ಭಾರತದಲ್ಲಿ ಆಗಸ್ಟ್‌ 1ರಂದು ಲಾಂಚ್‌ ಆಗಲಿದೆ Motorola Edge 50

ಭಾರತದ ಮೊಬೈಲ್‌ ಮಾರುಕಟ್ಟೆಯಲ್ಲಿ ದಿನವೂ ಒಂದಿಲ್ಲ ಒಂದು ಹೊಸ ಮೊಬೈಲ್‌ಗಳು ಲಾಂಚ್‌ ಆಗುತ್ತಲೇ ಇರುತ್ತವೆ. ಇನ್ನೇನು ಕೆಲವೇ ದಿನಗಳಲ್ಲಿ ಭಾರತದಲ್ಲಿ ಬಹು ಜನಪ್ರೀಯ ಮೊಟೊರೊಲಾ ಕಂಪನಿಯ ಮೊಬೈಲ್‌ ಲಾಂಚ್‌ ಆಗಲಿದೆ. ಈ ಮೊಬೈಲ್‌ಗಾಗಿ ಗ್ರಾಹಕರು ಬಹುದಿನಗಳಿಂದ ಕಾಯುತ್ತಿದ್ದಾರೆ.

ತನ್ನ ವಿಶಿಷ್ಠ ಶೈಲಿಯ ವಿನ್ಯಾಸ ಹಾಗೂ ಭರ್ಜರಿ ತಂತ್ರಜ್ಞಾನದಿಂದಲೇ ಹೆಸರುವಾಸಿಯಾಗಿರುವ ಮೊಟೊರೊಲಾ, ಆಗಸ್ಟ್‌ 1 ರಂದು ತನ್ನ ಮತ್ತೊಂದು ಸ್ಮಾರ್ಟ್‌ಫೋನ್‌ ರಿಲೀಸ್‌ ಮಾಡಲಿದೆ. ಈ ಫೋನ್‌ ಸಕತ್‌ ಸ್ಟೈಲಿಶ್‌ ಆಗಿದ್ದು, ನವೀನ ಫೀಚರ್ಸ್‌ಗಳನ್ನು ಹೊಂದಿದೆ. ಮುಂದಿನ ತಿಂಗಳು ದೈತ್ಯ ಕಂಪನಿ Motorola Edge 50 ಅನ್ನು ಬಿಡುಗಡೆ ಮಾಡಲಿದೆ.

ಭಾರತದಲ್ಲಿ ಈಗಾಗಲೇ ಬಹಳ ಖ್ಯಾತಿ ಪಡೆದಿರುವ ಎಡ್ಜ್‌ ಸರಣಿಯ ಫೋನ್‌ಗಳ ಸಾಲಿಗೆ ಈಗ ಮತ್ತೊಂದು ಸೇರಲಿದೆ. Motorola Edge 50 ಭರ್ಜರಿ ಲುಕ್‌ನಿಂದಲೇ ಗ್ರಾಹರಕ ಚಿತ್ತ ಕದ್ದಿದೆ. ಈ ಫೋನ್ ಸಖತ್ ಸ್ಲಿಮ್ ಆಗಿದೆ. ಬಿಡುಗಡೆಗೂ ಮುನ್ನ, ಇ-ಕಾಮರ್ಸ್ ವೆಬ್‌ಸೈಟ್ ಫ್ಲಿಪ್‌ಕಾರ್ಟ್‌ನಲ್ಲಿ ಇದಕ್ಕಾಗಿ ಮೈಕ್ರೋಸೈಟ್ ಅನ್ನು ಸಹ ಲೈವ್ ಮಾಡಲಾಗಿದೆ. ಅಲ್ಲದೆ ಕೆಲವು ಫೀಚರ್ಸ್‌ಗಳನ್ನು ಸಹ ಬಹಿರಂಗಗೊಂಡಿವೆ.

ಪ್ರೊಸೆಸರ್‌ ಯಾವುದು?

ಈ ಸ್ಮಾರ್ಟ್‌ಫೋನ್‌ನಲ್ಲಿ 6.67 ಇಂಚಿನ ಕರ್ವಡ್‌ ಡಿಸ್‌ಪ್ಲೇಯನ್ನು ಹೊಂದಿದ್ದು. ಇದರಲ್ಲಿ ಕ್ವಾಲ್ಕಾಮ್ ಸ್ನಾಪ್ಡ್ರಾಗನ್ 7 ಜನರೇಷನ್‌ 1 AE ಚಿಪ್ಸೆಟ್ ಅನ್ನು ಒದಗಿಸಲಾಗಿದೆ. ಈ ಸ್ಮಾರ್ಟ್‌ಫೋನ್‌ನ ದೊಡ್ಡ ವಿಶೇಷವೆಂದರೆ ಗ್ರಾಹಕರಿಗೆ ಇದರಲ್ಲಿ ಸ್ಮಾರ್ಟ್ ವಾಟರ್ ಟಚ್ ತಂತ್ರಜ್ಞಾನವನ್ನು ಲಭ್ಯ.

Motorola Edge 50 IP68 ರೇಟಿಂಗ್‌ನೊಂದಿಗೆ ಭಾರತೀಯ ಮಾರುಕಟ್ಟೆಯನ್ನು ಪ್ರವೇಶಿಸಲಿದೆ. ಈ ಫೋನ್‌ ಜಂಗಲ್ ಗ್ರೀನ್, ಪ್ಯಾಂಟೋನ್ ಪೀಚ್ ಫಜ್ ಮತ್ತು ಕೋಲಾ ಗ್ರೇ ಬಣ್ಣಗಳಲ್ಲಿ ಮಾರುಕಟ್ಟೆಗೆ ಲಗ್ಗೆ ಇಟ್ಟಿದೆ.

ಫೋನಿನ ವಿಶೇಷತೆಗಳು

ಮೊಟೊರೊಲಾ ಎಡ್ಜ್ 50 ರಲ್ಲಿ, ಕಂಪನಿಯು 6.67 ಇಂಚಿನ ಕರ್ವ್ಡ್ ಪೋಲೆಡ್ ಡಿಸ್ಪ್ಲೇಯನ್ನು ನೀಡಲಿದೆ.ನೀವು ಒದ್ದೆಯಾದ ಕೈಗಳಿಂದಲೂ ಇದನ್ನು ಬಳಸಬಹುದು. ಈ ಫೋನ್‌ ಸ್ಮಾರ್ಟ್ ವಾಟರ್ ಟಚ್ ವೈಶಿಷ್ಟ್ಯ ಹೊಂದಿದೆ.

Experience the power of the 50MP Sony - LYTIA™ 700C sensor for crystal-clear photos, even in low light in #MotorolaEdge50. With high sensitivity, every shot is sharp & vibrant.
Launching 1 Aug @Flipkart, https://t.co/azcEfy1Wlo & leading stores.#CraftedForTheBold

— Motorola India (@motorolaindia) July 25, 2024

ಈ ಫೋನ್‌ನಿನಲ್ಲಿ ಕ್ವಾಲ್ಕಾಮ್ ಸ್ನಾಪ್ಡ್ರಾಗನ್ 7 Gen 1 AE ಪ್ರೊಸೆಸರ್ ಅನ್ನು ನೀಡಲಾಗಿದೆ.
ಈ ಸ್ಮಾರ್ಟ್‌ಫೋನಿನ ಹಿಂಭಾಗದಲ್ಲಿ ಮೂರು ಕ್ಯಾಮೆರಾ ಸೆಟ್‌ಅಪ್‌ ನೀಡಲಾಗಿದೆ. ಪ್ರೈಮರಿ ಕ್ಯಾಮೆರಾ 50 ಎಂಪಿ ಹೊಂದಿದ್ದು, ಸೆಕಂಡರಿ 13 ಮತ್ತು 10 ಎಂಪಿ ಕ್ಯಾಮೆರಾಗಳನ್ನು ಹೊಂದಿವೆ.
ಮುಂಭಾಗದಲ್ಲಿ ವಿಡಿಯೋ ಹಾಗೂ ಸೆಲ್ಫಿಗಾಗಿ 32-ಮೆಗಾಪಿಕ್ಸೆಲ್ ಕ್ಯಾಮೆರಾ ನೀಡಲಾಗಿದೆ.
ಈ ಮೊಬೈಲ್‌ 5000mAh ಬ್ಯಾಟರಿಯನ್ನು ಹೊಂದಿದ್ದು, 68W ವೇಗದ ಚಾರ್ಜಿಂಗ್ ಸೌಲಭ್ಯವನ್ನು ಹೊಂದಿದೆ.

English summary

Motorola Edge 50 is launching in India on August 1. Featuring a 6.67-inch curved pOLED display, Qualcomm Snapdragon 7 Gen 1 AE chipset, Smart Water Touch technology, and a robust military-grade build, this smartphone promises high performance and durability;