ಸ್ವಾತಂತ್ರ್ಯ

ಸ್ವಾತಂತ್ರ್ಯ

ಪ್ರಶಾಂತ್‌ ಬೀಚಿ, ತಾನ್ಜಾನಿಯ [email protected] ಹಾರುವ ಹಕ್ಕಿಗೆ ಬೀಸುವ ಗಾಳಿಗೆ ಅಲುಗುವ ಎಲೆಗಳಿಗೇನು? ಕೇಳುವರಿಲ್ಲ, ಹೇಳುವರಿಲ್ಲ ಆಸೆ ನಮ್ಮದಲ್ಲವೇನು. ಹಕ್ಕಿಯ ಹಿಡಿದರೆ, ಗಾಳಿಯ ತಡೆದರೆ, ಎಲ್ಲಿಯದಿ ಕುತಂತ್ರ ಸಂತಸಬೇಕು, ಆನಂದ ಇರಬೇಕು ಅದೇ ಸ್ವಾತಂತ್ರ್ಯ. ತಿನ್ನಲು ಅಪ್ಪಣೆ, ಕೂರಲು ಅಪ್ಪಣೆ, ಎಲ್ಲಕು ಕೇಳಬೇಕಿತ್ತು, ನಮ್ಮದೆ ಊರಲಿ ನಮ್ಮದೆ ಮನೆಯಲಿ ಬಿಳಿಯರ ದರ್ಬಾರಿತ್ತು. ಯುಕ್ತಿಯಿದ್ದರು, ಶಕ್ತಿಯಿದ್ದರು, ಸುಮ್ಮನೆ ನಾವೆಲ್ಲ ಮಂತ್ರಕೆ ಕಾಯಿ ಉದುರುವುದೆಂದು ಕಾಯುವ ಹಾಗಿತ್ತು. ಹುಟ್ಟಿತು ಒಂದು ಯೋಧರ ಗುಂಪು ಕೇಳಲು ಏಕೆಂದು ಹೊಡೆದರು ಅವರಿಗೆ ಬೆನ್ನಿನ ಮೇಲೆ ಬಿಳಿಯರು ಬೇಕೆಂದು. ರಕ್ತವು ಕುದಿತಿದೆ, ನೆತ್ತರು ಸುರಿದಿದೆ, ನಾವು ಬಿಟ್ಟೇವೆ. ಆಗುವುದಾಗಲಿ ದೇಶ ಕಟ್ಟಲು ಪ್ರಾಣ ಬಿಟ್ಟೆವು. ಬಿಳಿಯರ ಕಪಟಕೆ, ತೊಡೆಯ ತಟ್ಟಿ ಕೈ ಕೈ ಹಿಡಿದೆವು, ಹಳ್ಳಿಗೆ ಹಳ್ಳಿ, ಊರಿಗೆ ಊರೇ ಸೆಟೆದು ನಿಂತೆವು ಹೋದ ಪ್ರಾಣಗಳೆಷ್ಟೋ, ಮುರಿದ ಕಾಲ್ಗಳೆಷ್ಟೋ, ಕೊಂಚವು ಹೆದರದೆ ಮುಂದೆ ಬಂದ ಯುವಕರು ಬಹಳಷ್ಟು. ಇಂದಿಗು ನೆನೆದರೆ ಕಣ್ಣಲಿ ಹನಿ ಹನಿ ನೀರು ಉದುರುವುದು, ನಮ್ಮ ಸುಖಕೆ ಪ್ರಾಣ ತೆತ್ತ, ಹಿರಿಯರ ನೆನೆಯುವುದು. ಹಠ ಯೋಗಿಗಳು, ಸ್ವಾತಂತ್ರ್ಯಕ್ಕಾಗಿ ಜೀವ ನೀಡಿದರು. ಸತ್ತರು ಅವರು ಬದುಕಲು ನಾವು, ಸ್ವಾತಂತ್ರ್ಯವಾಗಿ. Post your views

ಮುಖಪುಟ / ಎನ್‌ಆರ್‌ಐ