• search

ಮೇಷದಿಂದ ಮೀನದವರೆಗೆ ಹನ್ನೆರಡು ರಾಶಿಗಳ ಆಗಸ್ಟ್ ಮಾಸ ಭವಿಷ್ಯ

Posted By: ಪಂಡಿತ್ ವಿಠ್ಠಲ ಭಟ್
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ಮಾಸ ಭವಿಷ್ಯ ಎಂಬುದು ಒಂದು ತಿಂಗಳ ಕಾಲ ನಡೆಯಬಹುದಾದ ಘಟನೆಗಳ ಸುಳಿವು. ಒಳಿತು-ಕೆಡುಕುಗಳನ್ನು ಗ್ರಹಗಳ ಸ್ಥಿತಿಯನ್ನು ಆಧರಿಸಿ, ಲೆಕ್ಕಾಚಾರಗಳನ್ನು ಮಾಡಿದ ನಂತರ ನುಡಿಯುವ ಭವಿಷ್ಯತ್ತಿನ ಫಲಾಫಲ. ಒನ್ಇಂಡಿಯಾದಲ್ಲಿ ಪ್ರಕಟವಾಗುವ ಈ ಭವಿಷ್ಯವನ್ನು ಇಡೀ ಮಾಸಕ್ಕೆ ಅನ್ವಯಿಸುವಂತೆ ನೀಡಲಾಗುತ್ತದೆ.

    ಘಟನೆ-ಸನ್ನಿವೇಶವನ್ನು ಆಧರಿಸಿ ನಿಮ್ಮ ಜೀವನಕ್ಕೆ ಅದನ್ನು ಅನ್ವಯಿಸಿಕೊಳ್ಳಬಹುದು. ಆದರೆ ಈ ಭವಿಷ್ಯವು ಗೋಚಾರ ಅಂದರೆ ಗ್ರಹಗಳ ಸಂಚಾರ ಸ್ಥಿತಿಯನ್ನು ಅವಲಂಬಿಸಿರುತ್ತದೆ. ಆದ್ದರಿಂದ ದಶಾ- ಭುಕ್ತಿ ಮತ್ತಿತರ ಪ್ರಮುಖ ವಿಚಾರಗಳನ್ನು ಜ್ಯೋತಿಷಿಗಳ ಬಳಿಯೇ ಕೇಳಬೇಕು. ಏಕೆಂದರೆ, ಒಂದೇ ರಾಶಿಯವರು ಲಕ್ಷಾಂತರ ಮಂದಿಗೆ ಒಂದೇ ಥರದ ಭವಿಷ್ಯ ಹೇಗೆ ಸಾಧ್ಯ ಎಂದು ಪ್ರಶ್ನಿಸುತ್ತಾರೆ.

    ಗುರು ಸಂಚಾರ ದುಷ್ಪ್ರಭಾವಕ್ಕೆ ಜ್ಯೋತಿಷ್ಯ ಪರಿಹಾರೋಪಾಯ

    ನಿಜ, ಈ ಮಾತು ನೂರಕ್ಕೆ ನೂರು ನಿಜ. ಆದ್ದರಿಂದ ತಮ್ಮ ಜಾತಕವನ್ನು ವರ್ಷಾವಧಿಗೆ ಒಮ್ಮೆಯೋ ಅಥವಾ ಹೇಗೆ ವಾಡಿಕೆಯಲ್ಲಿ ನಡೆಸಿಕೊಂಡು ಬಂದಿದ್ದಾರೆಯೋ ಹಾಗೆ ಜ್ಯೋತಿಷಿಗಳ ಬಳಿ ತೋರಿಸಿ, ಆಯಾ ಕಾಲಕ್ಕೆ ಕೈಗೊಳ್ಳಬೇಕಾದ ಪೂಜೆ-ಶಾಂತಿಯನ್ನು ಮಾಡಿಸಿಕೊಂಡರೆ ಒಳಿತು. ನಂಬಿಕೆ ವೈಯಕ್ತಿಕವಾದದ್ದು. ಎಲ್ಲರಿಗೂ ಒಳಿತಾಗಬೇಕು ಎಂಬುದು ನಮ್ಮ ಆಶಯ.

    ಜ್ಯೋತಿಷ್ಯ: ಗ್ರಹಗಳು ನಿಮ್ಮ ಜೀವನದಲ್ಲಿ ಒಳಿತು-ಕೆಡುಕು ಮಾಡೋದು ಹೇಗೆ?

    ನಿಮ್ಮ ರಾಶಿಗೆ ಈ ಮಾಸದ ಗೋಚಾರ ಏನು ಹೇಳುತ್ತದೆ ಎಂದು ತಿಳಿಯುವುದಕ್ಕೆ ಮುಂದೆ ಓದಿ.

    ಮೇಷ: ಉತ್ತಮ ಉದ್ಯೋಗ ಪ್ರಾಪ್ತಿ ಯೋಗವಿದೆ

    ಮೇಷ: ಉತ್ತಮ ಉದ್ಯೋಗ ಪ್ರಾಪ್ತಿ ಯೋಗವಿದೆ

    ಪುರುಷರು : ಈ ತಿಂಗಳ ಪೂರ್ಣ ನಿಮಗೆ ಘಟಿಸಿಹೋದ ಗ್ರಹಣದ ಶುಭ ಫಲ ದೊರಕುತ್ತದೆ, ಅದರ ಬಗ್ಗೆ ಅನುಮಾನ ಬೇಡ. ಕೆಲವರಿಗೆ ಆ ಶುಭಫಲ ಅನುಭವಕ್ಕೆ ಬರುತ್ತದೆ ಇನ್ನು ಕೆಲವರಿಗೆ ಅನುಭವಕ್ಕೆ ಬಾರದೆ ಇರಬಹುದು. ಆದರೆ ಫಲ ಮಾತ್ರ ಖಂಡಿತ ಇರುತ್ತದೆ. ಉದ್ಯೋಗ ಕ್ಷೇತ್ರದಲ್ಲಿ ಬದಲಾವಣೆ ಬಯಸುವವರು, ಅಂದರೆ ಇರುವೆಡೆ ಬಿಟ್ಟು ಬೇರೆಡೆ ಹೊಸ ಉದ್ಯೋಗ ಸೇರ ಬಯಸುವವರು ನಿಮ್ಮ ತೀರ್ಮಾನ ಅಚಲ ಆಗಿದ್ದಲ್ಲಿ ಬೇಗ ಪ್ರಯತ್ನಿಸಿ ಹಾಗೂ ಮುಂದೆ ಸೇರಲು ಇಚ್ಛಿಸುವ ಕಾರ್ಯಾಲಯದ ಪೂರ್ವಾಪರ ಸರಿಯಾಗಿ ಪರಿಶೀಲನೆ ಮಾಡಿಕೊಳ್ಳಿ. ಜಮೀನು ಖರೀದಿ ಮಾಡಬೇಕು ಎಂದು ಅಂದುಕೊಂಡವರಿಗೆ ಜಮೀನು ಸಿಗುತ್ತದೆ. ಆದರೆ ನೂರೆಂಟು ವಿಘ್ನಗಳು ಕಿತಾಪತಿ ಮಾಡುವವರು ಎಲ್ಲೋ ಕೆಲ ಮನಸ್ತಾಪಗಳು ನಿಮ್ಮನ್ನು ದಾರಿ ತಪ್ಪಿಸುತ್ತದೆ. ಯಾವಾಗಲೂ ಸ್ಥಿರವಾದ ದಿಟ್ಟ ನಿರ್ಧಾರ ತೆಗೆದುಕೊಳ್ಳುವ ನೀವು ಈ ಭೂಮಿ ಕೊಳ್ಳುವ ವಿಚಾರದಲ್ಲಿ ಬಹಳ ದ್ವಂದ್ವ ಹಾಗೂ ಕಿರಿಕಿರಿ ಅನುಭವಿಸುತ್ತೀರಿ. ಆದರೆ ಆ ಜಮೀನು ಸಾಲ ಮಾಡಿ ತೆಗೆದುಕೊಳ್ಳುವುದಲ್ಲದೇ ಹೋದಲ್ಲಿ ಮಾತ್ರ ಭೂಮಿ ತೆಗೆದುಕೊಳ್ಳುವುದೇ ಲೇಸು ಅನಿಸುತ್ತಿದೆ. ವಿವಾಹ ವಿಚಾರದಲ್ಲಿ ಅವಿವಾಹಿತರು ನಿಮ್ಮ ಅತಿಯಾದ ಅಪೇಕ್ಷೆ ಅಥವಾ ಆಸೆಗಳನ್ನು ನಿಯಮಾವಳಿಗಳನ್ನು ಸಡಿಲಿಸಿದರೆ ಮಾಸಾಂತ್ಯದಲ್ಲಿ ವಿವಾಹ ನಿಶ್ಚಯ ಸಾಧ್ಯತೆಗಳು ಇದೆ, ಅದನ್ನು ಹಾಳು ಮಾಡಿಕೊಳ್ಳಬೇಡಿ. ಆರೋಗ್ಯ ವಿಚಾರದಲ್ಲಿ ಮಾತ್ರ ಬಹಳ ನಿಶ್ಚಿಂತೆಯಿಂದ ಇರುತ್ತೀರಿ.

    ಸ್ತ್ರೀಯರು : ಕೆಲ ಗ್ರಹಗಳು ನಿಮಗೆ ಅನುಕೂಲವಾಗಿ ಇಲ್ಲದ ಕಾರಣ ಮಾಸದ ಆದಿಯಲ್ಲಿ ಸ್ವಲ್ಪ ಸಮಸ್ಯೆಗಳನ್ನು ಎದುರಿಸಬೇಕಾದೀತು. ವೃಥಾ ಕಾಲ ಹರಣ ಹೆಚ್ಚು ಮಾಡುತ್ತೀರಿ. ನಿಮ್ಮ ಸ್ನೇಹಿತೇಯರ ಜಗಳ ಮನಸ್ತಾಪಗಳಲ್ಲಿ ನಿಮ್ಮ ಬಹುಪಾಲು ಇರುತ್ತದೆ. ಅದರಿಂದ ನಿಮ್ಮ ಮನಸ್ಸು ಸಹ ಅಶಾಂತಿಯಿಂದ ಇರುತ್ತದೆ. ಉದ್ಯೋಗ ಸೇರಲು ಸಂದರ್ಶನಕ್ಕೆ ಹೋದಾಗ ಮಾತ್ರ ಹೆಚ್ಚು ಶಾಂತಿ ಪ್ರದರ್ಶನ ಮಾಡಿ ನಿಮ್ಮ ಒಳಗಿನ ಸಿಟ್ಟನ್ನು ಒತ್ತಿ ಒಳಗಡೆಯೇ ಇಟ್ಟುಕೊಳ್ಳಿ. ಪ್ರೀತಿ ಪ್ರೇಮ ಇತ್ಯಾದಿ ವ್ಯವಹಾರಗಳಲ್ಲಿ ಇರುವವರು 5ನೇ ತಾರೀಕಿನ ನಂತರ ಶುಭಫಲ ಇದೆ. ನ್ಯಾಯಾಲಯದ ತೀರ್ಮಾನ ಸಹ ನಿಮ್ಮ ಅಪೇಕ್ಷೆಯಂತೆ ಅಥವಾ ನಿಮ್ಮ ಪಕ್ಷದಲ್ಲಿ ಬರಬೇಕು ಎಂದಾದಲ್ಲಿ ತಿಂಗಳ ಮೊದಲವಾರ ಕಳೆಯಬೇಕು. ಇದೇ ಮಾಸದಲ್ಲಿ ನಿಮಗೆ ನೂತನ ವಾಹನ ಯೋಗ ಸಹ ಇದೆ ಅವಶ್ಯಕತೆ ಇರುವವರು ಪ್ರಯತ್ನ ಮಾಡಬಹುದು. ವಂಶ ಪಾರಂಪರ್ಯವಾಗಿ ನಡೆಸಿಕೊಂಡು ಬರುತ್ತಿರುವ ಉದ್ಯೋಗಿ ನೀವು ಆಗಿದ್ದಲ್ಲಿ ಬಹಳ ಕಷ್ಟಪಟ್ಟು ಜಯ ಸಾಧಿಸುತ್ತೀರಿ.

    ವಿದ್ಯಾರ್ಥಿಗಳು : ನಿಮಗೆ ಉತ್ತಮ ಸಮಯ ನಡೆಯುತ್ತಾ ಇರುವುದರಿಂದ ನೀವು ಚೆನ್ನಾಗಿ ಯೋಚಿಸಿ ಹೆಜ್ಜೆ ಇಡಬೇಕಾಗುತ್ತದೆ. ಹಿಂದೆ ಎಂದೂ ಇಲ್ಲದ ಆತ್ಮವಿಶ್ವಾಸ ನಿಮ್ಮಲ್ಲಿ ಹೆಚ್ಚು ಉಂಟಾಗುತ್ತದೆ. ಇಷ್ಟು ದಿನ ಬರೀ ಓದು ಬರಿ ಎನ್ನುತ್ತ ಇದ್ದ ನೀವು ಈ ತಿಂಗಳು ನಿಮ್ಮ ಕುಟುಂಬದವರೊಂದಿನೆ ಹೆಚ್ಚಿನ ಸಮಯ ಕಳೆಯಲು ಅವಕಾಶ ಲಭಿಸುತ್ತದೆ. ಇಷ್ಟಾದರೂ ಸಹ ನಿಮ್ಮ ಕೆಲಸಗಳ ಮೇಲೆ ನಿಮಗೆ ಹೆಚ್ಚಿನ ಏಕಾಗ್ರತೆ ಬರುತ್ತದೆ. ತಿಂಗಳ ಮಧ್ಯ ಭಾಗದಲ್ಲಿ ನಿಮ್ಮ ಶಾಲಾ ಕಾಲೇಜು ಹೋಗಿ ಬರುವ ದಾರಿಯಲ್ಲಿ ಅಥವಾ ವಾಹನ ಚಾಲನೆ ಮಾಡುವಾಗ ಎಚ್ಚರವಹಿಸಿ. ನಿಮ್ಮ ಸ್ನೇಹಿತರು ನಿಮಗೆ ಸುಳ್ಳು ಹೇಳಿ ಮೋಸ ಮಾಡಬಹುದು. ಆದುದರಿಂದ ಅವರ ಎಲ್ಲಾ ಮಾತುಗಳನ್ನೂ ಸಹ ಕಣ್ಣು ಮುಚ್ಚಿ ನಂಬಬೇಡಿ.

    ಪರಿಹಾರ : ಸರ್ವ ಮಂಗಲ ಮಾಂಗಲ್ಯೇ ....ಈ ಪೂರ್ಣ ಶ್ಲೋಕದಿಂದ ಸಂಪುಟಿ ವಿಧಾನದಲ್ಲಿ ಚಂಡಿಕಾ ಪಾರಾಯಣ ಮಾಡಿಸಿ.

    ವೃಷಭ: ಮಾಸಾಂತ್ಯದಲ್ಲಿ ಹರಸಾಹಸದ ನಂತರ ಅಧಿಕಾರ

    ವೃಷಭ: ಮಾಸಾಂತ್ಯದಲ್ಲಿ ಹರಸಾಹಸದ ನಂತರ ಅಧಿಕಾರ

    ಪುರುಷರು : ಒಂಥರಾ ಎಲ್ಲಾ ಸುಖವಾಗಿದೆ ಅನಿಸುತ್ತದೆ. ಕೆಲವೆಡೆ ಸಿಗುವ ಜಯ ನಿಮಗೆ ಇನ್ನೂ ಹೆಚ್ಚಿನ ಆತ್ಮ ವಿಶ್ವಾಸ ನೀಡುತ್ತದೆ. ಯಾವುದಾದರೂ ಕೆಲಸಗಳನ್ನು ಆರಂಭಿಸ ಬೇಕು ಅಂದುಕೊಂಡಿದ್ದಲ್ಲಿ ತಾನಾಗಿಯೇ ಆ ಕೆಲಸಗಳು ಆರಂಭಗೊಂಡು ನಿಮಗೆ ಆಶ್ಚರ್ಯ ಆಗುತ್ತದೆ. ನಿಮ್ಮ ದುಡ್ಡು ಎಲ್ಲಿಯಾದರೂ ಸಿಲುಕಿ ಹಾಕಿಕೊಂಡಿದ್ದಲ್ಲಿ ಅದು ಬೇಗ ಬಿಡುಗಡೆ ಆಗಿ ಮರಳಿ ಬರುವ ಚಿಕ್ಕದೊಂದು ಲಕ್ಷಣ ಇದೆ. ಇದೇ ಸಮಯದಲ್ಲಿ ನೀವು ಅಶಕ್ತರ ಮೇಲೆ ಬಹಳ ದಯೆ ಕರುಣೆ ತೋರುತ್ತೀರಿ. ಏನೇ ಆಗಲಿ ಅಷ್ಟಮ ಶನಿ ಪ್ರಭಾವದಿಂದಾಗಿ ನೀವು ಈ ಮೊದಲೇ ಯಾರ ಹತ್ತಿರ ಮೋಸ ಹೋಗಬಹುದು ಎಂದು ಯೋಚಿಸಿದ್ದರೋ ಅವರ ಹತ್ತಿರವೇ ಮೋಸ ಹೋಗುತ್ತೀರಿ. ತಿಂಗಳ ಮಧ್ಯ ಭಾಗದಲ್ಲಿ ದುಃಖದ ಸಂಗತಿ ಒಂದು ನಿಮ್ಮ ಕಿವಿಗೆ ಬೀಳಲಿದೆ. ಯಾವುದೇ ಕಾರಣಕ್ಕೂ ಸರಿಯಾಗಿ ಓದದೇ ಕಣ್ಣು ಮುಚ್ಚಿ ಕಾಗದ ಪತ್ರಗಳ ಮೇಲೆ ಸಹಿ ಹಾಕಬೇಡಿ. ಹಾಗೆ ಮಾಡಿದಲ್ಲಿ ನಂತರ ಮೋಸ ಹೋಗುವ ಸಾಧ್ಯತೆ ತುಂಬಾ ಜಾಸ್ತಿ ಇದೆ. ಮಾಸಾಂತ್ಯಕ್ಕೆ ಸರಿದಂತೆ ಎಲ್ಲಾ ಗ್ರಹಗಳ ಅನುಕೂಲ ಸ್ವಲ್ಪ ಆಗಲಿದೆ. ಸಕುಟುಂಬ ಸಮೇತ ಶ್ರೀ ಕ್ಷೇತ್ರಗಳಿಗೆ ಭೇಟಿ ದೇವತಾ ಆರಾಧನೆ ಮಾಡಿಸುವುದು ಹೀಗೆ ಸಾಧ್ಯತೆಗಳು ಹೆಚ್ಚು ಕಾಣುತ್ತಿದೆ. ಹಿರಿಯರಿಗಾಗಿ ಹೆಚ್ಚಿನ ಸಮಯ ಮೀಸಲು ಇಡುತ್ತೀರಿ. ರಾಜಕೀಯ ಕ್ಷೇತ್ರದಲ್ಲಿ ಇರುವವರಿಗೆ ಸ್ವಲ್ಪ ಹೆಚ್ಚು ಶುಭ ಸೂಚನೆಗಳು ಕಾಣಲು ಆರಂಭ ಆಗುತ್ತದೆ. ಬಹಳ ದಿನಗಳಿಂದ ಕಾಡುತ್ತಿದ್ದ ಸಮಸ್ಯೆ ಕಡಿಮೆ ಆಗಿ ರಾಜಕೀಯದಲ್ಲಿ ಇರುವವರು ಪ್ರಜೆಗಳ ಮಧ್ಯೆ ಹೋಗಿ ಅವರ ಕಷ್ಟಗಳನ್ನು ಕೇಳಿ ಪರಿಹಾರ ನೀಡಲು ಅನುಕೂಲ ಆಗುತ್ತದೆ.

    ಸ್ತ್ರೀಯರು : ನಿಮ್ಮ ಕುಟುಂಬುದ ಮೇಲೆ ಅವರ ಅವಶ್ಯಕತೆಗಳ ಮೇಲೆ ಹೆಚ್ಚಿನ ಗಮನ ಕೊಡುತ್ತೀರಿ. ವಿವಾಹಿತ ಮಹಿಳೆ ಆಗಿದ್ದಲ್ಲಿ ನಿಮ್ಮ ಯಜಮಾನರೊಂದಿಗೆ ಹೆಚ್ಚಿನ ಸಮಯ ಕಳೆಯಲು ಇಷ್ಟ ಪಡುತ್ತೀರಿ. ತಿಂಗಳ ಮಧ್ಯ ಭಾಗದಲ್ಲಿ ಮತ್ತೆ ಸ್ವಲ್ಪ ಗ್ರಹಚಾರ ಕೆಡ್ತಾ ಇದೆ ಎಂದು ನಿಮಗೆ ಅನಿಸಬಹುದು. ನಾನು ಹಾಕುತ್ತಿರುವ ಪ್ರಯತ್ನಕ್ಕೆ ತಕ್ಕ ಪ್ರತಿಫಲ ಸಿಗುತ್ತಿಲ್ಲ ಎಂದು ನಿಮಗೆ ಅನಿಸುತ್ತದೆ. ಯಾರಿಗೂ ತಿಳಿಸದೆ ಗುಟ್ಟಾಗಿ ಇಡಬೇಕು ಎಂದುಕೊಂಡಿದ್ದ ವಿಚಾರ ಒಂದು ಎಲ್ಲಾರ ಮುಂದೆ ಬಂದು ಬಿಡುತ್ತದೆ. ತಿಂಗಳ ಮಧ್ಯಭಾಗ ಕಳೆದ ನಂತರ ಮತ್ತೆ ಸ್ವಲ್ಪ ಪರಿಸ್ಥಿತಿ ಸರಿಯಾಗುತ್ತಾ ತಿಳಿ ಆಗುತ್ತಾ ಬರುತ್ತದೆ. ನಿಮ್ಮ ಕುಟುಂಬಕ್ಕೆ ಸಂಬಂಧ ಪಟ್ಟಂತೆ ಒಂದು ಶುಭ ವಾರ್ತೆ ಸಹ ಕೇಳುತ್ತೀರಿ. ನೀವು ಕೆಲಸ ಮಾಡುತ್ತಿರುವ ಸ್ಥಳದಲ್ಲಿ ನಿಮಗೆ ಕೊಟ್ಟ ಕೆಲಸಗಳನ್ನು ಯಶಸ್ವಿ ಆಗಿ ಪೂರೈಸುತ್ತೀರಿ. ಸಹೋದ್ಯೋಗಿಗಳು ಹಾಗೂ ಮಿತ್ರರ ಸಹಾಯ ನಿಮಗೆ ಲಭಿಸಿ ಸಂತಸ ಕೊಡುತ್ತದೆ. ಮಕ್ಕಳ ವಿಚಾರದಲ್ಲಿ ಸಹ ಹೆಚ್ಚಿನ ಚಿಂತೆಗಳು ಇಲ್ಲ.

    ವಿದ್ಯಾರ್ಥಿಗಳು : ಮಿಕ್ಕ ವಿದ್ಯಾರ್ಥಿಗಳಿಗೆ ಹೋಲಿಸಿಕೊಂಡಲ್ಲಿ ನೀವು ಉತ್ತಮ ಸಾಧನೆ ಮಾಡುತ್ತೀರಿ. ನಿಮ್ಮ ಓದಿನ ವಿಚಾರದಲ್ಲಿ ನಿಮ್ಮ ಕುಟುಂಬದವರ ಸಹಾಯ ಸಹಕಾರ ಹೆಚ್ಚು ಲಭಿಸುತ್ತದೆ. ನೀವು ಯಾವ ಕೆಲಸ ಆರಂಭಿಸಿದರೂ ಸಹ ಅದನ್ನು ಯಶಸ್ವಿ ಆಗಿ ಮುಗಿಸಿಯೇ ಕೈ ಬಿಡುತ್ತೀರಿ. ಅಲ್ಲಿತನಕ ನಿಮಗೆ ಸಮಾಧಾನ ಅಥವಾ ನಿದ್ರೆ ಸಹ ಬರುವುದಿಲ್ಲ. ಸಾಧನೆ ಮಾಡುವ ವಿಚಾರದಲ್ಲಿ ಒಂದು ಒಳ್ಳೆಯ ನಿರ್ಧಾರಕ್ಕೆ ಬರುತ್ತೀರಿ. ಮಾಸಾಂತ್ಯಕ್ಕೆ ಸರಿದಂತೆ ನಿಮ್ಮ ಪಾಲಿಗೆ ಅಷ್ಟು ಉತ್ತಮ ಇಲ್ಲ ಕಾರಣ ನಿಮ್ಮನ್ನು ನೋಡಿ ಅಸೂಯೆ ಪಡುವವರ ಸಂಖ್ಯೆಯಲ್ಲಿ ವೃದ್ಧಿ ಇದೆ. ನಿಮ್ಮ ಬೆನ್ನ ಹಿಂದೆ ನಿಮಗೆ ಮೋಸ ಮಾಡಲು ಸದಾ ಸಿದ್ದ ಇರುತ್ತಾರೆ. ನಿಮ್ಮ ಸಹೋದರ ಅಥವಾ ಸಹೋದರಿ ಜೊತೆ ನಿಮಗೆ ಇದ್ದ ಮನಸ್ತಾಪ ಕಡಿಮೆ ಆಗಿ ಉತ್ತಮ ಬಾಂಧವ್ಯ ಇರುತ್ತದೆ.

    ಪರಿಹಾರ : ಶುಕ್ರವಾರದಂದು ಚಂಡಿ ಪಾರಾಯಣ ಮಾಡಿಸಿ ಮುತ್ತೈದೆಗೆ ಅರಿಶಿನ ಕುಂಕುಮ ನೀಡಿ.

    ಮಿಥುನ: ವಿವಾಹ ಪ್ರಸ್ತಾವವಗಳು ಹೆಚ್ಚಿನ ಸಂಖ್ಯೆಯಲ್ಲಿ ಬರುತ್ತವೆ

    ಮಿಥುನ: ವಿವಾಹ ಪ್ರಸ್ತಾವವಗಳು ಹೆಚ್ಚಿನ ಸಂಖ್ಯೆಯಲ್ಲಿ ಬರುತ್ತವೆ

    ಪುರುಷರು : ನಿಮಗೆ ಶುಭ ಸಮಯ ಇದೆ ನೀವು ಅಂದುಕೊಂಡಂತೆ ಕೆಲಸಗಳು ನೆರವೇರುತ್ತವೆ ಆದರೆ ಗ್ರಹಣದ ಅಶುಭ ಫಲ ಕೆಲವು ಅನುಭವಿಸ ಬೇಕಾಗಿ ಇರುವುದರಿಂದ ಕೆಲಸಗಳು ಕೊನೇಯ ಘಳಿಗೆಯಲ್ಲಿ ನಿಲ್ಲಬಹುದು. ನೀವು ಸಂತೋಷವಾಗಿ ಇರಲು ಪ್ರಯತ್ನ ಮಾಡುತ್ತೀರಿ. ಅಷ್ಟೇ ಅಲ್ಲ ನಿಮ್ಮ ಜೊತೆ ಇತರರನ್ನೂ ಸಹ ಸಂತೋಷವಾಗಿ ಇಡಲು ಪ್ರಯತ್ನ ಮಾಡುತ್ತೀರಿ. ಪ್ರಕೃತಿ ಎಂದರೆ ನಿಮಗೆ ಬಹಳ ಇಷ್ಟ ಮಳೆಯಲ್ಲಿ ನೆನೆಯುತ್ತಾ ಕರಿದ ಪದಾರ್ಥಗಳನ್ನು ಸವಿಯುತ್ತಾ ದೂರ ಗಾಡಿ ಓಡಿಸಿಕೊಂಡು ಹೋಗುವ ನಿಮ್ಮ ಕನಸುಗಳು ಕೆಲವು ನನಸಾಗಲಿವೆ. ಆದರೆ ಎಲ್ಲರಿಗೂ ಮಳೆ ಸಿಗುತ್ತಾ ಎನ್ನುವುದು ಅನುಮಾನ. ಶ್ರಮಕ್ಕೆ ತಕ್ಕ ಪ್ರತಿಫಲ ಇದೆ. ಕೆಲ ಮಟ್ಟಿಗೆ ಖರ್ಚುಗಳು ಕಾಣಿಸುತ್ತಾ ಇದೆ ಅದರಲ್ಲಿಯೂ ವಿಶೇಷವಾಗಿ ಇತರರಿಗಾಗಿ ಉಡುಗೋರೆ ಖರೀದಿಸುವ ವಿಚಾರದಲ್ಲಿ ಹೆಚ್ಚು ಖರ್ಚು ಮಾಡುತ್ತೀರ. ತಿಂಗಳ ಮಧ್ಯ ಭಾಗಕ್ಕೆ ಸರಿದಂತೆ ಗ್ರಹಣದ ದುಷ್ಪ್ರಭಾವ ಅಂತೀರೋ ಎನೋ ಆದರೆ ಕೆಲ ಕಷ್ಟಗಳು ಇದ್ದಕ್ಕಿದ್ದ ಹಾಗೆ ಬರುತ್ತವೆ. ನೀವು ಊಹಿಸಿರದ ಕೆಲ ಘಟನೆಗಳು ಜರುಗುತ್ತವೆ. ನಿಮ್ಮ ಆರೋಗ್ಯ ಸಹ ಹಾಳಾಗಬಹುದು. ಯಾವುದಕ್ಕೂ ನೀವು ತಿಂಗಳ ಮಧ್ಯ ಭಾಗ ಆರಂಭ ಆದಂತೆ ಹೆಚ್ಚಿನ ಜಾಗ್ರತೆ ವಹಿಸುವುದು ಉತ್ತಮ. ಇನ್ನು ತಿಂಗಳ ಅಂತ್ಯ ಭಾಗಕ್ಕೆ ಹೋದಂತೆ ನಿಮ್ಮ ಕುಟುಂಬದತ್ತ ಹೆಚ್ಚಿನ ಗಮನ ಕೊಡಿ. ನಿಮ್ಮ ಕುಟುಂಬದವರ ಬೇಡಿಕೆಗಳನ್ನು ಕೇಳಿ ತಿಳಿದುಕೊಂಡು ಅವುಗಳನ್ನು ಈಡರಿಸಲು ಪ್ರಯತ್ನಿಸಿ. ಹೀಗೆ ನೀವು ಮಾಡಿದಲ್ಲಿ ನಿಮಗೆ ಬಹಳ ಒಳ್ಳೆಯದೇ ಆಗುತ್ತದೆ ಎನ್ನುವುದು ತಿಳಿಯಿರಿ.

    ಸ್ತ್ರೀಯರು : ನಿರುದ್ಯೋಗಿ ಮಹಿಳೆ ನೀವು ಆಗಿದ್ದಲ್ಲಿ ಉದ್ಯೋಗ ಲಭಿಸುತ್ತದೆ. ಪ್ರತಿ ಒಬ್ಬರ ಅವಶ್ಯಕತೆಗಳನ್ನು ಕೇಳಿ ಕೇಳಿ ನಿಮ್ಮ ಸಹಾಯ ನೀವು ಮಾಡುತ್ತೀರಿ. ಆದರೆ ಅದೇ ಸಮಯದಲ್ಲಿ ನಿಮ್ಮ ಬಗ್ಗೆ ಸಹ ನೀವು ಕೆಲ ಎಚ್ಚರಿಕೆಗಳನ್ನು ತೆಗೆದುಕೊಳ್ಳಬೇಕು. ಶಾರೀರಿಕವಾಗಿ ನೋಡಿದಾಗ ನಿಶ್ಶಕ್ತಿ ನಿಮ್ಮನ್ನು ಕಾಡುತ್ತದೆ. ಎಲ್ಲರ ಬಗ್ಗೆ ಗಮನ ಹರಿಸುವ ನೀವು ನಿಮ್ಮ ಬಗ್ಗೆ ನಿಮ್ಮ ಆರೋಗ್ಯದ ಬಗ್ಗೆ ಸಹ ಎಚ್ಚರವಹಿಸುವುದು ಅತ್ಯವಶ್ಯ. ತಿಂಗಳ ಮಧ್ಯ ಭಾಗ ಕಳೆದಂತೆ ಮಾನಸಿಕ ನೆಮ್ಮದಿ ಸಿಗುತ್ತದೆ. ಹೀಗೆ ಮಾಡಬೇಕು ಹಾಗೆ ಮಾಡಬೇಕು ಎನ್ನುವ ಹೊಸ ಹೊಸ ಸಿದ್ದಾಂತಗಳನ್ನು ತಯಾರು ಮಾಡಿಕೊಳ್ಳುತ್ತೀರಿ. ನೀವು ಕೆಲಸ ಮಾಡುತ್ತಿರುವ ಜಾಗದಲ್ಲಿ ಸಿಟ್ಟು ಮಾಡಬೇಡಿ. ಸಿಟ್ಟು ಒಂದೊಮ್ಮೆ ಬಂದರೂ ಅಥವಾ ನೀವು ಸಿಟ್ಟಾಗುವಂತೆ ಇತರರು ಮಾಡಿದರೂ ಸಹ ಕೋಪಗೊಳ್ಳಬೇಡಿ. ಕಾರಣ ನೀವು ತುಂಬಾ ಮುಗೋಪಿ ಎಂದು ನಿಮ್ಮ ಮೇಲೆಚಾಡಿ ಹೇಳಲು ಕೆಲವರು ಸಿದ್ದರಾಗಿದ್ದಾರೆ.

    ವಿದ್ಯಾರ್ಥಿಗಳು : ಪರಿಸ್ಥಿತಿಗಳು ಮತ್ತೆ ನಿಮ್ಮ ಹತೋಟಿಗೆ ಬರುತ್ತದೆ. ಅಂದುಕೊಂಡದ್ದು ಅಂದುಕೊಂಡಂತೆ ಮಾಡಿ ಮುಗಿಸುತ್ತೀರಿ. ಆದರೆ ಹೊಸ ಹೊಸ ಆಸೆಗಳು ಹುಟ್ಟುತ್ತದೆ. ನಿಮ್ಮ ಶಾಲಾ ಕಾಲೇಜುಗಳಲ್ಲಿ ನಡೆಯುವ ಲೀಡರ್ ಚುಣಾವಣೆಯಲ್ಲಿ ನಿಲ್ಲಬೇಕು ಅಂಥ ರಾಜಕೀಯಗಳಲ್ಲಿ ಪಾಲ್ಗೊಳ್ಳಬೇಕು ಎಂದು ಹೆಚ್ಚು ಹೆಚ್ಚು ಅನಿಸತೊಡಗುತ್ತದೆ. ನಿಮ್ಮ ಕುಟುಂಬದವರಿಗೆ ಅಪ್ಪ ಅಮ್ಮ ಎಲ್ಲರಿಗೂ ನಿಮ್ಮ ಮೇಲೆ ಆತ್ಮವಿಶ್ವಾಸ ಹೆಚ್ಚುತ್ತದೆ. ಸಮಯ ಬಹಳ ಚೆನ್ನಾಗಿ ಇರುವುದರಿಂದ ನಿಮ್ಮ ಶಾಲಾ ಕಾಲೇಜು ಶುಲ್ಕ ಇನ್ನೂ ಕಟ್ಟಿಲ್ಲ ಎಂದಾದಲ್ಲಿ ಧನ ಲಾಭ ಆಗುತ್ತದೆ ಕಟ್ಟಿ ಬಿಡಿ. ನಿಮ್ಮಲ್ಲಿಯ ಕೆಲ ತಪ್ಪು ವರ್ತನೆಗಳನ್ನು ಬದಲಾಯಿಸಿಕೊಳ್ಳಲು ನಿಮ್ಮನ್ನು ನೀವು ಬದಲಾಯಿಸಿಕೊಳ್ಳಲು ಸೂಕ್ತ ಸಮಯ.

    ಪರಿಹಾರ : ಯಾವುದಾರರೂ ಮಂಗಳವಾರದಂದು ಸಂಪುಟೀ ವಿಧಾನದಲ್ಲಿ ಚಂಡಿಕಾ ಪಾರಾಯಣ ಮಾಡಿಸಿ. ಸಂಪುಟಿಗೆ ಶ್ಲೋಕ ಸರ್ವಾ ಬಾಧಾ ಪ್ರಶಮನಂ ಈ ಸಂಪೂರ್ಣ ಶ್ಲೋಕದಿಂದ.

    ಕರ್ಕಾಟಕ: ಕಣ್ಣಿಗೆ ಸಂಬಂಧಿಸಿದ ಅನಾರೋಗ್ಯ ತೊಂದರೆ

    ಕರ್ಕಾಟಕ: ಕಣ್ಣಿಗೆ ಸಂಬಂಧಿಸಿದ ಅನಾರೋಗ್ಯ ತೊಂದರೆ

    ಪುರುಷರು : ರಾಜಕೀಯದಲ್ಲಿ ಇರುವವರಿಗೆ ಉತ್ತಮ ಕಾಲ ಅಧಿಕಾರ ಪ್ರಾಪ್ತಿ ಅಥವಾ ಕಾರ್ಯ ಸಾಧನೆ ಇದೆ. ಸರಕಾರಿ ಉದ್ಯೋಗಿಗಳಿಗೂ ಶುಭ ಕಾಲ. ಆಲಸ್ಯ ಬಿಟ್ಟು ಕೆಲಸ ಮಾಡಿದಲ್ಲಿ ಸ್ವ ಉದ್ಯೋಗಿಗಳಿಗೂ ನೆಮ್ಮದಿ ಇದೆ. ದಿನ ನಿತ್ಯದ ಖರ್ಚುಗಳು ನಿಮಗೆ ಹೆಚ್ಚಾದಂತೆ ಭಾಸವಾಗುತ್ತದೆ. ಆದರೆ ವಾಸ್ತವ ಅಂದರೆ ನಿಮ್ಮ ಆದಾಯ ಕಡಿಮೆ ಆಗಿರುವುದು ನಿಮ್ಮ ಗಮನಕ್ಕೆ ಬಂದಿರುವುದಿಲ್ಲ! ಉದ್ಯೋಗದಲ್ಲಿ ನಿಮಗೆ ತಡೆಯೊಡ್ಡಲು ಹೊಸಬರ ಆಗಮನದ ಸಾಧ್ಯತೆಗಳು ಕಾಣುತ್ತಿದೆ. ಕೆಟ್ಟ ವ್ಯವಹಾರಗಳನ್ನು ಮಾಡುವವರು ದೈವಾನುಗ್ರಹದಿಂದ ನಿಮ್ಮಿಂದ ದೂರವಾಗುತ್ತರೆ. ಯಾರೆ ಜಗಳವಾಡಲಿ ನ್ಯಾಯ ಮಾಡಿಸಿ ಎಂದು ನಿಮ್ಮ ಬಳಿ ಬರುವ ಸಾಧ್ಯತೆಗಳು ಹೆಚ್ಚು ಇವೆ. ನಿಮಗಿರುವ ದುರಭ್ಯಾಸಗಳ ಗುಟ್ಟು ರಟ್ಟಾಗದಂತೆ ನೋಡಿಕೊಳ್ಳಿ ಹಾಗೂ ಆದಷ್ಟೂ ಅಂಥ ದುರಭ್ಯಾಸಗಳಿಂದ ಹೊರಬರಲು ಪ್ರಯತ್ನಿಸಿ. ಸಮಾಜ ಸೇವೆ ಮಾಡುವ ಮನಸ್ಸು ಉಂಟಾಗುತ್ತದೆ. ಸನ್ಮಾನಗಳನ್ನು ಬಯಸಿದವರಿಗೆ ಈ ತಿಂಗಳಿನಲ್ಲಿ ಲಭ್ಯವಿದೆ. ವಿದೇಶ ಪ್ರಯಾಣವನ್ನು ಬಯಸಿದವರು ಯಾವ ಅಡ್ಡಿ ಆತಂಕಗಳಿಲ್ಲದೇ ಹೋಗಿ ಬರಬಹುದು. ಅವಿವಾಹಿತರಿಗೆ ವಿವಾಹದ ಹೊಸ ಅವಕಾಶಗಳು ಕಾಣುತ್ತವೆ,

    ಸ್ತ್ರೀಯರು : ವಿದ್ಯಾ ಇಲಾಖೆಯಲ್ಲಿ ಉದ್ಯೋಗ ಮಾಡುತ್ತಿದ್ದೀರಾ ಎಂದಾದಲ್ಲಿ ಭಡ್ತಿಗಾಗಿ ಅಥವಾ ಅವಶ್ಯವಿದ್ದಲ್ಲಿ ಬೆರೆಡೆ ಸ್ಥಳಾಂತರಕ್ಕೆ ಅಪೇಕ್ಷಿಸಿದಲ್ಲಿ ಪ್ರಯತ್ನಿಸಿ ಸಾಧ್ಯವಾದೀತು. ತವರು ಮನೆಯಿಂದ ಸಾಕಷ್ಟು ಸಹಾಯ ಹಾಗೂ ಧೈರ್ಯ ಲಭಿಸುತ್ತದೆ. ಹೆಚ್ಚುವರಿ ಜವಾಬ್ಧಾರಿಗಳು ನಿಮ್ಮ ಬೆನ್ನಮೇಲೆ ಹೊರಿಸಿದರೂ ಸಹ ಅವೆಲ್ಲವನ್ನೂ ಸಹ ಸಮರ್ಥವಾಗಿ ಎದುರಿಸುತ್ತೀರಿ. ಗುರು ಕೊಡುವ ಶುಭಫಲಗಳು ಸಂತಸ ಕೊಟ್ಟರೆ ಕೇತು ಕೊಡುವ ವಿಘ್ನಗಳು ಬಹಳ ಕಿರಿಕಿರಿ ಆಗುತ್ತದೆ. ತಿಂಗಳ ಆರಂಭದ ಕೆಲ ದಿನಗಳು ಅನಾವಶ್ಯಕ ಖರ್ಚುಗಳು ಆದರೆ ಜೊತೆಗೆ ನೀವು ನಂಬಿಕೊಂಡವರು ಸಹ ನಿಮಗೆ ಮೋಸ ಮಾಡಿದರು ಎಂಬ ದುಃಖ ಕಾಡುತ್ತದೆ. ಸ್ವಲ್ಪವೂ ಎದೆಗುಂದ ಬೇಕಾಗಿಲ್ಲ ಮುಂದೆ ಮುಂದೆ ಎಲ್ಲಾ ಸರಿ ಹೋಗುತ್ತದೆ. ಕೌಟುಂಬಿಕವಾಗಿ ನೋಡಿದಾಗ ನೆಮ್ಮದಿ ವಾತಾವರಣ ಕಾಣುತ್ತಿದೆ. ಶಾರೀರಿಕ ದೃಷ್ಟಿಯಿಂದ ನೋಡಿದಾಗ ಈ ಮೊದಲಿಗಿಂತ ಸ್ವಲ್ಪ ಉತ್ತಮ ಇರುತ್ತದೆ.

    ವಿದ್ಯಾರ್ಥಿಗಳು : ನಿಮ್ಮ ಬುದ್ದಿವಂತಿಗೆ ತೋರಿಸುತ್ತೀರಿ ಸೂಕ್ತ ಸಮಯದಲ್ಲಿ ನಿಮ್ಮ ಉತ್ತಮ ನಡೆ ನಿಮಗೆ ನಿಮ್ಮ ನಿರೀಕ್ಷೆಗೂ ಮೀರಿ ಒಳ್ಳೆಯ ಹೆಸರು ತರುತ್ತದೆ. ವಿದ್ಯಾರ್ಥಿಗಳಿಗೆ ಬಂಗಾರದಂಥ ಸಮಯ ಎನ್ನಬಹುದು. ಉತ್ತಮ ವಾಕ್ಚಾತುರ್ಯ ಇರುತ್ತದೆ. ನಿಮ್ಮ ಅಧ್ಯಾಪಕರು ನಿಮ್ಮನ್ನು ಶಾಲೆಯ ಹೆಮ್ಮೆಯ ವಿದ್ಯಾರ್ಥಿ ಎಂದು ಬಿಂಬಿಸುತ್ತಾರೆ . ಇತರ ವಿದ್ಯಾರ್ಥಿಗಳಿಗೆ ನಿಮ್ಮನ್ನು ನೋಡಿ ಕಲಿಯಲು ಹೇಳುತ್ತಾರೆ. ಇನ್ನು ಸಮಸ್ಯೆ ಆದರೂ ಸಹ ಅದು ಗಣಿತ ವಿಷಯದಲ್ಲಿ ಅದೂ ಸಹ ಮಾಸಾಂತ್ಯದಲ್ಲಿ ಕಡಿಮೆ ಆಗುತ್ತದೆ. ಇಲ್ಲಿ ನೀವು ಗಮನಿಸಿ ನೆನಪಿಟ್ಟು ಮಾಡಬೇಕಾದ ಕೆಲಸ ಅಂದರೆ ಉಳಿದ ನಿಮ್ಮ ಸ್ನೇಹಿತರಿಗೂ ಅವಕಾಶ ನೀಡಬೇಕು. ಎಲ್ಲೆಡೆ ನೀವೇ ವ್ಯಾಪಿಸಿ ಕೇವಲ ನೀವು ಮಾತ್ರ ಕಂಡರೆ ಅದು ಭವಿಷ್ಯದ ನಿಮ್ಮ ಅವನತಿಗೆ ದಾರಿ ಮಾಡಿಕೊಡುತ್ತದೆ.

    ಪರಿಹಾರ : ವಿದ್ಯಾಂ ದೇಹಿ ಧನಂ ದೇಹಿ ಈ ಶ್ಲೋಕದಿಂದ ಸಂಪುಟಿ ವಿಧಾನದಲ್ಲಿ ಚಂಡಿಕಾ ಪಾರಾಯಣ ಮಾಡಿಸಿ

    ಸಿಂಹ: ಓಡಾಟ, ಅಲೆದಾಟ ಹೆಚ್ಚಾಗುವ ಸಂಭವ

    ಸಿಂಹ: ಓಡಾಟ, ಅಲೆದಾಟ ಹೆಚ್ಚಾಗುವ ಸಂಭವ

    ಪುರುಷರು : ಹೊಸದಾಗಿ ವ್ಯಾಪಾರ ಆರಂಭ ಮಾಡಬೇಕು ಎಂದು ಇದ್ದಲ್ಲಿ ನಿಮ್ಮ ಜಾತಕ ಒಮ್ಮೆ ತೋರಿಸಿ ಪರಿಶೀಲನೆ ಮಾಡಿಸಿಕೊಳ್ಳಿ. ಪ್ರೇಮಿಗಳಿಗೆ ಉತ್ತಮ ಸಮಯ ಅಲ್ಲ. ಅವಿವಾಹಿತರಿಗೆ ಇದ್ದಕಿದ್ದಂತೆ ಮದುವೆ ಮಾತುಕತೆ ವಿಚಾರದಲ್ಲಿ ಹೆಚ್ಚು ಹೆಚ್ಚು ವಿಘ್ನಗಳು ಬರಲು ಪ್ರಾರಂಬಿಸುತ್ತವೆ. ದೂರ ಪ್ರಯಾಣಗಳಿಂದ ಉತ್ತಮ ಲಾಭಗಳಿವೆ. ದಿವ್ಯ ಕ್ಷೇತ್ರ ದರ್ಶನ ಯೋಗಗಳು ಸಹ ಕಂಡು ಬರುತ್ತಿದೆ. ಸ್ತ್ರೀಯರ ಮುಖಾಂತರ ಮಾಡುವ ವ್ಯವಹಾರಗಳಲ್ಲಿ ಯಶಸ್ಸು ಕಾಣುತ್ತಿದೆ. ತಿಂಗಳಾಂತ್ಯಕ್ಕೆ ಸರಿದಂತೆ ಭೂಮಿ ವ್ಯವಹಾರ ಮಾಡುವವರಿಗೆ ಲಾಭದ ಸಮಯ, ಅಧ್ಯಾಪಕ ವೃತ್ತಿಯಲ್ಲಿ ಇರುವವರಿಗೆ ಸಂಬಳ ಹೆಚ್ಚಳ ಇತ್ಯಾದಿ ಮಾರ್ಗಗಳಿಂದ ಧನ ಲಾಭ. ಇನ್ನೊಬ್ಬರ ಒಟ್ಟಿಗೆ ಸೇರಿ ಮಾಡುತ್ತಿರುವ ವ್ಯಾಪಾರದಲ್ಲಿ ಲಾಭದ ಪ್ರಮಾಣ ಸ್ವಲ್ಪ ತಗ್ಗುವ ಸಾಧ್ಯತೆಗಳು ಕಾಣುತ್ತಿದೆ. ಆದರೆ ಹೊಸ ಹೊಸ ವ್ಯಾಪಾರ ವಿಚಾರಗಳ ಮಾಹಿತಿ ನಾವೂ ಸಹ ಆ ವ್ಯಾಪಾರವನ್ನು ಮಾಡೋಣ ಎಂಬ ಸಲಹೆ ಸೂಚನೆಗಳು ಲಭಿಸುತ್ತದೆ. ವಿದೇಶ ಪ್ರಯಾಣದ ಕನಸು ಅಥವಾ ಆಸೆ ಹೊತ್ತಿರುವವರು ಪ್ರಯತ್ನಿಸಿದರೆ ಯಶಸ್ಸು ಸಿಗಬಹುದು.

    ಸ್ತ್ರೀಯರಿಗೆ : ಹೆಣ್ಣು ಹೆತ್ತವರಿಗೆ ಸಂಭ್ರಮದ ಸಮಯ. ತವರು ಮನೆಯಿಂದ ಸಹ ಸಂತಸದ ಸುದ್ದಿಗಳು ಬರುವ ನಿರೀಕ್ಷೆಗಳಿವೆ. ಆದರೆ ತಿಂಗಳಾಂತ್ಯದಲ್ಲಿ ಮಾತ್ರ ಸಹೋದರೊಂದಿಗೆ ಚಿಕ್ಕದಾಗಿ ಮನಸ್ತಾಪ ಆಗುವ ಸಾಧ್ಯತೆಗಳಿವೆ. ಇನ್ನೊಂದು ಸ್ತ್ರೀಗೆ ಸಂಬಂಧಿತವಾದ ಯಾವುದೇ ಮನಸ್ತಾಪಗಳು ಅಥವಾ ಜಗಳಗಳು ಬಂದರೂ ಸಹ ಅದನ್ನು ಮುಂದುವರಿಸದೇ ಅಲ್ಲಿಗೇ ಬಿಟ್ಟು ಬಿಡುವುದು ಲೇಸು. ನಿಮ್ಮ ಮಾತುಗಳಿಂದ ಇತರರ ಮನಸ್ಸಿಗೆ ಬೇಸರ ಆಗಬಹುದು. ಆದುದರಿಂದ ಮಾತನಾಡುವಾಗ ಎಚ್ಚರವಹಿಸಿ. ಹೊಸ ಅಥವಾ ಪರಿಚಯವೇ ಇಲ್ಲದ ಜನರೊಂದಿಗೆ ವ್ಯವಹಾರಗಳು ಬೇಡ. ಆಕಸ್ಮಿಕ ಧನಲಾಭ ಬೇಕು ಎಂದಾದಲ್ಲಿ ತಿಂಗಳಾಂತ್ಯದಲ್ಲಿ ಸ್ವಲ್ಪ ಸಾಧ್ಯತೆಗಳಿವೆ. ತಿಂಗಳ ಮಧ್ಯ ಅಥವಾ ಅಂತ್ಯ ಭಾಗದಲ್ಲಿ ಮಾಡಿ ಮುಗಿಸ ಬೇಕು ಎಂದುಕೊಂಡಿದ್ದ ಕೆಲಸಗಳು ಆ ಸಮಯದಲ್ಲಿ ನಿಮ್ಮ ಮನೆಗೆ ದೂರದ ನೆಂಟರು ಬಂದು ಸರಿಯಾಗಿ ಮಾಡಾಲಾಗದೇ ಪಶ್ಚಾತಾಪ ಪಡುತ್ತೀರಿ. ಆದರೆ ನಿಮ್ಮ ಮನಸ್ಸಿಗೆ ಮುದ ನೀಡುವ ಉಡುಗೋರೆಗಳು ನಿಮಗೆ ಲಭ್ಯವಾಗಲಿವೆ.

    ವಿದ್ಯಾರ್ಥಿಗಳಿಗೆ : ಸಮಯದ ನಷ್ಟ ವಿದ್ಯಾರ್ಥಿಗಳಾದ ನಿಮಗೆ ಅತ್ಯಂತ ದೊಡ್ಡ ಪ್ರಮಾಣದ ನಷ್ಟವಾಗಿರುತ್ತದೆ. ಆದುದರಿಂದ ಆ ವಿಚಾರದಲ್ಲಿ ಹೆಚ್ಚಿನ ಗಮನ ಕೊಡಿ. ನಿಮಗೆ ಅರಿವಿಲ್ಲದಂತೆ ಆಮೇಲೆ ನೋಡೋಣ ಆಮೇಲೆ ಓದೋಣ ಎನ್ನುತ್ತ ನೀವು ಸುಖಾಸುಮ್ಮನೇ ಹಾಳು ಮಾಡುವ ಸಾಧ್ಯತೆಗಳಿವೆ. ಹಿರಿಯರ ಮಾತುಗಳಿಗೂ ಸಹ ನೀವು ತೋರ್ಪಡಿಕೆಯ ಗೌರವ ಮಾತ್ರ ತೋರಿಸುತ್ತೀರಿ ಅವರು ಹೇಳುವ ಉಪದೇಶಗಳನ್ನು ಅಳವಡಿಸಿಕೊಳ್ಳುವುದಿಲ್ಲ. ಆದರಿಂದ ನಿಮಗೇ ಹೆಚ್ಚಿನ ತೊಂದರೆ ನೆನಪಿರಲಿ. ಇತರರು ಮಾಡಿದ ತಪ್ಪುಗಳನ್ನು ನಿಮ್ಮ ಮೇಲೆ ಹಾಕುವ ಸಾಧ್ಯತೆಗಳಿವೆ. ಆಟ ಆಡ ಬೇಕಾದರೆ ಬೆನ್ನು ಅಥವಾ ಕಾಲಿಗೆ ನೋವು ಮಾಡಿಕೊಳ್ಳುತ್ತೀರ ಎಚ್ಚರ.

    ಪರಿಹಾರ : ನವಾರ್ಣ ಬೀಜ ಮಂತ್ರದಿಂದ ಸಂಪುಟಿ ವಿಧಾನದಲ್ಲಿ ಚಂಡಿ ಪಾರಾಯಣ ಮಾಡಿಸಿ.

    ಕನ್ಯಾ: ವೃತ್ತಿ ವಿಚಾರದಲ್ಲಿ ಆಸೆ ಈಡೇರಿಸಿಕೊಳ್ಳುವ ಕಾಲ

    ಕನ್ಯಾ: ವೃತ್ತಿ ವಿಚಾರದಲ್ಲಿ ಆಸೆ ಈಡೇರಿಸಿಕೊಳ್ಳುವ ಕಾಲ

    ಪುರುಷರು : ಮನೆ ಹಾಗೂ ಸಮಾಜದಲ್ಲಿ ನಿಮ್ಮ ಗೌರವ ವೃದ್ಧಿಸುತ್ತದೆ. ದೂರದ ಪ್ರಯಾಣ ಏನಾದರೂ ಆಲೋಚಿಸಿದ್ದರೆ ಹೋಗಬಹುದು ಸಮಸ್ಯೆ ಇಲ್ಲ ಉತ್ತಮವಾಗಿದೆ. ಕೆಲ ಮಟ್ಟಿಗೆ ಹಣದ ಮುಗ್ಗಟ್ಟುಕಾಣಬಹುದು ಆದರೆ ನಂತರ ಮಾಸಾಂತ್ಯಕ್ಕೆ ಸರಿದಂತೆ ಸರಿಹೋಗುತ್ತದೆ. ಮಾನಸಿಕವಾಗಿ ಸಹ ಅನವಶ್ಯಕ ಚಿಂತೆಗಳನ್ನು ಮಾಡುತ್ತೀರಿ. ಆಶ್ಚರ್ಯ ಅಂದರೆ ನಿಮ್ಮ ಚಿಂತೆಯ ವಿಷಯ ನಿಮಗೆ ಸಂಬಂಧಿಸಿದ್ದಲ್ಲ! ಕೆಲವೊಮ್ಮೆ ನೆಂಟರಿಷ್ಟರಲ್ಲಿ ಸಹ ಅನಾವಶ್ಯಕ ಮನಸ್ತಾಪ ಹೊಂದುತೀರಿ. ವ್ಯಾಪಾರಿಗಳಿಗೆ ದುಡ್ಡು ಕಣ್ಣಿಗೆ ಕಾಣುತ್ತದೆ. ಆದರೆ ಕೈಗೆ ಸಿಗುವುದಿಲ್ಲ ದೊಡ್ಡ ಪ್ರಮಾಣದಲ್ಲಿ ದುಡ್ಡು ಕೈ ಬದಲಾದರೂ ಸಹ ಕೊನೆಗೆ ನಿಮಗೆ ಉಳಿದಿದ್ದೇನು ಎಂದು ನೋಡಿದಾಗ ಏನೂ ಇರುವುದಿಲ್ಲ. ಇನ್ನು ಉದ್ಯೋಗಿಗಳಿಗೆ ಅಷ್ಟಾಗಿ ಆರ್ಥಿಕ ಸಮಸ್ಯೆಗಳು ಕಾಡದು ಅವರಿಗೇನಿದ್ದರೂ ಕೆಲಸದ ಒತ್ತಡ ಹೆಚ್ಚಾಗಿ ಮನಸ್ಸು ವಿರಾಮವನ್ನು ಬಯಸುತ್ತಿರುತ್ತದೆ. ತಿಂಗಳ ಕೊನೆಯ ಭಾಗಕ್ಕೆ ಹೋದಂತೆಲ್ಲಾ ಮನೆಯಿಂದ ಸಾಕಷ್ಟು ಸಹಾಯ ಹಾಗೂ ಧೈರ್ಯ ಲಭಿಸುತ್ತದೆ. ಹೆಚ್ಚುವರಿ ಜವಾಬ್ದಾರಿಗಳು ನಿಮ್ಮ ಬೆನ್ನಮೇಲೆ ಹೊರಿಸಿದರೂ ಸಹ ನೀವು ಮಾತ್ರ ಅವೆಲ್ಲವನ್ನೂ ಸಹ ಸಮರ್ಥವಾಗಿ ಎದುರಿಸುತ್ತೀರಿ.

    ಸ್ತ್ರೀಯರಿಗೆ : ಆರ್ಥಿಕ ಸ್ವಾವಲಂಬನೆಯತ್ತ ನಿಮ್ಮ ಚಿತ್ತ ಹೆಚ್ಚು ವಾಲುತ್ತದೆ. ಅದಕ್ಕೆ ಕಾರಣ ಸಹ ಹಿಂದಿನ ತಿಂಗಳಿನಲ್ಲಿ ನೀವು ಅನುಭವಿಸುವ ಕೆಲ ಆರ್ಥಿಕ ಸಮಸ್ಯೆಗಳೇ ಎಂದರೆ ತಪ್ಪಾಗಲಾರದು. ಸಹಾಯ ಮಾಡಬಾರದು ಎಂದು ನೀವು ಈ ಹಿಂದೆ ತೀರ್ಮಾನಿಸಿದವರಿಗೇ ಮತ್ತೆ ಪುನಃ ನೀವೇ ಹೋಗಿ ಸಹಾಯ ಮಾಡಿ ಬರುತೀರಿ. ವಸ್ತ್ರ ಖರೀದಿ ಹೆಚ್ಚು ಮಾಡುತ್ತೀರಿ. ಆದರೆ ಅಂಗಡಿಯಲ್ಲಿ ನಿಮಗೆ ಇಷ್ಟ ಆಗುವ ಆ ವಸ್ತ್ರ ಮನೆಗೆ ಬಂದ ಕೆಲ ದಿನಗಳಲ್ಲಿಯೇ ಇಷ್ಟವಾಗದೇ ಬೇಸರ ಮೂಡಿಸುತ್ತದೆ. ನೀವು ಪ್ರಾರಂಭಿಸಿದ ಕೆಲಸಗಳು ಸ್ವಲ್ಪ ನಿಧಾನ ಆಗಬಹುದು ಆದರೆ ಧೃತಿಗೆಡುವ ಅವಶ್ಯವಿಲ್ಲ. ವಿದ್ಯಾ ಇಲಾಖೆಯಲ್ಲಿ ಉದ್ಯೋಗ ಮಾಡುತ್ತಿದ್ದೀರಾ ಎಂದಾದಲ್ಲಿ ಭಡ್ತಿಗಾಗಿ ಅಥವಾ ಅವಶ್ಯವಿದ್ದಲ್ಲಿ ಬೆರೆಡೆ ಸ್ಥಳಾಂತರಕ್ಕೆ ಅಪೇಕ್ಷಿಸಿದಲ್ಲಿ ಈ ತಿಂಗಳು ಪ್ರಯತ್ನಿಸುವುದರಿಂದ ಸಾಧ್ಯವಾದೀತು.ಚಿತ್ರೋದ್ಯಮದಲ್ಲಿ ಉದ್ಯೋಗ ನಿರ್ವಹಿಸುತ್ತಿರುವವರು ಎಚ್ಚರ ವಹಿಸ ಬೇಕಾದ ಪರಿಸ್ಥಿತಿ ಇದೆ ಆದಕಾರಣ ಒಮ್ಮೆ ನಿಮ್ಮ ಜಾತಕ ಪರೀಕ್ಷೆ ಮಾಡಿಸಿಕೊಳ್ಳುವುದು ಒಳಿತು. ವಿವಾಹಿತರು ನಿಮ್ಮ ಮಕ್ಕಳ ವಿಚಾರದಲ್ಲಿ ಸ್ವಲ್ಪ ಕಾಳಜಿ ವಹಿಸ ಬೇಕು.

    ವಿದ್ಯಾರ್ಥಿಗಳಿಗೆ : ವಿದ್ಯಾರ್ಥಿಗಳಿಗೆ ಬಂಗಾರದಂಥ ಸಮಯ ಎನ್ನಬಹುದು. ಸಿಟ್ಟು ಹಾಗೂ ಮುಂಗೋಪಕ್ಕೆ ದಯಮಾಡಿ ಸ್ವಲ್ಪ ತಡೆ ಮಾಡಿ. ಹಿರಿಯರೊಂದಿಗೆ ಮಾತನಾಡುವಾಗಲೂ ಸಹ ನಿಮ್ಮ ತಾಳ್ಮೆಯನ್ನು ಕಳೆದುಕೊಳ್ಳದಂತೆ ನೋಡಿಕೊಳ್ಳಿ. ಹೌದು ನಿಮ್ಮ ತಪ್ಪು ಇಲ್ಲದೇ ನಿಮ್ಮ ಮೇಲೆ ಗೂಬೆ ಕೂರಿಸಿದಾಗ ಸಿಟ್ಟು ಸ್ವಾಭಾವಿಕ ಆದರೂ ಸಹ ಸ್ವಲ್ಪ ತಾಳ್ಮೆಯಿಂದ ಆ ಪರಿಸ್ಥಿತಿಯನ್ನು ಎದುರಿಸಬಹುದು ಎಂಬುದರತ್ತ ಗಮನವಿರಲಿ. ಮುನಿಸಿಕೊಂಡು ಮಾತುಬಿಟ್ಟು ಬಿಟ್ಟರೆ ಸಮಸ್ಯೆ ಪರಿಹಾರ ಆಗೋದಿಲ್ಲ ಎಂಬುದ ನೆನಪಿರಲಿ. ನಿಮಗೆ ಚಿಕ್ಕ ಸವಾಲುಗಳೇ ದೊಡ್ಡದಾಗಿ ಕಾಣುವ ತಿಂಗಳಿದು. ಇನ್ನು ನಿಜವಾಗಲೂ ದೊಡ್ಡ ಸವಾಲುಗಳೇ ಈ ತಿಂಗಳಿನಲ್ಲಿ ಕಾಣಬಹುದು ಆದುದರಿಂದ ಬಹಳ ಎಚ್ಚರಿಕೆಯಿಂದ ಇರಬೇಕು. ಉತ್ತಮ ಹಾಗೂ ವಿದ್ಯೆಗೆ ಸಹಕಾರಿ ವಿಚಾರಗಳು ಹಾಗೂ ವಿಷಯಗಳು ಎಲ್ಲಿಂದ ಬಂದರೂ ಸಹ ಅವುಗಳನ್ನು ಸ್ವೀಕರಿಸಲು ಸಿದ್ಧರಿರಬೇಕು

    ಪರಿಹಾರ : ಸ್ವತಂತ್ರವಾಗಿ ದುರ್ಗಾ ಹವನ ಮಾಡಿಸಿ ಇಲ್ಲವಾದಲ್ಲಿ ಸಾಮೂಹಿಕವಾಗಿ ದೇವಸ್ಥಾನಗಳಲ್ಲಿ ನಡೆಯುವ ದುರ್ಗಾ ಹೋಮದಲ್ಲಿ ಪಾಲ್ಗೊಳ್ಳಿ.

    ತುಲಾ: ಆರಂಭಕ್ಕೂ ಮುಂಚೆಯೇ ಸಮಸ್ಯೆಗಳು ಮುಗಿದುಹೋಗುತ್ತವೆ

    ತುಲಾ: ಆರಂಭಕ್ಕೂ ಮುಂಚೆಯೇ ಸಮಸ್ಯೆಗಳು ಮುಗಿದುಹೋಗುತ್ತವೆ

    ಪುರುಷರು : ಆರ್ಥಿಕ ವಿಚಾರಗಳು ಸ್ವಲ್ಪ ಗೊಂದಲಮಯ ಆಗಿರುತ್ತದೆ ಎಂದು ಹೇಳಬಹುದು. ಎಂದು ಹೇಳಬಹುದು. ವಿವಾಹಿತರು ತಮ್ಮ ಬಾಳ ಸಂಗಾತಿಯೊಂದಿಗೆ ಚಿಕ್ಕ ಪುಟ್ಟ ಮನಸ್ತಾಪ ಮಾಡಿಕೊಳ್ಳುತ್ತಲೇ ಇರುತ್ತಾರೆ. ಇನ್ನು ಮಾಸಾಂತ್ಯಕ್ಕೆ ಸರಿದಂತೆ ಮೌನಿ ಆಗಿಬಿಡುತ್ತಾರೆ. ದೂರ ಪ್ರಯಾಣಗಳು ಕಡಾಕಂಡಿತ ಬೇಡ ಎನ್ನಬಹುದು ಇನ್ನು ಹೋಗಲೇ ಬೇಕಾದಲ್ಲಿ ತಿಂಗಳ ಮಧ್ಯ ಅಥವಾ ಕೊನೇಯ ಭಾಗದಲ್ಲಿ ಹೋಗುವುದು ಉತ್ತಮ. ವಿದೇಶ ಪ್ರಯಾಣದ ಅವಕಾಶದ ಆದೇಶ ಕಾಯುತ್ತ ಇದ್ದಲ್ಲಿ ಈ ತಿಂಗಳು ನಿಮಗೆ ನಿರಾಸೆ ಆಗುವ ಸಾಧ್ಯತೆಗಳೇ ಹೆಚ್ಚು ಇವೆ ಇನ್ನು ಶತ ಪ್ರಯತ್ನ ಮಾಡಿದರೆ ಮಾಸಾಂತ್ಯದಲ್ಲಿ ಒಂದು ಅವಕಾಶ ಲಭಿಸಬಹುದು. ನ್ಯಾಯಾಲದಲ್ಲಿ ವಿಚಾರಣೆಗಳು ಆದೇಶಗಳು ಎಲ್ಲವೂ ಸಹ ನಿಮಗೆ ಪೂರಕ ಆಗುವ ಸಾಧ್ಯತೆಗಳನ್ನೇ ಹೆಚ್ಚು ತೋರಿಸುತ್ತಿದೆ. ಹಣದ ಹೂಡಿಕೆ ವಿಚಾರದಲ್ಲಿ ಹಿರಿಯರ ಮಾರ್ಗದರ್ಶನೆ ಮರೆಯದೇ ಪಡೆಯಿರಿಸಿಕ್ಕಾಪಟ್ಟೆ ಖರ್ಚು ಖರ್ಚು ಬರೇ ಖರ್ಚು ಕಾಣಿಸುತ್ತಿದೆ. ಬಾಳಸಂಗಾತಿ ಜೊತೆ ದೂರ ಪ್ರಯಾಣ ಇದೆ. ಕೆಲಸ ಕಾರ್ಯಗಳು ಮಾತ್ರ ಬಹಳ ನಿಧಾನವಾಗಿ ಸಾಗುತ್ತದೆ. ಇವತ್ತು ಆಗ ಬೇಕಾದ ಕೆಲಸ ಇನ್ನು ಒಂದು ವಾರ ಬಿಟ್ಟು ಆಗುತ್ತದೆ.ನಿಮ್ಮಲ್ಲಿ ಸಹ ನಿಮಗೆ ಅರಿವು ಇರುವಂತೆಯೇ ಆಲಸ್ಯ ಹೆಚ್ಚುತ್ತದೆ ಅದನ್ನು ಹೇಗೆ ನಿಭಾಯಿಸುತ್ತೀರಿ ಎನ್ನುವುದು ಮುಖ್ಯ! ಮಕ್ಕಳು ಅದರಲ್ಲಿಯೂ ಸಹ ವಿವಾಹ ವಯಸ್ಕ ಮಗಳು ಇದ್ದಲ್ಲಿ ಅವಳ ಮದುವೆಗಾಗಿ ಓಡಾಟಗಳು ಹೆಚ್ಚು ಮಾಡುತ್ತೀರಿ.

    ಸ್ತ್ರೀಯರು : ಯಜಮಾನಿ ಪಟ್ಟ ಅಥವಾ ಅಧಿಕಾರ ನಿಮ್ಮ ಕೈಗೆ ಬರುವ ಸೂಚನೆಗಳು ಕಾಣುತ್ತಿವೆ ಆದರೆ ನಿಮಗಿರುವ ಅಧಿಕಾರ ನಿಮಗೆ ಆರ್ಥಿಕವಾಗಿ ಎನೂ ಸಹಾಯ ಮಾಡುವುದಿಲ್ಲ! ಮನೆಯಲ್ಲಿ ಯಾವುದೇ ವಸ್ತು ಬೇಕೇ ಬೇಕು ಎಂದು ಹಠ ಮಾಡ ಬೇಡಿ ಸಿಕ್ಕಿದರಲ್ಲಿಯೇ ಸುಧಾರಿಸಿ. ಬಂಗಾರ ಖರೀದಿಯ ಆಸೆ ಹಾಗು ಅವಕಾಶ ಎರಡೂ ಸಹ ಬರುವಂತೆ ಕಾಣುತ್ತಿದೆ. ಅವಿವಾಹಿತೆ ಆಗಿದ್ದಲ್ಲಿ ವಿವಾಹದ ಮಾತುಕತೆ ನೆಡೆಯುವ ಸಾಧ್ಯತೆಗಳು ಇವೆ. ನಿಮ್ಮ ಶ್ರೇಯಸ್ಸು ಕೋರಿ ಹಿರಿಯರು ಹೇಳಿದ ಮಾತನ್ನು ಕೇಳ ಬೇಕು ಹಾಗು ದಿನ ನಿತ್ಯದ ಜೀವನದಲ್ಲಿ ಅವುಗಳನ್ನು ಅಲವಡಿಸಿಕೊಳ್ಳ ಬೇಕು ಅವುಗಳನ್ನು ನೀವು ಹಗುರವಾಗಿ ತೆಗೆದುಕೊಳ್ಳ ಬಾರದು ಹಾಗೆ ಉಡಾಫೆ ಮಾಡಿದಾಗ ಅಪಸವ್ಯಗಳನ್ನು ಆಮಂತ್ರಣ ಕೊಟ್ಟು ಕರೆದಂತೆ ಎನ್ನುವುದು ನೆನಪಿರಲಿ.

    ವಿದ್ಯಾರ್ಥಿಗಳು: ಅನಾರೋಗ್ಯದಿಂದಾಗಿ ಈ ತನಕ ನೀವು ಕಳೆದುಕೊಂಡ ಹೆಚ್ಚಿನ ವಿದ್ಯಾಭಾಸದ ಭಾಗಗಳನ್ನು ಮರಳಿ ಕಲಿಯಲು ತಿಳಿಯಲು ಅರಿಯಲು ಸೂಕ್ತ ಸಮಯಾವಕಾಶ ಲಭಿಸುತ್ತದೆ. ಮಾಸಾಂತ್ಯಕ್ಕೆ ಸರಿದಾಗ ತಾನಾಗಿಯೇ ವಿದ್ಯೆಯಲ್ಲಿ ಅಭಿವೃದ್ದಿ ಕಾಣುತ್ತೀರಿ. ನಿಮ್ಮ ಬೆಳವಣಿಗೆ ನಿಮ್ಮ ಪೊಷಕರು ಹಾಗು ಅಧ್ಯಾಪಕವರ್ಗ ಇಬ್ಬರಿಗು ಆಶ್ಚರ್ಯ ಹಾಗು ಆನಂದ ಎರಡನ್ನೂ ನೀಡುತ್ತದೆ. ಆತ್ಮ ವಿಶ್ವಾಸ ತಾನಾಗಿಯೇ ವೃದ್ದಿಸುತ್ತದೆ.

    ಪರಿಹಾರ : ಸಂಕಲೀಕರಣ ವಿಧಾನದಲ್ಲಿ ಕನಿಷ್ಟ ೩ ಬಾರಿ ನಿಮ್ಮ ಹೆಸರಿನಲ್ಲಿ "ಶ್ರೀ ಲಕ್ಷ್ಮೀ ನಾರಾಯಣ ಹೃದಯ ಪಾರಾಯಣ" ಮಾಡಿಸಿ

    ವೃಶ್ಚಿಕ: ಕುಟುಂಬಸ್ಥರ ಮಧ್ಯೆ ಸಮಸ್ಯೆಗಳಿದ್ದಲ್ಲಿ ಶಮನ

    ವೃಶ್ಚಿಕ: ಕುಟುಂಬಸ್ಥರ ಮಧ್ಯೆ ಸಮಸ್ಯೆಗಳಿದ್ದಲ್ಲಿ ಶಮನ

    ಪುರುಷರು : ಸಂತೋಷದ ಸಮಾಚಾರ ಎಂದರೆ ದಾಂಪತ್ಯದಲ್ಲಿ ವಿರಸ ಅಥವಾ ದೋಡ್ಡ ಪ್ರಮಾಣದಲ್ಲಿ ಭಿನ್ನಾಭಿಪ್ರಾಯಗಳು ಇದ್ದಲ್ಲಿ ಶಮನ ಆಗಲಿವೆ ವಿಛ್ಹೇದನ ಕೋರಿ ನ್ಯಾಯಾಲದ ಮೆಟ್ಟಿಲು ಹತ್ತಿದವರೂ ಸಹ ತಮ್ಮ ವೈಮನಸ್ಸುಗಳನ್ನು ಬಿಟ್ಟು ಒಂದಾಗಲಿದ್ದಾರೆ. ಕುಟುಂಬಸ್ಥರ ನುಡುವೆ ಇದ್ದ ಚಿಕ್ಕಪುಟ್ಟ ಸಮಸ್ಯೆಗಳೂ ಸಹ ಶಮನ ಆಗಲಿವೆ. ಹಿಂದಿನ ತಿಂಗಳ ಮಧ್ಯಭಾಗದ ನಂತರ ನಿಮ್ಮ ರಾಜಕೀಯ ಸ್ಥಿತಿಗತಿಗಳಲ್ಲಿ ತೊಡಕಾಗಿ ಸ್ಥಾನ ಭೃಷ್ಠ ಆಗಿದ್ದಲ್ಲಿ ಈ ತಿಂಗಳ ಮಧ್ಯಭಾಗದ ನಂತರ ಅದು ನಿಧಾನವಾಗಿ ಸರಿಹೋಗುತ್ತ ಬರುತ್ತದೆ ಆದರೆ ಉಚ್ಚ ಸ್ಥಾನದಲ್ಲಿ ಇರುವವರು ನೆನಪಿಟ್ಟುಕೊಳ್ಳ ಬೇಕಾದ ವಿಚಾರ ಎಂದರೆ ಹೊನ್ನು ಹಾಗೂ ಹೆಣ್ಣು ಈ ಎರಡು ವಿಚಾರಗಳಲ್ಲಿ ವ್ಯವಹರಿಸುವಾಗ ಹೆಚ್ಚಿನ ಜಾಗೃತೆ ವಹಿಸಿ ತಿಳಿದೂ ತಿಳಿದೂ ತಪ್ಪು ಮಾಡಬೇಡಿ. ಸಹವಾಸ ದೋಷದಿಂದ ಸನ್ಯಾಸಿ ಕೆಟ್ಟ ಎಂಬ ಗಾದೆ ನೆನಪಿಟ್ಟುಕೊಂಡು ನಿಮ್ಮ ಜೀವನ ಶೈಲಿ ಹಾಗೂ ಸ್ನೇಹ ವರ್ಗದ ಪರಿಷ್ಕರಣೆ ಮಾಡಿಕೊಳ್ಳಿ. ಇನ್ನು ವ್ಯಾಪಾರಸ್ಥರಿಗೆ ಯಾವ ತೊಂದರೆಗಳಿಲ್ಲ ಉತ್ತಮ ವ್ಯಾಪಾರ ಆಗುತ್ತದೆ ಹಾಗೂ ಹಣ ಸಂದಾಯ ಆಗಿಬಿಡುತ್ತದೆ ಸಮಸ್ಯೆ ಅಥವಾ ತೊಂದರೆ ಆಗಬಹುದಾದ ವರ್ಗ ಎಂದರೆ ಉದ್ಯೋಗಸ್ಥರಿಗೆ ಸಮಸ್ಯೆ ಅದರಲ್ಲಿಯೂ ಸರಕಾರಿ ಉದ್ಯೋಗಿಗಳಿಗೆ ಹೆಚ್ಚಿನ ತ್ರಾಸು ಕಂಡು ಬರುತ್ತಿದೆ.

    ಸ್ತ್ರೀಯರು : ಸ್ತ್ರೀಯರಿಗೆ ಉತ್ತಮ ಮಾಸ ಎಂದು ತಿಳಿಯಬಹುದು ಅದರಲ್ಲಿಯೂ ಉದ್ಯೋಗದಲ್ಲಿ ಇರದ ಮನೆಯಲ್ಲಿಯೇ ಇರುವ ಗೃಹಿಣಿಯರಿಗೆ ಉತ್ತಮ ಮಾಸ ಎನ್ನಬಹುದು. ನಿಮಗೆ ನಿಮ್ಮ ಸಹೋದರ ವರ್ಗದಿಂದ ಹೆಚ್ಚಿನ ಸಹಾಯ ಈ ತಿಂಗಳಿನಲ್ಲಿ ಕಂಡು ಬರುತ್ತಿದೆ. ನಿಮ್ಮ ತಂದೆಯೊಂದಿಗೆ ಚಿಕ್ಕದಾಗಿ ಮನಸ್ತಾಪ ಆಗಬಹುದು ಆದರೂ ಸಹ ಹೆಚ್ಚಿನ ದಿನಗಳು ಅದು ಹಾಗೆ ಇರುವುದಿಲ್ಲ ಒಂದು ಅಥವಾ ಎರಡು ವಾರಗಳಲ್ಲಿ ಸರಿಹೋಗುತ್ತದೆ. ಮಕ್ಕಳ ವಿಚಾರದಲ್ಲಿ ಹೆಚ್ಚಿನ ಖರ್ಚು ಮಾಡುತ್ತೀರಿ ಆದರೆ ಹೆಣ್ಣು ಮಕ್ಕಳ ತಾಯಿ ನೀವು ಆಗಿದ್ದಲ್ಲಿ ತೊಂದರೆ ಹಾಗೂ ಕಷ್ಟಗಳು ಕಡಿಮೆ ಇರುತ್ತದೆ. ವಿದೇಶ ಪ್ರಯಾಣದ ಚಿಂತನೆಯಲ್ಲಿ ತೊಡಗಿರುವ ಸ್ತ್ರೀಯರಿಗೆ ಸರಕಾರದಿಂದ ಆಗಬೇಕಿರುವ ಕಾಗದ ಪತ್ರದ ವಿಚಾರದಲ್ಲಿ ಸಮಸ್ಯೆಗಳು ಕಾಣಿಸುತ್ತಿವೆ.

    ವಿದ್ಯಾರ್ಥಿಗಳು: ಮನೆಯವರ ಸಹಕಾರ ಉತ್ತಮವಾಗಿ ಲಭಿಸುತ್ತದೆ ಆದರೆ ತಂದೆಗೆ ಮಾತ್ರ ನಿಮ್ಮ ಸಾಧನೆ ಅಥವಾ ಪ್ರಗತಿ ಅಥವಾ ನೀವು ಆರಿಸಿಕೊಂಡ ಮಾರ್ಗ ಅಷ್ಟು ಇಷ್ಟ ಆಗುವಂತೆ ಕಾಣಿಸುತ್ತಿಲ್ಲ ಆದುದರಿಂದ ಅವರೊಂದಿಗೆ ನಿಮಗೆ ಸ್ವಲ್ಪ ಕಲಹ ಆಗುವ ಸಾಧ್ಯತೆ. ಭವಿಷ್ಯದ ಚಿಂತನೆ ಹೆಚ್ಚು ಕಾಡುತ್ತದೆ ಮುಂದೆ ಎನಾಗಬಹುದು ಅಥವಾ ನಾ ಮುಂದೆ ಎನ್ ಮಾಡ ಬೇಕು ಇತ್ಯಾದಿ ವಿಚಾರಗಳ ಚಿಂತೆ ಮಾಡುತ್ತೀರಿ. ಆದರೆ ವರ್ತಮಾನದಲ್ಲಿ ನೀವು ಸರಿ ಇದ್ದಾಗ ಭವಿಷ್ಯ ಸುಂದರ ಆಗೋದರಲ್ಲಿ ಸಂಶಯ ಬೇಡ.

    ಪರಿಹಾರ : ತಿಂಗಳ ಆದಿ ಅಥವಾ ಮಧ್ಯ ಭಾಗದ ಒಳಗೆ ಒಮ್ಮೆ ಶ್ರೀ ಸತ್ಯನಾರಾಯಣ ವೃತ ಮಾಡಿಸಿ ಶುಭವಾಗಲಿದೆ.

    ಧನು: ಈ ತಿಂಗಳು ನಿಮ್ಮ ಆದಾಯಕ್ಕಿಂತಲೂ ಖರ್ಚು ಹೆಚ್ಚು

    ಧನು: ಈ ತಿಂಗಳು ನಿಮ್ಮ ಆದಾಯಕ್ಕಿಂತಲೂ ಖರ್ಚು ಹೆಚ್ಚು

    ಪುರುಷರು : ನೃತ್ಯ ಸಂಗೀತ ಹಾಡುಗಾರಿಕೆ ಚಲನಚಿತ್ರ ಇತ್ಯಾದಿ ಕಲೆ ಸಂಬಂಧಿತ ವೃತ್ತಿಯಲ್ಲಿ ಇರುವವರಿಗೆ ಉದ್ಯೋಗದಲ್ಲಿ ಪ್ರಗತಿ ಇದೆ. ಅದೇ ಸಂಬಂಧಿತ ನಿರುದ್ಯೋಗಿಗಳಾಗಿದ್ದಲ್ಲಿ ಪೂರ್ಣಪ್ರಮಾಣದಲ್ಲಿ ವಿಶ್ರಾಂತಿ ಇಲ್ಲದೇ ಕೆಲಸ ಪ್ರಾರಂಭಗೊಳ್ಳುತ್ತದೆ. ಇತರೆ ವರ್ಗದ ನಿರುದ್ಯೋಗಿಗಳಿಗೆ ಉದ್ಯೋಗ ಪ್ರಾಪ್ತಿ ಈ ತಿಂಗಳ ಮೊದಲೆರಡು ವಾರಗಳಲ್ಲಿ ಆಗಲಿಲ್ಲ ಎಂದರೆ ನಂತರ ಕಷ್ಟ. ಇನ್ನು ವಾಣಿಜ್ಯ ಕ್ಷೇತ್ರದವರಿಗೂ ಉದ್ಯೋಗದಲ್ಲಿ ಭಡ್ತಿ ಇದೆ. ಉದ್ಯೋಗದಲ್ಲಿ ಇರುವ ಕೆಲವರಿಗೆ ಮನಸ್ಸು ವ್ಯಾಪಾರ ಮಾಡೋಣ ಎನ್ನುತ್ತದೆ. ಈಗಾಗಲೇ ವ್ಯಾಪಾರವೇ ವೃತ್ತಿಯಾಗಿಸಿಕೊಂಡವರಿಗೆ ವ್ಯಾಪಾರದಲ್ಲಿ ಅದ್ಭುತ ಲಾಭ ಕಾಣಬಹುದು ಕೆಲವರಿಗೆ ಮಾತ್ರ ವ್ಯಾಪಾರ ಹೆಚ್ಚು ಆಗುತ್ತದೆ. ಆದರೆ ಹಣ ಪಾವತಿ ಮಾತ್ರ ತಡ ಆಗಬಹುದು. ಸರಕಾರಿ ಕೆಲಸಗಳಲ್ಲಿ ಪ್ರಗತಿ ಕಾಣುತ್ತಿಲ್ಲ. ಇನ್ನು ಆಗಲೇಬೇಕಾದ ಪ್ರಮುಖವಾದ ಸರಕಾರಿ ಕಾರ್ಯಗಳಿದ್ದಲ್ಲಿ ಈ ತಿಂಗಳ 14ರ ಒಳಗೆ ಕಡ್ಡಾಯವಾಗಿ ಮುಗಿಸಲು ಪ್ರಯತ್ನಿಸಿ. ಇಲ್ಲ ಎಂದಾದಲ್ಲಿ ಇನ್ನು ಎರಡು ತಿಂಗಳ ತನಕ ಕಾಯಬೇಕಾದ ಪರಿಸ್ಥಿತಿ ಬರಬಹುದು.

    ಸ್ತ್ರೀಯರು : ಧನು ರಾಶಿಯ ಸ್ನೇಹಿತರು ಅಥವಾ ನೀವು ಪ್ರೀತಿಸುವ ವ್ಯಕ್ತಿ ಧನು ರಾಶಿ ಆಗಿದ್ದಲ್ಲಿ ಅವರೊಂದಿಗೆ ಜಗಳ ಅಥವಾ ಮನಸ್ತಾಪ ಆಗಬಹುದು ನಿಮ್ಮ ಹುಚ್ಚು ನಿರ್ಧಾರ ಅಥವಾ ತೀರ್ಮಾನಗಳನ್ನು ಅವರು ವಿರೋಧಿಸಿ ನಿಮಗೆ ಬುದ್ದಿವಾದ ತಿಳಿಸಲು ಹೋಗುತ್ತಾರೆ ಅದೇ ನಿಮ್ಮ ಜಗಳಕ್ಕೆ ಕಾರಣ ಆಗುತ್ತದೆ, ಅನಿರೀಕ್ಷಿತವಾಗಿ ದೂರ ಪ್ರಯಾಣಗಳು ಒದಗಿ ಬಂದು ನಿಮ್ಮ ಪೂರ್ವ ನಿಯೋಜಿತ ಕಾರ್ಯಕ್ರಮಗಳು ಹೆಚ್ಚು ಕಡಿಮೆ ಆಗುವ ಸಾಧ್ಯತೆಗಳಿವೆ. ಆರಂಭ ಮಾಡಿದ ಕೆಲ ಕಾರ್ಯಗಳು ಎಂದು ಮುಗಿಯುವುದೋ ಎಂದು ಕಾಯುತ್ತ ಕುಳಿತ್ತಿರುತ್ತೀರಿ. ನಿಮ್ಮ ಕುಟುಂಬದಲ್ಲಿ ಕೆಲ ಜಗಳಗಳಾಗಿ ಸಂಧಾನಕ್ಕೆ ನೀವೇ ತೆರಳಬೇಕಾಗಬಹುದು. ನಿಮ್ಮ ತಂದೆಯೊಂದಿಗೆ ಹಾಗೂ ನಿಮ್ಮ ಸಹೋದರನೊಂದಿಗೆ ಮಾಸಾಂತ್ಯದಲ್ಲಿ ಕೆಲ ಭಿನ್ನಾಭಿಪ್ರಾಯಗಳು ಮೂಡಬಹುದು. ಯಾವುದೇ ಸಮಯದಲ್ಲಿಯೂ ಸಹ ನಿಮ್ಮ ಬುದ್ದಿ ನಿಮ್ಮ ಕೈಯಲ್ಲಿಯೇ ಇರಲಿ ತಾಳ್ಮೆ ಕಳೆದುಕೊಳ್ಳದಿರಿ,

    ವಿದ್ಯಾರ್ಥಿಗಳು: ವೃತ್ತಿಪರ ವಿಷಯಗಳ ವಿದ್ಯಾರ್ಥಿಗಳಿಗೆ ಅತೀ ಉತ್ತಮ ಸಮಯ. ದೊಡ್ಡ ಅಧಿಕಾರಿಗಳ ಮುಂದೆ ನಿಮ್ಮ ನಿಜವಾದ ಕೌಶಲ್ಯ ತೋರಲು ಉತ್ತಮ ಅವಕಾಶ ಲಭಿಸುತ್ತದೆ. ಭಾಷಣ ಸ್ಪರ್ಧೆಗಳಲ್ಲಿ ಭಗವಹಿಸುವ ಅವಕಾಶ ದೊರೆತಲ್ಲಿ ಬಿಡ ಬೇಡಿ ನೀವು ಗೆಲ್ಲುವ ಅವಕಾಶವಿದೆ. ಸಾಂಸ್ಕೃತಿಕ ಕಾರ್ಯಕ್ರಮಗಳಲ್ಲಿ ಭಾಗವಹಿಸುವ ಅವಕಾಶ ಲಭಿಸುತ್ತದೆ. ಮುಂದಿನ ಶೈಕ್ಷಣಿಕ ಆಯ್ಕೆಯಲ್ಲಿ ನಿಮ್ಮ ಹಾಗೂ ನಿಮ್ಮ ಪೋಷಕರ ಅದರಲ್ಲಿಯೂ ನಿಮ್ಮ ತಂದೆ ನಡುವೆ ಭಿನ್ನಾಭಿಪ್ರಾಯಗಳು ಬರುವುದು. ವಿಜ್ಞಾನ ವಿದ್ಯಾರ್ಥಿಗಳಿಗೆ ಅಥವಾ ಭೂಗೋಳ ವಿದ್ಯಾರ್ಥಿಗಳಿಗೆ ಕಷ್ಟದ ಸಮಯ. ವಿದೇಶದಲ್ಲಿ ಅಧ್ಯಯನ ಮಾಡುವ ಆಸೆ ಇದ್ದು ಪ್ರಯತ್ನಿಸುತ್ತಿರುವವರಿಗೆ ಆ ಅವಕಾಶ ಈ ತಿಂಗಳಿನಲ್ಲಿ ಲಭಿಸಬಹುದು ಆದರೆ ನಿಮ್ಮ ಕಾಗದ ಪತ್ರದ ವಿಚಾರದತ್ತ ಗಮನಹರಿಸಿ ಅಲ್ಲಿ ಸಮಸ್ಯೆ ಆಗಬಹುದು. ಈ ಮಾಸಾಂತ್ಯದಲ್ಲಿ ನಿಮ್ಮ ಮನಸ್ಸು ವಿದ್ಯೆಗಿಂತ ಇತರ ವಿಚಾರಗಳತ್ತ ಹೆಚ್ಚು ಹೋಗುವುದು.

    ಪರಿಹಾರ : ಶನಿವಾರಗಳಲ್ಲಿ ಉಪವಾಸ ಅಥವಾ ಒಂದೇ ಹೊತ್ತು ಆಹಾರ ಸೇವನೆ ಮಾಡಿ ಶನಿ ಅಷ್ಟೋತ್ತರ ಪ್ರತೀ ದಿನ ಪಠಿಸಿ ಕರೀ ಎಳು ಎಳ್ಳೆಣ್ಣೆ ಶನಿವಾರ ದಾನ ಮಾಡಿ

    ಮಕರ: ಒಂಟಿತನ ಬಹಳ ಕಾಡುತ್ತದೆ

    ಮಕರ: ಒಂಟಿತನ ಬಹಳ ಕಾಡುತ್ತದೆ

    ಪುರುಷರು : ನಿಮ್ಮ ರಾಶಿಯಲ್ಲಿಯೇ ಜರುಗಿದ ಗ್ರಹಣದ ದುಷ್ಪ್ರಭಾವ ಎನೋ ಆಗಿರಬಹುದು ಒಟ್ಟಿನಲ್ಲಿ ಕೆಲ ಹೊಸ ಬದಲಾವಣೆಗಳು ಹಾಗೂ ನಿಮಗೆ ಅನುಕೂಲ ಆಗ ಬೇಕಿದ್ದ ಕೆಲ ಕೆಲಸಗಳು ನಿಮಗೆ ನಿಮ್ಮ ಆಸೆಗೆ ವಿರುದ್ಧವಾಗಿ ನೆರವೇರುತ್ತವೆ. ನೀವು ಶಿಸ್ತುಬದ್ಧವಾಗಿ ನೆಡೆಸಿಕೊಂಡು ಬರುತ್ತಿದ್ದ ಕೆಲಸಕಾರ್ಯ ಕೆಲವು ವ್ಯತ್ಯಯ ಕಾಣುತ್ತವೆ. ನೀವು ನಿಮ್ಮ ಮಾರ್ಗದರ್ಶಕ ಹಾಗೂ ಗುರು ಸ್ಥಾನದಿಂದ ಕೆಳಗೆ ಬರ ಬೇಕಾಗುತ್ತದೆ. ಈ ಕೊನೇ ಕ್ಷಣದ ಬದಲಾವಣೆ ಎನ್ನುವ ಅತೀ ಹೆಚ್ಚು ಕಾಣುತ್ತೀರಿ ಏನೇ ಆದರೂ ಎಲ್ಲಾ ಒಳ್ಳೆಯದಿಕ್ಕೆ ಎನ್ನುವ ತೀರ್ಮಾನಕ್ಕೆ ಬಂದು ಬಿಟ್ಟರೆ ಒಳ್ಳೆಯದು. ಎನಾದರೂ ಆಗಲಿ ಗೋವಿಂದನ ದಯೆ ಒಂದು ಇರಲಿ. ನಿಮ್ಮ ಕಷ್ಟದ ಸಮಯದಲ್ಲಿ ನಿಮ್ಮ ಕುಟುಂಬ ಸದಸ್ಯರು ನಿಮ್ಮ ಸಹಾಯಕ್ಕೆ ಬರುತ್ತಾರೆ. ದೂರ ಪ್ರಯಾಣಗಳು ನಿಮಗೆ ಭಯಂಕರ ಅನುಭವಗಳನ್ನು ನೀಡಬಹುದು ಆದುದರಿಂದ ಎಚ್ಚರ ಹೆಚ್ಚು ಅವಶ್ಯ ಅನಾವಶ್ಯಕ ಪ್ರಯಾಣಗಳು ಬೇಡ. ನಿಮ್ಮ ಆರೋಗ್ಯದ ಫಿಟ್ನೆಸ್ ಬಗ್ಗೆ ಹೆಚ್ಚು ಗಮನ ಕೊಡಾ ಬೇಕು ಎಂದು ಅಂದುಕೊಳ್ಳುತ್ತೀರಿ ಆದರೆ ಆಗದು ಅದೇ ತರಹ ಸುಂದರವಾಗಿ ಕಾಣಲು ಸಹ ಹೆಚ್ಚಿನ ಪ್ರಯತ್ನ ಖರ್ಚು ಮಾಡುತ್ತೀರಿ ಎನ್ನುವುದು ವಿಶೇಷ. ಜೀವನದಲ್ಲಿ ಹೇಗೆ ಮೇಲೆ ಬರುವುದು ಯಾವ ತರಹದ ಕೆಲಸಗಳನ್ನು ಅದಕ್ಕಾಗಿ ಮಾಡಬೇಕು ಎನ್ನುವಂಥ ಯೋಚನೆಗಳನ್ನು ಹೆಚ್ಚು ಮಾಡುತ್ತೀರಿ. ಬಗೆ ಬಗೆಯ ಆಲೋಚನೆಗಳನ್ನು ಮಾಡುತ್ತೀರಿ. ನೀವು ಬದಲಾಗಲು ಉತ್ತಮ ದಿಸೆಯಲ್ಲಿ ಮುಂದುವರಿಯಲು ಇದು ಅತ್ಯುತ್ತಮ ಸಮಯ ಫಲ ತಡವಾಗಬಹುದು ಆದರೆ ಖಂಡಿತ ಲಭಿಸುತ್ತದೆ.

    ಸ್ತ್ರೀಯರು : ನಿಮ್ಮ ಸಮಯ ಚೆನ್ನಾಗಿ ಇದೆ ಸುಲಲಿತವಾಗಿ ಕೆಲಸ ಕಾರ್ಯಗಳು ಆಗದೇ ಇದ್ದರೂ ಸಹ ತಡವಾಗಿ ಆದರೂ ಸಹ ಕೆಲಸಗಳು ನಿಮಗೆ ಅನುಕೂಲ ಆಗುವಂತೆ ನೆರವೇರುತ್ತವೆ. ನಿಮ್ಮ ಮನಸಿಗೆ ಬಂದಂತೆ ನೆಡೆದುಕೊಳ್ಳಲು ಸರಿಯಾದ ಅವಕಾಶ ಸಿಗುತ್ತದೆ. ಮನೆಯಲ್ಲಿ ತಿಳಿಸದೆ ಅಥವಾ ಯಜಮಾನರಿಗೆ ತಿಳಿಸದೇ ನೀವು ಮಾಡಿಕೊಂಡಿದ್ದ ಸಾಲ ಗುಪ್ತವಾಗಿಯೇ ಯಶಸ್ವಿ ಆಗಿ ತೀರಿಸುತ್ತೀರಿ ಎನ್ನುವುದೇ ವಿಶೇಷ. ಸಮಸ್ಯೆಗಳು ಎಷ್ಟೇ ಇದ್ದರೂ ಸಹ ನೀವು ಆತ್ಮ ಸ್ಥೈರ್ಯದೊಂದಿಗೆ ಜೀವನ ನೆಡೆಸಲು ಪ್ರಯತ್ನ ಮಾಡುತ್ತೀರಿ. ಯಾರನ್ನೋ ದೂರ ಇಡಲು ಬಹಳ ವ್ಯರ್ಥ ಪ್ರಯತ್ನ ಒಂದನ್ನು ಮಾಡುತ್ತೀರಿ ಆದರೆ ಅದು ಸಾಧ್ಯ ಆಗದು. ನಿಮಗೆ ಬರ ಬೇಕಾದ ಹಣ ನಿಮ್ಮ ಕೈ ಸೇರಬಹುದು. ದುಖ್ಖದಲ್ಲಿ ಇರುವ ಕೆಲವರಿಗೆ ಸಾಂತ್ವಾನ ಹೇಳಲು ಜನ ಸಿಗುತ್ತಾರೆ. ಅತ್ತೆ ಜೊತೆ ಮನಸ್ತಾಪ ಇದ್ದಲ್ಲಿ ಮೊದಲು ಅದನ್ನು ಬಿಟ್ಟು ಅವರನ್ನು ನಿಮ್ಮ ಕಡೆ ಮಾಡಿಕೊಳ್ಳಿ ಅವರಿಗೆ ಸಂತೋಷ ನೀಡುವ ನೆಡೆ ನಿಮ್ಮದಾಗಿರಲಿ

    ವಿದ್ಯಾರ್ಥಿಗಳು: ಒಳ್ಳೆಯದೇ ಆಗುತ್ತೇ ಎನ್ನುವ ನಿಮ್ಮ ಭಾವನೆ ಶ್ಲಾಘನೆಗೆ ಅರ್ಹ. ನಿಮ್ಮ ಆರೋಗ್ಯ ಜಾಗ್ರತೆ. ಬಿದ್ದು ಗಾಯ ಮಾಡಿಕೊಳ್ಳಬಹುದಾದ ಯಾವ ಕೆಲಸ ಸಾಹಸ ಕಾರ್ಯಗಳಿಗೆ ಕೈ ಹಾಕ ಬೇಡಿ. ನಿಮ್ಮ ವ್ಯವಸ್ಥೆಯ ಲೋಪ ದೋಷಗಳನ್ನು ಹೊರಗಡೆ ನಿಮ್ಮಿಂದ ತಿಳಿಯುವ ಸಂದರ್ಭಗಳು ಇದೆ ಇದರಿಂದಾಗಿ ನಿಮ್ಮನ್ನು ಯಾರೂ ಹತ್ತಿರ ಸೇರದೇ ಇರಬಹುದು ಅಥವಾ ನಿಮ್ಮ ಮೇಲೆ ತೀವ್ರ ಕ್ರಮ ತೆಗೆದುಕೊಳ್ಳಬಹುದು ಆದುದರಿಂದ ಕೆಲ ವಿಚಾರಗಳನ್ನು ನೋಡಿ ನೋಡದಂತೆ ಇರುವುದು ಉತ್ತಮ. ನಿಮ್ಮ ಅಧ್ಯಾಪಕರ ಜೊತೆ ವಾಗ್ವಾದ ಮಾತ್ರ ಮಾಡ ಬೇಡಿ. ಊಟದಲ್ಲಿ ಕ್ರಮಬದ್ಧತೆ ಹಾಗೂ ಪ್ರಮಾಣದ ವಿಚಾರದಲ್ಲಿ ಎಚ್ಚರ ಇರಲಿ. ಊಟ ಹೆಚ್ಚೂಕಡಿಮೆ ಆಗಿ ನಿಮ್ಮ ಆರೋಗ್ಯ ಹದಗೆಡಬಹುದು ಅಥವಾ ಊಟದ ಪ್ರಮಾಣ ಜಾಸ್ತಿ ಆಗಿ ನಿದ್ರೆ ಹೆಚ್ಚು ಬಂದು ಓದಲು ಆಸಕ್ತಿ ಕಡಿಮೆ ಆಗುತ್ತದೆ.

    ಪರಿಹಾರ : ಏಕ ನಾರಿಕೇಳ ಅಷ್ಟದ್ರವ್ಯ ಮಹಾ ಗಣಪತಿ ಹೋಮ ಮಾಡಿಸಿ

    ಕುಂಭ: ಕೋರ್ಟ್- ಕಚೇರಿ ಸುತ್ತುವ ಅನಿವಾರ್ಯ ಸ್ಥಿತಿ ತಂದುಕೊಳ್ಳಬೇಡಿ

    ಕುಂಭ: ಕೋರ್ಟ್- ಕಚೇರಿ ಸುತ್ತುವ ಅನಿವಾರ್ಯ ಸ್ಥಿತಿ ತಂದುಕೊಳ್ಳಬೇಡಿ

    ಪುರುಷರು : ಗ್ರಹಣ ಪರಿಣಾಮ ಖಂಡಿತ ಅನುಭವಕ್ಕೆ ಬರುತ್ತದೆ ಅದರ ಬಗ್ಗೆ ಅನುಮಾನ ಬೇಡ. ಒಬ್ಬೊಂಟಿ ಆಗಿ ಕೆಲಸ ಕಾರ್ಯಗಳನ್ನು ಮಾಡಿಕೊಡುವುದಾಗಿ ಒಪ್ಪಿಕೊಳ್ಳ ಬೇಡಿ ಅಥವಾ ಒಬ್ಬೊಂಟಿ ಆಗಿ ಪ್ರಯಾಣ ಸಹ ಮಾಡ ಬೇಡಿ. ಎಲ್ಲಾ ಇದೆ ಎಲ್ಲಾ ಅನುಕೂಲಗಳೂ ಸಹ ಇದೆ ಆದರೆ ಅವುಗಳಿಂದ ಎನೂ ಪ್ರಯೋಜನ ಮಾತ್ರ ಕಾಣುತ್ತಾ ಇಲ್ಲ. ಆಗುತ್ತಾ ಇರುವ ಕೆಲ ಹಿನ್ನೆಡೆಗಳಂತೂ ನಿಮಗೆ ಪ್ರಯತ್ನ ಮಾಡುವ ಹುಮ್ಮಸ್ಸನ್ನೇ ಹಾಳು ಮಾಡುವ ಸಾಧ್ಯತೆಗಳು ಕಾಣುತ್ತಿವೆ ಹಾಗಾಗದಂತೆ ಎಚ್ಚರವಹಿಸಿ. ಕಬ್ಬಿಣದ ವ್ಯಾಪಾರಿಗಳಿಗೆ ಹೆಚ್ಚಿನ ನಷ್ಟ ಕಾಣುತ್ತಿದೆ. ಭೂಮಿಯ ವ್ಯಾಪಾರಿಗಳಿಗೆ ಸಿಕ್ಕಾಪಟ್ಟೆ ಅಂಟು ಬುದ್ದಿಯ ಜಿಪುಣ ಗಿರಾಕಿ ಸಿಕ್ಕು ಲಾಭದ ಪ್ರಮಾಣ ಸಹ ಕಡಿಮೆ ಮಾಡಿ ಬಿಡುತ್ತಾರೆ ಹೋಗಲಿ ಲಾಭ ಕಡಿಮೆ ಬಂದರೂ ಸಹ ವ್ಯಾಪಾರ ಆಗಲಿ ಅಂದರೆ ಅದನ್ನೂ ಸಹ ನಿಧಾನ ಮಾಡುತ್ತಾ ಪರಿಸ್ಥಿತಿಯನ್ನು ಅತ್ತ ನುಂಗಲೂ ಆಗದ ಇತ್ತ ಉಗುಳಲೂ ಇಷ್ಟ ಪಡದ ಬಿಸಿ ತುಪ್ಪದ ಹಾಗೆ ಇರುತ್ತದೆ. ನ್ಯಾಯಾಲಯಗಳಲ್ಲಿ ಮಾತ್ರ ಸ್ವಲ್ಪ ನೆಮ್ಮದಿಯ ಫಲ ಸಿಗುವ ಸೂಚನೆಗಳು ಇದೆ ಆದರೆ ನೀವು ಮಾತು ಕಡಿಮೆ ಮಾಡಿ ಅವರ ಸಂಧಾನ ಸೂತ್ರಗಳಿಗೆ ತಲೆ ಆಡಿಸ ಬೇಕಾಗಬಹುದು. ನಿಮ್ಮ ಶರೀರದಲ್ಲಿ ಶಕ್ತಿ ಇದ್ದರೂ ಸಹ ಆಲಸ್ಯ ಮಾತ್ರ ನಿಮ್ಮನ್ನು ಹೆಚ್ಚು ಆಳುತ್ತದೆ ಅದರ ಪರಿಣಾಮ ಕಾಲು ನೋವು ಹೆಚ್ಚು ಅನುಭವಿಸ ಬೇಕಾಗಿ ಬರಬಹುದು.

    ಸ್ತ್ರೀಯರು : ಅನಿವಾರ್ಯತೆ ಇಲ್ಲದ ಪಕ್ಷದಲ್ಲಿ ವಸ್ತ್ರ ಖರೀದಿ ಸ್ವಲ್ಪ ಮುಂದೂಡಿ. ವಿವಾಹಿತೆ ಆಗಿದ್ದಲ್ಲಿ ಒಂದೆರಡು ದಿನ ಆದರೂ ತವರಿಗೆ ಬಂದು ತಂದೆಯ ಸೇವೆ ಮಾಡುವ ಭಾಗ್ಯ ಅನಿವಾರ್ಯತೆ ಸೃಷ್ಟಿ ಆಗಲಿದೆ ಇದೇ ಒತ್ತಡದಲ್ಲಿ ನಿಮ್ಮ ಕಾರ್ಯ ವೈಖರಿ ಕಂಡು ನಿಮ್ಮ ಸಹೋದರ ನಿಮ್ಮನ್ನು ಮೆಚ್ಚಿಕೊಳ್ಳುತ್ತಾನೆ, ಪತಿರಾಯ ಸಹ ಹೆಚ್ಚಿನ ವಾಗ್ವಾದ ಮಾಡದೇ ನಿಮ್ಮ ಪರಿಸ್ಥಿತಿ ಅರ್ಥ ಮಾಡಿಕೊಂಡು ನಿಮಗೆ ಎಲ್ಲಾ ವಿಧದಲ್ಲಿ ಸಹಕರಿಸುವ ಸಾಧ್ಯತೆಗಳು ಇದೆ. ಮಕ್ಕಳ ವಿಚಾರದಲ್ಲಿ ಮಾತ್ರ ನೀವು ಯಾರಿಗೂ ತಿಳಿಯದಂತೆ ಕೂಡಿಟ್ಟುಕೊಂಡಿದ್ದ ಹಣ ಅವರಿಗಾಗಿ ಖಾಲಿ ಮಾಡ ಬೇಕಾದ ಅನಿವಾರ್ಯತೆ ಕಾಣುತ್ತಿದೆ. ಹೊಸದಾಗಿ ಉದ್ಯೋಗಕ್ಕೆ ಸೇರಿ ಉದ್ಯೋಗ ಆರಂಭಿಸುವ ತವಕದಲ್ಲಿ ಇರುವವರು ಬಹಳ ವಿರೋಧಗಳನ್ನು ಎದುರಿಸ ಬೇಕಾಗಬಹುದು. ನಿಮ್ಮ ಸ್ವಾಭಾವಿಕ ನೈಜ ಸ್ವಭಾವ ಬದಲು ಬಲು ಮೃದು ಸ್ವಭಾವ ಬಂದು ಮನೆಯಲ್ಲಿ ಕೆಲವರಿಗೆ ಆಶ್ಚರ್ಯ ಉಂಟು ಮಾಡುತ್ತದೆ.

    ವಿದ್ಯಾರ್ಥಿಗಳು: ವಿದೇಶ ಪ್ರಯಾಣ ಮಾಡ ಬೇಕೆಂಬ ಆಸೆ ಅಲ್ಲಿ ವಿದ್ಯಾಭ್ಯಾಸ ಮಾಡುವ ಹಂಬಲ ಇಟ್ಟು ಪ್ರಯತ್ನ ಮಾಡುತ್ತಿರುವವರಿಗೆ ಮಾಸದ ಆರಂಭದಲ್ಲಿ ಸ್ವಲ್ಪ ವಿಘ್ನಗಳು ಕಂಡು ಬಂದರೂ ಸಹಾ ಅದು ತೀರಾ ಹೆಚ್ಚು ತೊಂದರೆ ಆಗದೇ ವ್ಯಕ್ತಿ ಒಬ್ಬರ ಸಹಾಯದಿಂದ ಶೀಗ್ರವಾಗಿ ಆಗುತ್ತದೆ. ಪರೀಕ್ಷೆ ಇನ್ನೂ ಬಾಕಿ ಇದೆ ಅದಕ್ಕಾಗಿ ಸಿದ್ಧರಾಗ ಬೇಕೆಂದಿರುವವರು ಕೆಲ ಅನಾವಶ್ಯಕ ವಿಚಾರ್ಗಳತ್ತ ಆಕರ್ಶಿತರಾಗಿ ಅವುಗಳಲ್ಲಿ ತಲ್ಲೀನ ಆಗಿ ಹೆಚ್ಚು ಬರ ಬೇಕಿದ್ದ ಅಂಕಗಳನ್ನು ಕಡಿಮೆ ಮಾಡಿಕೊಳ್ಳುವ ಸಾಧ್ಯತೆ ಇದೆ. ನಿತ್ಯ ಕಾಲೇಜಿಗೆ ಹೋಗಿ ಬರಲು ಅನುಕೂಲ ಆಗಲು ನೀವು ಮನೆಯಲ್ಲಿ ಇಟ್ಟಿರುವ ದ್ವಿಚಕ್ರ ವಾಹನದ ಬೇಡಿಕೆ ಸೈಕಲ್ ಆಗಿ ನಿಮ್ಮ ಕೈ ಸೇರಿದರೂ ಆಶ್ಚರ್ಯ ಇಲ್ಲ !

    ಪರಿಹಾರ : ಮನೆಯ ಹತ್ತಿರ ಇರುವ ಶ್ರೀ ರಾಘವೇಂದ್ರ ಸ್ವಾಮಿಗಳ ಸನ್ನಿದ್ಧಿಯಲ್ಲಿ ಅಥವಾ ನಿಮಗೆ ಅನುಕೂಲ ಇರುವ ಗುರು ಸನ್ನಿದ್ಧಿಯಲ್ಲಿ ಗುರು ಪಾದುಕಾ ಪೂಜೆ ಮಾಡಿಸಿ

    ಮೀನ: ಹಣದ ವಿಚಾರದಲ್ಲಿ ಮೋಸ ಮಾಡುವ ಪ್ರಯತ್ನ

    ಮೀನ: ಹಣದ ವಿಚಾರದಲ್ಲಿ ಮೋಸ ಮಾಡುವ ಪ್ರಯತ್ನ

    ಪುರುಷರು : ಗ್ರಹಣ ನಿಮಗೆ ಶುಭ ಫಲ ನೀಡಿತ್ತು ಅದೇ ತರಹ ಭೂಮಿ ಲಾಭ ಭೂ ವ್ಯವಹಾರಗಳಲ್ಲಿ ಲಾಭ ನೀವು ಪ್ರಯತ್ನ ಮಾಡಿದಲ್ಲಿ ಲಭಿಸುತ್ತದೆ. ಕೌಟುಂಬಿಕವಾಗಿ ಉತ್ತಮವಾಗಿರುತ್ತದೆ. ಬಹಳ ಮುಖ್ಯವಾಗಿ ಕುಟುಂಬ ಸದಸ್ಯರೊಂದಿಗೆ ಕಾಲ ಕಳೆಯಲು ಅವಕಾಶ ಲಭಿಸುತ್ತದೆ. ಈ ಹಿಂದೆ ಇದ್ದ ಜಗಳ ಮನಸ್ತಾಪ ಎಲ್ಲ ಶಮನ ಆಗುತ್ತದೆ. ನಿಮ್ಮ ಬಾಳಸಂಗಾತಿ ಹಾಗೂ ಮಕ್ಕಳ ಸಹಕಾರ ನೀವು ತೆಗೆದುಕೊಳ್ಳುವ ನಿರ್ಧಾರಗಳಲ್ಲಿ ಸಿಗುತ್ತದೆ. ಬಹು ಮುಖ್ಯವಾದ ಅಥವಾ ದೊಡ್ಡ ಆರೋಗ್ಯ ಸಮಸ್ಯೆ ಎಂದು ಹೇಳುವಂಥ ಯಾವ ದೊಡ್ಡ ಆರೋಗ್ಯ ಸಮಸ್ಯೆಗಳೂ ಸಹ ಬಾರದು. ಹೊಸದೊಂದು ವ್ಯಾಪಾರ ಮಾಡುವ ಮನಸಾಗುತ್ತದೆ ಅದಕ್ಕಾಗಿ ಹಣದ ಹೂಡಿಕೆ ಮಾಡಲು ಅಥವಾ ಅವರ ಸಮಯ ಇದಕ್ಕಾಗಿ ವಿನಿಯೋಗಿಸಲು ನೀವು ನಿಮ್ಮ ಸಹೋದರರ ಸಹಾಯ ಕೇಳುವ ಸಾಧ್ಯತೆಗಳು ಕಾಣಿಸುತ್ತಿದೆ. ಸಂತಸದ ವಿಚಾರ ಎಂದರೆ ನೀವು ವಯೋ ವೃದ್ಧ ಆಗಿದ್ದಲ್ಲಿ ಮಗ ನಿಮಗಾಗಿ ಬಂಗಾರದ ಆಭರಣ ಕೊಡಿಸುತ್ತಾನೆ. ಕೆಲವರ ಹೊಗಳಿಕೆಗಳಿಗೆ ಅಟ್ಟ ಹತ್ತ ಬೇಡಿ ಎಲ್ಲರನ್ನೂ ಕಣ್ಣು ಮುಚ್ಚಿ ನಂಬ ಬೇಡಿ. ವಿಶೇಷ ಅಂದರೆ ಆರ್ಥಿಕವಾಗಿ ಸಮಾಧಾನಕರವಾಗಿ ಇರುತ್ತದೆ. ವ್ಯಾಪಾರ ಮಾಡುವವರಿಗೆ ದುಡ್ಡಿನ ಒಳಹರಿವು ಅಂದುಕೊಂಡ ಪ್ರಮಾಣಕ್ಕಿಂತ ಹೆಚ್ಚು ಬರುತ್ತದೆ. ದ್ವಿ ಚಕ್ರ ವಾಹನ ಖರೀದಿಸುವ ಆಲೋಚನೆ ಇದ್ದಲ್ಲಿ ತೆಗೆದುಕೊಳ್ಳಿ ಯಾವುದೇ ಅಭ್ಯಂತರ ಇಲ್ಲ ಒಳ್ಳೆಯ ದಿನ ನೋಡಿಕೊಂಡು ಖರೀದಿ ಮಾಡಿ ಅಷ್ಟೇ.

    ಸ್ತ್ರೀಯರು : ಜೀವನದಲ್ಲಿ ಶಿಸ್ತು ಅಲವಡಿಸಿಕೊಳ್ಳುವುದು ಎಷ್ಟು ಮುಖ್ಯ ಎನ್ನುವುದನ್ನು ನೀವು ಅರಿಯುತ್ತೀರಿ. ಎಲ್ಲಿ ಎಷ್ಟು ಮಾತನಾಡಬೇಕು ಎನ್ನುವ ವಿಚಾರದಲ್ಲಿ ನಿಮಗೆ ಜ್ನಾನೋದಯ ಆಗುತ್ತದೆ ಎಂದರೆ ತಪ್ಪಾಗಲಾರದು. ಬಹಳ ಯೋಚಿಸಿದ ನಂತರ ಹೆಜ್ಜೆ ಇಡುತ್ತೀರಿ. ಹಿಂದಿನ ತಿಂಗಳಿಗಿಂತ ಈ ತಿಂಗಳು ಆರ್ಥಿಕವಾಗಿ ಉತ್ತಮವಾಗಿ ಇರುತ್ತದೆ ಎನ್ನಬಹುದು ಆದರೆ ಆ ಮನಸ್ಥಿತಿ ಸಹ ತಿಂಗಳ ಆದಿಯಲ್ಲಿ ಇರುತ್ತದೆಯೇ ಹೊರತು ತಿಂಗಳ ಕೊನೇಯ ಭಾಗದಲ್ಲಿ ಅಲ್ಲ ಅಂದರೆ ಅತ್ಯುತ್ತಮ ಸಮಯ ತಿಂಗಳ ಮೊದಲರೆಡು ವಾರಗಳಲ್ಲಿ ಕಾಣಬಹುದು. ವೃತ್ತಿ ಜೀವನದಲ್ಲಿ ಅತ್ಯುತ್ತಮ ಸಮಯ ಕಾಣಬಹುದು. ಸರಕಾರಿ ಉದ್ಯೋಗದಲ್ಲಿ ಇರುವ ಸ್ತ್ರೀಯರಿಗೆ ಭಡ್ತಿ ಸಹ ಸಿಗುವ ಸಾಧ್ಯತೆಗಳಿವೆ. ಉದ್ಯೋಗ ಸ್ಥಳದಲ್ಲಿ ಬದಲಾವಣೆ ಬೇಕಿದ್ದಲ್ಲಿ ಈ ತಿಂಗಳ ಮೊದಲ ಎರಡು ವಾರಗಳ ಒಳಗಿ ಮುಗಿಸಿಕೊಳ್ಳ ಬೇಕು.

    ವಿದ್ಯಾರ್ಥಿಗಳು: ಆಗದು ಎಂದು ಈ ಹಿಂದೆ ಕೈ ಬಿಟ್ಟಿದ್ದ ಕೆಲಸಕ್ಕೆ ಮತ್ತೆ ಕೈ ಹಾಕುತ್ತೀರಿ ಈ ಬಾರಿ ನಿಮ್ಮಲ್ಲಿ ಹೆಚ್ಚಿನ ವಿಶ್ವಾಸ ಇರುತ್ತದೆ. ಪದೇ ಪದೇ ವಿಷಯಗಳನ್ನು ಕೇಳಿ ತಿಳಿದುಕೊಳ್ಳ ಬೇಕಾಗುತ್ತದೆ. ಇದೆಲ್ಲದರ ಪರಿಣಾಮ ಸ್ವಲ್ಪ ಕಿರಿ ಕಿರಿ ಹೆಚ್ಚು ಅನುಭವಿಸುತ್ತೀರಿ. ಮನೆಯಿಂದ ನಿಮ್ಮ ಶಾಲಾ ಕಾಲೇಜು ಬಹಳ ದೂರ ಇರುವವರು ನಿತ್ಯ ಪ್ರಯಾಣಕ್ಕೆ ಬೇಕಾದ ವಾಹನದ ವ್ಯವಸ್ಥೆ ಮಾಡಿಕೊಳ್ಳುವಲ್ಲಿ ಸ್ವಲ್ಪ ಎಡವಟ್ಟು ಮಾಡಿಕೊಳ್ಳುವ ಸಾಧ್ಯತೆ ಕಾಣುತ್ತಿದೆ. ನಿಮಗಿಂತೆ ಕಿರಿಯ ವಿದ್ಯಾರ್ಥಿಗಳಿಗೆ ನೀವೇ ಪಾಠ ಮಾಡ ಬೇಕಾದ ದಿನಗಳು ಕೆಲವು ಬರುತ್ತದೆ. ಓದುವದರಿಂದ ತಪ್ಪಿಸಿಕೊಳ್ಳಲು ಬೇಕಾದ ಎಲ್ಲಾ ಕಾರಣ ಹುಡುಕುತ್ತೀರಿ ಆದರೆ ಕೊನೇಯಲ್ಲಿ ಸಿಕ್ಕಿ ಬೀಳುತ್ತೀರಿ. ಯಾವುದೇ ಕಾರಣಕ್ಕೂ ಸುಳ್ಳು ನುಡಿಯ ಬೇಡಿ.

    ಪರಿಹಾರ : ಈ ತಿಂಗಳ ಪ್ರತೀ ಗುರುವಾರ ಶಿವ ದೇಗುಲದಲ್ಲಿ ಹಾಲಿನಲ್ಲಿ ರುದ್ರಾಭಿಷೇಕ ಮಾಡಿಸಿ

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    Get the complete month prediction for the month of August 2018. Read monthly horoscope of 12 zodiac signs in Kannada. Get free monthly horoscope, astrology and monthly predictions in Kannada.

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more