• search

ನಾವಿಕ ಅಧ್ಯಕ್ಷ ಶ್ರೀಅಯ್ಯಂಗಾರ್ ಜತೆ ಮಾತು

By * ಎಸ್ಕೆ ಶಾಮಸುಂದರ
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts
    Dr.SRIiyengar, NAVIKA president
    ಇಂಟರ್ನೆಟ್ಟಿಗೆ ಸಮೀಪ, ನಿಮ್ಮ ಕಂಪ್ಯೂಟರಿನಿಂದ ದೂರದ ಅಮೆರಿಕಾ ಕನ್ನಡ ಕಾಲೋನಿಗಳಿಂದ ಇತ್ತೀಚೆಗೆ ಎರಡು ಹೊಸ ಹೆಸರುಗಳು ಕೇಳಿಬರುತ್ತವೆ. ಒಂದನೆಯದು ನಾವಿಕ. ನಾವಿಕ ಎಂದರೆ ನಾರ್ತ್ ಅಮೆರಿಕ ವಿಶ್ವ ಕನ್ನಡ ಆಗರ. ಇದು ಅಮೆರಿಕಾದಲ್ಲಿ ಈಚೆಗೆ ಟಿಸಿಲೊಡೆದ ಹೊಸ ಕನ್ನಡ ಸಂಸ್ಥೆಯ ಸಂಕ್ಷಿಪ್ತ ನಾಮ. ಎರಡನೆಯ ಹೆಸರು ಶ್ರೀಅಯ್ಯಂಗಾರ್. ಇದು ಲಾಸ್ ಏಂಜಲಿಸ್ ನಗರದಲ್ಲಿ ಪ್ರ್ಯಾಕ್ಟೀಸು ಮಾಡುತ್ತಿರುವ ಹೃದಯ ತಜ್ಞ ಡಾ.ಶ್ರೀಧರ ಕೆಎಸ್ ಅಯ್ಯಂಗಾರ್ ಅವರು ಉಪಯೋಗಿಸುವ ಸಂಕ್ಷಿಪ್ತ ನಾಮ. ಶ್ರೀಅಯ್ಯಂಗಾರರು ನಾವಿಕ ಸಂಸ್ಥೆಯ ಮೊದಲ ಅಧ್ಯಕ್ಷ. ಜತೆಗೆ, ಇದೇ ಜುಲೈ 2ರಿಂದ ಲಾಸ್ ಏಂಜಲಿಸ್ ನಗರದಲ್ಲಿ ಜರುಗಲಿರುವ ಮೂರು ದಿವಸಗಳ ಪ್ರಥಮ ನಾವಿಕ ವಿಶ್ವ ಕನ್ನಡ ಸಮ್ಮೇಳನದ ಅಂಬಿಗ.

    ವಿಶ್ವ ಕನ್ನಡ ಸಮ್ಮೇಳನ ವ್ಯವಸ್ಥೆ ಮಾಡುವುದಕ್ಕೆ ಕನಿಷ್ಠ 10 ತಿಂಗಳಕಾಲದ ತಾಲೀಮು ಬೇಕಾಗುತ್ತದೆ. ಆದರೆ, ನಾವಿಕ ಸಂಸ್ಥೆ ಕಣ್ತೆರೆದ ಕೆಲವೇ ತಿಂಗಳಲ್ಲಿ ವಿಶ್ವ ಮಟ್ಟದ ಸಮ್ಮೇಳನ ಆಯೋಜಿಸುವ ನಿರ್ಧಾರ ಕೈಗೊಂಡಿರುವುದರಿಂದ ಸಮ್ಮೇಳನದ ಕುದುರೆ ವೇಗಮಿತಿಯನ್ನು ಧಿಕ್ಕರಿಸಿ ನಾಗಾಲೋಟ ಕಿತ್ತಬೇಕಾಗಿದೆ. ಸಮಯ ಕಡಿಮೆ ಇದೆ. ಸಮ್ಮೇಳನದ ಮುಹೂರ್ತ ಹತ್ತಿರ ಬರುತ್ತಿದೆ.

    ಸಮ್ಮೇಳನಕ್ಕೆ ಕುಟುಂಬ ಪರಿವಾರ ಸಮೇತ ಆಗಮಿಸಿ ಹಬ್ಬದ ಸಂಭ್ರಮವನ್ನು ದ್ವಿಗುಣ ಮಾಡಬೇಕೆಂದು ಶ್ರೀಸಾಮಾನ್ಯ ಅಮೆರಿಕನ್ನಡಿಗರನ್ನು ಕೋರುವ ಆಮಂತ್ರಣ ಪತ್ರವನ್ನು ನಾವಿಕದ ಅಂತರ್ಜಾಲ ತಾಣದಲ್ಲಿ ಛಾಪಿಸಲಾಗಿದೆ. ಸಮ್ಮೇಳನಕ್ಕೆ ರಂಗು, ರಂಜನೆ, ಬೆರಗು, ಕಳೆ, ಅರ್ಥವಂತಿಕೆ ತಂದುಕೊಡಬಲ್ಲ ಗಣ್ಯರ ಹಿಂಡಿಗೆ ಹುಡುಕಾಟ ಇದೀಗ ಸಾಗಿದೆ.

    ನೂತನ ಶಕೆಯ ಕವಿ, ಎಲೆಮರೆಯ ಕಲಾವಿದ, ಹೊಸಪಲ್ಲವಿ ಹಾಡುವ ಗಾಯಕಗಾಯಕಿ, ಆಕಾಲಕ್ಕೂ ಈ ಕಾಲಕ್ಕೂ ಸಲ್ಲುವ ಸಂಗೀತಗಾರ, ಹೊಸಹೊಸ ಜೋಕುಗಳನ್ನು ಸಿಡಿಸಬಲ್ಲ ಹಾಸ್ಯಗಾರರಲ್ಲದೆ ಸಮ್ಮೇಳನದಲ್ಲಿ ಏರ್ಪಾಟಾಗುವ ಸಮಾನಾಂತರ ಸಮಾವೇಶಗಳಲ್ಲಿ ವೇದಿಕೆಯ ಮೇಲೆ ಆಸೀನರಾಗಲು ಗಣ್ಯ ತಂತ್ರಜ್ಞ, ಗಣ್ಯ ಮಹಿಳೆ, ಗಣ್ಯ ರಾಜಕಾರಣಿ, ಗುರು ತಪಸ್ವಿಗಳು, ಗಣ್ಯ ವಣಿಕ ಬಳಗವನ್ನು ಗುರುತಿಸಿ, ಹುಡುಕಿ, ಖುದ್ದಾಗಿ ಅವರಿಗೆ ವೀಳ್ಯ ಕೊಡುವುದಕ್ಕೆ ಅಧ್ಯಕ್ಷ ಶ್ರೀಅಯ್ಯಂಗಾರ್ ಜನವರಿ 24ರಂದು ಬೆಂಗಳೂರಿಗೆ ಬಂದಿದ್ದಾರೆ. ಕರ್ನಾಟಕದ ಸರಕಾರದ ವತಿಯಿಂದಲೂ ಕಲಾವಿದರ ಒಂದು ತಂಡವನ್ನು ಕಳಿಸಿಕೊಡುವಂತೆ ಮುಖ್ಯಮಂತ್ರಿ ಬಿಎಸ್ ಯಡಿಯೂರಪ್ಪ ಅವರಿಗೆ ನಾವಿಕ ಮನವಿ ಸಲ್ಲಿಸಿದೆ. ಶ್ರೀಅಯ್ಯಂಗಾರ್ ಅವರೊಂದಿಗೆ ದಟ್ಸ್ ಕನ್ನಡ ನಡೆಸಿದ ಮಾತುಕತೆಯ ಸಂಕ್ಷಿಪ್ತ ರೂಪ ಹೀಗಿದೆ:

    ಲಾಸ್ ಏಂಜಲಿಸ್ ಕನ್ನಡ ಸಮ್ಮೇಳನದ ಸ್ವರೂಪ »

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more