• search

*ಎಸ್ಕೆ.ಶಾಮಸುಂದರ

By Staff
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts
    ಗೆದ್ದವರಿಗೆ ಅಭಿನಂದನೆ, ಭಾಗವಹಿಸಿದವರಿಗೆಲ್ಲ ಧನ್ಯವಾದ Sampige marada hasirele naduve...
    *ಎಸ್ಕೆ.ಶಾಮಸುಂದರ

    ಬೆಂಗಳೂರಿನ ಸಪ್ನ ಬುಕ್‌ ಹೌಸ್‌ ಸಹಯೋಗದಲ್ಲಿ ನಮ್ಮ ಅಂತರ್‌ಜಾಲ ಪತ್ರಿಕೆ ಏರ್ಪಡಿಸಿದ್ದ ‘ಜಾಗತಿಕ ಕವನ ಸ್ಪರ್ಧೆ ’ಯ ಫಲಿತಾಂಶಗಳನ್ನು ಇದೀಗ ಪ್ರಕಟಿಸಲಾಗಿದೆ. ಪುರಸ್ಕಾರ ವಿಜೇತ ಕವಿಗಳಿಗೆ ನಮ್ಮ ತಂಡದ ಶುಭಾಶಯಗಳು. ಸ್ಪರ್ಧೆಯಲ್ಲಿ ಭಾಗವಹಿಸಿದ ಎಲ್ಲ ಕವಿಗಳಿಗೂ ಧನ್ಯವಾದಗಳು. ಗೆಲ್ಲುವುದಕ್ಕಿಂತ ಭಾಗವಹಿಸುವುದು ಮುಖ್ಯ ಎಂದು ನಂಬಿದ ನಮ್ಮ ಕವಿ ಮಿತ್ರರನೇಕರಿಗೆ ವಿಶೇಷ ಧನ್ಯವಾದಗಳು.

    ಅನುಕ್ರಮವಾಗಿ ಮೊದಲ ಮೂರು ಪುರಸ್ಕಾರಗಳಿಗೆ ಪಾತ್ರರಾದ ಉತ್ತರ ಕ್ಯಾಲಿಫೋರ್ನಿಯಾದ ಸುಪ್ತದೀಪ್ತಿ, ಮಡಿಕೇರಿಯ ನಾಗೇಶ್‌ ಕಾಲೂರು ಹಾಗೂ ಮಹಾಲಿಂಗಪುರದ ವಿಭಾ ತಿರಕಪಡಿ ಅವರುಗಳಿಗೆ ಶುಭಾಶಯ ಕೋರುವ ಪತ್ರಗಳನ್ನು ನೇರವಾಗಿ ರವಾನಿಸಲಾಗಿದೆ. ವಿಜೇತರು ಅಥವಾ ಅವರ ಪ್ರತಿನಿಧಿಗಳು ನಮ್ಮ ಕಚೇರಿಯಿಂದ ಪತ್ರ ಸ್ವೀಕರಿಸಿ ಸಪ್ನ ಬುಕ್‌ ಹೌಸ್‌ ಮಳಿಗೆಯಲ್ಲಿ ಬಹುಮಾನ ಪಡೆಯಬಹುದು.

    ಮೂರು ಬಹುಮಾನಿತ ಕವನ, ತೀರ್ಪುಗಾರರು ಮೆಚ್ಚಿದ ಒಂಬತ್ತು ಕವಿಗಳು, ಕವಿ, ವಿಮರ್ಶಕ, ತೀರ್ಪುಗಾರ ಡಾ. ಸುಮತೀಂದ್ರ ನಾಡಿಗರ ಒಂದು ಕವನ ಮತ್ತು ಅವರು ಲೇಖನಿಸಿದ ಸ್ಪರ್ಧೆಯ ಸಿಂಹಾವಲೋಕನ, ಬಹುಮಾನಿತ ಕವನಗಳ ಒಳನೋಟ.. ಮುಂತಾದ ವಿವರಗಳಿಗಾಗಿ ಕವನ ಸ್ಪರ್ಧೆಯ ಫಲಿತಾಂಶ ಪುಟ ನೋಡಿ.

    ಸ್ಪರ್ಧೆಯ ಪರಿಧಿಯಿಂದ ಆಚೆ ಇಣುಕಿ ನೋಡಿದಾಗ ನನ್ನ ಗಮನ ಸೆಳೆದ ಅನೇಕ ಕವನಗಳಿವೆ. ಅವುಗಳನ್ನು ‘ ಕರ್ನಾಟಕದ ಕವಿಗಳು’ ಮತ್ತು ‘ವಿದೇಶಿ ಕವಿ ಮನಸ್ಸುಗಳು’ ಎನ್ನುವ ಎರಡು ವಿಭಾಗಗಳಾಗಿ ವಿಂಗಡಿಸುತ್ತಿದ್ದೇನೆ. ಆ ಕವನಗಳು ನಮ್ಮ ಕವನ ಸಿಂಚನ ಅಂಗಳದಲ್ಲಿ ಚಿಗುರೊಡೆಯುವ ‘ಕವನ ತೋರಣ’ ಪುಟಗಳಲ್ಲಿ ಯಥಾವಕಾಶ ಪ್ರಕಟಿಸಲಾಗುವುದು, ನಿರೀಕ್ಷಿಸಿ.

    *

    ಅಪಹೃತ ನಾಗಪ್ಪ ಅವರ ದಾರುಣ ಹತ್ಯೆಗೆ ಸಂಬಂಧಿಸಿದ ಸುದ್ದಿ ಚೂರುಗಳು ಮತ್ತು ಇಡೀ ಪ್ರಕರಣದ ಒಳಸುಳಿಗಳನ್ನು ಚಿತ್ರಿಸುವ ವಿಶ್ಲೇಷಣಾತ್ಮಕ ಲೇಖನಗಳನ್ನು ‘ವೀರಪ್ಪನ್‌ ಶಿಕಾರಿ’ ಅಂಕಣದಲ್ಲಿ ಪ್ರಕಟಿಸಿದ್ದೇವೆ. ಆ ಎಲ್ಲ ಬರಹಗಳನ್ನು ನೀವು ಓದುತ್ತಾ ಹೋದಂತೆ ಕರ್ನಾಟಕದ ಇವತ್ತಿನ ಚಿತ್ರ ತೆರೆದುಕೊಳ್ಳುತ್ತದೆ.

    ನಾಗಪ್ಪ ಅವರ ಸಾವಿನ ಸುತ್ತ ಒಂದು ಪ್ರದಕ್ಷಿಣೆ ಹಾಕಿದ ನನಗೆ ಕೊನೆಗೆ ಅನ್ನಿಸಿದ್ದು ಇಷ್ಟು :

    Public memory is short, soon we will forget the death of Nagappa like how we have forgotten the gruesome murder of 100 plus citizens of Karnataka in the past. All of them laid slain by a beast called Veerappan.

    ನಾಗಪ್ಪ ಅವರ ಮರಣದೊಂದಿಗೆ ಕರ್ನಾಟಕ ಸರಕಾರಕ್ಕೆ ಒಂದು ತಲೆನೋವು ಕಳೆಯಿತು. ಶ್ರೀಮತಿ ಪರಿಮಳ ನಾಗಪ್ಪ ಅವರ ಸೌಭಾಗ್ಯ ಕಾಡಿನಲ್ಲಿ ಚೀರಿ ಮರೆಯಾಯಿತು. ಅವರ ಬರಿ ಹಣೆಯಲ್ಲಿ ನಮ್ಮ ವ್ಯವಸ್ಥೆಯ ಎಲ್ಲ ದೋಷಗಳು ಕಾಣಿಸಿಕೊಂಡವು. ದುಖಃತಪ್ತ ನಾಗಪ್ಪ ಅವರ ಕುಟುಂಬಕ್ಕೆ ‘ ಕೆಂಡ ಸಂಪಿಗೆ ’ ಮುಖಾಂತರ ಸಂವೇದನಾಶೀಲ ಕನ್ನಡಿಗರ ಸಂತಾಪಗಳು.

    ಕವನ ಸ್ಪರ್ಧೆ ಫಲಿತಾಂಶಗಳು

    Thank you for choosing Thatskannada.com
    shami.sk@greynium.com

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more