ಈ ರಾಶಿಯವರಿಗೆ ಮಾತೇ ಮುತ್ತು, ಮಾತೇ ಮೃತ್ಯು: ಮೇಷ, ವೃಷಭ, ಮಿಥುನ ರಾಶಿಗಳ ಜನವರಿ ಮಾಸ ಭವಿಷ್ಯ

ಹೊಸ ಕ್ಯಾಲೆಂಡರ್ ವರ್ಷದ ಮೊದಲ ತಿಂಗಳಾದ ಜನವರಿಯಲ್ಲಿ ಮೇಷ, ವೃಷಭ ಮತ್ತು ಮಿಥುನ ರಾಶಿಗಳ ಫಲಾಫಲಗಳು ಹೇಗಿರುತ್ತವೆ ಎನ್ನುವ ಮಾಹಿತಿ ಇಲ್ಲಿದೆ. ವೈದಿಕ ಜ್ಯೋತಿಷ್ಯದ ಲೆಕ್ಕಾಚಾರದಂತೆ ಈ ಫಲಗಳ ವಿವರಗಳನ್ನು ಖ್ಯಾತ ಜ್ಯೋತಿಷಿ ಪಂಡಿತ್ ವಿಠ್ಠಲ್ ಭಟ್ ಅವರು ನೀಡಿದ್ದಾರೆ. ಎಲ್ಲ ರಾಶಿಗಳ ದಿನ ಭವಿಷ್ಯ, ವಾರ ಭವಿಷ್ಯ ಮತ್ತು ಮಾಸ ಭವಿಷ್ಯಗಳು ಒನ್ ಇಂಡಿಯಾ ಕನ್ನಡ ಜಾಲತಾಣದಲ್ಲಿ ಲಭ್ಯ.

ಮೇಷ ರಾಶಿ: ಹೊಸ ವರ್ಷಕ್ಕೆ ಹೊಸ ಜವಾಬ್ದಾರಿ

ಮೇಷ ರಾಶಿಯವರಿಗೆ ಜನವರಿ ಚಟುವಟಿಕೆ ಹಾಗೂ ಆತ್ಮವಿಶ್ವಾಸ ಹೆಚ್ಚಿಸುವ ತಿಂಗಳಾಗಿರುತ್ತದೆ. ಹೊಸ ವರ್ಷದ ಆರಂಭದಲ್ಲೇ ಕೆಲಸದ ಕ್ಷೇತ್ರದಲ್ಲಿ ಹೊಸ ಜವಾಬ್ದಾರಿಗಳು ನಿಮ್ಮ ಮೇಲೆ ಬೀಳುವ ಸಾಧ್ಯತೆ ಇದೆ. ನಿಮ್ಮ ಧೈರ್ಯ, ನಿರ್ಧಾರ ಶಕ್ತಿ ಮತ್ತು ನಾಯಕತ್ವ ಗುಣಗಳು ಈ ತಿಂಗಳು ಬಹಳಷ್ಟು ಸಂದರ್ಭಗಳಲ್ಲಿ ಸಹಾಯ ಮಾಡುತ್ತವೆ. ಉದ್ಯೋಗದಲ್ಲಿರುವವರು ಮೇಲಧಿಕಾರಿಗಳ ಗಮನ ಸೆಳೆಯುವ ಅವಕಾಶ ಪಡೆಯಬಹುದು. ವ್ಯಾಪಾರಿಗಳಿಗೆ ಹೊಸ ಸಂಪರ್ಕಗಳು ಹಾಗೂ ಒಪ್ಪಂದಗಳ ಸಾಧ್ಯತೆ ಇದೆ.

ಆದರೆ ಈ ತಿಂಗಳಲ್ಲಿ ಆತುರ ಮತ್ತು ಕೋಪ ನಿಮ್ಮ ದೊಡ್ಡ ಶತ್ರುಗಳಾಗಬಹುದು. ತ್ವರಿತ ನಿರ್ಧಾರಗಳು ಹಣಕಾಸು ಅಥವಾ ಸಂಬಂಧಗಳಲ್ಲಿ ಸಮಸ್ಯೆ ಉಂಟುಮಾಡುವ ಸಾಧ್ಯತೆ ಇದೆ. ಅನಗತ್ಯ ಖರ್ಚು ಹಾಗೂ ಸಾಲದ ವಿಚಾರದಲ್ಲಿ ಎಚ್ಚರಿಕೆ ಅಗತ್ಯ. ಕುಟುಂಬದ ವಿಚಾರಗಳಲ್ಲಿ ನಿಮ್ಮ ಮಾತು ಗಟ್ಟಿಯಾಗಿದ್ದರೂ, ಇತರರ ಭಾವನೆಗಳಿಗೆ ಮೌಲ್ಯ ನೀಡದಿದ್ದರೆ ಅಸಮಾಧಾನ ಉಂಟಾಗಬಹುದು. ಆರೋಗ್ಯದ ಕಡೆ ನಿರ್ಲಕ್ಷ್ಯ ಮಾಡಿದರೆ ತಲೆನೋವು, ರಕ್ತದೊತ್ತಡ ಅಥವಾ ದಣಿವಿನ ಸಮಸ್ಯೆಗಳು ಕಾಣಿಸಬಹುದು. ಈ ತಿಂಗಳು ಶ್ರೀ ಹನುಮಂತನ ಆರಾಧನೆ ಮೇಷ ರಾಶಿಯವರಿಗೆ ವಿಶೇಷ ಅದೃಷ್ಟ ತರುತ್ತದೆ. ಪ್ರತೀ ಮಂಗಳವಾರ ಹನುಮಾನ್ ಚಾಲೀಸಾ ಪಠಣ, ಕೆಂಪು ಹೂವು ಅರ್ಪಣೆ ಮತ್ತು ದೀಪಾರಾಧನೆ ಮಾಡುವುದರಿಂದ ಕೋಪ ನಿಯಂತ್ರಣವಾಗುತ್ತದೆ ಹಾಗೂ ಆತ್ಮಬಲ ಹೆಚ್ಚಾಗುತ್ತದೆ. ಸಂಯಮ, ಶ್ರದ್ಧೆ ಮತ್ತು ನಿಯಮಿತ ಪ್ರಯತ್ನದಿಂದ ಜನವರಿ ತಿಂಗಳು ನಿಮ್ಮ ಪಾಲಿಗೆ ಸಾಧನೆ ಮತ್ತು ಅನುಭವದ ತಿಂಗಳಾಗಿ ರೂಪುಗೊಳ್ಳುತ್ತದೆ.

ನಕ್ಷತ್ರಗಳು: ಅಶ್ವಿನಿ (1 ರಿಂದ 4 ಪಾದ), ಭರಣಿ (1 ರಿಂದ 4 ಪಾದ), ಕೃತ್ತಿಕಾ (ಮೊದಲ ಪಾದ). ಅದೃಷ್ಟ ಸಂಖ್ಯೆ: 5, ಶುಭ ಬಣ್ಣ: ಹಸಿರು, ಶುಭ ದಿಕ್ಕು: ಉತ್ತರ, ಉತ್ತಮ ಫಲಕ್ಕಾಗಿ ವಿಷ್ಣುವಿನ ಆರಾಧನೆ ಮಾಡಿ.

ವೃಷಭ ರಾಶಿ: ಸಂಸಾರದಲ್ಲಿ ಇರಲಿ ಸಂಯಮ

ಜನವರಿ ತಿಂಗಳು ವೃಷಭ ರಾಶಿಯವರಿಗೆ ಸ್ಥಿರತೆ ತಂದುಕೊಡುವ ತಿಂಗಳಾಗಿರುತ್ತದೆ. ಆದರೆ ಪ್ರತಿ ಹೆಜ್ಜೆಯಲ್ಲಿಯೂ ಜಾಗರೂಕತೆ ಕಾಪಾಡಿಕೊಳ್ಳಬೇಕು. ಉದ್ಯೋಗ ಮತ್ತು ವ್ಯಾಪಾರದಲ್ಲಿ ನಿಧಾನವಾದರೂ ಭದ್ರ ಪ್ರಗತಿ ಕಾಣಿಸುತ್ತದೆ. ಹಣಕಾಸಿನಲ್ಲಿ ಆದಾಯ ನಿಯಂತ್ರಿತವಾಗಿದ್ದು, ಅನಗತ್ಯ ಖರ್ಚು ನಿಯಂತ್ರಿಸಿಕೊಳ್ಳದಿದ್ದರೆ ಒತ್ತಡ ಹೆಚ್ಚಾಗಬಹುದು. ಹೂಡಿಕೆ ಅಥವಾ ದೊಡ್ಡ ಹಣಕಾಸು ನಿರ್ಧಾರಗಳನ್ನು ತಿಂಗಳ ಮಧ್ಯಭಾಗದ ನಂತರ ಕೈಗೊಳ್ಳುವುದು ಒಳಿತು. ಕುಟುಂಬದಲ್ಲಿ ಹಿರಿಯರ ಆರೋಗ್ಯದ ಬಗ್ಗೆ ಸ್ವಲ್ಪ ಕಾಳಜಿ ಅಗತ್ಯ. ದಾಂಪತ್ಯ ಜೀವನದಲ್ಲಿ ಮಾತಿನ ಸಂಯಮ ಇಲ್ಲದಿದ್ದರೆ ಸಣ್ಣ ಭಿನ್ನಾಭಿಪ್ರಾಯಗಳು ಉಂಟಾಗಬಹುದು.

ಪಾಸಿಟಿವ್ ಅಂಶವೆಂದರೆ ನಿಮ್ಮ ಸಹನೆ ಮತ್ತು ಪ್ರಾಯೋಗಿಕ ಬುದ್ಧಿಯು ಸಮಸ್ಯೆಗಳನ್ನು ನಿಯಂತ್ರಣದಲ್ಲಿಡುತ್ತದೆ. ನೆಗಟಿವ್ ಅಂಶವೆಂದರೆ ಜಿಗುಟುತನ ಮತ್ತು ಅತಿಯಾದ ಹಟವು ನಿಮ್ಮ ಪ್ರಗತಿಗೆ ಅಡ್ಡಿಯಾಗಬಹುದು. ಈ ತಿಂಗಳು ದೇವಿ ಲಕ್ಷ್ಮಿಯ ಆರಾಧನೆ, ಶುಕ್ರವಾರ ವ್ರತ ಅಥವಾ ದೀಪಾರಾಧನೆ ಮಾಡುವುದು ವೃಷಭ ರಾಶಿಯವರಿಗೆ ಅದೃಷ್ಟವನ್ನು ಹೆಚ್ಚಿಸುತ್ತದೆ.

ನಕ್ಷತ್ರಗಳು: ಕೃತ್ತಿಕಾ (2 ರಿಂದ 4 ಪಾದ), ರೋಹಿಣಿ (1 ರಿಂದ 4 ಪಾದ), ಮೃಗಶಿರ (1 ಮತ್ತು 2ನೇ ಪಾದ), ಅದೃಷ್ಟ ಸಂಖ್ಯೆ: 6, ಶುಭ ಬಣ್ಣ: ಬಿಳಿ, ಶುಭ ದಿಕ್ಕು: ದಕ್ಷಿಣ, ಉತ್ತಮ ಫಲಕ್ಕಾಗಿ ಲಕ್ಷ್ಮೀದೇವಿಯ ಆರಾಧನೆ ಮಾಡಿ.

ಮಿಥುನ ರಾಶಿ: ಖರ್ಚಿನ ಮೇಲೆ ಇರಲಿ ಹಿಡಿತ

ಜನವರಿ ತಿಂಗಳು ಮಿಥುನ ರಾಶಿಯವರಿಗೆ ಯೋಚನೆ ಮತ್ತು ನಿರ್ಧಾರಗಳ ತಿಂಗಳು. ಹೊಸ ಅವಕಾಶಗಳು ಕಾಣಿಸಿದರೂ ತಕ್ಷಣ ಒಪ್ಪಿಕೊಳ್ಳುವುದು ಒಳಿತಲ್ಲ. ಉದ್ಯೋಗದಲ್ಲಿ ಜವಾಬ್ದಾರಿಗಳು ಹೆಚ್ಚಾಗಬಹುದು. ನಿಮ್ಮ ಸಂವಹನ ಶಕ್ತಿಯು ನಿಮಗೆ ಸಹಾಯ ಮಾಡುತ್ತದೆ. ವ್ಯಾಪಾರದಲ್ಲಿ ಒಪ್ಪಂದಗಳು ನಿಧಾನವಾಗಿ ಮುನ್ನಡೆಯುತ್ತವೆ. ಹಣಕಾಸಿನಲ್ಲಿ ಆದಾಯ ಇದ್ದರೂ ಖರ್ಚು ನಿಯಂತ್ರಣ ಇಲ್ಲದಿದ್ದರೆ ತಿಂಗಳ ಅಂತ್ಯಕ್ಕೆ ಒತ್ತಡ ಬರಬಹುದು. ಕುಟುಂಬ ಸಂಬಂಧಗಳಲ್ಲಿ ಮಾತಿನ ತಪ್ಪಿನಿಂದ ಗೊಂದಲ ಉಂಟಾಗುವ ಸಾಧ್ಯತೆ ಇದೆ.

ಪಾಸಿಟಿವ್ ಅಂಶವೆಂದರೆ ಕಲಿಕೆ, ಬರವಣಿಗೆ, ಮಾಧ್ಯಮ, ವ್ಯಾಪಾರ ಕ್ಷೇತ್ರಗಳಲ್ಲಿ ಪ್ರಗತಿ. ನೆಗಟಿವ್ ಅಂಶವೆಂದರೆ ಅತಿಯಾದ ಚಂಚಲತೆ ಮತ್ತು ತೀರ್ಮಾನ ಬದಲಾವಣೆ. ಈ ತಿಂಗಳು ಶ್ರೀ ವಿಷ್ಣು ಅಥವಾ ನರಸಿಂಹ ಸ್ವಾಮಿಯ ಆರಾಧನೆ, ಬುಧವಾರ ತುಳಸಿ ಪೂಜೆ ಮಾಡುವುದು ಮಿಥುನ ರಾಶಿಗೆ ಶುಭಕರ.

ನಕ್ಷತ್ರಗಳು: ಮೃಗಶಿರ (3 ಮತ್ತು 4 ನೇ ಪಾದ), ಆರ್ದ್ರಾ (1 ರಿಂದ 4 ಪಾದ), ಪುನರ್ವಸು (1 ರಿಂದ 3 ಪಾದ). ಅದೃಷ್ಟ ಸಂಖ್ಯೆ: 5, ಶುಭ ಬಣ್ಣ: ಹಳದಿ, ಶುಭ ದಿಕ್ಕು: ಉತ್ತರ, ವಿಷ್ಣುವಿನ ಆರಾಧನೆಯಿಂದ ಶುಭ ಫಲ.

English summary

Monthly horoscope of aries taurus gemini.