ಕೆಕೆಎನ್ ಸಿ ಸಣ್ಣಕಥಾ ಸ್ಪರ್ಧೆಗೆ ಕಥೆ ಕಳಿಸಿ

ಕಾಡುವ ಕನಸುಗಳು, ಹಾಡುವ ನೆನಪುಗಳು, ನಿಮ್ಮೆದೆಯಲ್ಲಿ ಮೌನವಾಗಿ ಮೊಳೆಯುತ್ತಾ ಮುತ್ತಾಗಿ ರೂಪುಗೊಳ್ಳಲು ಕಾಯುತ್ತಿವೆಯೇ? ಆ ಮುತ್ತುಗಳ ಸುಂದರ ಮಾಲೆ ಪೋಣಿಸಿ, ಕನ್ನಡ ಓದುಗರ ಮುಂದಿಡಬಾರದೇಕೆ?

ಇಗೊಳ್ಳಿ, ನಿಮಗಾಗಿ ಸ್ವರ್ಣಸೇತು 2011ರ ಸಂಪಾದಕ ಸಮಿತಿಯು ಕಥಾಸ್ಪರ್ಧೆಯ ಮೂಲಕ ಆ ನಿಮ್ಮ ಕನಸನ್ನು ನನಸಾಗಿಸುವ ಸದವಕಾಶ ನೀಡುತ್ತಿದೆ. ಅತ್ಯುತ್ತಮ ಕಥೆಗಳು ಬಹುಮಾನ ಪಡೆಯುವುದರೊಂದಿಗೆ, ಸ್ವರ್ಣಸೇತು 2011ರಲ್ಲಿ ಅಚ್ಚಾಗುವ ಅವಕಾಶ ಪಡೆಯುತ್ತವೆ.

ಅಮೆರಿಕಾದ ಉತ್ತರ ಕ್ಯಾಲಿಫೋರ್ನಿಯಾ ಕನ್ನಡ ಕೂಟ ಈ ಕಥಾ ಸ್ಪರ್ಧೆಯನ್ನು ಆಯೋಜಿಸಿದೆ. ಕಥೆ ಕಳಿಸುವ ಮುನ್ನ ಸ್ಪರ್ಧೆಯ ನಿಯಮಗಳನ್ನು ತಪ್ಪದೆ ಓದಿರಿ. ಕಥೆಗಳನ್ನು ಸೆಪ್ಟೆಂಬರ್ 25, 2011ರೊಳಗೆ, [email protected]ಗೆ ಕಳುಹಿಸಬೇಕು.

ಸ್ಪರ್ಧೆಯ ನಿಯಮಗಳು:

1. ನಿಮ್ಮ ಸ್ವರಚಿತ ಕಥೆಗಳನ್ನು ಮಾತ್ರ ಕಳುಹಿಸಿಬೇಕು, ಅನುವಾದಿತ ಕಥೆಗಳಿಗೆ ಅವಕಾಶವಿರುವುದಿಲ್ಲ. ನಿಮ್ಮ ಕಥೆ ಈ ಮುನ್ನ ಬೇರೆಲ್ಲೂ ಪ್ರಕಟವಾಗಿರಬಾರದು, ಬಾನುಲಿಯಲ್ಲಿ, ವೆಬ್-ಮ್ಯಾಗ್/ಬ್ಲಾಗ್ ಗಳಲ್ಲಿಯೂ ಪ್ರಕಟವಾಗಿರಬಾರದು.

2. ಕಥೆಗಳು “ಬರಹ", “MS-WORD" ಅಥವಾ “ನುಡಿ"ಯಲ್ಲಿರಬೇಕು. ಕೈ ಬರಹದ ಕೃತಿಗಳನ್ನು ಪರಿಗಣಿಸಲಾಗುವುದಿಲ್ಲ.

3. ಬರಹ/ನುಡಿಯ 12 ಫಾಂಟ್ ಸೈಜಿನಲ್ಲಿ ನಾಲ್ಕು ಪುಟಗಳಿಗೆ ಮೀರದಂತೆ ನಿಮ್ಮ ಕಥೆ ಅರಳಲಿ.

4. ಸ್ವೀಕರಿಸಿದ ಕಥೆಗಳನ್ನೂ ಸ್ವರ್ಣಸೇತು 2011ರಲ್ಲಿ ಪ್ರಕಟಣೆಗಾಗಿ ಪರಿಗಣಿಸಲಾಗುವುದು. ಪ್ರಕಟಿಸುವ ಅಥವಾ ಪ್ರಕಟಿಸದಿರುವ ತೀರ್ಮಾನ ಸ್ವರ್ಣಸೇತು ಸಂಪಾದಕ ಸಮಿತಿಯದಾಗಿರುತ್ತದೆ.

5. ಸ್ಪರ್ಧೆಗೆ ಕಳುಹಿಸಿದ ಕೃತಿಗಳನ್ನು ಸ್ವರ್ಣಸೇತು-2011 ಬಿಡುಗಡೆಯವರೆಗೂ ಬೇರೆಲ್ಲೂ ಪ್ರಕಟಿಸಬಾರದು.

6. ಕಥೆಗಳನ್ನು ನಿಮ್ಮ ಈ-ಮೇಲ್ ಹಾಗೂ ದೂರವಾಣಿ ಸಂಖ್ಯೆಯ ಜೊತೆಯಲ್ಲಿ ಈ ವಿಳಾಸಕ್ಕೆ ಕಳುಹಿಸಿ [email protected].

7. ಕಥೆಗಳನ್ನು ಸ್ವೀಕರಿಸಲು ಕೊನೆಯ ದಿನಾಂಕ ಸೆಪ್ಟೆಂಬರ್ 25, 2011.

8. ತೀರ್ಪುಗಾರರ ನಿರ್ಧಾರವೇ ಅಂತಿಮ.

ಸಂಪಾದಕ ಸಮಿತಿ, ಸ್ವರ್ಣಸೇತು 2011

English summary

Kannada Koota Northern California has invited the writers to send short stories, not published anywhere, for short story competition. Attractive prizes are there. The selected stories will be published in Swarnasetu 2011 noveneir.