Gold Price: ಮಾರುಕಟ್ಟೆಯಲ್ಲಿ ಅಚ್ಚರಿಯ ಬೆಳವಣಿಗೆ, ಚಿನ್ನ-ಬೆಳ್ಳಿ ದರದಲ್ಲಿ ಭರ್ಜರಿ ಕುಸಿತ; ಗ್ರಾಹಕರಿಗೆ ಗುಡ್‌ನ್ಯೂಸ್

Updated: Tuesday, June 23, 2026, 12:23 [IST]

ಬೆಂಗಳೂರು: ಚಿನ್ನದ ಬೆಲೆಯಲ್ಲಿ ಏರಿಳಿತ ಮುಂದುವರಿದಿದೆ. ನಿರಂತರ ಇಳಿಕೆಯತ್ತ ಸಾಗಿದ್ದ ಬಂಗಾರದ ಬೆಲೆ ಕಳೆದ ಎರಡು ದಿನಗಳಲ್ಲಿ ಹೆಚ್ಚಳ ಕಂಡಿತ್ತು. ಇಂದು ಮಂಗಳವಾರ ಜೂನ್ 23ರಂದು ಮತ್ತೆ ಭರ್ಜರಿ ಕುಸಿತ ಕಂಡಿದೆ. ಇಂದು ಚಿನ್ನ-ಬೆಳ್ಳಿ ಮಾರುಕಟ್ಟೆಯಲ್ಲಿ ಅಚ್ಚರಿಯ ಬೆಳವಣಿಗೆ ಆಗಿದ್ದು. ಈ ಹಿಂದೆ ಏರಿಕೆ ಆಗಿದ್ದ ಪ್ರಮಾಣಕ್ಕಿಂತ ಒಂದೇ ದಿನದಲ್ಲಿ ಅತ್ಯಧಿಕ ಮಟ್ಟದಲ್ಲಿ ಇಳಿಕೆ ಕಂಡಿದೆ. ಚಿನ್ನಾಭರಣ ಖರೀದಿಸುವವರಿಗೆ ಗುಡ್‌ನ್ಯೂಸ್ ಸಿಕ್ಕಿದೆ.

ಜಾಗತಿಕ ಅನಿಶ್ಚಿತತೆ, ರೂಪಾಯಿ ಹಾಗೂ ಡಾಲರ್ ಮೌಲ್ಯದಲ್ಲಿ ಏರಿಳಿತ, ಯುದ್ಧಗಳ ಪರಿಣಾಮವು ವಿಶ್ವದ ಚಿನ್ನದ ಮಾರುಕಟ್ಟೆ ಮೇಲಾಗಿದೆ. ಇದರಿಂದ ಬಂಗಾರದ ವ್ಯವಹಾರ, ಮಾರಾಟವು ಸ್ಥಿರವಾಗಿಲ್ಲ. ಇದರ ನಡುವೆ ಬಂಗಾರ ಮತ್ತು ಬೆಳ್ಳಿಯ ಬೆಲೆ ತೀವ್ರ ಕುಸಿತ ಕಂಡಿದೆ. ಬೆಂಗಳೂರು ಸೇರಿದಂತೆ ಇಂದಿನ ಬೆಲೆ ಹಾಗೂ ನಗರವಾರು ಮಾಹಿತಿ ಇಲ್ಲಿದೆ.

ಚಿನ್ನದ ಬೆಲೆಯಲ್ಲಿ ಭರ್ಜರಿ ಇಳಿಕೆ

* ಇಂದು ಜೂನ್ 23ರಂದು 22 ಕ್ಯಾರಟ್ 1 ಗ್ರಾಂ ಬಂಗಾರದ ದರವು 190 ರೂಪಾಯಿಯಂತೆ 10 ಗ್ರಾಂಗೆ ಬರೋಬ್ಬರಿ 1900 ರೂಪಾಯಿ ಇಳಿಕೆ ಆಗಿದೆ. ಇದರಿಂದ ಒಟ್ಟು ಚಿನ್ನದ ಬೆಲೆಯು 1,33, 750 ರೂಪಾಯಿ ತಲುಪಿದೆ.

ಬೆಳ್ಳಿ ದರದಲ್ಲೂ ಭಾರೀ ಇಳಿಕೆ

ಕೈಗಾರಿಕೆ ಹಾಗೂ ಆಭರಣಕ್ಕೆ ಹೆಚ್ಚಾಗಿ ಬಳಕೆ ಆಗುವ ಬೆಳ್ಳಿ ಬೆಲೆಯಲ್ಲೂ ಕುಸಿತ ಕಂಡಿದೆ. ಬೆಳ್ಳಿ ಹತ್ತು ಗ್ರಾಂಗೆ 50 ರೂಪಾಯಿ, 100 ಗ್ರಾಂಗೆ 500 ರೂಪಾಯಿ, 1 ಕೆಜಿಗೆ ಬರೋಬ್ಬರಿ 5000 ರೂಪಾಯಿ ಕುಸಿತ ಕಂಡಿದೆ. ಈ ಮೂಲಕ ಒಂದು ಕೆಜಿ ಬೆಳ್ಳಿ ಖರೀದಿಗೆ 2,45,000 ರೂಪಾಯಿ ವಿನಿಯೋಗಿಸಬೇಕಿದೆ. ಕಳೆದ ಮೂರು ದಿನ ಸ್ಥಿರವಾಗಿದ್ದ ಬೆಲೆ ದಿಢೀರ್ ಇಳಿಕೆ ಕಂಡಿದ್ದು, ಗ್ರಾಹಕರಿಗೆ ಹರ್ಷ ತಂದಿದೆ.