ಆಸ್ಟ್ರೇಲಿಯಾದಲ್ಲಿ 'ಒಂದು ಕೈ' ಹೊಂದಿರುವ ಮೀನು
ತಾಸ್ಮೆನಿಯಾ, ಡಿಸೆಂಬರ್ 25: ಪ್ರಕೃತಿಯು ತನ್ನ ಮಡಿಲಲ್ಲಿ ಅಪರೂಪದ ಸಂಗತಿಗಳನ್ನು ಬಚ್ಚಿಟ್ಟುಕೊಂಡಿದ್ದು, ಮನುಷ್ಯರು ಅದನ್ನು ನೋಡಿ ಬೆರಗಾಗುತ್ತಾರೆ. ಅಂತಹ ಅಪರೂಪದ ಜಲಚರ ಆಸ್ಟ್ರೇಲಿಯಾದಲ್ಲಿ ಪತ್ತೆಯಾಗಿದ್ದು, ವಿಜ್ಞಾನಿಗಳು ಅಚ್ಚರಿಗೊಂಡಿದ್ದಾರೆ. 22 ವರ್ಷಗಳ ನಂತರ ಆಸ್ಟ್ರೇಲಿಯಾದಲ್ಲಿ ಅಪರೂಪದ ಮತ್ತು ಕೈಯಿಂದ ಈಜುವ ಮೀನು ಪತ್ತೆಯಾಗಿದೆ. ಆಸ್ಟ್ರೇಲಿಯಾದ ರಾಷ್ಟ್ರೀಯ ವಿಜ್ಞಾನ ಸಂಸ್ಥೆ ಕಾಮನ್ವೆಲ್ತ್ ಸೈಂಟಿಫಿಕ್ ಮತ್ತು ಇಂಡಸ್ಟ್ರಿಯಲ್ ರಿಸರ್ಚ್ ಆರ್ಗನೈಸೇಶನ್ (ಸಿಎಸ್ಐಆರ್ಒ) 22 ವರ್ಷಗಳ ನಂತರ ಟ್ಯಾಸ್ಮೆನಿಯನ್ ಕರಾವಳಿಯಲ್ಲಿ ಅಪರೂಪದ ಗುಲಾಬಿ ಹ್ಯಾಂಡ್ಫಿಶ್ ಅನ್ನು ಗುರುತಿಸಿದೆ ಎಂದು ಘೋಷಿಸಿದೆ. ಈ ಮೀನನ್ನು ಕೊನೆಯದಾಗಿ 1999 ರಲ್ಲಿ ನೋಡಲಾಯಿತು. ಇಲ್ಲಿಯವರೆಗೆ ಇದನ್ನು ಕೇವಲ ನಾಲ್ಕು ಬಾರಿ ನೋಡಲಾಗಿದೆ. ಆದ್ದರಿಂದ ಈ ಮೀನನ್ನು ಅಪರೂಪದ ಮೀನು ಎಂದು ಕರೆಯಲಾಗುತ್ತದೆ. ಈ ಮೀನಿಗೆ 'ಹ್ಯಾಂಡ್ ಫಿಶ್' ಎಂದು ಹೆಸರಿಡಲಾಗಿದೆ ಏಕೆಂದರೆ ಅದು ಚಿಕ್ಕ ಕೈಗಳಿಂದ ಇದು ಈಜುತ್ತದೆ.
ಬಹಳ ವಿರಳವಾದ ಮೀನು
ಈ ಮೀನು ತನ್ನ ಕೈಗಳಿಂದ ಚಲಿಸುತ್ತದೆ. ಸಮುದ್ರದ ತಳದಲ್ಲಿ ನಡೆಯುವಾಗ ಈ ಮೀನು ತನ್ನ ಕೈಗಳನ್ನು ಬಳಸುವುದನ್ನು ನೋಡಲಾಗಿದೆ. ಆಂಗ್ಲರ್ಫಿಶ್ ಕುಟುಂಬದ ಭಾಗವಾಗಿರುವ ಈ ಜಲಚರವು ಬಹಳ ವಿರಳವಾಗಿ ಕಂಡುಬರುತ್ತದೆ ಮತ್ತು ಇದುವರೆಗೆ ನಾಲ್ಕು ಬಾರಿ ಮಾತ್ರ ಕಾಣಿಸಿಕೊಂಡಿದೆ. 22 ವರ್ಷಗಳ ಹಿಂದೆ ವಿಜ್ಞಾನಿಗಳು ಇದನ್ನು ಕೊನೆಯ ಬಾರಿಗೆ ನೋಡಿದರು ಮತ್ತು ನಂತರ ಈ ಜಾತಿಯ ಮೀನುಗಳು ಭೂಮಿಯಿಂದ ಅಳಿದುಹೋಗಿರಬಹುದು ಎಂದು ವಿಜ್ಞಾನಿಗಳು ಭಾವಿಸಿದ್ದರು. ವಿಜ್ಞಾನಿಗಳು ಇದನ್ನು ಅಳಿವಿನಂಚಿನಲ್ಲಿರುವ ಮೀನುಗಳ ವರ್ಗಕ್ಕೆ ಸೇರಿಸಿದ್ದಾರೆ. ಆದರೆ ಈಗ 22 ವರ್ಷಗಳ ನಂತರ ನಂತರ ಈ ಮೀನುಗಳನ್ನು ಕಂಡು ವಿಜ್ಞಾನಿಗಳು ಸಂತೋಷವಾಗಿದ್ದಾರೆ.
ಆಸ್ಟ್ರೇಲಿಯಾದ ಸಮುದ್ರ ಸಂಶೋಧಕರ ತಂಡ
ಫೆಬ್ರವರಿಯಲ್ಲಿ ಆಸ್ಟ್ರೇಲಿಯಾದ ಸಮುದ್ರ ಸಂಶೋಧಕರು ಈ ಮೀನನ್ನು ಹುಡುಕಲು ಮೆರೈನ್ ಪಾರ್ಕ್ ಸಮುದ್ರದಲ್ಲಿ ನೀರೊಳಗಿನ ಕ್ಯಾಮೆರಾವನ್ನು ಅಳವಡಿಸಿದ್ದರು. ಮೀನುಗಳನ್ನು ನೋಡುವ ಸಲುವಾಗಿ ಹಲವೆಡೆ ಸಮುದ್ರದಡಿ ನೀರಿನಲ್ಲಿ ಕ್ಯಾಮೆರಾಗಳನ್ನು ಅಳವಡಿಸಲಾಗಿದ್ದು, ನಂತರ ಈಗ ಕ್ಯಾಮೆರಾದಲ್ಲಿ ಮೀನುಗಳು ಕಾಣಿಸಿಕೊಂಡಿವೆ. ಗುಲಾಬಿ ಬಣ್ಣದ ಕೈಮೀನನ್ನು ನೋಡಿದ ವಿಜ್ಞಾನಿಗಳು ಸಂತೋಷಪಟ್ಟರು. ಈ ಮೀನು ಆಳವಿಲ್ಲದ ನೀರಿನಲ್ಲಿ ವಾಸಿಸುತ್ತದೆ ಎಂದು ಹಿಂದಿನ ವಿಜ್ಞಾನಿಗಳು ನಂಬಿದ್ದರು, ಆದರೆ ತಾಸ್ಮೆನಿಯಾದಲ್ಲಿ ಕಂಡುಬರುವ ಅಪರೂಪದ ಕೈಮೀನು ನೀರಿನ ಕೆಳಗೆ ಸುಮಾರು 150 ಮೀಟರ್ಗಳಷ್ಟು ಆಳದಲ್ಲಿ ಕಂಡುಬಂದಿದೆ.
ಸಮುದ್ರದ ಆಳದಲ್ಲಿ ಅಪರೂಪದ ಮೀನು
ವಿಜ್ಞಾನಿಗಳು ಸಮುದ್ರದೊಳಗೆ ಈ ಮೀನನ್ನು ಹುಡುಕಲು ಬಳಸಿದ ಕ್ಯಾಮರಾದಲ್ಲಿ ನೀರಿನ 4 ಸಾವಿರ ಮೀಟರ್ಗಳಷ್ಟು ಆಳದಲ್ಲಿ ಇರುವ ಸಮುದ್ರ ಜೀವಿಗಳನ್ನು ನೋಡಬಹುದು. ಕ್ಯಾಮೆರಾದಲ್ಲಿ ದಾಖಲಾಗಿರುವ ಚಿತ್ರಗಳ ಪ್ರಕಾರ, ಹ್ಯಾಂಡ್ ಫಿಶ್ ಮೀನಿಗೆ 'ಉದ್ದವಾದ' ಕೈಗಳಿದ್ದು, ಈ ಮೀನು ಸಮುದ್ರದ ನೀರಿನಲ್ಲಿ ಕೈಗಳ ಸಹಾಯದಿಂದ ನಡೆಯುವುದನ್ನು ಹೊರತುಪಡಿಸಿ ಸಮುದ್ರದ ನೀರಿನಲ್ಲಿ ಬಹಳ ಸುಲಭವಾಗಿ ಈಜುತ್ತಿರುವುದು ಕಂಡುಬಂದಿದೆ. ಅಪರೂಪದ ಕೈಮೀನನ್ನು ಕಂಡುಹಿಡಿದ ನಂತರ, ಟ್ಯಾಸ್ಮೆನಿಯಾ ವಿಶ್ವವಿದ್ಯಾಲಯದ ಪ್ರೊಫೆಸರ್ ನೆವಿಲ್ ಬ್ಯಾರೆಟ್ ಮತ್ತು ಅವರ ತಂಡವು ಮೀನಿನ ಸಂಶೋಧನೆಗಾಗಿ ಕ್ಯಾಮೆರಾ ಅಳವಡಿಸಿದ್ದು, ಅಲ್ಲಿ ಈ ಮೀನಿನೊಂದಿಗೆ ಹವಳ, ಸೀಗಡಿ ಮತ್ತು ಇತರ ವಿವಿಧ ಜಾತಿಯ ಮೀನುಗಳನ್ನು ನೋಡಬಹುದು ಎಂದು ಹೇಳಿದರು. ಅವರು ಈ ಅಪರೂಪದ ಮೀನನ್ನು ನೋಡಿರುವುದಾಗಿ ಹೇಳಿದ್ದಾರೆ.
|
ಮೀನು ಕಂಡುಹಿಡಿದ ಆಸ್ಟ್ರೇಲಿಯಾದ ಸಂಶೋಧಕ
ಅಪರೂಪದ ಕೈಮೀನನ್ನು ಕಂಡುಹಿಡಿದ ಬ್ಯಾರೆಟ್, ಈ ಮೀನು ಸ್ವಲ್ಪ ಸಮಯದವರೆಗೆ ವಿಡಿಯೊದಲ್ಲಿ ಗೋಚರಿಸುತ್ತದೆ. ನಂತರ ಅದು ಕ್ಯಾಮೆರಾದ ವ್ಯಾಪ್ತಿಯಲ್ಲಿ ಈಜುತ್ತಿರುವುದು ಕಾಣುತ್ತದೆ ಎಂದು ಹೇಳಿದರು. ಈ ಅಪರೂಪದ ಮೀನನ್ನು ನಮ್ಮ ಕ್ಯಾಮೆರಾದಲ್ಲಿ ಸೆರೆ ಹಿಡಿಯುವಲ್ಲಿ ಯಶಸ್ವಿಯಾಗಿದ್ದು, ಒಂದೇ ಕೈಯಿಂದ ಚಲಿಸಬಲ್ಲ ಅಪರೂಪದ ಗುಲಾಬಿ ಬಣ್ಣದ ಮೀನನ್ನು ಪತ್ತೆ ಹಚ್ಚಿದ್ದೇವೆ ಎಂದರು.
Click it and Unblock the Notifications
Sign in with Google