• search

ಮೇಷ ವರ್ಷ ಭವಿಷ್ಯ : ಹರ್ಷದ ಸಮಯ ಅನುಭವಿಸಲು ಸಿದ್ಧರಾಗಿ

By ಪಂಡಿತ್ ವಿಠ್ಠಲ ಭಟ್
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ಹೊಸ ವರುಷ ಹೊಸ ಹರುಷ ಖಂಡಿತವಾಗಿ ತರುತ್ತಿದೆ, ಚಿಂತಿಸುವ ಅಗತ್ಯವಿಲ್ಲ. ನಿಮ್ಮ ದೊಡ್ಡದಾದ ಎಲ್ಲ ಸಮಸ್ಯೆಗಳು ಸಹ ಈ ಹೊಸ ವರುಷದ ಮೊದಲ ತಿಂಗಳಿನೊಂದಿಗೆ ಅಂತ್ಯವಾಗಲಿದೆ. ಬಹಳ ಮುಖ್ಯವಾಗಿ ಶತ್ರು ಬಾಧೆಗಳು ಅಂತ್ಯವಾಗಲಿದೆ. ಹಿಂದಿನ ವರುಷ ನೀವು ಅನುಭವಿಸಿದ ಆರೋಗ್ಯ ಬಾಧೆಗಳಿಗೆ ಸಂಪೂರ್ಣ ವಿರಾಮ ಆಲ್ಲದಿದ್ದರೂ ಸಹ ಅಲ್ಪ ವಿರಾಮ ಬೀಳುವ ಸಾಧ್ಯತೆ ಹೆಚ್ಚು ಇದೆ.

    ಇನ್ನು ಪೂರ್ಣವಾಗಿ ಆರೋಗ್ಯಾಭಿವೃದ್ಧಿ ಆಗಲು ಈ ವರುಷದ ಸೆಪ್ಟೆಂಬರ್ ತಿಂಗಳು ಕಳೆಯಬೇಕಿದೆ. ಆದರೆ ಅಲ್ಲಿಯ ತನಕ ಸಹ ಹಿಂದಿನ ವರುಷದ ಪ್ರಮಾಣದಲ್ಲಿ ಆರೋಗ್ಯ ಹಾನಿ ಇರುವುದಿಲ್ಲ. ಅನಿವಾರ್ಯವಾಗಿ ಈ ಹಿಂದೆ ಮಾಡಿದ್ದ ಸಾಲಗಳನ್ನು ಈ ವರ್ಷ ಸಾಧ್ಯವಾದಷ್ಟು ತೀರಿಸುತ್ತೀರಿ ಎನ್ನುವುದೇ ಸಂತೋಷ. ಸ್ತ್ರೀಯರು ಯಾವುದೇ ಕಾರಣಕ್ಕೂ ಆಭರಣಗಳನ್ನು ಒತ್ತೆ ಇಡಬೇಡಿ. ವರ್ಷಾಂತ್ಯದವರೆಗೆ ಬಿಡಿಸಿಕೊಳ್ಳಲು ಆಗುವುದಿಲ್ಲ.[ಹನ್ನೆರಡು ರಾಶಿಗಳ ಗುಣ-ಸ್ವಭಾವ ಹೇಗಿರುತ್ತದೆ ಗೊತ್ತಾ?]

    Aries

    ಇನ್ನು ಹೊಸದಾಗಿ ಸಾಲ ಮಾಡ ಬೇಕಾದ ದುಃಸ್ಥಿತಿ ಬರುವುದು ಅಸಾಧ್ಯ. ಒಂದು ಪಕ್ಷ ಬಂದರೂ ಅದು ನಿಮ್ಮ ವಯಕ್ತಿಕ ಜಾತಕದ ಸಮಸ್ಯೆ ಆಗಬಹುದು. ಉದ್ಯೋಗ ನಿಮಿತ್ತ ಅಥವಾ ಇತರೆ ಯಾವುದೇ ಕಾರಣಗಳಿಂದಾಗಿ ವಿದೇಶ ಪ್ರಯಾಣ ಬಯಸುವವರು ಮಾತ್ರ ಸಾಧ್ಯವಾದರೆ ಈ ವರುಷದ ಸೆಪ್ಟೆಂಬರ್ ತನಕ ಕಾದರೆ ಉತ್ತಮ. ಕಾರಣ ಆ ತಿಂಗಳ ನಂತರವೇ ನಿಮಗೆ ಅವಕಾಶಗಳು ಹೆಚ್ಚು ಹಾಗೂ ಅರೋಗ್ಯ ಭಾಗ್ಯವೂ ಉತ್ತಮ.[ವರ್ಷ ಭವಿಷ್ಯ: ನರೇಂದ್ರ ಮೋದಿಗೆ 2017 ಹೇಗಿರುತ್ತೆ?]

    ಇನ್ನು ಅವಿವಾಹಿತರಿಗೂ ವರ್ಷಾಂತ್ಯದಲ್ಲಿ ವಿವಾಹದ ಅವಕಾಶಗಳು ಹೆಚ್ಚಿವೆ. ಆದರೆ ವ್ಯಾಪಾರದಲ್ಲಿ ತೀವ್ರ ತರಹದ ನಷ್ಟ ಅನುಭವಿಸಿದರೂ ಉದ್ಯೋಗರಹಿತರಿಗೆ ಈ ವರ್ಷ ಸ್ವಲ್ಪ ಸಮಾಧಾನ ತರಲಿದೆ. ಅದರಲ್ಲಿಯೂ ಕಬ್ಬಿಣದ ವ್ಯಾಪಾರಿಗಳಿಗೆ ಹಾಗೂ ಗಣಕ ಯಂತ್ರ ಉದ್ಯೋಗಿಗಳಿಗೆ ದೊಡ್ಡ ಕಷ್ಟಗಳಿಂದ ಪಾರಾಗಿ ಬದುಕಿ ಬಾಳಿಸುವ ವರುಷವಿದು.

    ಸಂತಾನ ಅಪೇಕ್ಷಿತ ದಂಪತಿಗೆ ಈ ವರ್ಷಾಂತ್ಯದಲ್ಲಿ ಶುಭ ಸಮಾಚಾರ. ವಿದ್ಯಾರ್ಥಿಗಳಿಗೆ ಮಾತ್ರ ಕಷ್ಟಗಳು ಸ್ವಲ್ಪ ಹಾಗೆಯೇ ಇರಲಿದ್ದು, ಓದಿನಲ್ಲಿ ಶ್ರಮ ಇನ್ನೂ ಜಾಸ್ತಿ ಬೇಕಾಗಲಿದೆ, ಕಾರಣ ನೀವು ಹಾಕುವ ಶ್ರಮಕ್ಕೆ ತಕ್ಕ ಪ್ರತಿಫಲ ಕಷ್ಟಸಾಧ್ಯ.[ಕನ್ಯಾ ರಾಶಿಗೆ ಗುರು ಪ್ರವೇಶ : ಯಾವ ರಾಶಿಗೆ ಏನು ಫಲ?]
    ಒಟ್ಟಾರೆ ವರ್ಷ ಫಲ 3/5

    ಪರಿಹಾರ
    ವೈದಿಕ : ಈ ವರುಷ ಸಾಧ್ಯವಾದರೆ "ರುದ್ರ ಹೋಮ" ಹಾಗೂ "ಗುರು ಶಾಂತಿ ಹವನ" ತಪ್ಪದೇ ಮಾಡಿಸಿ.
    ಕ್ಷೇತ್ರ : ಶ್ರೀ ಕ್ಷೇತ್ರ ಮಂತ್ರಾಲಯಕ್ಕೆ ತಪ್ಪದೆ ಒಮ್ಮೆ ಹೋಗಿ. ನಿಮ್ಮ ಕೈಲಾದ ಸೇವೆ ಸಲ್ಲಿಸಿ ಬನ್ನಿ.
    ರತ್ನ: ಪರಿಶುದ್ದವಾದ ಮಾಣಿಕ್ಯ ರತ್ನವನ್ನು ಶಾಸ್ತ್ರೋಕ್ತವಾಗಿ ತ್ರಿದಿನ ಸಂಸ್ಕರಿಸಿ, ಪೂಜಿಸಿ, ಬೆಳ್ಳಿಯಲ್ಲಿ ಧರಿಸಿ
    ಸ್ತೋತ್ರ: ಪ್ರತಿ ದಿನ ಗುರು ಗ್ರಹದ ಆಷ್ಟೋತ್ತರವನ್ನು ವರ್ಷ ಪೂರ್ತಿ ಶ್ರದ್ಧೆಯಿಂದ ಪಠಿಸಿ

    ತಿಂಗಳ ಭವಿಷ್ಯ
    ಜನವರಿ: ನಿಮ್ಮ ಹೆಚ್ಚಿನ ಸಮಸ್ಯೆಗಳು ಈ ತಿಂಗಳು ಕೊನೆಗೊಳ್ಳಲಿದೆ. ಹೊಸದಾಗಿ ಈ ತಿಂಗಳು ಯಾರಿಗೂ ಸಾಲ ಕೊಡಲು ಹೋಗದಿರಿ.

    ಫೆಬ್ರವರಿ: ಹಿಂದೆ ನಿಮ್ಮಿಂದಾದ ತಪ್ಪುಗಳಿಗೆ ಈ ತಿಂಗಳಿನಲ್ಲಿ ಕ್ಷಮಾಪಣೆ ಸಿಗಲಿದೆ. ದೊಡ್ಡ ಪ್ರಮಾಣದಲ್ಲಿ ಹಣದ ಹೂಡಿಕೆ ಈ ತಿಂಗಳೂ ಬೇಡ.

    ಮಾರ್ಚ್: ಪೂರ್ಣಪ್ರಮಾಣದಲ್ಲಿ ಅಲ್ಲದಿದ್ದರೂ ನಿಮ್ಮ ಪ್ರಾಮಾಣಿಕತೆಯನ್ನು ಸ್ವಲ್ಪ ಆದರೂ ಇತರರು ಗುರುತಿಸುತ್ತಾರೆ, ಆದರೆ ಅದನ್ನು ನಿಮ್ಮ ಹಿರಿಯರಿಗಾಗಲಿ, ಮೇಲಧಿಕಾರಿಗಳಿಗಾಲಿ ಈಗಲೇ ತಿಳಿಸುವುದಿಲ್ಲ.

    ಏಪ್ರಿಲ್: ಆರೋಗ್ಯ ಬಾಧೆ ಅದರಲ್ಲಿಯೂ ಹೊಟ್ಟೆಗೆ ಸಂಬಂಧಪಟ್ಟ ಆರೋಗ್ಯ ಸಮಸ್ಯೆ. ಅಸಿಡಿಟಿ, ಅಜೀರ್ಣ ಇತ್ಯಾದಿಗಳಿಂದ ಬಳಲುತ್ತೀರಿ. ಆಹಾರದ ನಿಯಮಿತ ಸಮಯ ಹಾಗೂ ಗುಣಮಟ್ಟದ ವಿಚಾರದಲ್ಲಿ ಎಚ್ಚರವಾಗಿ ಇದ್ದರೆ ಸಮಸ್ಯೆ ಪರಿಹಾರ.

    ಮೇ: ಆರ್ಥಿಕ ವಿಚಾರಗಳಿಂದಾಗಿ ಮಾನಸಿಕವಾಗಿ ಸ್ವಲ್ಪ ಕುಗ್ಗಬಹುದು. ಆದರೆ ಹತಾಶರಾಗದಿರಿ. ಕಾರಣ ನಿಮ್ಮ ಪೂರ್ಣವಾದ ಉತ್ತಮ ಸಮಯ ಸದ್ಯದಲ್ಲಿಯೇ ಪ್ರಾರಂಭವಾಗಲಿದೆ ಅದಕ್ಕಾಗಿ ಇನ್ನೂ ಕೆಲ ತಿಂಗಳು ಕಾಯಬೇಕು.

    ಜೂನ್: ಈ ತಿಂಗಳು ನಿಮ್ಮ ಆದರ್ಶಗಳಿಂದಾಗಿ ನಿಮಗೆ ಸಮಾಜದಲ್ಲಿ ಗೌರವ ಹೆಚ್ಚಳವಾಗುತ್ತದೆ, ಆದರೆ ತೀರದ ಆಸೆ- ಆಕಾಂಕ್ಷೆಗಳು ಹಾಗೇ ಮನದಲ್ಲಿ ಉಳಿದು ಬಿಡುವುದರಿಂದ ಬೇಸರ ಸಾಮಾನ್ಯ.

    ಜುಲೈ: ಮಾಡುತ್ತಿರುವ ಉದ್ಯೋಗ ಅಥವಾ ವ್ಯಾಪಾರದಲ್ಲಿ ಗಮನಾರ್ಹ ಬದಲಾವಣೆ ಸಾಧ್ಯವಿದೆ. ಅಥವಾ ಸ್ಥಾನ ಪಲ್ಲಟದ ಸಾಧ್ಯತೆಗಳಿವೆ, ಅದರಿಂದಾಗಿ ನೀವು ಈ ಮೊದಲೇ ಹಾಕಿಕೊಂಡಿದ್ದ ಚಿತ್ರಣ ಸ್ವಲ್ಪ ಏರುಪೇರಾಗಬಹುದು.

    ಆಗಸ್ಟ್: ನಿಮಗೆ ಮೋಸ ಮಾಡುವವರ ಸಂಖ್ಯೆಯಲ್ಲಿ ಏನೂ ಬದಲಾವಣೆಗಳಿಲ್ಲ. ಎಲ್ಲಾ ಮನದಲ್ಲಿ ಕತ್ತಿ ಮಸೆಯುತ್ತಾ ಇದ್ದಾರೆ ಎಂಬ ಭಾವನೆ ಬರುತ್ತದೆ. ಆದರೆ ದೇಹಿ ಎಂದು ನಿಮ್ಮ ಬಳಿ ಬರುವವರ್ಯಾರೂ ಬರಿಗೈಲಿ ಹೋಗುವುದಿಲ್ಲ.

    ಸೆಪ್ಟೆಂಬರ್: ನಿಮಗೆ ಸಿಗಬೇಕಾದ ಸಹಾಯ ಸನಿಹದಲ್ಲಿಯೇ ಇದೆ. ಆದರೆ ನಿಮಗೆ ಅದನ್ನು ಕಷ್ಟಪಟ್ಟು ತಲುಪ ಬೇಕಾದ ಅನಿವಾರ್ಯ ಇಲ್ಲ. ಸ್ವಲ್ಪ ತಾಳ್ಮೆ ಇರಲಿ. ಎಲ್ಲ ತಾನಾಗಿಯೇ ನಿಮ್ಮ ಕೈ ಸೇರುತ್ತದೆ.

    ಅಕ್ಟೋಬರ್: ಅವಿವಾಹಿತರಿಗೆ ವಿವಾಹದ ಮಾತುಕತೆ ಪ್ರಾರಂಭವಾಗುತ್ತದೆ. ಉದ್ಯೋಗದಲ್ಲಿಯೂ ದೊಡ್ಡ ಜವಾಬ್ದಾರಿ ನಿಮ್ಮ ಹೆಗಲ ಮೇಲೆ ಬೀಳುವ ಸಾಧ್ಯತೆಗಳಿವೆ.

    ನವೆಂಬರ್: ಸ್ವಲ್ಪ ಮನಸ್ಸು ಮಾಡಿದರೂ ನೂತನ ವಾಹನ ಖರೀದಿ ಯೋಗವಿದೆ, ಶತ್ರುಗಳ ಸಂಖ್ಯೆ ಅಥವಾ ನಿಮ್ಮಲ್ಲಿ ಶತ್ರುತ್ವದ ಭಾವನೆಗಳು ಗಣನೀಯ ಪ್ರಮಾಣದಲ್ಲಿ ಕಡಿಮೆ ಆಗಲಿದೆ.

    ಡಿಸೆಂಬರ್: ರಾಜಾರೋಷವಾಗಿ ತಲೆಯೆತ್ತಿ ನಡೆಯುವ ಸಮಯ. ಆದರೆ ಗಮನಿಸಿ ಅಹಂಕಾರ ಅರಿವಿಲ್ಲದೇ ಸೇರಿ ಬಿಡುತ್ತದೆ.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    Yearly horoscope for Aries zodiac sign by astrologer Pandit Vittala Bhat.

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more