ನಮ್ಮ ಐತಿಹಾಸಿಕ ಅಂಚೆ ಕಚೇರಿ ಉಳಿಸಿ ಕೊಡಿ

ದೇಶದ ಹೆಮ್ಮೆಯ ಸಂಸ್ಥೆಗಳಲ್ಲಿ ಒಂದಾದ ಅಂಚೆ ಇಲಾಖೆ ಖಾಸಗಿಯ ಕೈಗೆ ಸರ್ಕಾರ ಒಪ್ಪಿಸುತ್ತಿರುವುದು ವಿಷಾದದ ಸಂಗತಿ. ಇದರ ಜೊತೆಗೆ ಐತಿಹಾಸಿಕ ಅಂಚೆ ಕಚೇರಿಗಳು ಮಾಯವಾಗುತ್ತಿದೆ.

ಹಿಂದೆ ನವ ಮಂಗಳೂರಿನ ಪೋರ್ಟಿನ ವಿವಿಧ ಟೆಲಿಗ್ರಾಂ ಮೂಲಕ ಸಂದೇಶ ವಿನಿಮಯಕ್ಕೆಂದು ಬಂದರಿನಲ್ಲಿ ಸ್ಥಾಪಿಸಲಾಗಿದ್ದ ಐತಿಹಾಸಿಕ ಅಂಚೆ ಕಚೇರಿಯು ಕದ್ರಿ ಹಿಲ್ ಅಂಚೆ ಕಚೇರಿಯೊಂದಿಗೆ ಮುಚ್ಚಲ್ಪಡಲಿದೆ. ನಗರದ ಅತ್ಯಂತ ಹಳೆಯ ಅಂಚೆ ಕಚೇರಿ ಇದಾಗಿದೆ. ಬ್ರಿಟಿಷರ ಕಾಲದಿಂದಲೂ ಕಾರ್ಯ ನಿರ್ವಹಿಸುತ್ತಿದೆ.

ಕೆನರಾ ಚೇಂಬರ್ ಆಫ್ ಕಾಮರ್ಸ್ ಆವರಣದಲ್ಲಿರುವ ಈ ಅಂಚೆ ಕಚೇರಿಯು ಸುಮಾರು ಐದಾರು ಸಿಬ್ಬಂದಿಯಿಂದ ಕಾರ್ಯ ನಿರ್ವಹಿಸುತ್ತಿದೆ. ಅಂತೆಯೇ ಕೆಪಿಟಿ ಹಾಸ್ಟೆಲ್ ಆವರಣದಲ್ಲಿರುವ ಕದ್ರಿ ಅಂಚೆ ಕಚೇರಿಯೂ 1962ರಿಂದ ಸೇವೆ ನಿರ್ವಹಿಸುತ್ತಿರುವ ಕಚೇರಿಗಳಲ್ಲಿ ಒಂದಾಗಿದೆ. ಇವೆರಡೂ ಈಗ ಮುಚ್ಚುವ ಅಂಚಿನಲ್ಲಿದೆ.

ಬಂದರು ಅಂಚೆ ಕಚೇರಿ ಶೀಘ್ರವೇ ಪಾಂಡೇಶ್ವರ ಪ್ರಧಾನ ಅಂಚೆ ಅಂಚೆಯೂ ಬೇರೆಡೆ ವಿಲೀನ ಕಚೇರಿಯೊಂದಿಗೆ ವಿಲೀನಗೊಂಡರೆ ಕದ್ರಿ ಅಂಚೆ ಕಚೇರಿ ಯೆಯ್ಯಾಡಿ ವ್ಯಾಪ್ತಿಯೊಳಗೆ ಸೇರಿಕೊಳ್ಳಲಿದೆ ಎಂದು ಹೇಳಲಾಗಿದೆ.

ರಾಷ್ಟ್ರೀಯ ಅಂಚೆ ಯೋಜನೆಯನ್ವಯ ಒಂದೂವರೆ ಕಿಮೀ ಅಂತರದಲ್ಲಿ ಎರಡು ಅಂಚೆ ಕಚೇರಿಗಳಿದ್ದರೆ ಅವುಗಳನ್ನು ಮುಚ್ಚುವ ಉದ್ದೇಶದನ್ವಯ ಈಗ ಕದ್ರಿ ಮತ್ತು ಬಂದರು ಕಚೇರಿಗಳು ತಮ್ಮ ಅಸ್ತಿತ್ವ ಕಳೆದುಕೊಳ್ಳಲಿವೆ.

ಕಳಪೆ ಸೇವೆಯನ್ನಾಧರಿಸಿ ನಗರದ ಉಳಿದ ಐದು ಅಂಚೆ ಕಚೇರಿಗಳನ್ನೂ ಮುಚ್ಚಲು ಪತ್ತೆ ಮಾಡಲಾಗಿದೆ ಎಂದು ಮಂಗಳೂರು ವಿಭಾಗೀಯ ಅಂಚೆ ಅಧೀಕ್ಷಕ ಟಿಜಿ ನಾಯಕ್ ಹೇಳಿದ್ದಾರೆ. ದೇಶದ ಬಹುತೇಕ ಅಂಚೆ ಕಚೇರಿಗಳು ನಷ್ಟದಲ್ಲಿದ್ದು, ಅವುಗಳ ಪೈಕಿ
57 ಪ್ರಧಾನ ಮತ್ತು 97 ಶಾಖಾ ಕಚೇರಿಗಳನ್ನು ಗುರುತಿಸಲಾಗಿದೆ.

ಇವುಗಳಲ್ಲಿ ತ್ವರಿತವಾಗಿ ಠೇವಣಿ ಖಾತೆಗಳನ್ನು ಜಾರಿ ಮಾಡುವುದಾಗಿ ತಿಳಿಸಿದ ನಾಯಕ್, ಪ್ರತಿಯೊಂದರಲ್ಲಿ ಸುಮಾರು 300 ಖಾತೆಗಳನ್ನು ತೆರೆಯಲು ನಿರ್ಧರಿಸಲಾಗಿದೆ ಎಂದಿದ್ದಾರೆ. ಇಲ್ಲಿಯವರೆಗೆ ಬಂದರ ಕಚೇರಿಯಲ್ಲಿ 1,500 ಆರ್‌ಡಿ ಖಾತೆಗಳನ್ನು ಹಾಗೂ 20 ಹಿರಿಯ ನಾಗರಿಕ ಖಾತೆಗಳನ್ನು ಹೊಂದಲಾಗಿದೆ. ಅದರಂತೆ 1800 ಆರ್‌ಡಿ ಖಾತೆ, 1,200 ಉಳಿತಾಯ ಖಾತೆ ಹಾಗೂ 450 ಮಾಸಿಕ ಆದಾಯ ಯೋಜನೆ ಖಾತೆಗಳನ್ನು ಹೊಂದಿರುತ್ತದೆ.

English summary

Bunder post office, Kadri Hill Post Office will soon become history. The proposed closure is according to Indian Post policy. Both Post office will be merged to city post offices said TG Naik Superintendent of Post Offices, Mangalore.