• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಉದಯರವಿಯ ನಾಡಿನಲ್ಲಿ ಕನ್ನಡ ಕಲರವ

By Staff
|

Tokyo Kannada Balaga

ಹೊರದೇಶಗಳಲ್ಲಿ ನೆಲೆಸಿರುವ ಕನ್ನಡಿಗರ ಸಾಂಸ್ಕೃತಿಕ ಚಟುವಟಿಕೆಗಳ ಬಗ್ಗೆ ದಟ್ಸ್‌ಕನ್ನಡ ಡಾಟ್ ಕಾಂನಲ್ಲಿ ವರದಿಗಳು ಪ್ರಕಟವಾಗುತ್ತಲೇ ಇರುತ್ತವೆ. ನಿಮ್ಮೆಲ್ಲರಿಗೂ ಜಪಾನ್ ದೇಶದಲ್ಲಿನ ಟೋಕಿಯೋ ಕನ್ನಡ ಬಳಗದ ಸಂಕ್ಷಿಪ್ತ ಪರಿಚಯ ಮಾಡಿಕೊಡುವುದು ಈ ಸಂದೇಶದ ಉದ್ದೇಶ.

***

ಟೋಕಿಯೋ ಕನ್ನಡ ಬಳಗ ಸ್ಥಾಪನೆಯಾಗಿದ್ದು 2002ನೇ ಇಸವಿಯಲ್ಲಿ. ಕೆಲವೇ ಕುಟುಂಬಗಳು ಒಂದೆಡೆ ಸೇರಿ ಹಬ್ಬಗಳನ್ನು ಆಚರಿಸುವ ಮಟ್ಟದಲ್ಲಿ ಪ್ರಾರಂಭವಾದ ಬಳಗ, ಕಳೆದ ಆರು ವರುಷಗಳಲ್ಲಿ 125 ಮಂದಿ ಸದಸ್ಯಬಲ ಪಡೆದುಕೊಂಡಿದೆ. ಪ್ರತೀ ವರುಷವೂ ನಮ್ಮ ಕನ್ನಡ ಬಳಗ ವಿವಿಧ ಕಾರ್ಯಕ್ರಮಗಳನ್ನು ಆಯೋಜಿಸುತ್ತಿದ್ದು, ಟೋಕಿಯೋ ಹಾಗೂ ಹತ್ತಿರದ ಪ್ರದೇಶಗಳ ಕನ್ನಡಿಗರನ್ನು ಒಂದುಗೂಡಿಸುವಲ್ಲಿ ಸಕ್ರಿಯ ಪಾತ್ರವಹಿಸುತ್ತ ಬಂದಿದೆ.

ಕಳೆದ ಶನಿವಾರ, ಮೇ 10ರಂದು ಬಳಗದ ವತಿಯಿಂದ ಕನ್ನಡ ಬಳಗ ಸದಸ್ಯರ ಮಿಲನ ಕೂಟವೊಂದನ್ನು ಆಯೋಜಿಸಲಾಗಿತ್ತು. ಸುಮಾರು ಮೂವತ್ತು ಮಂದಿ ಕನ್ನಡಿಗರು ಟೋಕಿಯೋದ ಪ್ರಸಿದ್ಧ The Taj ಹೋಟೆಲಿನಲ್ಲಿ ಒಂದೆಡೆ ಸೇರಿ ಸಂಭ್ರಮಪಟ್ಟೆವು. ಟೋಕಿಯೋ ನಗರವಷ್ಟೇ ಅಲ್ಲದೇ ಸುಮಾರು ದೂರದ ಪ್ರದೇಶಗಳಿಂದಲೂ ಅನೇಕ ಸದಸ್ಯರು ಬಂದಿದ್ದು ಇಲ್ಲಿನ ಕನ್ನಡಿಗರ ಕನ್ನಡಾಭಿಮಾನಕ್ಕೆ ಸಾಕ್ಷಿಯಾಗಿತ್ತು. ಪರಸ್ಪರರ ಪರಿಚಯದ ನಂತರ ನಡೆದ ರಸಪ್ರಶ್ನೆ ಕಾರ್ಯಕ್ರಮ ಕೂಟದ ವಿಶೇಷ ಆಕರ್ಷಣೆಯಾಗಿತ್ತು.

ಭಾರತ, ಕರ್ನಾಟಕ ಹಾಗೂ ಜಪಾನ್ ದೇಶಗಳ ಸಂಸ್ಕೃತಿ, ಇತಿಹಾಸಕ್ಕೆ ಸಂಬಂಧಿಸಿದ ಪ್ರಶ್ನೋತ್ತರದಲ್ಲಿ ದೊಡ್ಡವರು ಹಾಗೂ ಚಿಕ್ಕ ಮಕ್ಕಳು ಉತ್ಸಾಹದಿಂದ ಭಾಗವಹಿಸಿದರು. ಕಾರ್ಯಕ್ರಮದ ಕೊನೆಯಲ್ಲಿ ರುಚಿಯಾದ ಭೋಜನವೂ ವ್ಯವಸ್ಥೆಯಾಗಿತ್ತು. ಇತರೆ ಕನ್ನಡಿಗರೊಂದಿಗೆ ಬೆರೆತು, ಬಾಯ್ತುಂಬಾ ಕನ್ನಡದಲ್ಲಿ ಮಾತನಾಡಿ ಕಾಲ ಕಳೆದಿದ್ದು ಅತ್ಯಂತ ಸಂತಸದ ಅನುಭವವಾಗಿತ್ತು.

ಮುಂದಿನ ದಿನಗಳಲ್ಲಿ ಮತ್ತಷ್ಟು ಕಾರ್ಯಕ್ರಮಗಳನ್ನು ಆಯೋಜಿಸುವುದು ಬಳಗದ ಉದ್ದೇಶ. ಬರುವ ಸೆಪ್ಟೆಂಬರ್ ತಿಂಗಳಲ್ಲಿ ಗೌರಿ, ಗಣೇಶ ಹಬ್ಬ ಮತ್ತು ನವೆಂಬರ್ ತಿಂಗಳಲ್ಲಿ ರಾಜೋತ್ಸವವನ್ನು ಆಚರಿಸುವ ಯೋಜನೆಯಿದೆ. ಈ ಸಂದರ್ಭಗಳಲ್ಲಿ ವಿವಿಧ ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ನಡೆಸುವುದು ಬಳಗದ ಮಹದಾಸೆಯಾಗಿದೆ. ಟೋಕಿಯೋ ಮತ್ತು ಸುತ್ತಮುತ್ತಲಿನ ಪ್ರದೇಶಗಳ ಕನ್ನಡಿಗರು ಹೆಚ್ಚಿನ ಸಂಖ್ಯೆಯಲ್ಲಿ, ಉತ್ಸಾಹದಿಂದ ಭಾಗವಹಿಸಬೇಕಾಗಿ ವಿನಂತಿ.

ಬಳಗದ ಚಟುವಟಿಕೆಗಳಲ್ಲಿ ಭಾಗವಹಿಸಲು ಇಚ್ಛಿಸುವವರು ದಯವಿಟ್ಟು ಕೆಳಗಿನ ಯಾಹೂ ಗ್ರೂಪ್ ಸದಸ್ಯರಾಗಬೇಕೆಂದು ವಿನಂತಿ. ಆ ಮೂಲಕ ಮುಂದಿನ ಕಾರ್ಯಕ್ರಮಗಳ ಮಾಹಿತಿ ಪಡೆದುಕೊಳ್ಳಿ. ಈ ವಿಷಯವನ್ನು ನಿಮ್ಮ ಪರಿಚಯದ ಇತರೇ ಕನ್ನಡಿಗರಿಗೊಂದಿಗೆ ಹಂಚಿಕೊಳ್ಳಲು ಮರೆಯದಿರಿ.

http://groups.yahoo.com/group/TokyoKannadaBalaga/

To Subscribe, Send mail to: TokyoKannadaBalaga-subscribe@yahoogroups.com

ವಿಶ್ವಾಸದಿಂದ,

ಗುರುಪ್ರಸಾದ್

ಟೋಕಿಯೋ ಕನ್ನಡ ಬಳಗದ ಪರವಾಗಿ

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more