ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಮುಸ್ಸಂಜೆ

By * ದಿನೇಶ್ ಉಡುಪಿ, ಮೆಂಫಿಸ್
|
Google Oneindia Kannada News

Dinesh Udupi, Memphis
ಬಿರುಕು ಕಡ್ಡಿ ಚಾಪೆ, ವಿಕಾರ ತೂತಿನ ಹಾಸು
ಜಿಡ್ಡು ತುಂಬಿದ ದಿಂಬಿಗೆ ಬೋರಲು ಮುಖದ ಕಂಬನಿ
ಎದೆಯಲ್ಲಿ ಇರದ ಛಾತಿ, ಕನಸು ತುಂಬಿದ ಮನಸು
ಸ್ಫೂರ್ತಿಯಿದ್ದಳು ಅಲ್ಲಿ ಬೆಳ್ಳಂಬೆಳಕಿನ ರಾಣಿ

ಲೂನಾ ಹುಡುಗಿಯ ಎಸಳ ಕತ್ತಲ್ಲಿ ಹಾರಾಡುವ ನವಿರು
ಹರಿದಾಡಿದ ಕೈಗಳಿಗೆ ಮೆತ್ತಿಕೊಳ್ಳುವ ಮತ್ತಿನ ಮದ
ಬಳಲಿಸಿದ ಬದುಕ ಕತ್ತು ಹಿಡಿವ ದ್ವೇಷದ ಹರಳು
ನೆಲ ಕುಟ್ಟಿದ ಧೂಳಿಗೆ ಸಾಕ್ಷಿ - ಮೌನವಾದ ಸ್ಫೂರ್ತಿ

ಗೂಡಿಗೆ ಹಿಂದಿರುಗಿ ಹಾರಿ ಹೋಗುವ ಹಕ್ಕಿಗಳ ಕಲ್ಲೋಲ
ತುಂಬಿಕೊಂಡಿರುವ ಓಕುಳಿಯ ರಂಗಿಗೆ ಗೋಧೂಳಿಯ ಮುಸುಕು
ಉಳಿದ ಎಣಿಕೆಯ ಬೆಳ್ಳಿ ಕೂದಲಿಗೆ ಕತೆಯಾಗುವ ಕೊರಗು
ಅಕಾಶಕೆ ತಿರುಗಿದ ಸುಕ್ಕಿನ ನೋಟಕೆ ಸಾಂತ್ವನದ ಭ್ರಮೆ

ಮರದ ಗೊಂಚಲೆಡೆಯಿಂದ ತೂರಿ ಬಿಟ್ಟ ರಕ್ತ ಕಾಂತಿ
ಸಾಯುವ ಬೆಳಕ ಎದೆಯ ಸೀಳುವ ನೀರ ಜುಳು ಜುಳು
ಜೀವ ಭಯಕೆ ಹಾರುವ ಕಪ್ಪೆ, ಹಿಡಿವ ಹಾವು
ಮೈಮೇಲೆ ಅಸಹ್ಯ ಹುಟ್ಟಿಸುವ ಹಳದಿ ಹಸಿರು ಗೀರುಗಳು

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X