ಬೃಂದಾವನ ವಿಹಾರದಲ್ಲಿ ಸದಾನಂದ ವಿಶ್ವನಾಥ್
ಪ್ರತಿವರ್ಷದಂತೆ ಬೃಂದಾವನ ಕನ್ನಡ ಕೂಟದ ಕನ್ನಡಿಗರಿಗೆ ಈ ವರ್ಷದ ಬೇಸಿಗೆ ವಿಹಾರದಲ್ಲಿ ತಮ್ಮ ಆತ್ಮೀಯರನ್ನು, ಬಂಧು-ಮಿತ್ರರನ್ನು ಭೇಟಿ ಮಾಡುವ ಸದವಕಾಶವನ್ನು ಒದಗಿಸುವುದರ ಜೊತೆಗೆ ಹಮ್ಮಿಕೊಂಡ ಅನೇಕ ಆಟೋಟ ಕಾರ್ಯಕ್ರಮಗಳಲ್ಲೂ ಭಾಗವಹಿಸುವ ಅವಕಾಶವನ್ನು ಕಲ್ಪಿಸಿಕೊಡಲಾಗಿತ್ತು. ಎರಡು ವರ್ಷದ ಎಳೆಯರಿಂದ ಹಿಡಿದು 85ರ ಹಿರಿಯರವರೆಗೆ ಕೆಲವು ತಲೆಮಾರುಗಳು ಒಂದೇ ಕಾರ್ಯಕ್ರಮದಡಿ ಸೇರುವ ಮಹಾವಕಾಶ ಇದಾಗಿತ್ತು.
ಗಮನ ಸೆಳೆದ ಅಂಶಗಳು:
* ಮಕ್ಕಳು ಅಮೇರಿಕನ್ ರೆಡ್ಕ್ರಾಸ್ಗೆಂದು ಒಂದು ಚಾರಿಟಿ ಬೂತ್ ತೆರೆದು ಅದರ ಮೂಲಕ ಸೋಡಾ, ನೀರು, ಐಸ್ ಕ್ರೀಮ್ ಹಾಗೂ ತುಳಸಿ ಮೊದಲಾದ ಗಿಡಗಳನ್ನು ಮಾರುವುದರ ಮೂಲಕ ಸುಮಾರು ನೂರೈವತ್ತು ಡಾಲರುಗಳನ್ನು ಸಂಗ್ರಹಿಸಿದರು.
* ಖ್ಯಾತ ಕ್ರಿಕೆಟ್ ಪಟು ಹಾಗೂ ಅಂಪೈರ್ ಸದಾನಂದ್ ವಿಶ್ವನಾಥ್ ಅವರು ನಡೆಸಿಕೊಟ್ಟ ಕ್ರಿಕೆಟ್ ಮ್ಯಾಚ್ ಟೈನಲ್ಲಿ ಕೊನೆಗೊಂಡಿತು.
* ಮಕ್ಕಳು ಮತ್ತು ಹಿರಿಯರು ಭಾಗವಹಿಸಿ ಬಹಳ ಕುತೂಹಲ ಮೂಡಿಸಿದ್ದ ಟಗ್ ಆಫ್ ವಾರ್ ಆಟ ಹಗ್ಗ ತುಂಡಾವುದರೊಂದಿಗೆ ಕೊನೆಗೊಂಡಿತು.
* ಸುಮಾರು ಐವತ್ತು ಹೊಸ ಕನ್ನಡ ಕುಟುಂಬಗಳು ಬೃಂದಾವನ ಕನ್ನಡ ಕೂಟವನ್ನು ಸೇರಿಕೊಂಡವು.
* ಹಿರಿಯರು ಹಾಗೂ ಕಿರಿಯರು ಒಟ್ಟಿಗೆ ಸೇರಿ ಬಹಳ ಸಂಭ್ರಮದ ವಾತಾವರಣ ಸೃಷ್ಟಿಯಾಗಿತ್ತು, ಶುಭ್ರ ಬೇಸಿಗೆ ಬಿಸಿಲಿನ್ನು ಛೇಡಿಸಿ ಸುಂದರವಾದ ಬಣ್ಣದ ಗಾಳಿಪಟವೊಂದು ಹಾಯಾಗಿ ನೀಲಿಯಲ್ಲಿ ತೇಲುತ್ತಿತ್ತು.
Click it and Unblock the Notifications
Sign in with Google