ಪಿಯು ಮೌಲ್ಯಮಾಪನ ಬಹಿಷ್ಕಾರಕ್ಕೆ ಮುಂದಾದ ಉಪನ್ಯಾಸಕರು: ಫಲಿತಾಂಶ ವಿಳಂಬದ ಆತಂಕದಲ್ಲಿ ದ್ವಿತೀಯ ಪಿಯು ವಿದ್ಯಾರ್ಥಿಗಳು -
Amala Paul: ಡೇಟಿಂಗ್ನಲ್ಲೇ ಗರ್ಭಿಣಿಯಾದೆ, ಆತುರದಲ್ಲಿ ಎರಡನೇ ಮದುವೆ ಆಯ್ತು: ಹೆಬ್ಬುಲಿ ನಟಿ ಅಮಲಾ ಪೌಲ್ -
ಹೆಣ್ಣುಬಾಕ ಕಾಮಪೀಠಿ ವೈರಮುತ್ತು ರಾಮಸ್ವಾಮಿ ಜ್ಞಾನಪೀಠಕ್ಕೆ ಕಳಂಕ: ಲೇಖಕ ಅರುಣ್ ಜೋಳದಕೂಡ್ಲಿಗಿ -
ಟೀಂ ಇಂಡಿಯಾಗೆ ನನ್ನದೊಂದು ಸಲಾಂ, ಐಪಿಎಲ್ ಬಗ್ಗೆ ಮನದಾಳದ ಮಾತು ಬಿಚ್ಚಿಟ್ಟ ಪಂಜಾಬ್ ಕಿಂಗ್ಸ್ ಕೋಚ್ ರಿಕಿ ಪಾಂಟಿಂಗ್
Click it and Unblock the Notifications
Sign in with Google