ಅಂತಾರಾಷ್ಟ್ರೀಯ ಹೆಣ್ಣು ಮಗು ದಿನ 2022- ಈ ವರ್ಷದ ಥೀಮ್, ಇತಿಹಾಸ ತಿಳಿಯಿರಿ
ಸಮಾಜದಲ್ಲಿರುವ ಕಟ್ಟುಪಾಡುಗಳಲ್ಲಿ ಹೆಣ್ಣು ಮಕ್ಕಳಿಗೇ ಹೆಚ್ಚು ಎಂಬ ಸಂಗತಿ ನಿರ್ವಿವಾದ. ವಿವಿಧ ಕಾಲಘಟ್ಟಗಳು, ಸಮಾಜಗಳಿಗೆ ತಕ್ಕಂತೆ ಕಟ್ಟುಪಾಡುಗಳು ಬೆಳೆದಿವೆ, ಬದಲಾಗಿವೆ. ಇವೆಲ್ಲಾ ಅಡೆತಡೆಗಳ ಮಧ್ಯೆಯೂ ಬಹಳಷ್ಟು ಹೆಣ್ಮಕ್ಕಳು ಮಹತ್ತರ ಸಾಧನೆಗಳನ್ನು ಮಾಡುತ್ತಿದ್ದಾರೆ. ಅಂತೆಯೇ ಇಂದು ಅಕ್ಟೋಬರ್ 11 ಹೆಣ್ಣು ಮಗುವಿಗೆ ಗೌರವ ಸಲ್ಲಿಸಲಾಗುತ್ತಿದೆ.
ಕಳೆದ 10 ವರ್ಷಗಳಿಂದ ಪ್ರತೀ ವರ್ಷ ಅಕ್ಟೋಬರ್ 11ರಂದು ಅಂತಾರಾಷ್ಟ್ರೀಯ ಹೆಣ್ಣು ಮಗು ದಿನವನ್ನು ಆಚರಿಸಲಾಗುತ್ತಿದೆ. 2012ರಲ್ಲಿ ವಿಶ್ವಸಂಸ್ಥೆ ಮೊದಲ ಬಾರಿಗೆ ಈ ದಿನದ ಆಚರಣೆಯನ್ನು ನಡೆಸಿತು. ಈ ವರ್ಷ ಅಂತಾರಾಷ್ಟ್ರೀಯ ಹೆಣ್ಣು ಮಗು ದಿನದ 10ನೇ ವಾರ್ಷಿಕೋತ್ಸವ ಕೂಡ ಹೌದು.
ಹಲವು ಸಂಕೋಲೆಗಳ ಮಧ್ಯೆ ಬದುಕುತ್ತಿರುವ ಹೆಣ್ಣು ಮಕ್ಕಳಿಗೆ ಇಂದು ಎದುರಾಗಿರುವ ಸವಾಲುಗಳನ್ನು ಅವಲೋಕಿಸಲು ಮತ್ತು ಅವರ ಸಬಲೀಕರಣ ಮತ್ತು ಹಕ್ಕಿಗೆ ಏನು ಮಾಡಬಹುದು ಎಂಬ ಚಿಂತನೆಗಳನ್ನು ನಡೆಸಲು ಈ ದಿನ ಸೂಕ್ತ ವೇದಿಕೆಯಾಗಿದೆ.
ಹೆಣ್ಣು ಮಗು ದಿನದ ಇತಿಹಾಸ
2012ರಲ್ಲಿ ವಿಶ್ವಸಂಸ್ಥೆಯೇ ಹೆಣ್ಣು ಮಗು ದಿನದ ಆಚರಣೆ ಆರಂಭಿಸಿತು. ಅದಕ್ಕೆ ಮುನ್ನ 2011 ಡಿಸೆಂಬರ್ 19ರಂದು ವಿಶ್ವಸಂಸ್ಥೆ ಸಾಮಾನ್ಯ ಸಭೆಯಲ್ಲಿ ನಿರ್ಣಯ ಹೊರಡಿಸಿ, ಪ್ರತೀ ವರ್ಷ ಅಕ್ಟೋಬರ್ 11ರಂದು ಅಂತಾರಾಷ್ಟ್ರೀಯ ಹೆಣ್ಣು ಮಗು ದಿನವನ್ನು ಆಚರಿಸಬೇಕು ಎಂದು ಘೋಷಿಸಿತು. ಹೆಣ್ಮಕ್ಕಳ ಹಕ್ಕು ಮತ್ತು ಅವರು ಎದುರಿಸುತ್ತಿರುವ ವಿಶೇಷ ಸವಾಲುಗಳನ್ನು ಗುರುತಿಸಿ ಅವಲೋಕಿಸಲು ಈ ದಿನವನ್ನು ಮುಡಿಪಾಗಿಡಲಾಗುತ್ತದೆ.
ಈ ವರ್ಷದ ಥೀಮ್
"ನಮ್ಮ ಹಕ್ಕು, ನಮ್ಮ ಭವಿಷ್ಯ- ಈಗ ಸಮಯ ಬಂದಿದೆ" - ಇದು 2022 ಅಂತಾರಾಷ್ಟ್ರೀಯ ಹೆಣ್ಣು ಮಗು ದಿನದ ಥೀಮ್ ಆಗಿದೆ.
ಶಿಕ್ಷಣ, ಬಾಲ್ಯ ವಿವಾಹ, ಕಾನೂನು ಹಕ್ಕು, ವೈದ್ಯಕೀಯ ಹಕ್ಕು ಇತ್ಯಾದಿ ವಿಚಾರಗಳಲ್ಲಿ ಹೆಣ್ಮಕ್ಕಳು ಎದುರಿಸುತ್ತಿರುವ ಸವಾಲುಗಳ ಬಗ್ಗೆ ಅರಿವು ಮೂಡಿಸುವ ಕೆಲಸ ಆಗುತ್ತಿದೆ.
"ಮುಂದಡಿ ಇಡಲು ಹೆಣ್ಮಕ್ಕಳು ಸಿದ್ಧರಿದ್ದಾರೆ. ಸಮಾಜದ ಪ್ರತಿಯೊಬ್ಬರೂ ಕೂಡ ಹೆಣ್ಮಕ್ಕಳ ಜೊತೆ ನಿಂತುಕೊಳ್ಳುವ ಸಮಯ ಬಂದಿದೆ. ಹೆಣ್ಮಕ್ಕಳ ನಾಯಕತ್ವ ಮತ್ತು ಅವರ ಅಗಾಧ ಸಾಮರ್ಥ್ಯದ ಬಗ್ಗೆ ನಂಬಿಕೆ ಇಟ್ಟು ಭವಿಷ್ಯ ಉಜ್ವಲಗೊಳಿಸುವ ಸಮಯ ಬಂದಿದೆ" ಎಂದು ವಿಶ್ವಸಂಸ್ಥೆಯ ಅಧಿಕೃತ ಜಾಲತಾಣದಲ್ಲಿ ಈ ದಿನದ ಬಗ್ಗೆ ಬರೆಯಲಾಗಿದೆ.
ಭಾರತದಲ್ಲಿ ಹೆಣ್ಮಕ್ಕಳ ಮೇಲೆ ದೌರ್ಜನ್ಯ
ಹೆಣ್ಮಕ್ಕಳ ಮೇಲೆ ದೌರ್ಜನ್ಯ ಎಸಗುವ ಪುರುಷರ ಮನೋಭಾವ ಯಾವುದೇ ಒಂದು ದೇಶಕ್ಕೆ ಸೀಮಿತವಾದುದಲ್ಲ, ಅದು ಜಾಗತಿಕವಾದುದು. ಕೆಲ ಸಮಾಜಗಳಲ್ಲಿ ಹೆಚ್ಚು, ಕೆಲ ಸಮಾಜಗಳಲ್ಲಿ ಅದು ಕಡಿಮೆ ಇರಬಹುದು.
ಇನ್ನು, ಭಾರತದಲ್ಲಿ ಹೆಣ್ಮಕ್ಕಳನ್ನು ಗುರಿಯಾಗಿಸಿ ಮಾಡಿದ ಅಪರಾಧ ಪ್ರಕರಣಗಳು ಬಹಳ ಹೆಚ್ಚಿದೆ. ನಿತ್ಯವೂ ಎಲ್ಲಾದರೊಂದು ಕಡೆ ಹೆಣ್ಮಗು ಮೇಲೆ ಅತ್ಯಾಚಾರ ನಡೆಯುತ್ತಿರುತ್ತದೆ. ರಾಷ್ಟ್ರರಾಜಧಾನಿ ದೆಹಲಿಯಂತೂ ಹೆಣ್ಮಕ್ಕಳಿಗೆ ಅಸುರಕ್ಷಿತವೇನೋ ಎನ್ನುವಷ್ಟು ಅಪರಾಧ ಪ್ರಕರಣಗಳು ದಾಖಲಾಗುತ್ತಿವೆ. ಅಲ್ಲಿ ಪ್ರತೀ ದಿನ ಸರಾಸರಿಯಾಗಿ ಇಬ್ಬರು ಅಪ್ರಾಪ್ತ ಮಹಿಳೆಯರ ರೇಪ್ ಆಗುತ್ತಿದೆ ಎಂದು 2021ರ ಎನ್ಸಿಆರ್ಬಿ ವರದಿ ಹೇಳುತ್ತದೆ.
4.28 ಲಕ್ಷ ಪ್ರಕರಣಗಳು
ನ್ಯಾಷನಲ್ ಕ್ರೈಮ್ ರೆಕಾರ್ಡ್ಸ್ ಬ್ಯೂರೋ ಬಿಡುಗಡೆ ಮಾಡಿದ ವರದಿ ಪ್ರಕಾರ 2021ರಲ್ಲಿ ಮಹಿಳೆಯರ ಮೇಲೆ ನಡೆದ ಅಪರಾಧ ಘಟನೆಗಳ ಸಂಖ್ಯೆ ಬರೋಬ್ಬರಿ 4,28,278 ಎಂದಿದೆ. ಅಸ್ಸಾಮ್, ಒಡಿಶಾ, ತೆಲಂಗಾಣ, ಹರಿಯಾಣ, ನವದೆಹಲಿಯಲ್ಲಿ ಅತಿ ಹೆಚ್ಚು ಅಪರಾಧ ಘಟನೆಗಳು ಸಂಭವಿಸಿವೆ. ಜೈಪುರ, ನವದೆಹಲಿ, ಇಂದೋರ್, ಲಕ್ನೋ, ನಾಗಪುರ ನಗರಗಳು ಮಹಿಳೆಯರ ಮೇಲಿನ ದೌರ್ಜನ್ಯ ಘಟನೆಗಳಲ್ಲಿ ಮುಂಚೂಣಿಯಲ್ಲಿವೆ.
ಇನ್ನು, ಮಹಿಳೆಯರ ಮೇಲಿನ 4.28 ಲಕ್ಷ ಅಪರಾಧ ಘಟನೆಗಳಲ್ಲಿ ಕೌಟುಂಬಿಕ ಹಿಂಸಾಚಾರವೇ ಹೆಚ್ಚು. ಈ ವಿಚಾರದಲ್ಲಿ 1,36,234 ಪ್ರಕರಣಗಳು ದಾಖಲಾಗಿವೆ. ಅದು ಮಹಿಳೆ ಮೇಲಿನ ಹಲ್ಲೆ ಘಟನೆಗಳು 89,200 ಇದೆ. 75 ಸಾವಿರಕ್ಕೂ ಹೆಚ್ಚು ಅಪಹರಣ ಘಟನೆಗಳು ಬೆಳಕಿಗೆ ಬಂದಿವೆ. ಇನ್ನು 2021ರಲ್ಲಿ 31,677 ಅತ್ಯಾಚಾರ ಪ್ರಕರಣಗಳು ದಾಖಲಾಗಿವೆ.
(ಒನ್ಇಂಡಿಯಾ ಸುದ್ದಿ)
-
Video: ಲ್ಯಾಂಬೋರ್ಗಿನಿ ಸ್ಟಂಟ್ ಕೇಸ್: ಮುತ್ತಪ್ಪ ರೈ ಪುತ್ರ ರಿಕ್ಕಿ ರೈಗೆ ಪೊಲೀಸರಿಂದ ನೋಟಿಸ್ -
ಮೈಸೂರು, ಬೆಂಗಳೂರು, ವಿಜಯಪುರ ರೈಲು ಪ್ರಯಾಣಿಕರೇ ಗಮನಕ್ಕೆ; ರೈಲುಗಳ ಸಂಚಾರ ಭಾಗಶಃ ರದ್ದು -
NWKRTC ಬಸ್ಗಳಿಗೆ ಟ್ರ್ಯಾಕಿಂಗ್ ಸಿಸ್ಟಮ್ ಅಳವಡಿಕೆಗೆ 'ಆಡಿಟ್' ಬಿಸಿ: ಜಗದೀಶ್ ಶೆಟ್ಟರ್ಗೆ ನಿತಿನ್ ಗಡ್ಕರಿ ಪತ್ರ -
Gold Rate Today: ಸತತ ನಾಲ್ಕನೇ ದಿನವು ಚಿನ್ನ-ಬೆಳ್ಳಿ ದರ ಭರ್ಜರಿ ಇಳಿಕೆ, ಇಂದಿನ ದರವೆಷ್ಟು? -
ಆರ್ಸಿಬಿಗೆ ಚಾರ್ಟರ್ಡ್ ಫ್ಲೈಟ್ ಸೌಲಭ್ಯದ ಬೇಡಿಕೆ ಆರೋಪ: ಒಂದೇ ಎಮೋಜಿ ಹಾಕಿ ಕಿಂಗ್ ಕೊಹ್ಲಿ ಸಷ್ಟನೆ -
Devanahalli accident: ದೇವನಹಳ್ಳಿ ಬಳಿ ಭೀಕರ ಅಪಘಾತ: ಕಾಶಿಯಾತ್ರೆಗೆ ಹೊರಟಿದ್ದ ತಿಪಟೂರಿನ ಮೂವರು ಮಹಿಳೆಯರು ಸಾವು -
March 22 Horoscope: ಇಂದು ನಿಮ್ಮ ಧನ, ಆರೋಗ್ಯ, ಉದ್ಯೋಗದ ಭವಿಷ್ಯ ಹೇಗಿದೆ? -
ಅಮೆರಿಕ ಪಾಕಿಸ್ತಾನದ ಮೇಲೆ ದಾಳಿ ಮಾಡಿದರೆ ನಾವು ಮುಂಬೈ, ದೆಹಲಿ ಮೇಲೆ ಬಾಂಬ್ ಹಾಕ್ತೀವಿ: ಪಾಕ್ ಮಾಜಿ ರಾಯಭಾರಿ ವಿವಾದಾತ್ಮಕ ಹೇಳಿಕೆ -
ಮಾರ್ಚ್ 22ರಂದು ಬೆಂಗಳೂರು ಸೇರಿ ರಾಜ್ಯದ ಇತರ ಜಿಲ್ಲೆಗಳಲ್ಲಿ ಪೆಟ್ರೋಲ್, ಡೀಸೆಲ್ ದರ ಎಷ್ಟಿದೆ ತಿಳಿಯಿರಿ -
IPL 2026 Ticket: ಐಪಿಎಲ್ ಟಿಕೆಟ್ ಖರೀದಿ ಕುರಿತು ಬೆಂಗಳೂರು ಪೊಲೀಸರಿಂದ ಕ್ರಿಕೆಟ್ ಪ್ರೇಮಿಗಳಿಗೆ ಮಹತ್ವದ ಸಲಹೆ -
By-Election: ದಾವಣಗೆರೆ ದಕ್ಷಿಣದಲ್ಲಿ ಮೊದಲ ಬಾರಿ ಬಿಜೆಪಿ ಗೆಲುವು ನಿಶ್ಚಿತ; ಬಸವರಾಜ ಬೊಮ್ಮಾಯಿ ವಿಶ್ವಾಸ -
ಆರ್ಸಿಬಿ ವಿರುದ್ಧದ ಪಂದ್ಯಕ್ಕೂ ಮುನ್ನ ಕೇವಲ 42 ಎಸೆತಗಳಲ್ಲಿ 94 ರನ್ ಸಿಡಿಸಿದ ಅಭಿಷೇಕ್ ಶರ್ಮಾ: ಭಾರೀ ವೈರಲ್
Click it and Unblock the Notifications
Sign in with Google