ತೆರೆದಿದೆ ಅಡುಗೆಮನೆ ಓ ಬಾ ಅತಿಥಿ

ಬೆಳಗಾವಿಯ ಹವಾಗುಣವೇ ಅಂತಹುದು. ಮಳೆಗಾಲದಲ್ಲಿ ತಿಂಗಳು ಕಳೆದರೂ ಸೂರ್ಯನನ್ನು ಇಣುಕಿಹಾಕಲು ಮೋಡಗಳು ಬಿಟ್ಟಿರುವುದಿಲ್ಲ, ಜಿಟಿಜಿಟಿ ಮಳೆ ನಿಲ್ಲುವುದೇ ಇಲ್ಲ. ಬೇಸಿಗೆಯಲ್ಲಿ ಒಂದೇ ಸವನೆ ಬಿಸಿಲಿನ ಮಳೆ! ಈ ಏರಿಳಿತವಿಲ್ಲದ ವಾತಾವರಣದಿಂದಾಗಿಯೇ ಹಸಿವು ಕೂಡ ಜಬರದಸ್ತಾಗಿಯೇ ಆಗುತ್ತದೆ. ಇಂದಿನ ಗರಿಷ್ಠ ತಾಪಮಾನ 34 ಡಿಗ್ರಿ ಸೆಲ್ಷಿಯಸ್. ಸೋ, ಟೋಪಿ ಹಾಕಿಕೊಂಡು ತಿರುಗಾಡುವುದನ್ನು ಮರೆಯಬೇಡಿ.

ಬೆಳಗಾವಿಯಲ್ಲಿ ವಿಶ್ವ ಕನ್ನಡ ಸಮ್ಮೇಳನ ನಡೆಯುತ್ತಿರುವ ಈ ಸಂದರ್ಭದಲ್ಲಿ ಬೇಸಿಗೆ ಈಗ ತಾನೆ ಕಾಲಿಟ್ಟಿದೆ. ದೂರದೂರಿನಿಂದ ಬಂದ ಲಕ್ಷಾನುಲಕ್ಷ ಹಮ್ಮೀರರೆಲ್ಲ ಸಾಂಸ್ಕೃತಿಕ ಸೌರಭ ಸವಿಯಲು ತಯಾರಾಗಿದ್ದಾರೆ. ಬಂದವರ ಹಸಿವು ತಣಿಸಲೆಂದು ಏಳೆಂಟು ಬೃಹತ್ ಅಡುಗೆಮನೆಗಳು ಸ್ಟೌವನ್ನು ಚಾಲು ಮಾಡಿಕೊಂಡು ಕೂತಿವೆ. ತೆರೆದಿದೆ ಮನೆ ಓ ಬಾ ಅತಿಥಿ ಎಂದು ಬಾಣಸಿಗರು ಕೈಯಲ್ಲಿ ಸೌಟು ಹಿಡಿದು ನಿಂತಿದ್ದಾರೆ.

ತರಹೇವಾರಿ ಬೆಳಗಾವಿಯ ಸ್ಪೆಷಲ್ ತಿಂಡಿ ತಿನಿಸುಗಳು ಚುರುಗುಟ್ಟುವ ಹೊಟ್ಟೆಯನ್ನು ಸೇರಲು ಕಾತುರದಿಂದ ಕಾಯುತ್ತಿವೆ. ಇನ್ನೇಕೆ ತಡ ಬೆಳಗಿನ ನಾಷ್ಟಾಕ್ಕಾಗಿ ಅಡುಗೆಮನೆಗಳತ್ತ ಪಾದ ಬೆಳೆಸಿ. ಶುಕ್ರವಾದ ನಾಷ್ಟಾಕ್ಕೆ ಬೆಳಗಾವಿಯ ಟ್ರೇಡ್ ಮಾರ್ಕ್ ತಿಂಡಿಗಳಾದ ಶಿರಾ, ಉಪ್ಪಿಟ್ಟು, ಚಹಾ, ಕಾಫಿ ಅತಿಥಿಗಳಿಗಾಗಿ ತಯಾರಾಗುತ್ತಿವೆ.

ತಿಂಡಿ ಆದ ಮೇಲೆ ಮಧ್ಯಾಹ್ನದ ಊಟಕ್ಕೇನು ವಿಶೇಷ ಎಂದು ಕೇಳಿಯೇ ಕೇಳುತ್ತೀರಿ. ಹೀಗಿದೆ ನೋಡಿ ಮಧ್ಯಾಹ್ನದ ಮೆನು : ಜೋಳದ ರೊಟ್ಟಿ, ಚಪಾತಿ, ಶೇಂಗಾ ಚಟ್ನಿ, ಬದನೆಕಾಯಿ ಪಲ್ಲೆ, ಕಡಲೆಕಾಳು ಪಲ್ಲೆ. ಗೋಧಿ ಹುಗ್ಗಿ ನೀವು ತಿಂದಿಲ್ಲವಾದರೆ ರಾತ್ರಿಯ ಊಟವನ್ನು ಮಿಸ್ ಮಾಡಿಕೊಳ್ಳಬೇಡಿ..... ಜೊತೆಗೆ ಬೆಳಗಾವಿ ಸೂಪರ್ ಸ್ಪೆಷಲ್ ಸಿಹಿ ತಿನಿಸು ಮೋತಿಪಾಕ್ ವಡಿ ಸವಿಯುವುದನ್ನು ಮರೆಯಬೇಡಿ. ಈ ಬೆಳಗಾವಿ ಸೂಪರ್ ಸ್ಪೆಷಲ್ ಸ್ವೀಟಿನ ಸವಿಯೇ ಅಂತಹುದು. ಅದನ್ನು ಹೇಗೆ ತಯಾರಿಸುತ್ತಾರೆಂದು ತಿಳಿಯಬೇಕೆ?

English summary

Variety of Belgaum special recipes are waiting to serve the Kannada guests all over the world, who have come to Vishwa Kannada Sammelana in Belgaum. Do not forget to savor Belgaum special sweet recipe called Motipak Vadi.