ಲೈಕ್ಸ್ಗೋಸ್ಕರ ಹಸು ಮುಟ್ಟೋದಲ್ಲ, ಸಗಣಿ ಬಾಚಿದ್ರೆ ಒಪ್ತೀವಿ: ಹಾಲು ಕರೆದು ಪೇಚಿಗೆ ಸಿಲುಕಿದ ನಿವೇದಿತಾ ಗೌಡ
ಬಿಗ್ಬಾಸ್ ಖ್ಯಾತಿಯ ಸೋಶಿಯಲ್ ಮೀಡಿಯಾ ಸೆನ್ಸೇಷನ್ ನಿವೇದಿತಾ ಗೌಡ ಅವರು ಇತ್ತೀಚಿನ ದಿನಗಳಲ್ಲಿ ಒಂದಿಲ್ಲೊಂದು ವಿವಾದಗಳ ಮೂಲಕವೇ ಸುದ್ದಿಯಾಗುತ್ತಿದ್ದಾರೆ. ಕೆಲವು ದಿನಗಳ ಹಿಂದಷ್ಟೇ ರಾಷ್ಟ್ರೀಯ ಪಕ್ಷಿಯಾದ ನವಿಲಿನ ಗರಿಗಳನ್ನು ಬಳಸಿ ವಿಡಿಯೋ ಒಂದನ್ನು ಮಾಡಿ ತೀವ್ರ ಕಾನೂನು ಸಂಕಷ್ಟ ಹಾಗೂ ಕಾಂಟ್ರವರ್ಸಿಗೆ ಸಿಲುಕಿದ್ದ ಅವರು, ಆ ವಿಡಿಯೋವನ್ನು ಸೋಶಿಯಲ್ ಮೀಡಿಯಾದಿಂದ ಡಿಲೀಟ್ ಮಾಡಿದ್ದರು. ಆದರೆ, ಈ ನವಿಲಿನ ವಿಡಿಯೋ ಕಾಂಟ್ರವರ್ಸಿಯ ಬೆನ್ನಲ್ಲೇ ಈಗ ಮತ್ತೊಂದು ಹಳ್ಳಿ ಶೈಲಿಯ ವಿಡಿಯೋ ಹಂಚಿಕೊಳ್ಳಲು ಹೋಗಿ ನೆಟ್ಟಿಗರಿಂದ ಭಾರಿ ಮುಖಭಂಗ ಎದುರಿಸಿದ್ದಾರೆ.
ಹಳ್ಳಿ ಲುಕ್ನಲ್ಲಿ ನಿವಿ
ಯಾವಾಗಲೂ ಮಾಡರ್ನ್ ಮತ್ತು ಬೋಲ್ಡ್ ಲುಕ್ಗಳ ಮೂಲಕವೇ ಇಂಟರ್ನೆಟ್ನಲ್ಲಿ ಸದ್ದು ಮಾಡುತ್ತಿದ್ದ ನಿವೇದಿತಾ ಗೌಡ, ಈ ಬಾರಿ ಕಂಪ್ಲೀಟ್ ಹಳ್ಳಿ ಹುಡುಗಿಯ ಅವತಾರ ತಾಳಿ ಸಾರ್ವಜನಿಕರ ಗಮನ ಸೆಳೆಯಲು ಪ್ರಯತ್ನಿಸಿದ್ದರು. ಅವರು ಹಂಚಿಕೊಂಡಿರುವ ಹೊಸ ವಿಡಿಯೋದಲ್ಲಿ, ಹಸುವಿನ ಬಳಿ ನಿಂತು ಅದನ್ನು ಅತ್ಯಂತ ಪ್ರೀತಿಯಿಂದ ಮುದ್ದು ಮಾಡಿದ್ದಾರೆ. ಅಷ್ಟೇ ಅಲ್ಲದೆ, ಹಳ್ಳಿ ಶೈಲಿಯಲ್ಲಿ ಹಸುವಿನ ಹಾಲು ಕರೆಯುವ ಸಾಹಸಕ್ಕೂ ಕೈಹಾಕಿದ್ದಾರೆ. ಈ ವಿಡಿಯೋ ಹಿನ್ನೆಲೆಯಲ್ಲಿ "ತಂದಾನಾನಾ..." ಎಂಬ ಪ್ರಸಿದ್ಧ ಹಳ್ಳಿ ಸೊಗಡಿನ ಗೀತೆಯನ್ನು ಹಾಕಿ ಸೋಶಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡಿದ್ದರು.
ಆದರೆ, ನಿವೇದಿತಾ ಗೌಡ ಅವರ ಈ ಹಳ್ಳಿ ಸ್ಟೈಲ್ ಪ್ರಯತ್ನ ಪ್ರೇಕ್ಷಕರಿಗೆ ಹಾಗೂ ನೆಟ್ಟಿಗರಿಗೆ ಅಷ್ಟಾಗಿ ಇಷ್ಟವಾದಂತೆ ಕಾಣುತ್ತಿಲ್ಲ. ವಿಡಿಯೋ ನೋಡಿದ ತಕ್ಷಣವೇ ಅಲರ್ಟ್ ಆದ ಸೋಶಿಯಲ್ ಮೀಡಿಯಾ ಬಳಕೆದಾರರು ಹಾಗೂ ನೆಟ್ಟಿಗರು ಕಮೆಂಟ್ ಬಾಕ್ಸ್ನಲ್ಲಿ ಅವರಿಗೆ ಸರಿಯಾಗಿಯೇ ಕ್ಲಾಸ್ ತಗೊಂಡಿದ್ದಾರೆ. ಕೇವಲ ಸೋಶಿಯಲ್ ಮೀಡಿಯಾದಲ್ಲಿ ವ್ಯೂಸ್ ಮತ್ತು ಲೈಕ್ಸ್ಗಳನ್ನು ಗಿಟ್ಟಿಸಿಕೊಳ್ಳುವ ಏಕೈಕ ಉದ್ದೇಶಕ್ಕಾಗಿ ಹಳ್ಳಿಯವರಂತೆ ನಾಟಕ ಆಡಬೇಡಿ ಎಂದು ತರಾಟೆಗೆ ತೆಗೆದುಕೊಂಡಿದ್ದಾರೆ.
ಸಗಣಿ ಬಾಚಿ ತೋರಿಸಿ
ನಿವೇದಿತಾ ಗೌಡ ಅವರ ಈ ವಿಡಿಯೋಗೆ ಕಮೆಂಟ್ ಮಾಡಿರುವ ನೆಟ್ಟಿಗರು, "ಕೇವಲ ಲೈಕ್ಸ್ಗಳಿಗಾಗಿ ಕ್ಯಾಮೆರಾ ಮುಂದೆ ಬಂದು ಹಸು ಮುಟ್ಟುವುದಲ್ಲ. ನಿಜವಾಗಿಯೂ ಹಳ್ಳಿಯ ಬದುಕು ಹೇಗಿರುತ್ತದೆ ಎಂಬುದು ಗೊತ್ತಾಗಬೇಕಿದ್ದರೆ ಒಂದೇ ಒಂದು ದಿನ ಹಳ್ಳಿಯಲ್ಲಿ ಬಂದು ವಾಸಿಸಬೇಕು. ಗಂಜಲದ ವಾಸನೆ ನೋಡಬೇಕು ಹಾಗೂ ಸ್ವಂತ ಕೈಯಿಂದ ಸಗಣಿ ಬಾಚಿ ಕೆಲಸ ಮಾಡಬೇಕು. ಆಗ ನಿಮ್ಮ ಈ ಹಳ್ಳಿ ಪ್ರೇಮವನ್ನು ನಾವು ಒಪ್ಪಿಕೊಳ್ಳುತ್ತಿದ್ದೆವು" ಎಂದು ಭಾವುಕರಾಗಿ ಮತ್ತು ಖಾರವಾಗಿ ಕಮೆಂಟ್ ಮಾಡುವ ಮೂಲಕ ಅವರ ಕಾಲೆಳೆದಿದ್ದಾರೆ. ನವಿಲಿನ ವಿಡಿಯೋ ವಿವಾದ ಮುಗಿಯುವ ಮುನ್ನವೇ ನಿವೇದಿತಾ ಗೌಡ ಅವರು ಮತ್ತೊಂದು ವಿಡಿಯೋ ಮೂಲಕ ಟ್ರೋಲಿಗರಿಗೆ ಆಹಾರವಾಗಿದ್ದಾರೆ.
ಬಿಗ್ಬಾಸ್ ಜೋಡಿಯಾದ ನಿವೇದಿತಾ ಗೌಡ ಮತ್ತು ಡ್ಯಾನ್ಸರ್ ಕಿಶನ್ ಬಿಳಗಲಿ ಅವರು ಇತ್ತೀಚೆಗೆ ಇನ್ಸ್ಟಾಗ್ರಾಂ ರೀಲ್ಸ್ ಮಾಡುವ ಮೂಲಕ ದೊಡ್ಡ ವಿವಾದವನ್ನು ಮೈಮೇಲೆ ಎಳೆದುಕೊಂಡಿದ್ದರು. ಭಾರತದ ರಾಷ್ಟ್ರೀಯ ಪಕ್ಷಿಯಾದ ನವಿಲಿನ ಗರಿಗಳನ್ನು ತಮ್ಮ ವಿಡಿಯೋ ಶೂಟಿಂಗ್ಗಾಗಿ ಅತಿರೇಕವಾಗಿ ಬಳಸಿದ್ದು ಈ ಇಬ್ಬರು ತಾರೆಯರ ವಿರುದ್ಧ ಕಾನೂನು ಕ್ರಮ ಜರುಗುವಂತೆ ಮಾಡಿತ್ತು.
ಕಿಶನ್ ಬಿಳಗಲಿ ಹಾಗೂ ನಿವೇದಿತಾ ಗೌಡ ಇಬ್ಬರೂ ಸೇರಿ ಒಂದು ರೋಮ್ಯಾಂಟಿಕ್ ಕಲ್ಪನೆಯ ರೀಲ್ಸ್ ಮಾಡಿದ್ದರು. ಈ ವಿಡಿಯೋದಲ್ಲಿ ನವಿಲುಗರಿಗಳನ್ನು ಪ್ರದರ್ಶಿಸಲಾಗಿತ್ತು. ವನ್ಯಜೀವಿ ಸಂರಕ್ಷಣಾ ಕಾಯ್ದೆಯ ಪ್ರಕಾರ ರಾಷ್ಟ್ರೀಯ ಪಕ್ಷಿ ನವಿಲು ಅಥವಾ ಅದಕ್ಕೆ ಸಂಬಂಧಿಸಿದ ಯಾವುದೇ ಭಾಗಗಳನ್ನು ವಾಣಿಜ್ಯ ಮತ್ತು ಪ್ರಚಾರದ ಉದ್ದೇಶಗಳಿಗಾಗಿ ಬಳಸುವಂತಿಲ್ಲ. ಈ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ಅಪ್ಲೋಡ್ ಆಗುತ್ತಿದ್ದಂತೆಯೇ ಪರಿಸರ ಪ್ರೇಮಿಗಳು ಮತ್ತು ಸಾರ್ವಜನಿಕರಿಂದ ತೀವ್ರ ಆಕ್ರೋಶ ವ್ಯಕ್ತವಾಗಿತ್ತು.
ಈ ವಿವಾದಾತ್ಮಕ ವಿಡಿಯೋ ವೈರಲ್ ಆಗುತ್ತಿದ್ದಂತೆಯೇ ಎಚ್ಚೆತ್ತ ಅರಣ್ಯ ಇಲಾಖೆ ಅಧಿಕಾರಿಗಳು ವನ್ಯಜೀವಿ ಸಂರಕ್ಷಣಾ ಕಾಯ್ದೆ 1972ರ ಅಡಿಯಲ್ಲಿ ಈ ಘಟನೆಯನ್ನು ಗಂಭೀರವಾಗಿ ಪರಿಗಣಿಸಿದ್ದರು. ನಿವೇದಿತಾ ಗೌಡ ಮತ್ತು ಕಿಶನ್ ಅವರಿಗೆ ಇಲಾಖೆಯಿಂದ ನೋಟಿಸ್ ಜಾರಿಯಾಗುವ ಮುನ್ಸೂಚನೆ ಸಿಗುತ್ತಿದ್ದಂತೆಯೇ, ಇಬ್ಬರೂ ತಾರೆಗಳು ಎಚ್ಚೆತ್ತುಕೊಂಡು ತಕ್ಷಣವೇ ಆ ಕಾಂಟ್ರವರ್ಸಿ ವಿಡಿಯೋವನ್ನು ತಮ್ಮ ಸೋಶಿಯಲ್ ಮೀಡಿಯಾ ಖಾತೆಗಳಿಂದ ಸಂಪೂರ್ಣವಾಗಿ ಡಿಲೀಟ್ ಮಾಡಿದ್ದರು.
Click it and Unblock the Notifications
Sign in with Google