ಮಂಡ್ಯ ಗೆದ್ದವರು ಕಾವೇರಿ ಕಾಯುವರೇ?

By Mahesh

Updated: Friday, May 10, 2013, 13:36 [IST]

ಮಂಡ್ಯ, ಮೇ.10: ಇಲ್ಲಿನ 7 ವಿಧಾನಸಭಾ ಕ್ಷೇತ್ರಗಳಲ್ಲಿ ಗೆದ್ದ ಅಭ್ಯರ್ಥಿಗಳೆಲ್ಲರೂ ಕಾವೇರಿ ನದಿ ನೀರು ಕಾಯುವ ಶಪಥ ಮಾಡುವರೇ? ಜನರ ನಂಬಿಕೆ ಉಳಿಸಿಕೊಳ್ಳುವರೆ? ಕಾದು ನೋಡಬೇಕಿದೆ. ಕಾವೇರಿ ಹೋರಾಟದಲ್ಲಿ ಮುಂಚೂಣಿಯಲ್ಲಿದ್ದ ಪಕ್ಷಗಳು ಸರಿಯಾದ ಲಾಭ ಪಡೆದಿವೆ, ರೈತರ ಪ್ರತಿನಿಧಿಯಾಗಿ ಕೆಎಸ್ ಪುಟ್ಟಣ್ಣಯ್ಯ ಅವರು ಆಯ್ಕೆಯಾಗಿರುವುದು ರಾಜಕೀಯ ಪಂಡಿತರ ಲೆಕ್ಕಾಚಾರ ತಲೆಕೆಳಗು ಮಾಡಿದೆ.

ಕಾವೇರಿ ನದಿ ನೀರಿನಲ್ಲೇ ತನ್ನ ಬೇಳೆ ಬೇಯಿಸಿಕೊಳ್ಳದೆ ನಿಷ್ಠೆಯಿಂದ ಎಲ್ಲಾ ಶಾಸಕರಿಂದಲೂ ಹೋರಾಡುತ್ತಾರೆ ಎಂಬ ಭರವಸೆಯನ್ನು ಸಕ್ಕರೆ ನಾಡಿನ ಜನತೆ ಹೊತ್ತುಕೊಂಡಿದ್ದಾರೆ. ಕೆಜೆಪಿಯೂ ಇಲ್ಲಿ ತಳವೂರಲು ಯತ್ನಿಸಿತ್ತು. ಕಾವೇರಿ ಹೋರಾಟದ ವೇಳೆ ಯಡಿಯೂರಪ್ಪ ತಮ್ಮ ಇರುವನ್ನು ಸಾಬೀತುಪಡಿಸಲು ಒಂದಷ್ಟು ಪ್ರಯತ್ನಿಸಿ ವಿಫಲರಾಗಿದ್ದಾರೆ.[ 2013 ಫಲಿತಾಂಶ: ಗೆದ್ದವರು, ಸೋತವರ ವಿವರ]

2013 ರಲ್ಲಿ ಮಂಡ್ಯದಿಂದ ಆಯ್ಕೆಗೊಂಡ ಶಾಸಕರು ಇವರು:

ಕ್ಷೇತ್ರ	ಗೆದ್ದವರು	ಗಳಿಸಿದ ಮತಗಳು	ಪಕ್ಷ	ಸೋತವರು	ಗಳಿಸಿದ ಮತಗಳು	ಪಕ್ಷ
ಮಳವಳ್ಳಿ ಪ.ಜಾ	ಪಿಎಂ ನರೇಂದ್ರಸ್ವಾಮಿ	61869	ಕಾಂಗ್ರೆಸ್	ಡಾ. ಕೆ ಅನ್ನದಾನಿ	61331	ಜೆಡಿಎಸ್
ಮದ್ದೂರು	ಡಿಸಿ ತಮ್ಮಣ್ಣ	80926	ಜೆಡಿಎಸ್	ಮಧು ಜಿಎಂ	48968	ಕಾಂಗ್ರೆಸ್
ಮೇಲುಕೋಟೆ	ಕೆಎಸ್ ಪುಟ್ಟಣ್ಣಯ್ಯ	80041	ಸಕಪ	ಸಿಎಸ್ ಪುಟ್ಟರಾಜು	70193	ಜೆಡಿಎಸ್
ಶ್ರೀರಂಗಪಟ್ಟಣ	ರಮೇಶ ಬಂಡಿಸಿದ್ದೇಗೌಡ	55204	ಜೆಡಿಎಸ್	ರವೀಂದ್ರ ಶ್ರೀಕಂಠಯ್ಯ	41580	ಪಕ್ಷೇತರ
ನಾಗಮಂಗಲ	ಚೆಲುವರಾಯಸ್ವಾಮಿ	89203	ಜೆಡಿಎಸ್	ಕೆ ಸುರೇಶ್ ಗೌಡ	68840	ಕಾಂಗ್ರೆಸ್
ಕೆಆರ್ ಪೇಟೆ	ನಾರಾಯಣ ಗೌಡ	56784	ಜೆಡಿಎಸ್	ಕೆಬಿ ಚಂದ್ರಶೇಖರ್	47541	ಕಾಂಗ್ರೆಸ್
ಮಂಡ್ಯ	ಎಂಎಚ್ ಅಂಬರೀಷ್	90329	ಕಾಂಗ್ರೆಸ್	ಎಂ ಶ್ರೀನಿವಾಸ್	47392	ಜೆಡಿಎಸ್