BMTC: ಇಂದಿನಿಂದ ಈ ಹೊಸ ಮಾರ್ಗಗಳಲ್ಲಿ ಓಡಲಿವೆ ಮಟ್ರೋ ಫೀಡರ್‌ ಬಸ್‌ಗಳು, ಸಮಯ, ಮಾರ್ಗಗಳ ವಿವರ

ಬೆಂಗಳೂರು, ಅಕ್ಟೋಬರ್‌, 23: BMTC ಇಂದಿನಿಂದ (ಅಕ್ಟೋಬರ್ 23) ನಾಲ್ಕು ಹೊಸ ಮಾರ್ಗಗಳಲ್ಲಿ ಮೆಟ್ರೋ ಫೀಡರ್ ಬಸ್‌ಗಳನ್ನು ಓಡಿಸಲಿದೆ. ಹಾಗಾದರೆ ಯಾವ್ಯಾವ ಮಾರ್ಗಗಳಲ್ಲಿ ಈ ಬಸ್‌ಗಳು ಸಂಚರಿಸಲಿವೆ ಎನ್ನುವ ಮಾಹಿತಿಯನ್ನು ಇಲ್ಲಿ ತಿಳಿಯಿರಿ.

1. MF-9: ಹೂಡಿ ಮೆಟ್ರೋ ನಿಲ್ದಾಣ-ಕೆಆರ್ ಪುರಂ ಹೂಡಿ, ಅಯ್ಯಪ್ಪ ನಗರ ಮತ್ತು ದೇವಸಂದ್ರ ಮಾರ್ಗದಲ್ಲಿ ಎರಡು ಬಸ್‌ಗಳನ್ನು ನಿಯೋಜಿಸಲಾಗುವುದು. ಹೂಡಿಯಿಂದ ಮೊದಲ ಬಸ್ ಬೆಳಗ್ಗೆ 8.45ಕ್ಕೆ ಮತ್ತು ಕೊನೆಯ ಬಸ್ ಸಂಜೆ 5:55ಕ್ಕೆ ಹೊರಡಲಿದೆ. ಕೆಆರ್ ಪುರದಿಂದ ಮೊದಲ ಬಸ್ ಬೆಳಗ್ಗೆ 8ಕ್ಕೆ ಮತ್ತು ಕೊನೆಯ ಬಸ್ ಸಂಜೆ 5.10ಕ್ಕೆ ಹೊರಡಲಿದೆ.

2. MF-15: ಜೆಪಿ ನಗರ ಮೆಟ್ರೋ ನಿಲ್ದಾಣ-ಜೆಪಿ ನಗರ 7ನೇ ಹಂತ (ಬ್ರಿಗೇಡ್ ಗಾರ್ಡೇನಿಯಾ) ಆರ್‌ವಿ ಡೆಂಟಲ್ ಕಾಲೇಜು, ಪುಟ್ಟೇನಹಳ್ಳಿ ಕ್ರಾಸ್ ಮತ್ತು ಬ್ರಿಗೇಡ್ ಮಿಲೇನಿಯಂ ಮಾರ್ಗದಲ್ಲಿ ಎರಡು ಬಸ್‌ಗಳನ್ನು ನಿಯೋಜಿಸಲಾಗುವುದು. ಜೆ.ಪಿ.ನಗರದ ಮೆಟ್ರೋ ನಿಲ್ದಾಣದಿಂದ ಮೊದಲ ಬಸ್ ಬೆಳಗ್ಗೆ 7 ಗಂಟೆಗೆ ಮತ್ತು ಕೊನೆಯದು ರಾತ್ರಿ 9:30ಕ್ಕೆ ಹೊರಡಲಿದೆ. ಜೆ.ಪಿ.ನಗರ 7ನೇ ಹಂತದಿಂದ ಮೊದಲ ಬಸ್ ಬೆಳಗ್ಗೆ 6:5ಕ್ಕೆ ಮತ್ತು ಕೊನೆಯ ಬಸ್ ರಾತ್ರಿ 9ಕ್ಕೆ ಹೊರಡಲಿದೆ.

3. MF-19: ರಾಗಿಗುಡ್ಡ, ರಾಘವೇಂದ್ರ ಸ್ವಾಮಿ ಮಠ, ಆರ್‌ವಿ ರಸ್ತೆ ಮೆಟ್ರೋ ನಿಲ್ದಾಣ, ಜಯನಗರ ಮೆಟ್ರೋ ನಿಲ್ದಾಣ ಮತ್ತು ಸಂಜಯ್ ಗಾಂಧಿ ಆಸ್ಪತ್ರೆ ಮೂಲಕ ಜಯನಗರ 9ನೇ ಬ್ಲಾಕ್ ರೌಂಡ್ ಟ್ರಿಪ್. ಈ ಮಾರ್ಗದಲ್ಲಿ ಒಂದು ಬಸ್ ಸಂಚರಿಸಲಿದೆ. ಮೊದಲ ಬಸ್ ಬೆಳಗ್ಗೆ 6.10ಕ್ಕೆ ಮತ್ತು ಕೊನೆಯದು ರಾತ್ರಿ 9ಕ್ಕೆ ಆರಂಭವಾಗಲಿದೆ.

4. MF-21: ಬನಶಂಕರಿ-ಬಿಟಿಎಂ ಲೇಔಟ್ (ಕುವೆಂಪು ನಗರ) ಜೆಪಿ ನಗರ 6ನೇ ಹಂತ, ಆರ್‌ವಿ ಡೆಂಟಲ್ ಕಾಲೇಜು, ಡೆಲ್ಮಿಯಾ, ಜೆಪಿ ನಗರ 3ನೇ ಹಂತ ಮತ್ತು ಮಹದೇಶ್ವರ ಲೇಔಟ್ ಮೂಲಕ ಸಂಚರಿಸಲಿದೆ. ಈ ಮಾರ್ಗದಲ್ಲಿ ಎರಡು ಬಸ್‌ಗಳು ಸಂಚರಿಸಲಿವೆ. ಎರಡೂ ಮಾರ್ಗಗಳಲ್ಲಿ, ಮೊದಲ ಬಸ್ ಬೆಳಗ್ಗೆ 6:40ಕ್ಕೆ ಮತ್ತು ಕೊನೆಯದು ರಾತ್ರಿ 8:25ಕ್ಕೆ ಪ್ರಾರಂಭ ಆಗಲಿದೆ.

ಐಸಿಸಿ ವಿಶ್ವಕಪ್ ಪಂದ್ಯಕ್ಕಾಗಿ ವಿಶೇಷ ಬಸ್‌ಗಳ ವ್ಯವಸ್ಥೆ

ಬೆಂಗಳೂರು ಐಸಿಸಿ ವಿಶ್ವಕಪ್ ಪಂದ್ಯಗಳನ್ನು ಆಯೋಜಿಸುವ ದಿನಗಳಲ್ಲಿ ಎಂ.ಚಿನ್ನಸ್ವಾಮಿ ಕ್ರೀಡಾಂಗಣ, ಎಂಜಿ ರಸ್ತೆ, ನಗರದ ಇತರ ಭಾಗಗಳೊಂದಿಗೆ ಸಂಪರ್ಕಿಸಲು ಬಿಎಂಟಿಸಿ ಹೆಚ್ಚುವರಿ ಬಸ್‌ಗಳನ್ನು ಓಡಿಸಲಿದೆ.

1. SBS-1K - HAL ರಸ್ತೆಯ ಮೂಲಕ ಕಾಡುಗೋಡಿ ಬಸ್ ನಿಲ್ದಾಣ

2. SBS-13K - ಹೂಡಿ ರಸ್ತೆ ಮೂಲಕ ಕಾಡುಗೋಡಿ ಬಸ್ ನಿಲ್ದಾಣ

3. G2 - ಅಗರ ಮತ್ತು ದೊಮ್ಮಸಂದ್ರ ಮೂಲಕ ಸರ್ಜಾಪುರ

4. G3 - ಹೊಸೂರು ರಸ್ತೆ ಮೂಲಕ ಎಲೆಕ್ಟ್ರಾನಿಕ್ಸ್ ಸಿಟಿ

5. G4 - ಜಯದೇವ ಆಸ್ಪತ್ರೆ ಮೂಲಕ ಬನ್ನೇರುಘಟ್ಟ ರಾಷ್ಟ್ರೀಯ ಉದ್ಯಾನವನ

6. G6 - ಎಂಸಿಟಿಸಿ ಮೂಲಕ ಕೆಂಗೇರಿ KHB ಕ್ವಾರ್ಟರ್ಸ್, ನಾಯಂಡಹಳ್ಳಿ

7. G7 - ಮಾಗಡಿ ರಸ್ತೆ ಮೂಲಕ ಜನಪ್ರಿಯಾ ಟೌನ್‌ಶಿಪ್

8. G8 - ಯಶವಂತಪುರ ಮೂಲಕ ನೆಲಮಂಗಲ

9. G9 - ಯಲಹಂಕ 5ನೇ ಹಂತ ಹೆಬ್ಬಾಳದ ಮೂಲಕ

10. G10 - ಆರ್‌ಕೆ ಹೆಗಡೆ ನಗರ-ಯಲಹಂಕ ಟ್ಯಾನರಿ ರಸ್ತೆ ಮತ್ತು ನಾಗವಾರ ಮೂಲಕ

11. G11 - ಹೆಣ್ಣೂರು ರಸ್ತೆ ಮೂಲಕ ಬಾಗಲೂರು

12. KBS-12HK - ಟಿನ್ ಫ್ಯಾಕ್ಟರಿ ಮೂಲಕ ಹೊಸಕೋಟೆ

ಬೈಯಪ್ಪನಹಳ್ಳಿ ಮೆಟ್ರೋ ನಿಲ್ದಾಣದಿಂದ ವೈಟ್‌ಫೀಲ್ಡ್ (ಕಾಡುಗೋಡಿ) ಮತ್ತು ಕೆಆರ್ ಪುರ ಮೆಟ್ರೋ ಮಾರ್ಗಕ್ಕೆ ಸಂಪರ್ಕ ಕಲ್ಪಿಸುವ ಬಿಎಂಟಿಸಿ ಬಸ್‌ಗಳು ಇವಾಗಿವೆ.

English summary

BMTC announces metro feeder buses.