God Hanuman Wife: ಈ ಒಂದು ದೇವಸ್ಥಾನದಲ್ಲಿ ಮಾತ್ರ ಹನುಮಂತನನ್ನು ಪತ್ನಿಯೊಂದಿಗೆ ಪೂಜಿಸಲಾಗುತ್ತೆ... ಎಲ್ಲಿ?

ರಾಮನ ಪರಮ ಭಕ್ತನಾದ ಹನುಮಂತನು ತನ್ನ ಜೀವನದುದ್ದಕ್ಕೂ ಬ್ರಹ್ಮಚಾರಿಯಾಗಿದ್ದನು ಎಂದು ಎಲ್ಲರಿಗೂ ತಿಳಿದಿದೆ. ಅವನು ಮದುವೆಯಾಗಲಿಲ್ಲ ಮತ್ತು ಹೆಂಡತಿಯನ್ನು ಹೊಂದಿರಲಿಲ್ಲ. ಆದರೆ ನಮ್ಮ ದೇಶದಲ್ಲಿ ತೆಲಂಗಾಣ ರಾಜ್ಯದ ಖಮ್ಮಂ ಜಿಲ್ಲೆಯಲ್ಲಿ ಒಂದು ದೇವಸ್ಥಾನವಿದ್ದು, ಇಲ್ಲಿ ಹನುಮಂತನನ್ನು ಬ್ರಹ್ಮಚಾರಿಯ ರೂಪದಲ್ಲಿ ಅಲ್ಲ, ಗೃಹಸ್ಥನ ರೂಪದಲ್ಲಿ ಪೂಜಿಸಲಾಗುತ್ತದೆ.

ಈ ದೇವಾಲಯದಲ್ಲಿ ಹನುಮಾನ್ ತನ್ನ ಹೆಂಡತಿಯೊಂದಿಗೆ ಕುಳಿತಿದ್ದಾನೆ. ಹಾಗಾದರೆ ಹನುಮಾನ್ ಗೃಹಸ್ಥನಾಗಿದ್ದು ಯಾವಾಗ? ಆತನ ಹೆಂಡತಿಯ ಹೆಸರೇನು? ಮದುವೆಯಾದರೂ ಅವರನ್ನು ಬ್ರಹ್ಮಚಾರಿ ಎಂದು ಯಾಕೆ ಕರೆಯುತ್ತಾರೆ? ಎಂದು ತಿಳಿಯೋಣ.

ಈ ದೇವಸ್ಥಾನದ ವಿಶೇಷತೆ ಏನು?

ತೆಲಂಗಾಣದ ಖಮ್ಮಂ ಜಿಲ್ಲೆಯಲ್ಲಿ ದೇವಸ್ಥಾನವೊಂದನ್ನು ನಿರ್ಮಿಸಲಾಗಿದೆ. ಇಲ್ಲಿ ಹನುಮಂತನ ಪತ್ನಿಯ ವಿಗ್ರಹವೂ ಇದೆ. ಈ ದೇವಸ್ಥಾನಕ್ಕೆ ಪತ್ನಿ ಸಮೇತ ದೂರದೂರುಗಳಿಂದ ಜನರು ಆಗಮಿಸುತ್ತಾರೆ. ಆಂಜನೇಯನನ್ನು ಈ ದೇವಸ್ಥಾನದಲ್ಲಿ ಆತನ ಪತ್ನಿಯೊಂದಿಗೆ ದರ್ಶನ ಪಡೆದರೆ ಎಲ್ಲಾ ಸಮಸ್ಯೆಗಳು ಮತ್ತು ಜಗಳಗಳು ದೂರವಾಗುತ್ತವೆ ಎಂದು ನಂಬಲಾಗುತ್ತದೆ. ಅಲ್ಲದೆ ಪತಿ ಪತ್ನಿಯ ನಡುವಿನ ಜಗಳ ಕೂಡ ದೂರವಾಗುತ್ತದೆ.

DYK : HANUMANJI WAS MARRIED
&
There is only temple where he is worshipped along with his wife Suvarchala Devi

Suvarchala Sameta Anjaneya Swamy Temple OR #Khammam Hanuman Temple #Telangana

STORY:
After mastering vedas from his guru Surya Dev, Hanumanji wanted to complete...
1/3 pic.twitter.com/mTL42kcnwx

— Dr. Mamata R. Singh (@mamatarsingh) November 20, 2021

ಹನುಮಾನ್ ಹೆಂಡತಿಯ ಹೆಸರೇನು?

ತೆಲಂಗಾಣದ ಖಮ್ಮಂ ಜಿಲ್ಲೆಯಲ್ಲಿರುವ ಈ ದೇವಾಲಯದಲ್ಲಿ ಹನುಮಂತನನ್ನು ಬ್ರಹ್ಮಚರ್ಯ ರೂಪದಲ್ಲಿ ಅಲ್ಲ, ಪತ್ನಿಯೊಂದಿಗೆ ಗೃಹಸ್ಥನಾಗಿ ಪೂಜಿಸಲಾಗುತ್ತದೆ. ಅವರ ಪತ್ನಿಯ ಹೆಸರು ಸುವರ್ಚಲಾ. ಪುರಾಣಗಳಲ್ಲಿ ಶ್ರೀರಾಮನ ಭಕ್ತ ಹನುಮಂತ ವಿವಾಹದ ಉಲ್ಲೇಖವಿದೆ. ಇದು ವಿಶೇಷ ಸನ್ನಿವೇಶದಲ್ಲಿ ಸಂಭವಿಸಿತು, ಆದರೆ ವಿವಾಹಿತರಾಗಿದ್ದರೂ ಹನುಮಂತನನ್ನು ಬ್ರಹ್ಮಚಾರಿ ಎಂದು ಪರಿಗಣಿಸಲಾಗುತ್ತದೆ.

ಹನುಮಾನ್ ಪತ್ನಿ ಸುವರ್ಚಲಾ ಯಾರು?

ವಾಲ್ಮೀಕಿ, ಕಂಬ ಮತ್ತು ಇತರ ರಾಮಾಯಣ ಮತ್ತು ರಾಮಚರಿತದಲ್ಲಿ ಹನುಮಾನ್ ಒಬ್ಬ ಬ್ರಹ್ಮಚಾರಿ ಎಂದು ವಿವರಿಸಲಾಗಿದೆ. ಆದರೆ ಜನಪ್ರಿಯ ಕಥೆಗಳ ಪ್ರಕಾರ, ಕೆಲವು ವಿಶೇಷ ಸಂದರ್ಭಗಳಲ್ಲಿ, ಬಜರಂಗಬಲಿ ಸುವರ್ಚಲಾ ಅವರನ್ನು ಮದುವೆಯಾಗಬೇಕಾಯಿತು. ಹನುಮಂತನ ಪತ್ನಿ ಸುವರ್ಚಲಾ ಅವರು ಸೂರ್ಯನ ಮಗಳು ಎಂದು ಹೇಳಲಾಗುತ್ತದೆ.

ಹನುಮಾನ್ ಮದುವೆಯಾಗಿದ್ದು ಯಾಕೆ?

ಭಗವಾನ್ ಸೂರ್ಯ ಆಂಜನೇಯನ ಗುರು. ಸೂರ್ಯದೇವನಿಗೆ 9 ದೈವಿಕ ಜ್ಞಾನವಿತ್ತು. ಆ 9 ವಿದ್ಯೆಗಳಲ್ಲಿ 5 ವಿದ್ಯೆಗಳ ಜ್ಞಾನವನ್ನು ಹನುಮಂಜಿಗೆ ಸೂರ್ಯ ದೇವ ನೀಡಿದನು. ಆದರೆ ಉಳಿದ 4 ವಿದ್ಯೆಗಳನ್ನು ಮದುವೆಯಾದ ಶಿಷ್ಯರಿಗೆ ಮಾತ್ರ ಸೂರ್ಯ ದೇವ ನೀಡಬೇಕಿತ್ತು. ಆದರೆ ಹನುಮಂತ ಬ್ರಹ್ಮಚಾರಿಯಾಗಿದ್ದರು. ಇದರಿಂದಾಗಿ ಸೂರ್ಯದೇವನಿಗೆ ಉಳಿದ ನಾಲ್ಕು ಶಾಸ್ತ್ರಗಳ ಜ್ಞಾನವನ್ನು ನೀಡಲು ಸಾಧ್ಯವಾಗಲಿಲ್ಲ.

ಈ ಸಮಸ್ಯೆಯನ್ನು ಪರಿಹರಿಸಲು, ಸೂರ್ಯ ದೇವ ಹನುಮಂತನಿಗೆ ಮದುವೆಯಾಗುವಂತೆ ಹೇಳಿದನು. ಮೊದಮೊದಲು ಆಂಜನೇಯ ಇದಕ್ಕೆ ಒಪ್ಪಲಿಲ್ಲ. ಆದರೆ ಉಳಿದ 4 ವಿದ್ಯೆಗಳ ಜ್ಞಾನವನ್ನು ಪಡೆಯಬೇಕಾಗಿತ್ತು. ಈ ಕಾರಣಕ್ಕೆ ಹನುಮಂತ ದೇವ ಮದುವೆಗೆ ಒಪ್ಪಿಗೆ ಸೂಚಿಸಿದ ಎಂದು ಹೇಳಲಾಗುತ್ತದೆ.

ಮದುವೆಯ ನಂತರವೂ ಬ್ರಹ್ಮಚಾರಿ...

ಸೂರ್ಯನ ಮಹಿಮೆಯಿಂದ ಒಂದು ಹೆಣ್ಣು ಮಗು ಜನಿಸಿತು. ಅದರ ಹೆಸರು ಸುರ್ವಾಚಲ. ಸೂರ್ಯ ದೇವ ಹನುಮಂತನಿಗೆ ಸುವರ್ಚಲಳನ್ನು ಮದುವೆಯಾಗಲು ಕೇಳಿಕೊಂಡನು. ಏಕೆಂದರೆ ಹನುಮಾನ್ ಮಾತ್ರ ಸುವರ್ಚಲೆಯ ಪ್ರಕಾಶವನ್ನು ಸಹಿಸಬಲ್ಲನಾಗಿದ್ದನು. ಸುವರ್ಚಲಾಳೊಂದಿಗೆ ಮದುವೆಯಾದ ನಂತರವೂ ನೀವು ಯಾವಾಗಲೂ ಬಾಲ ಬ್ರಹ್ಮಚಾರಿಯಾಗಿಯೇ ಇರುತ್ತೀರಿ, ಏಕೆಂದರೆ ಮದುವೆಯ ನಂತರ ಸುವರ್ಚಲಾ ಮತ್ತೆ ತಪಸ್ಸಿನಲ್ಲಿ ಮುಳುಗುತ್ತಾಳೆ ಎಂದು ಸೂರ್ಯ ದೇವ್ ಹೇಳಿದ.

ನಂಬಿಕೆಗಳ ಪ್ರಕಾರ, ಸುವರ್ಚಲಾ ಯಾವುದೇ ಗರ್ಭದಿಂದ ಹುಟ್ಟಿಲ್ಲ, ಆದ್ದರಿಂದ ಅವಳನ್ನು ಮದುವೆಯಾದ ನಂತರವೂ ಹನುಮಾನ್ ಅವರ ಬ್ರಹ್ಮಚರ್ಯಕ್ಕೆ ಯಾವುದೇ ಅಡ್ಡಿ ಇರಲಿಲ್ಲ. ಹೀಗಾಗಿ ಬಜರಂಗ್ ಬಲಿಯನ್ನು ಯಾವಾಗಲೂ ಬ್ರಹ್ಮಚಾರಿ ಎಂದು ಕರೆಯಲಾಗುತ್ತದೆ.

English summary

God Hanuman is worshiped with his wife Suvarchala only in Khammam district of Telangana.