video: ಆರೋಪಿ ಮಗುವಿಗೆ ಎದೆಹಾಲುಣಿಸಿ ತಾಯಿ ಹೃದಯ ತೋರಿದ ಪೊಲೀಸಮ್ಮ: ವಿಡಿಯೋ ವೈರಲ್

ಆರೋಪಿ ಅಂದರೆ ಜನ ಅವರನ್ನು ನೋಡುವ ದೃಷ್ಟಿಯೇ ಬೇರೆ. ಅವರನ್ನು ಮಾತನಾಡಿಸುವ ರೀತಿಯೇ ಬೇರೆ. ಆರೋಪಿ ಅಂತ ಪಟ್ಟ ಬಂದರೆ ಸಾಕು ಅವರನ್ನು ಕೊಂಚ ದೂರವಿಟ್ಟು ಮಾತನಾಡಿಸುವವರೇ ಹೆಚ್ಚು. ಹೀಗಿರುವಾಗ ಮಹಿಳಾ ಆರೋಪಿಯ 4 ತಿಂಗಳ ಮಗುವಿಗೆ ಹಾಲುಣಿಸುವ ಮೂಲಕ ಮಹಿಳಾ ಪೊಲೀಸ್ ತಾಯಿ ಹೃದಯ ತೋರಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಕೊಚ್ಚಿಯ ಮಹಿಳಾ ಪೊಲೀಸ್ ಠಾಣೆಯ ಸಿವಿಲ್ ಪೊಲೀಸ್ ಅಧಿಕಾರಿ ಎಂ ಎ ಆರ್ಯ ಹಸಿದ ನಾಲ್ಕು ತಿಂಗಳ ಮಗುವಿಗೆ ಹಾಲುಣಿಸಿದ ಮಹಿಳೆ. ಯಾವ ಹುದ್ದೆಯಲ್ಲಿರಲಿ, ಯಾವ ತಪ್ಪೇ ಮಾಡಿರಲಿ. ಮಕ್ಕಳ ಅಳುವಿಗೆ ಕರಗದ ಮಹಿಳೆ ಈ ಪ್ರಪಂಚದಲ್ಲಿ ಯಾರೂ ಇಲ್ಲ ಎನ್ನುವ ಮಾತು ವೈರಲ್ ಆದ ಈ ವಿಡಿಯೋದಿಂದ ನಿಜವಾಗಿದೆ.

ಅನಾರೋಗ್ಯದಿಂದ ಬಳಲುತ್ತಿದ್ದ ತಾಯಿಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಈ ವೇಳೆ ಮಗು ಅಳುವನ್ನು ಕೇಳಲಾಗದೆ ಮಹಿಳಾ ಪೊಲೀಸ್ ಎಂ ಎ ಆರ್ಯ ಹಾಲುಣಿಸಿದ್ದಾರೆ. ಈ ಕೊಚ್ಚಿ ಮಹಿಳಾ ಪೋಲೀಸ್ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಸದ್ಯ ಮೆಚ್ಚುಗೆ ವ್ಯಕ್ತವಾಗಿದೆ.

ಸಾಮಾಜಿಕ ಮಾಧ್ಯಮ ವೇದಿಕೆಗಳಲ್ಲಿ ವೈರಲ್ ಆಗಿರುವ ವೀಡಿಯೊದಲ್ಲಿ ಕಾಣಿಸಿಕೊಂಡ ಆರ್ಯ ಅವರು ಒಂಬತ್ತು ತಿಂಗಳ ಮಗುವಿನ ತಾಯಿ. ಪೊಲೀಸ್ ಠಾಣೆಯಲ್ಲಿ ಹಸಿದ ನಾಲ್ಕು ತಿಂಗಳ ಮಗುವಿಗೆ ಹಾಲುಣಿಸಿ ಸಹಾನುಭೂತಿ ತೋರಿದ್ದಾರೆ.

ವೈರಲ್ ವೀಡಿಯೊವನ್ನು ಇಲ್ಲಿ ವೀಕ್ಷಿಸಿ:

എറണാകുളം ജനറൽ ആശുപത്രിയിൽ ഐസിയുവിൽ അഡ്മിറ്റായ പാട്ന സ്വദേശിയുടെ 4 കുട്ടികളെയാണ് നോക്കാൻ ആരും ഇല്ലാത്തതിനാൽ രാവിലെ കൊച്ചി സിറ്റി വനിതാ സ്റ്റേഷനിൽ എത്തിച്ചത്. അതിൽ 4 മാസം പ്രായമായ കുഞ്ഞിന് ഫീഡിങ് മദർ ആയ ആര്യ മുലപ്പാൽ ഇറ്റിച്ച് വിശപ്പകറ്റി ❤️❤️

കുട്ടികളെ ശിശു ഭവനിലേക്ക് മാറ്റി.. pic.twitter.com/kzcrzq0hh6

— Remya Rudrabhairav (@RMahatej) November 23, 2023

ವರದಿಗಳ ಪ್ರಕಾರ ಮಗುವಿನ ತಾಯಿ ಬಿಹಾರದ ಪಾಟ್ನಾ ನಿವಾಸಿ. ಕೊಚ್ಚಿಯ ಎರ್ನಾಕುಲಂ ಜನರಲ್ ಆಸ್ಪತ್ರೆಯ ತೀವ್ರ ನಿಗಾ ಘಟಕದಲ್ಲಿ (ICU) ಚಿಕಿತ್ಸೆ ಪಡೆಯುತ್ತಿದ್ದರು. ಅಸ್ವಸ್ಥರಾದ ಪಾಟ್ನಾ ನಿವಾಸಿಯ ನಾಲ್ವರು ಮಕ್ಕಳನ್ನು ನೋಡಿಕೊಳ್ಳಲು ಯಾರೂ ಇಲ್ಲದೆ ಉಳಿದಿದ್ದು, ಸಹಾಯಕ್ಕಾಗಿ ಕೊಚ್ಚಿ ನಗರ ಮಹಿಳಾ ಠಾಣೆಗೆ ಗುರುವಾರ ಕರೆತರಲಾಯಿತು.

ತಾಯಿ ಅನಾರೋಗ್ಯದಿಂದ ಬಳಲುತ್ತಿದ್ದ ಕಾರಣ ಹಸಿವಿನಿಂದ ಶಿಶು ನಿರಂತರವಾಗಿ ಅಳುತ್ತಿತ್ತು. ಇದನ್ನು ಕಂಡ ಅಧಿಕಾರಿ ಆರ್ಯ ಮುಂದೆ ಬಂದು ಅಳುತ್ತಿದ್ದ ಮಗುವಿಗೆ ಎದೆಹಾಲು ಕುಡಿಸಿ, ಮಗುವನ್ನು ಸಮಾಧಾನ ಪಡಿಸಿ, ಕೊನೆಗೆ ನಿದ್ದೆಮಾಡಿಸಿದರು.

ಕೊಚ್ಚಿ ಪೋಲೀಸ್ ಆರ್ಯ ಅವರ ಈ ಸಹಾನುಭೂತಿಯ ದೃಶ್ಯ ಸೆರೆಹಿಡಿಯಲಾಗಿದೆ. ಜೊತೆಗೆ ಸಾಮಾಜಿಕ ಮಾಧ್ಯಮ ವೇದಿಕೆಗಳಲ್ಲಿ ವೀಡಿಯೊ ವೈರಲ್ ಆಗಿದ್ದು, ಬಳಕೆದಾರರು ಪೊಲೀಸ್ ಮಹಿಳೆಯ ತಾಯಿಯ ವರ್ತನೆ ಮತ್ತು ಸಹಾನುಭೂತಿಯ ಸ್ವಭಾವವನ್ನು ಶ್ಲಾಘಿಸಿದ್ದಾರೆ.

ಪೊಲೀಸರ ಪ್ರಕಾರ ಕುಟುಂಬವು ಸಾಕಷ್ಟು ಸಮಯದಿಂದ ಕೇರಳದಲ್ಲಿ ನೆಲೆಸಿತ್ತು. ಪ್ರಕರಣವೊಂದಕ್ಕೆ ಸಂಬಂಧಿಸಿದಂತೆ ಪಾಟ್ನಾ ಮಹಿಳೆಯ ಪತಿ ಪ್ರಸ್ತುತ ಜೈಲಿನಲ್ಲಿದ್ದಾರೆ. ಠಾಣೆಯಲ್ಲಿದ್ದ ಪೊಲೀಸ್ ಸಿಬ್ಬಂದಿ ಮೂವರು ಹಿರಿಯ ಮಕ್ಕಳಿಗೆ ಆಹಾರವನ್ನು ಒದಗಿದ್ದಾರೆ. ಈ ವೇಳೆ ಆರ್ಯ ತನ್ನ ಕರ್ತವ್ಯದ ಕರೆಯನ್ನು ಮೀರಿ ಕಿರಿಯ ಮಗುವಿಗೆ ಹಾಲುಣಿಸಲು ನೀಡುವ ಮೂಲಕ ತಾಯಿ ಹೃದಯ ತೋರಿದ್ದಾರೆ.

ಆರ್ಯನ ಕಾರ್ಯವನ್ನು ನಗರ ಪೊಲೀಸರು ಶ್ಲಾಘಿಸಿದ್ದಾರೆ. ನಂತರ ಮಕ್ಕಳನ್ನು ಶಿಶುಪಾಲನಾ ಕೇಂದ್ರಕ್ಕೆ ಸ್ಥಳಾಂತರಿಸಲಾಯಿತು. ಹೆಚ್ಚು ಸೂಕ್ತವಾದ ವಾತಾವರಣದಲ್ಲಿ ಅವರ ಯೋಗಕ್ಷೇಮವನ್ನು ನೋಡಿಕೊಳ್ಳಲಾಗುತ್ತಿದೆ ಎಂದು ಪೊಲೀಸರು ಹೊರಡಿಸಿದ ಹೇಳಿಕೆಯಲ್ಲಿ ತಿಳಿಸಿದ್ದಾರೆ. ಮಗುವಿಗೆ ಸಾಂತ್ವನ ಹೇಳಿದ ಕ್ಷಣವನ್ನು ಸೆರೆಹಿಡಿಯುವ ಚಿತ್ರವನ್ನು ಸಹ ಪೊಲೀಸರು ಹಂಚಿಕೊಂಡಿದ್ದಾರೆ.

English summary

video of a woman police officer showing her heart to the accused child by breast feeding it has gone viral.