ಇಂಗ್ಲೀಷ್ ಬರಲ್ಲವೆಂದು ಅವಮಾನಿತನಾಗಿದ್ದವ ಈಗ ಬ್ರಿಟನ್ನ ಹೊಸ ಹಣಕಾಸು ಮಂತ್ರಿ
ಲಂಡನ್, ಜುಲೈ 6: ಇರಾಕ್ ಮೂಲದ ನಧೀಂ ಜಹಾವಿ ಈಗ ಬ್ರಿಟನ್ ದೇಶದ ಹೊಸ ಹಣಕಾಸು ಮಂತ್ರಿಯಾಗಿದ್ದಾರೆ. ಭಾರತ ಮೂಲದ ರಿಷಿ ಸುಣಕ್ ರಾಜೀನಾಮೆ ನೀಡಿದ ಹಿನ್ನೆಲೆಯಲ್ಲಿ ಅವರ ಸ್ಥಾನಕ್ಕೆ ಜಹಾವಿ ಆಗಮಿಸಿದ್ದಾರೆ.
ಬ್ರಿಟನ್ ಪ್ರಧಾನಿ ಬೋರಿಸ್ ಜಾನ್ಸನ್ ಮತ್ತವರ ಸರಕಾರದ ಸುತ್ತ ವಿವಾದಗಳು ಮುತ್ತಿಕೊಂಡ ಹಿನ್ನೆಲೆಯಲ್ಲಿ ಅಸಮಾಧಾನಗೊಂಡು ಋಷಿ ಸುಣಕ್ ಹಣಕಾಸು ಸಚಿವ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದರು. ಹಾಗೆಯೆ, ಆರೋಗ್ಯ ಸಚಿವ ಸಾಜಿದ್ ಜಾವೀದ್ ಕೂಡ ಸರಕಾರದಿಂದ ಹೊರಬಿದ್ದಿದ್ದಾರೆ. ಜೂನ್ 15ರಂದು ಪ್ರಧಾನಿ ಜಾನ್ಸನ್ ಅವರಿಗೆ ಎಥಿಕ್ಸ್ ಅಡ್ವೈಸರ್ ಆಗಿದ್ದ ಕ್ರಿಸ್ಟೋಫರ್ ಗೇಡಟ್ ಅವರೂ ರಾಜೀನಾಮೆ ನೀಡಿದ್ದರು.
ಕೋವಿಡ್ ವೇಳೆ ನಿಯಮ ಮೀರಿ ಪಾರ್ಟಿಗಳನ್ನು ಮಾಡಿದ್ದು ಬೋರಿಸ್ ಜಾನ್ಸನ್ ಅವರನ್ನು ವಿವಾದದ ಕೇಂದ್ರಬಿಂದುವಾಗಿಸಿದೆ. ಹಾಗೆಯೇ, ಅವರ ಕನ್ಸರ್ವೇಟಿವ್ ಪಕ್ಷದ ಮುಖಂಡ ಕ್ರಿಸ್ ಪಿಂಚರ್ ವಿರುದ್ಧ ಲೈಂಗಿಕ ಕಿರುಕುಳದ ಆರೋಪ ಹಾಗೂ ಹಲ್ಲೆ ಆರೋಪಗಳು ಕೇಳಿಬಂದಿವೆ. ಹಾಗೆಯೇ ಬೋರಿಸ್ ಜಾನ್ಸನ್ ವಿರುದ್ಧ ಅವರ ಸ್ವಂತ ಪಕ್ಷದಲ್ಲೇ ಬಂಡಾಯ ಎದ್ದಿತ್ತು. ಅವಿಶ್ವಾಸ ನಿರ್ಣಯದಲ್ಲಿ ಅವರು 211-148 ಮತಗಳಿಂದ ಗೆದ್ದರಾದರೂ ಪಕ್ಷದೊಳಗಿನ ಬಂಡಾಯವು ಅವರ ಅಧಿಕಾರವನ್ನು ಅಲುಗಾಡಿಸುತ್ತಿದೆ.
ಈ ಹಿನ್ನೆಲೆಯಲ್ಲಿ ಬೋರಿಸ್ ಜಾನ್ಸನ್ ಅವರ ತಂಡದ ಸದಸ್ಯರು ನಾಯಕತ್ವದ ಮೇಲೆ ವಿಶ್ವಾಸ ಕಳೆದುಕೊಂಡು ಸರಣಿಯಾಗಿ ರಾಜೀನಾಮೆ ನೀಡುತ್ತಿದ್ಧಾರೆ. ಈಗ ರಿಷಿ ಸುಣಕ್ ರಾಜೀನಾಮೆಯಿಂದ ತೆರವಾಗಿರುವ ಹಣಕಾಸು ಸಚಿವ ಸ್ಥಾನಕ್ಕೆ ನದೀಂ ಜಹಾವಿ ಬಂದಿದ್ದಾರೆ.
ಯಾರು ಈ ನದೀಮ್ ಜಹಾವಿ?
55 ವರ್ಷದ ನದೀಂ ಜಹಾವಿ ಅವರು ಇರಾಕ್ ಮೂಲದವರು. ಬಾಗ್ದಾದ್ನಲ್ಲಿ ಜನಿಸಿದವರು. ನದೀಮ್ ಜಹಾವಿಯ ತಂದೆ ಉದ್ಯಮಿಯಾಗಿದ್ದರೆ ತಾಯಿ ದಂತವೈದ್ಯೆಯಾಗಿದ್ದರು. ಇವರದ್ದು ಕುರ್ದ್ ಜನಾಂಗ.
ಇರಾಕ್ನಲ್ಲಿ ಸದ್ದಾಂ ಹುಸೇನ್ ಆಡಳಿತದ ದೌರ್ಜನ್ಯಕ್ಕೆ ಕುರ್ದ್ ಸಮುದಾಯದವರು ನಲುಗಿಹೋಗಿದ್ದರು. ಆಗ 1976ರಲ್ಲಿ ನದೀಂ ಜಹಾವಿ ಅವರ ಕುಟುಂಬ ಬ್ರಿಟನ್ ದೇಶಕ್ಕೆ ವಲಸೆ ಹೋಯಿತು. ಆಗ ನದೀಂ ವಯಸ್ಸು 11 ವರ್ಷ.
ನದೀಮ್ ಬೆಳೆದ ಬಗೆ
ಬ್ರಿಟನ್ಗೆ ಬಂದ ಮೇಲೆ ಖಾಸಗಿಯಾಗಿ ಶಿಕ್ಷಣ ಪಡೆದ ನದೀಮ್ ಜಹಾವಿ ಬಳಿಕ ವ್ಯಾಪಾರ ವೃತ್ತಿಗೆ ಇಳಿದರು. ತೊಂಬತ್ತರ ದಶಕದಲ್ಲಿ ಅವರು ಲೇಖಕ ಜೆಫ್ರೆ ಆರ್ಚರ್ ಅವರಿಗೆ ಸಹಾಯಕರಾಗಿದ್ದರು.
2001ರಲ್ಲಿ ನದೀಂ ಜಹಾವಿ 2000 ರ ವರ್ಷದಲ್ಲಿ YouGov ಎಂಬ ಪೋಲಿಂಗ್ ಕಂಪನಿಯೊಂದನ್ನು ಸ್ಥಾಪಿಸಿ ಹತ್ತು ವರ್ಷ ಕಾಲ ಅದರ ಸಿಇಒ ಆಗಿದ್ದರು.
2010ರಲ್ಲಿ ಅವರು ಲಂಡನ್ನಲ್ಲಿ ಕನ್ಸರ್ವೇಟಿವ್ ಪಕ್ಷದ ಜೊತೆ ಸಕ್ರಿಯರಾದರು. ಸಂಸದರೂ ಆದರು.
ಕಾರ್ಯಕ್ಷಮತೆಗೆ ಪ್ರಶಂಸೆ
ರಾಜಕೀಯಕ್ಕೆ ಬರುವ ಮುನ್ನ ನದೀಂ ಜಹಾವಿ ಒಬ್ಬ ಯಶಸ್ವಿ ಉದ್ಯಮಿ ಎನಿಸಿದ್ದರು. ಅವರು ಸಂಸದರಾದ ಬಳಿಕ ಅಂದಿನ ಬ್ರಿಟನ್ ಪ್ರಧಾನಿ ಡೇವಿಡ್ ಕ್ಯಾಮರಾನ್ ಅವರು ತಮ್ಮ ಸರಕಾರದ ನೀತಿ ರೂಪಕರ ತಂಡಕ್ಕೆ ಜಹಾವಿಯನ್ನು ನೇಮಕ ಮಾಡಿದರು.
ಬೋರಿಸ್ ಜಾನ್ಸನ್ ಪ್ರಧಾನಿಯಾದ ಬಳಿಕ 2020ರಲ್ಲಿ ಕೋವಿಡ್ ಲಸಿಕೆ ವಿತರಣೆ ಕಾರ್ಯಕ್ರಮದ ಉಸ್ತುವಾರಿ ಮಂತ್ರಿಯಾಗಿ ನದೀಮ್ ಜಹಾವಿಗೆ ಜವಾಬ್ದಾರಿ ನೀಡಲಾಯಿತು. ಕೋವಿಡ್ ಪರಿಸ್ಥಿತಿಯನ್ನು ಚೆನ್ನಾಗಿ ನಿಭಾಯಿಸುವ ಮೂಲಕ ನದೀಮ್ ಗಮನ ಸೆಳೆದಿದ್ದರು.
ನಂತರ ಬೋರಿಸ್ ಜಾನ್ಸನ್ ತಮ್ಮ ಸಂಪುಟದಲ್ಲಿ ನದೀಮ್ ಅವರಿಗೆ ಶಿಕ್ಷಣ ಕಾರ್ಯದರ್ಶಿ ಸ್ಥಾನ ನೀಡಿದರು. ಅಲ್ಲಿ ಅವರು ತೋರಿದ ಕಾರ್ಯದಕ್ಷತೆಯ ಫಲವಾಗಿ ನದೀಮ್ಗೆ ಹಣಕಾಸು ಸಚಿವ ಸ್ಥಾನದಂಥ ಗುರುತರ ಜವಾಬ್ದಾರಿ ಸಿಕ್ಕಿದೆ.
ಇಂಗ್ಲೀಷ್ ಬರಲ್ಲವೆಂದಿದ್ದರು
ನದೀಂ ಜಹಾವಿ ಚಿಕ್ಕಂದಿನಲ್ಲಿ ಇಂಗ್ಲೀಷ್ ಭಾಷೆ ಎಂದರೆ ಪರದಾಡುವಂತಿದ್ದರು. ಇಂಗ್ಲೀಷ್ ಮಾತನಾಡಲು ತಡವರಿಸುತ್ತಿದ್ದರು. ಅವರಿಗೆ ಪಾಠ ಹೇಳಿಕೊಡುತ್ತಿದ್ದ ಶಿಕ್ಷಕರು ಈ ವಿಚಾರವನ್ನು ಎತ್ತಿ ಜಹಾವಿಯ ಪೋಷಕರಲ್ಲಿ ಎಚ್ಚರಿಸುತ್ತಿದ್ದರು. ಜಹಾವಿ ಮುಂದೆ ಓದುವುದು ಕಷ್ಟ ಎಂದು ಹೇಳುತ್ತಿದ್ದರು.
ಆದಾಗ್ಯೂ ನದೀಮ್ ಜಹಾವಿ ಬೆಳವಣಿಗೆಯನ್ನು ಇಂಗ್ಲೀಷ್ ಭಾಷೆ ತಡೆಯಲಾಗಲಿಲ್ಲ. ಒಬ್ಬ ಯಶಸ್ವಿ ಉದ್ಯಮಿಯಾಗಿ ಬೆಳೆದ ಅವರು ಬಳಿಕ ರಾಜಕೀಯಕ್ಕೂ ಕಾಲಿಟ್ಟು ಅಲ್ಲಿಯೂ ಯಶಸ್ಸು ಕಂಡಿದ್ದಾರೆ. ಈಗ ಬ್ರಿಟನ್ ದೇಶದ ನೂತನ ಹಣಕಾಸು ಸಚಿವರಾಗಿದ್ದಾರೆ.
(ಒನ್ಇಂಡಿಯಾ ಸುದ್ದಿ)
-
Gold Rate: ಬೆಂಗಳೂರು ಸೇರಿದಂತೆ ವಿವಿಧ ನಗರಗಳಲ್ಲಿ ಎಷ್ಟಿದೆ 22 ಕ್ಯಾರಟ್ ಚಿನ್ನದ ದರ? -
SSLC ವಿಜ್ಞಾನ ಪರೀಕ್ಷೆ ಮುಕ್ತಾಯ: ಪೇಪರ್ ಹೇಗಿತ್ತು? ತಜ್ಞರು ಹಾಗೂ ವಿದ್ಯಾರ್ಥಿಗಳು ಏನಂತಾರೆ? ಇಲ್ಲಿದೆ ವಿಶ್ಲೇಷಣೆ -
Bengaluru Second Airport: ಬೆಂಗಳೂರು ಎರಡನೇ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣ: ಜಾಗ ಆಯ್ಕೆ ಕರ್ನಾಟಕಕ್ಕೆ ಬಿಟ್ಟ ಕೇಂದ್ರ -
Bengaluru Viral: ಆಟೋ ಚಾಲಕನ ಕ್ರಿಯೇಟಿವಿಟಿಗೆ ಬೆಂಗಳೂರು ನಿಜಕ್ಕೂ ಸೃಜನಶೀಲ ನಗರ ಎಂದ ನೆಟ್ಟಿಗರು -
Bengaluru Property: ಬೆಂಗಳೂರಿನ ಪ್ರಾಪರ್ಟಿ, ನಿರ್ಮಾಣ ಹಂತದ ಕಟ್ಟಡ - ರಿಯಲ್ ಎಸ್ಟೇಟ್ಗೆ ಏಕಾಏಕಿ ಪೆಟ್ಟು -
Gold Price: ಇಳಿಕೆಯತ್ತ ಚಿನ್ನ, ಬೆಳ್ಳಿ ಬೆಲೆ: ಇಂದಿನ ದರವೆಷ್ಟು? ಇಲ್ಲಿದೆ ಮಾಹಿತಿ -
Weekly Horoscope March 23-29: ಯಾರಿಗೆ ಲಾಭ, ಯಾರಿಗೆ ಸವಾಲು? ಸಂಪೂರ್ಣ ವಿವರ ಇಲ್ಲಿದೆ -
Bengaluru Property: ಬೆಂಗಳೂರಿನ ಆಸ್ತಿದಾರರೇ ನಿಮ್ಮ ಆಸ್ತಿ ಉಳಿಸಿಕೊಳ್ಳಲು ಕೊನೆಯ ಅವಕಾಶ: ಈ ಎಚ್ಚರಿಕೆ ಯಾರಿಗೆಲ್ಲ ಅನ್ವಯ -
SWR: ಶಿವಮೊಗ್ಗ, ಅರಸೀಕೆರೆ, ಮೈಸೂರು ರೈಲು ಪ್ರಯಾಣಿಕರೇ ಗಮನಿಸಿ: ರೈಲುಗಳ ಪುನರ್ ಸಂಚಾರ -
Love Mocktail 3: ಕ್ರಿಪ್ಟೋಮ್ನೇಶಿಯಾ ಯಾರದ್ದೋ ಕಥೆ ಯಾರದ್ದೋ ಹೆಸರು ರೂಪಾ ರಾವ್ ಬರಹ -
Karnataka weather: ಬೆಂಗಳೂರು ಸೇರಿದಂತೆ 10ಕ್ಕೂ ಹೆಚ್ಚು ಜಿಲ್ಲೆಗಳಲ್ಲಿ ಮಳೆ ಮುನ್ಸೂಚನೆ ನೀಡಿದ IMD -
KPSC- KEA: ಕೆಪಿಎಸ್ಸಿಗೆ ಬಿಗ್ ಶಾಕ್! ಕೃಷಿ ಇಲಾಖೆಯ 945 ಹುದ್ದೆಗಳ ನೇಮಕಾತಿ ಹೊಣೆ ಕೆಇಎಗೆ, ಮಹತ್ವದ ಆದೇಶ
Click it and Unblock the Notifications
Sign in with Google