1 ಲಕ್ಷ ವಿದ್ಯಾರ್ಥಿಗಳಿಗೆ, ಯುವಕರಿಗೆ ಉಚಿತ ಸ್ಪೋಕನ್ ಇಂಗ್ಲಿಷ್ ಕೋರ್ಸ್
ನವದೆಹಲಿ, ಜುಲೈ 23: ಇಂಗ್ಲಿಷ್ನಲ್ಲಿ ದುರ್ಬಲ ಮತ್ತು ಕಳಪೆ ಸಂವಹನ ಕೌಶಲ್ಯ ಹೊಂದಿರುವ ವಿದ್ಯಾರ್ಥಿಗಳಿಗಾಗಿ ಸ್ಪೋಕನ್ ಇಂಗ್ಲಿಷ್ ತರಬೇತಿಯನ್ನು ಪ್ರಾರಂಭಿಸಲಾಗುತ್ತಿದೆ ಎಂದು ದೆಹಲಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ಶನಿವಾರ ಹೇಳಿದ್ದಾರೆ.
ಈಗಾಗಲೇ ಶಾಲಾ ಕಲಿಕೆಯಲ್ಲಿ ದೇಶದಲ್ಲಿ ಚಾಪು ಮೂಡಿಸಿರುವ ಆಪ್ ಸರ್ಕಾರವು ಈಗ ಉಚಿತ ಇಂಗ್ಲಿಷ್ ಭಾಷೆ ಕಲಿಕೆಯ ಕೋರ್ಸ್ ದೆಹಲಿಯ ಶಾಲಾ ಮಕ್ಕಳಿಗೆ ಮೊದಲ ಆದ್ಯತೆ ಆಗಿರುತ್ತದೆ ಎಂದು ಮೊದಲ ಹಂತದಲ್ಲಿ 3-4 ತಿಂಗಳ ಅವಧಿಗೆ 50 ಕೇಂದ್ರಗಳನ್ನು ತೆರೆಯಲಾಗುವುದು ಎಂದು ದಿಲ್ಲಿ ಸಿಎಂ ತಿಳಿಸಿದ್ದಾರೆ.
ದೆಹಲಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ಅವರು ಶನಿವಾರ ಬಡ ಮಕ್ಕಳ ಬಗ್ಗೆ ದೊಡ್ಡ ಘೋಷಣೆ ಮಾಡಿದ್ದಾರೆ. ಇಂಗ್ಲಿಷ್ನಲ್ಲಿ ದುರ್ಬಲ ಮತ್ತು ಕಳಪೆ ಸಂವಹನ ಕೌಶಲ್ಯ ಹೊಂದಿರುವ ಮಕ್ಕಳಿಗಾಗಿ ದೆಹಲಿ ಸರ್ಕಾರ ಸ್ಪೋಕನ್ ಇಂಗ್ಲಿಷ್ ಕೋರ್ಸ್ನ್ನು ಪ್ರಾರಂಭಿಸಲಿದೆ ಎಂದು ಸಿಎಂ ಕೇಜ್ರಿವಾಲ್ ಹೇಳಿದ್ದಾರೆ.
दिल्ली में अगले 1 साल में 1 लाख बच्चों के लिए Free Spoken English Course
— AAP (@AamAadmiParty) July 23, 2022
▪️Macmillan और Wordsworth के साथ Tie-Up
▪️Cambridge University करेगी Assessment
▪️18-35 साल के युवाओं को Admission
▪️3-4 Month का Course
हमारा सपना है कि हर बच्चे को अच्छी शिक्षा मिले
-CM @ArvindKejriwal pic.twitter.com/DMHv7JHUrp
ದೆಹಲಿಯ ಲಕ್ಷಾಂತರ ವಿದ್ಯಾರ್ಥಿಗಳಿಗೆ ಕೇಜ್ರಿವಾಲ್ ಸರ್ಕಾರ ಗುಡ್ ನ್ಯೂಸ್ ನೀಡಿದೆ. ಈಗ ಮಕ್ಕಳು ಸ್ಪೋಕನ್ ಇಂಗ್ಲಿಷ್ ಕೋರ್ಸ್ ಕಲಿಯಲು ಉಚಿತವಾಗಿ ಸಾಧ್ಯವಾಗುತ್ತದೆ. ಮಕ್ಕಳ ಆಂಗ್ಲ ಭಾಷೆಯನ್ನು ಸದೃಢಗೊಳಿಸಲು ತಮ್ಮ ಸರ್ಕಾರ ಸ್ಪೋಕನ್ ಇಂಗ್ಲಿಷ್ ಕೋರ್ಸ್ ನೀಡಲು ಸರ್ಕಾರವು ಈ ಹೊಸ ಯೋಜನೆಗೆ ಮುಂದಾಗಿದೆ ಎಂದು ಸಿಎಂ ತಿಳಿಸಿದ್ದಾರೆ.
ಬಡವರು, ಕೆಳ ಮಧ್ಯಮ ವರ್ಗದವರಿಗೆ ಅನುಕೂಲ
"ಬಡವರು, ಕೆಳ ಮಧ್ಯಮ ವರ್ಗದವರು ಮತ್ತು ಮಧ್ಯಮ ವರ್ಗದ ಮಕ್ಕಳು ಕೆಲವೊಮ್ಮೆ ಇಂಗ್ಲಿಷ್ ಮಾತನಾಡಲು ಸರಿಯಾಗಿ ಬಾರದ ಕಾರಣ ಅವರು ಹೇಗೆ ಇಂಗ್ಲಿಷ್ ಭಾಷೆ ಸಮಸ್ಯೆವನ್ನು ನಾವು ನೋಡಿದ್ದೇವೆ. ಈ ಕಾರಣದಿಂದಾಗಿ ಅವರು ಜೀವನದಲ್ಲಿ ಸವಾಲುಗಳನ್ನು ಎದುರಿಸುತ್ತಾರೆ. ಉದ್ಯೋಗವನ್ನು ಹುಡುಕುವಾಗ ಅವರು ಸಮಸ್ಯೆಗಳನ್ನು ಎದುರಿಸುತ್ತಾರೆ. "ಎಂದು ಕೇಜ್ರಿವಾಲ್ ಪತ್ರಿಕಾಗೋಷ್ಠಿಯಲ್ಲಿ ಹೇಳಿದರು.
ನಮ್ಮ ಮಕ್ಕಳು ಕೆಲವು ಸೌಲಭ್ಯಗಳಿಗೆ ಪ್ರವೇಶವನ್ನು ಹೊಂದಿರುವವರಿಗಿಂತ ಹಿಂದುಳಿದಿರುವುದು ನಮಗೆ ಇಷ್ಟವಿಲ್ಲ. ಇಂಗ್ಲಿಷ್ನಲ್ಲಿ ದುರ್ಬಲವಾಗಿರುವ ಮತ್ತು ಕಳಪೆ ಸಂವಹನ ಕೌಶಲ್ಯ ಹೊಂದಿರುವ ಮಕ್ಕಳಿಗಾಗಿ, ದೆಹಲಿ ಸರ್ಕಾರವು ಸ್ಪೋಕನ್ ಇಂಗ್ಲಿಷ್ ಕೋರ್ಸ್ ಪ್ರಾರಂಭಿಸುತ್ತಿದೆ. ಇದನ್ನು ದೆಹಲಿ ಕೌಶಲ್ಯ ಮತ್ತು ವಾಣಿಜ್ಯೋದ್ಯಮ ವಿಶ್ವವಿದ್ಯಾಲಯವು ನೀಡಲಿದೆ.
ಸ್ಪೋಕನ್ ಇಂಗ್ಲಿಷ್ ಕೋರ್ಸ್ ಉಚಿತ
ದೆಹಲಿ ಕೌಶಲ್ಯ ಉದ್ಯಮಶೀಲತಾ ವಿಶ್ವವಿದ್ಯಾಲಯವು ಈ ತರಬೇತಿ ನಡೆಸುತ್ತದೆ. ಈ ಕೋರ್ಸ್ ಸಂಪೂರ್ಣ ಉಚಿತವಾಗಿರುತ್ತದೆ. ಆದರೆ ಆರಂಭದಲ್ಲಿ 950 ರೂಪಾಯಿಗಳನ್ನು ಭದ್ರತೆಯಾಗಿ ತೆಗೆದುಕೊಳ್ಳಲಾಗುವುದು ಎಂದು ಸಿಎಂ ಕೇಜ್ರಿವಾಲ್ ಹೇಳಿದ್ದಾರೆ. ಕೋರ್ಸ್ ಮುಗಿದ ನಂತರ 950 ಮರುಪಾವತಿ ಮಾಡಲಾಗುತ್ತದೆ.
ಏಕೆಂದರೆ ಅನೇಕ ಮಕ್ಕಳು ಕೋರ್ಸ್ ತೆಗೆದುಕೊಳ್ಳುತ್ತಾರೆ ನಂತರ ಅವರು ಪಠ್ಯಕ್ರಮವನ್ನು ಗಂಭೀರವಾಗಿ ತೆಗೆದುಕೊಳ್ಳುವುದಿಲ್ಲ. ಅವರು ಪಠ್ಯಕ್ರಮವನ್ನು ಪೂರ್ಣಗೊಳಿಸಿದರೆ ಮತ್ತು ಅಗತ್ಯವಿರುವ ಹಾಜರಾತಿಯನ್ನು ಹೊಂದಿದ್ದರೆ. ನಂತರ ಠೇವಣಿ ಇಟ್ಟ ಹಣವನ್ನು ಅವರಿಗೆ ಹಿಂತಿರುಗಿಸಲಾಗುತ್ತದೆ.
ವರ್ಷದಲ್ಲಿ ಒಂದು ಲಕ್ಷ ಮಕ್ಕಳಿಗೆ ಇಂಗ್ಲಿಷ್
ಇದು ಅಂತಾರಾಷ್ಟ್ರೀಯ ಭಾಷಾ ಕೋರ್ಸ್ ಆಗಲಿದೆ ಎಂದು ಕೇಜ್ರಿವಾಲ್ ಹೇಳಿದ್ದಾರೆ. ದೆಹಲಿ ಸರ್ಕಾರವು ಮ್ಯಾಕ್ಮಿಲನ್ ಮತ್ತು ವರ್ಡ್ಸ್ವರ್ತ್ ಅವರೊಂದಿಗೆ ಒಪ್ಪಂದ ಮಾಡಿಕೊಂಡಿದೆ. ಒಂದು ವರ್ಷದಲ್ಲಿ ಒಂದು ಲಕ್ಷ ಮಕ್ಕಳಿಗೆ ಇಂಗ್ಲಿಷ್ ಸ್ಪೀಕಿಂಗ್ ಕೋರ್ಸ್ ತರಬೇತಿ ನೀಡಲಾಗುವುದು ಎಂದರು. ಮೊದಲ ಹಂತದಲ್ಲಿ ದೆಹಲಿಯಲ್ಲಿ 50 ಕೇಂದ್ರಗಳನ್ನು ತೆರೆಯಲಾಗುತ್ತಿದೆ.
18ರಿಂದ 35 ವರ್ಷದವರು ಇದರಲ್ಲಿ ಪ್ರವೇಶ
18ರಿಂದ 35 ವರ್ಷದ ಯುವಕರು ಇದರಲ್ಲಿ ಪ್ರವೇಶ ಪಡೆಯಲಿದ್ದಾರೆ ಎಂದು ದೆಹಲಿ ಸಿಎಂ ಕೇಜ್ರಿವಾಲ್ ಹೇಳಿದ್ದಾರೆ. ಈ ಕೋರ್ಸ್ 3 ರಿಂದ 4 ತಿಂಗಳ ಅವಧಿಯದ್ದಾಗಿರುತ್ತದೆ. ಸಂಜೆ ಮತ್ತು ವಾರಾಂತ್ಯದ ಕೋರ್ಸ್ಗಳು ಲಭ್ಯವಿರುತ್ತವೆ. ಮುಂದಿನ ಒಂದು ವರ್ಷದಲ್ಲಿ ಒಂದು ಲಕ್ಷ ವಿದ್ಯಾರ್ಥಿಗಳಿಗೆ ಸ್ಪೋಕನ್ ಇಂಗ್ಲಿಷ್ ತರಬೇತಿ ನೀಡಲಾಗುವುದು, ನಂತರ ಅದನ್ನು ವಿಸ್ತರಿಸಲಾಗುವುದು ಎಂದು ಹೇಳಿದರು.
Click it and Unblock the Notifications
Sign in with Google