ಎಲ್ಲರ ಅಡುಗೆಮನೆಯ ಸಾರ್ವಭೌಮ ಅವಗೂದೆ ಯಾನೆ ಟೊಮೆಟೊ ಹಣ್ಣು!
ನಾನು ಸ್ಪೇನಿಗೆ ಓದೋದಕ್ಕೆ ಹೋಗುತ್ತೇನೆಂದು ತಿಳಿಸಿದಾಗ ಗೆಳೆಯ ಗೆಳತಿಯರೆಲ್ಲ ಆಗ ತಾನೆ 'ಝಿಂದಗಿ ನಾ ಮಿಲೇಗಿ ದೊ ಬಾರ' ಸಿನೆಮಾವನ್ನ ನೋಡಿದ್ದರು. ಅಲ್ಲಿ ಲಾ ಟೋಮಾಟಿನಾ ಹಬ್ಬ ಆಗುತ್ತದೆ. ಅಲ್ಲಿ ಹೋಗಿ ಆ ಹಬ್ಬ ಆಚರಿಸು ಎಂದು ಹೇಳುತ್ತಿದ್ದರು. ಹೋಲಿ ಹಬ್ಬದ ಬಣ್ಣವೇ ನನಗಾಗುವುದಿಲ್ಲ ಇನ್ನೂ ತಿನ್ನೋ ವಸ್ತು ಬಗ್ಗೆ ಯಾಕೆ ಹೀಗೆಲ್ಲಾ ಅಸಹ್ಯ ಮಾಡೋದು ಎಂದು ನಾ ವಾದಿಸುತ್ತಿದ್ದೆ.
ನನ್ನಂತಹ ತರಕಾರಿಯನ್ನ ಸೋಕಿಸಿಯೂ ಸೋಕಿಸದವರಿಗೆ ಟೋಮ್ಯಾಟೋ ಅತೀ ಫೇವರೆಟ್ ತರಕಾರಿ ಅಲ್ಲಲ್ಲ ಹಣ್ಣು. ಸಾರಿಗೂ ಬೇಕು, ಗೊಜ್ಜಿಗೂ ಬೇಕು, ಅಥವಾ ಸುಮ್ಮನೆ ಹಶಿವಾದರೆ ಅದಕ್ಕೆ ಸಕ್ಕರೆ ಹಾಕಿಕೊಂಡು ತಿನ್ನುವಷ್ಟು ಗೆಳೆತನ. ಒಂದೊಮ್ಮೆ ಸಾರು ಮಾಡುವಾಗ ಬೇಳೆ ಜೊತೆ ಟೊಮ್ಯಾಟೋ ಇಡಬೇಕು ಕಣೆ ಎಂದು ತಂಗಿಗೆ ಹೇಳಿದ್ರೆ ನೀನು ಅಡಿಗೆ ಮನೆಗೆ ಬರುವ ಸಾಹಸವನ್ನೂ ಮಾಡಬಾರದೆಂದು ತಿಳಿಸಿದಳು. ಅವಳಿಗೆ ಅದು ಕಂಡರೆ ಆಗೋದಿಲ್ಲ. ಹಂಗೆಲ್ಲಾ ಇದ್ದಾಗ ಈ ಟೊಮ್ಯಾಟೋ ಎಲ್ಲಿಂದ ಬಂತು ಎಂದು ತಿಳಿಯೋದು ಬೇಡವೇ? ಮಡಿ ಮಾಡುವ, ಈರುಳ್ಳಿ, ಬೆಳ್ಳುಳ್ಳಿ ತಿನ್ನದ ಮನೆಯಲ್ಲಿಯೂ ಸಹ ಟೊಮ್ಯಾಟೋ ದಿನ ನಿತ್ಯ ಬಳಸುವ ತರಕಾರಿ ಅಲ್ಲಲ್ಲ ಹಣ್ಣು.
ಇದು ಬ್ರಿಟೀಷರಿಂದ ಇಲ್ಲಿಗೆ 19ನೇ ಶತಮಾನದಲಿ ಬಂದದ್ದು. ಅವರಿಗೆ ಆಗುತ್ತಿದ್ದ ಹೋಂ ಸಿಕ್ ನೆಸ್ ಅನ್ನು ತಡೆಗಟ್ಟಲು ಊಟಿಯಲ್ಲಿ ಬೀಜಗಳನ್ನ ತಂದು ನೆಟ್ಟು ಬೆಳಸಿದರು. ಆದರೆ ನಮ್ಮವರಿಗೆ ಅದಷ್ಟು ಹಿಡಿಸಲ್ಲಿಲ್ಲ. ಹಿಸುಕಿದರೆ ಒಳಗಿನದು ಅಸಹ್ಯ ರೀತಿಯಲ್ಲಿ, ಅಸಹ್ಯ ರೂಪದಲ್ಲಿ ಪುಚಕ್ಕೆಂದು ಹೊರಬರುತ್ತಿದ್ದರಾದರಿಂದ ಅದಕ್ಕೆ ಅವಗೂದೆ ಹಣ್ಣು ಎಂಬ ಅಸಹ್ಯದ ಹೆಸರಿಂದಲೇ ಕರೆದರು. ಆದರೆ ಹಣ್ಣಿನ ಲಕ್ ಚೆನ್ನಾಗಿತ್ತು ನೋಡಿ, ಅನಕ್ಷರಸ್ಥರೆಲ್ಲರೂ ಅದನ್ನ ಟೊಮ್ಯಾಟೋ ಎಂಬ ಹೆಸರಿಂದಲೇ ಕರೆದರು.
ನಮ್ಮ ಸಂಪ್ರದಾಯಸ್ಥ ಹಿಂದೂ ಸಮಾಜದಲ್ಲಿ ಇದು ನಿಷೇಧವಾಗಿತ್ತು. ಈಗ ಹಾಗಲ್ಲ. ಜಾತಿ ಭೇದವಿಲ್ಲದೆ, ಮೇಲು ಕೀಳು ಭೇದವಿಲ್ಲದೆ ನಮ್ಮ ಅಡುಗೆ ಮನೆಯನ್ನ ಆಳುತ್ತಿದೆ. ಪಶ್ಚಿಮದವರು ಕಾಯಿಯನ್ನ ಉಪಯೋಗಿಸುವುದಿಲ್ಲ. ಹಣ್ಣನ್ನು ಹಸಿಯಾಗಿ ಬಳಸುತ್ತಾರೆ. ಆದರೆ ನಾವು ಉಪ್ಪು, ಖಾರ, ಹುಳಿಗಳನ್ನ ಸುರಿದೆವು, ಕೊತ ಕೊತ ಕುದಿಸಿದೆವು. ಹುರಿದೆವು, ಚಟ್ನಿ ಮಾಡಿದೆವು, ಸಾರು ಮಾಡಿದೆವು, ತೊವ್ವೆ ಮಾಡಿದೆವು. ಕಾಯನ್ನ ಉಪಯೋಗಿಸ್ಕೊಂಡು ಕೋಸಂಬರಿ, ಪಳದ್ಯ, ಮೊಸರು ಬಜ್ಜಿಗಳನ್ನು ಮಾಡಿದೆವು. ಅವರು ಮಾಡುವ ಸೂಪ್ ತಯಾರಿಕೆಯ ಕ್ರಮವನ್ನ ಬಿಟ್ಟುಬಿಟ್ಟು ನಮ್ಮ ಸಂಪ್ರದಾಯದ ಸಾರಿನ ವಿಧಾನವನ್ನ ಅನುಸರಿಸಿ ಈ ನೀರನ್ನೇ ಅದೇ ಹೆಸರಿನಿಂದ ಕರೆದು ಕುಡಿದು ತೇಗಿಬಿಟ್ಟೆವು.
ಈ ಹಣ್ಣು ದಕ್ಷಿಣ ಅಮೇರಿಕಾದ್ದೆ ಎಂದು ನಾವು ಸಾಬೀತು ಪಡಿಸಲು ಹೊರಟಾಗ ಇದರ ಬಗೆಗಿನ ಆಧಾರಗಳು ಮೆಕ್ಸಿಕೋ ದೇಶಕ್ಕೆ ಬೊಟ್ಟು ಮಾಡಿ ತೋರಿಸುತ್ತದೆ. ಇದರ ಹೆಸರೂ ಸಹ ಮೆಕ್ಸಿಕೋ ದೇಶದ ಭಾಷೆಯಾದ ನಹುಅಟ್ಲ್ ಪದ, - ಟೊಮೇಟ್ಸ್ ಇಂದ ಬಂದಿದೆ. ಮೊಟ್ಟ ಮೊದಲು ಯುರೋಪಿಗೆ ಹೋದದ್ದು ಮೆಕ್ಸಿಕೋದಿಂದ. ಕ್ರಿ. ಶ 1554 ವರ್ಷದಲ್ಲೇ ಇಟಲಿಯಲ್ಲಿ ಈ ಗಿಡದ ಚಿತ್ರ ಪ್ರಕಟವಾಯ್ತು. ಇದನ್ನ ಕೃಷಿಗೆ ಒಳಪಡಿಸಿದ ಪ್ರದೇಶವೂ ಮೆಕ್ಸಿಕೋನೇ ಇದ್ದಿರಬೇಕು.
ಇದಕ್ಕೆ ಕಾಮಫಲ ಎಂದರು, ಬೀಜದಲ್ಲಿ ವಿಷವಿದೆ ಎಂದರು. ಇಷ್ಟೆಲ್ಲಾ ಆರೋಪಗಳನ್ನ ಹೊತ್ತು ಕೊಂಡಿದ್ದರೂ ಎಲ್ಲ ಆರೋಪಮುಕ್ತವಾಗಿ ನಮ್ಮ ನೆಲಕ್ಕೆ ಬಂದು ಕೂತಿತು, ಮೆಕ್ಸಿಕೋದಿಂದ. ಈಗ ಅದು ನಮ್ಮದೇ ಹಣ್ಣಾಗಿದೆ, ಸಾರಿಗೆ ಅದಿಲ್ಲದೇ ರುಚಿಯೇ ಇಲ್ಲ. ನಮ್ಮ ಹೊಟ್ಟೆಯ ಸುಮಾರು ಖಾಯಿಲೆಗಳು, ವಿಟಮಿನ್ ಗೆ ಇದೇ ಮದ್ದು. ಇನ್ನು ವಿಸ್ತೃತವಾಗಿ ಮುಂದಿನ ವಾರ ಬರೆಯುತ್ತೇನೆ, ಕಾಯುತ್ತೀರಲ್ವಾ?
-
Karnataka Weather: ಬೆಂಗಳೂರು ಸೇರಿದಂತೆ ದಕ್ಷಿಣ ಒಳನಾಡಿನ ಈ ಜಿಲ್ಲೆಗಳಲ್ಲಿ ಇಂದು ಗುಡುಗು ಸಹಿತ ಮಳೆಯ ಆರ್ಭಟ -
Bengaluru-Mysuru expressway: ಬೆಂಗಳೂರು-ಮೈಸೂರು ಎಕ್ಸ್ಪ್ರೆಸ್ವೇ ಪ್ರಯಾಣ ಮತ್ತೆ ದುಬಾರಿ: ಏಪ್ರಿಲ್ 1ರಿಂದ ಹೊಸ ಟೋಲ್ ದರ -
SSLC ಹಿಂದಿ ಪರೀಕ್ಷೆ ಮುಕ್ತಾಯ: ಪ್ರಶ್ನೆಪತ್ರಿಕೆ ಹೇಗಿತ್ತು? ಹೊಸ ನಿಯಮಗಳೇನು? ಇಲ್ಲಿದೆ ಸಂಪೂರ್ಣ ವಿಶ್ಲೇಷಣೆ -
ತ್ರಿಭಾಷಾ ಸೂತ್ರ vs ದ್ವಿಭಾಷಾ ಮಾದರಿ: ಹಿಂದಿ ಕಲಿಕೆಯ ಲಾಭ-ನಷ್ಟಗಳ ವಿಶ್ಲೇಷಣೆ: ಡಾ. ಪುರುಷೋತ್ತಮ ಬಿಳಿಮಲೆ ಬರಹ -
Bengaluru Kannada: ಉತ್ತರ ಕರ್ನಾಟಕ, ಕರಾವಳಿಯಲ್ಲಿ ಇಲ್ಲದ "ಕನ್ನಡ" ಸಮಸ್ಯೆ ಬೆಂಗಳೂರಲ್ಲೇಕೆ: ಅಶ್ವಿನಿ ಬರಹ -
Good Friday: ಗುಡ್ ಫ್ರೈಡೇ - ಈಸ್ಟರ್ ರಜೆ ಸ್ಪೆಷಲ್: ಬೆಂಗಳೂರು – ಮಡಗಾಂವ್ ನಡುವೆ ವಿಶೇಷ ರೈಲು ಸೇವೆ ಆರಂಭ -
Viral Video: ಹುಡುಗಿ ಪ್ರೀತಿಗೆ ಒಪ್ಪಿಕೊಂಡಳು ಆದ್ರೆ ರಿಂಗೇ ಮಿಸ್ ಆಯ್ತು: MI ಮ್ಯಾಚ್ನಲ್ಲೊಂದು ಸ್ವಾರಸ್ಯಕರ ಘಟನೆ -
Bagalkote: ಮನೆಗೆ ಯಾರನ್ನೂ ಸೇರಿಸದ ವೀರಣ್ಣ ಚರಂತಿಮಠ ಶಾಸಕರಾಗಲೂ ಲಾಯಕ್ಕಾ?: ಸಿದ್ದರಾಮಯ್ಯ -
Price Hike: ಏಪ್ರಿಲ್ 1ರಿಂದ ಜನಸಾಮಾನ್ಯರಿಗೆ ಬೆಲೆ ಏರಿಕೆ ಶಾಕ್: ವಿದ್ಯುತ್, ನೀರು, ಟೋಲ್ ದರ ಸೇರಿ ಏನೆಲ್ಲ ದುಬಾರಿ? -
ಮಾರ್ಚ್ 31ರಂದು ಬೆಂಗಳೂರು ಸೇರಿ ರಾಜ್ಯದ ಇತರ ಜಿಲ್ಲೆಗಳಲ್ಲಿ ಪೆಟ್ರೋಲ್, ಡೀಸೆಲ್ ದರ ಎಷ್ಟಿದೆ ತಿಳಿಯಿರಿ -
Gold Price: ದಿಢೀರ್ ಏರಿಕೆ ಕಂಡ ಚಿನ್ನದ ದರ: ಪ್ರತಿ ಗ್ರಾಂಗೆ 14,929 ರೂಪಾಯಿ, ಕೆ.ಜಿಗೆ 2.5 ಲಕ್ಷ ರೂ. ತಲುಪಿದ ಬೆಳ್ಳಿ -
Kannada: ಕರ್ನಾಟಕದಲ್ಲಿರುವ ಬ್ಯಾಂಕ್ಗಳಲ್ಲಿ ಸ್ಪಷ್ಟ ಕನ್ನಡ; ತುಳು, ಕೊಂಕಣಿ ಭಾಷೆಯ ಕಲರವ ಈಗ ಉಳಿದಿಲ್ಲ: ಕವಿರಾಜ್
Click it and Unblock the Notifications
Sign in with Google