Arecanut Price: ಅಡಿಕೆ ಮತ್ತು ಕೊಬ್ಬರಿ ದರ ಹೇಗಿದೆ

ಅಂತೂ ಇಂತೂ 55,000 ಗಡಿ ತಲುಪಿ ಅಡಿಕೆ ಬೆಳೆಗಾರರಲ್ಲಿ ಸ್ವಲ್ಪ ಆಶಾಭಾವನೆ ಮೂಡಿಸಿದ್ದ ರಾಶಿ ಅಡಿಕೆ ಬೆಲೆ ಮತ್ತೆ ಇಳಿಕೆಯಾಗಿದೆ. ಸದ್ಯ 50,000 ರೂಪಾಯಿ ಆಸುಪಾಸಿನಲ್ಲಿ ಮಾರಾಟವಾಗುತ್ತಿದ್ದು, ಮತ್ತೆ ಏರಿಕೆಯಾಗುವ ಬಗ್ಗೆ ಅಡಿಕೆ ಬೆಳೆಗಾರರು ಆಶಾಭಾವನೆ ಹೊಂದಿದ್ದಾರೆ.

ಚಿತ್ರದುರ್ಗ ಅಡಿಕೆ ಮಾರುಕಟ್ಟೆಯಲ್ಲಿ ಶನಿವಾರ ರಾಶಿ ಕೆಂಪಡಕೆ ಧಾರಣೆ ಕನಿಷ್ಠ 47,600 ರೂಪಾಯಿ ಇದ್ದರೆ ಗರಿಷ್ಠ 48,000 ರೂಪಾಯಿಗೆ ಮಾರಾಟವಾಗಿದೆ. ಕೆಂಪುಗೋಟು ಅಡಿಕೆ ಧಾರಣೆ ಕ್ವಿಂಟಾಲ್‌ಗೆ ಕನಿಷ್ಠ ₹28,600 ಇದ್ದರೆ ಗರಿಷ್ಠ ₹29,000 ಆಗಿತ್ತು.

ಹೊಸನಗರ ಮಾರುಕಟ್ಟೆಯಲ್ಲಿ ರಾಶಿ ಅಡಿಕೆ ಬೆಲೆ ಕನಿಷ್ಠ ₹47,699 ಮತ್ತು ಗರಿಷ್ಠ ₹52,011 ಆಗಿತ್ತು. ಕೆಂಪುಗೋಟು ಅಡಿಕೆ ಧಾರಣೆ ಕನಿಷ್ಠ ₹24,899 ಇದ್ದರೆ ಗರಿಷ್ಠ ಬೆಲೆ ₹32,111 ಆಗಿತ್ತು. ಶಿವಮೊಗ್ಗ ಮಾರುಕಟ್ಟೆಯಲ್ಲಿ ರಾಶಿ ಅಡಿಕೆ ಬೆಲೆ 26500 ರೂಪಾಯಿ ಇದ್ದು ಗರಿಷ್ಠ ಬೆಲೆ 50199 ರೂಪಾಯಿ ಆಗಿತ್ತು.

ವಿವಿಧ ಮಾರುಕಟ್ಟೆಗಳಲ್ಲಿ ಅಡಿಕೆ ಬೆಲೆ (ಕ್ವಿಂಟಾಲ್‌ಗೆ)

ಕೊಬ್ಬರಿ ಬೆಲೆ ಹೇಗಿದೆ?

ರಾಜ್ಯದಲ್ಲಿ ಕೊಬ್ಬರಿ ಬೆಲೆ ಸದ್ಯ ಸ್ಥಿರತೆ ಕಾಯ್ದುಕೊಂಡಿದೆ. 10 ಸಾವಿರದ ಗಡಿ ದಾಟಿದ್ದ ಕೊಬ್ಬರಿ ಬಳಿಕ ಅಲ್ಪಕುಸಿತ ಕಂಡಿದ್ದರು ಹೆಚ್ಚಿನ ಕುಸಿತವಾಗಿಲ್ಲ. ಅರಸೀಕೆರೆ ಮಾರುಕಟ್ಟೆಯಲ್ಲಿ ಕನಿಷ್ಠ 8200 ರೂಪಾಯಿ ಗರಿಷ್ಠ 9510 ರೂಪಾಯಿ ಆಗಿತ್ತು. ಕೆಆರ್ ಪೇಟೆ ಮಾರುಕಟ್ಟೆಯಲ್ಲಿ ಕೊಬ್ಬರಿ ಧಾರಣೆ ಕನಿಷ್ಠ 9455 ರೂಪಾಯಿ ಮತ್ತು ಗರಿಷ್ಠ 9455 ರೂಪಾಯಿ ಆಗಿತ್ತು.

ರಾಜ್ಯದ ಪ್ರಮುಖ ಮಾರುಕಟ್ಟೆ ತಿಪಟೂರಿನಲ್ಲಿ ಕೊಬ್ಬರಿ ಬೆಲೆ ಕ್ವಿಂಟಾಲ್‌ಗೆ ಕನಿಷ್ಠ 9100 ರೂಪಾಯಿ ಆಗಿದ್ದರೆ ಗರಿಷ್ಠ 9750 ರೂಪಾಯಿ ಆಗಿತ್ತು.

English summary

Discover the most recent prices for Arecanut and Copra in Karnataka markets on July 21st, including key market insights.