Shiva's favorite zodiac signs: ಈ ರಾಶಿಯವರೆಂದರೆ ಶಿವನಿಗೆ ತುಂಬಾ ಅಚ್ಚುಮೆಚ್ಚು: ನಿಮ್ಮ ರಾಶಿ ಇದೆಯಾ?
ಹಿಂದೂ ಧರ್ಮದಲ್ಲಿ ಶಿವನನ್ನು ಸೃಷ್ಟಿಕರ್ತ ದೇವರು ಎಂದು ಪರಿಗಣಿಸಲಾಗುತ್ತದೆ. ಮಹಾ ಶಿವರಾತ್ರಿಯು ಶಿವ ದೇವನಿಗೆ ಸಮರ್ಪಿತವಾದ ಅತ್ಯಂತ ವಿಶೇಷ ದಿನವಾಗಿದೆ. ಈ ಮಹಾ ಶಿವರಾತ್ರಿಯವನ್ನು ಈ ವರ್ಷ ಮಾರ್ಚ್ 08 ರಂದು ಆಚರಿಸಲಾಗುತ್ತದೆ. ಈ ದಿನ ಶಿವನ ಭಕ್ತರು ಉಪವಾಸವನ್ನು ಮಾಡುತ್ತಾರೆ. ಜೊತೆಗೆ ಶಿವನನ್ನು ಪೂಜಿಸಲು ರಾತ್ರಿಯಿಡೀ ಜಾಗರಣೆ ಮಾಡುತ್ತಾರೆ.
ಜ್ಯೋತಿಷ್ಯಶಾಸ್ತ್ರದ ಪ್ರಕಾರ ಎಲ್ಲಾ ರಾಶಿಗಳು ವಿವಿಧ ದೇವತೆಗಳೊಂದಿಗೆ ಆಧ್ಯಾತ್ಮಿಕ ಸಂಪರ್ಕವನ್ನು ಹೊಂದಿದ್ದರೂ ಕೆಲವು ರಾಶಿಯವರು ಶಿವನಲ್ಲಿ ಬಲವಾದ ಭಕ್ತಿಯನ್ನು ಹೊಂದಿರುತ್ತಾರೆ. ಏಕೆಂದರೆ ಶಿವನು ಆ ರಾಶಿಚಕ್ರದ ಚಿಹ್ನೆಗಳೊಂದಿಗೆ ಆತ್ಮೀಯ ಸಂಬಂಧವನ್ನು ಹೊಂದಿದ್ದಾನೆ. ಮತ್ತೊಂದು ರೀತಿಯಲ್ಲಿ ಹೇಳುವುದಾದರೆ ಆ ರಾಶಿಗಳು ಶಿವನ ನೆಚ್ಚಿನ ರಾಶಿಗಳಾಗಿರುತ್ತವೆ. ಅಲ್ಲದೆ ಹುಟ್ಟಿನಿಂದಲೇ ಶಿವನಿಂದ ಆಶೀರ್ವದಿಸಲ್ಪಡುತ್ತವೆ. ಹಾಗಾದರೆ ಈಗ ಯಾವ ರಾಶಿಗಳು ಶಿವನ ನೆಚ್ಚಿನ ರಾಶಿಗಳು ಎಂದು ನೋಡೋಣ.
ಮೇಷ ರಾಶಿ
ಮೇಷ ರಾಶಿಯ ಅಧಿಪತಿ ಮಂಗಳ ಗ್ರಹವಾಗಿದೆ. ಈ ಮಂಗಳವು ಶಕ್ತಿ ಮತ್ತು ಧೈರ್ಯದ ಗ್ರಹವಾಗಿದೆ. ಈ ಮೇಷ ರಾಶಿಯ ಜನರು ಸಾಮಾನ್ಯವಾಗಿ ಶಕ್ತಿಯುತ ಮತ್ತು ಧೈರ್ಯಶಾಲಿಗಳಾಗಿರುತ್ತಾರೆ. ಈ ರಾಶಿಯವರಿಗೆ ಧೈರ್ಯ ಮತ್ತು ಅಪಾರ ಬುದ್ಧಿವಂತಿಕೆ ಇರಲು ಕಾರಣವೆಂದರೆ ಅವರಿಗೆ ಭಗವಾನ್ ಶಿವನ ಪರಿಪೂರ್ಣ ಆಶೀರ್ವಾದವಿರುವುದಾಗಿದೆ.
ವೃಷಭ ರಾಶಿ
ವೃಷಭ ರಾಶಿಯನ್ನು ಶುಕ್ರನು ಆಳುತ್ತಾನೆ. ಈ ಶುಕ್ರನನ್ನು ಪ್ರೀತಿ ಮತ್ತು ಸೌಂದರ್ಯದ ಗ್ರಹವೆಂದು ಪರಿಗಣಿಸಲಾಗಿದೆ. ಈ ವೃಷಭ ರಾಶಿಯ ಜನರು ಸದಾ ವಿಶ್ವಾಸಾರ್ಹರಾಗಿರುತ್ತಾರೆ. ಜೊತೆಗೆ ಇದು ಶಿವನಿಗೆ ಅತ್ಯಂತ ಪ್ರಿಯವಾದ ರಾಶಿಯಾಗಿದೆ. ಹೀಗಾಗಿ ಈ ರಾಶಿಯವರಿಗೆ ಸಹಜವಾಗಿಯೇ ಶಿವನ ಮೇಲೆ ಅಚಲವಾದ ಭಕ್ತಿ ಇರುತ್ತದೆ.
ಕರ್ಕಟಕ ರಾಶಿ
ಚಂದ್ರನು ಕರ್ಕ ರಾಶಿಯ ಅಧಿಪತಿಯಾಗಿದ್ದಾನೆ. ಈ ಚಂದ್ರನನ್ನು ಭಾವನೆಗಳು ಮತ್ತು ಅಂತಃಪ್ರಜ್ಞೆಯ ಗ್ರಹವೆಂದು ಪರಿಗಣಿಸಲಾಗುತ್ತದೆ. ಈ ಕರ್ಕಟಕ ರಾಶಿಯವರು ಸಾಮಾನ್ಯವಾಗಿ ಸೂಕ್ಷ್ಮವಾಗಿರುತ್ತಾರೆ. ಈ ರಾಶಿಯವರೆಂದರೆ ಶಿವನಿಗೂ ತುಂಬಾ ಇಷ್ಟ.
ಸಿಂಹ ರಾಶಿ
ಸಿಂಹ ರಾಶಿಯ ಅಧಿಪತಿ ಸೂರ್ಯನಾಗಿದ್ದಾನೆ. ಈ ಸೂರ್ಯನನ್ನು ನಾಯಕತ್ವದ ಗ್ರಹವೆಂದು ಪರಿಗಣಿಸಲಾಗಿದೆ. ಈ ಸಿಂಹ ರಾಶಿಯ ಜನರು ಯಾವಾಗಲೂ ಆತ್ಮವಿಶ್ವಾಸಿಗಳು ಮತ್ತು ಉದಾರವಾಗಿರುತ್ತಾರೆ. ಈ ಸಿಂಹ ರಾಶಿಯವರು ಸ್ವಾಭಾವಿಕವಾಗಿ ಭಗವಾನ್ ಶಿವನಿಗೆ ಬಹಳ ಭಕ್ತಿಯುಳ್ಳವರು. ಏಕೆಂದರೆ ಸಿಂಹ ರಾಶಿಯು ಶಿವನ ನೆಚ್ಚಿನ ರಾಶಿಚಕ್ರಗಳಲ್ಲಿ ಒಂದಾಗಿದೆ.
ವೃಶ್ಚಿಕ ರಾಶಿ
ವೃಶ್ಚಿಕ ರಾಶಿಯ ಅಧಿಪತಿ ಮಂಗಳ. ಈ ಮಂಗಳವನ್ನು ಧೈರ್ಯದ ಅಂಶವೆಂದು ಪರಿಗಣಿಸಲಾಗುತ್ತದೆ. ಈ ವೃಶ್ಚಿಕ ರಾಶಿಯವರಿಗೆ ಸೇರಿದ ಜನರು ಸ್ವಲ್ಪ ನಿಗೂಢವಾಗಿರುತ್ತಾರೆ. ಈ ರಾಶಿಯವರನ್ನೂ ಕೂಡ ಶಿವನು ಇಷ್ಟಪಡುತ್ತಾನೆ. ಈ ರಾಶಿಚಕ್ರದವರು ಹುಟ್ಟಿನಿಂದಲೇ ಶಿವನಿಂದ ಆಶೀರ್ವಾದ ಪಡೆದಿದ್ದಾರೆ.
ಧನು ರಾಶಿ
ಧನು ರಾಶಿಯ ಅಧಿಪತಿ ಗುರು ಗ್ರಹವಾಗಿದೆ. ಈ ಗುರುವನ್ನು ಬುದ್ಧಿವಂತಿಕೆಯ ಅಂಶವೆಂದು ಪರಿಗಣಿಸಲಾಗಿದೆ. ಈ ಧನು ರಾಶಿ ಚಿಹ್ನೆಯಡಿಯಲ್ಲಿ ಜನಿಸಿದ ಜನರು ಸಾಹಸಮಯರು, ಆಶಾವಾದಿಗಳಾಗಿರುತ್ತಾರೆ. ಶಿವನು ಧನು ರಾಶಿಯವರ ಆಧ್ಯಾತ್ಮಿಕ ಸ್ವಭಾವ ಮತ್ತು ಜ್ಞಾನಕ್ಕಾಗಿ ಒಲವು ತೋರುತ್ತಾನೆ ಎಂದು ನಂಬಲಾಗಿದೆ.
ಮೀನ ರಾಶಿ
ಮೀನ ರಾಶಿಯ ಅಧಿಪತಿಯೂ ಗುರು ಆಗಿದೆ. ಈ ಮೀನ ರಾಶಿಯವರು ಸಾಮಾನ್ಯವಾಗಿ ಸಹಾನುಭೂತಿಯುಳ್ಳವರಾಗಿದ್ದಾರೆ. ಬಲವಾದ ಶಕ್ತಿಯನ್ನು ಹೊಂದಿದ್ದಾರೆ ಮತ್ತು ಕಲಾತ್ಮಕರಾಗಿದ್ದಾರೆ. ಈ ಮೀನ ರಾಶಿಯವರಿಗೆ ಹುಟ್ಟಿನಿಂದಲೇ ಶಿವನ ಆಶೀರ್ವಾದ ಇದೆ. ಇದರಿಂದಾಗಿ ಈ ರಾಶಿಯವರಿಗೆ ಇತರ ರಾಶಿಗಳಿಗಿಂತ ಹೆಚ್ಚು ಶಿವಭಕ್ತಿ ಇರುತ್ತದೆ.
(ಗಮನಿಸಿ: ಮೇಲೆ ನೀಡಲಾದ ಮಾಹಿತಿಯು ಅಂತರ್ಜಾಲದಲ್ಲಿ ಲಭ್ಯವಿರುವ ಮಾಹಿತಿಯನ್ನು ಆಧರಿಸಿದೆ. ಮಾಹಿತಿಯನ್ನು ಒದಗಿಸುವುದು ನಮ್ಮ ಏಕೈಕ ಉದ್ದೇಶವಾಗಿದೆ. ಯಾವುದೇ ಮಾಹಿತಿ ಅನುಷ್ಠಾನಗೊಳಿಸುವ ಮೊದಲು ಸಂಬಂಧಿತ ವೃತ್ತಿಪರರನ್ನು ಸಂಪರ್ಕಿಸಿ.)
Click it and Unblock the Notifications
Sign in with Google