ಉಡುಪಿಯಲ್ಲಿ ಕೊರೊನಾ ಶಂಕೆ: 3 ವಿದ್ಯಾರ್ಥಿಗಳು ಆಸ್ಪತ್ರೆಗೆ ದಾಖಲು

ಉಡುಪಿ, ಮಾರ್ಚ್ 13: ಉಡುಪಿಯಲ್ಲಿ ಮೂವರು ಕೊರೊನಾ ಶಂಕಿತ ವಿದ್ಯಾರ್ಥಿಗಳು ಮಣಿಪಾಲದ ಕೆಎಂಸಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ.

ಮಣಿಪಾಲ ವಿಶ್ವವಿದ್ಯಾಲಯದ ವಿದ್ಯಾರ್ಥಿಗಳಾಗಿದ್ದು, ಇಬ್ಬರೂ ಇತ್ತೀಚಿಗೆ ವಿದೇಶದಿಂದ ಬಂದಿದ್ದರು.

ಒಬ್ಬ ವಿದ್ಯಾರ್ಥಿ ಅಮೆರಿಕಾ ಮತ್ತು ಇನ್ನೊಬ್ಬ ಕುವೈತ್, ಮತ್ತೊಬ್ಬ ಮಲೇಷ್ಯಾ ನಿಂದ ಬಂದ ವಿದ್ಯಾರ್ಥಿಳಾಗಿದ್ದಾರೆ. ಮೂವರಿಗೂ ಕೊರೊನಾದ ಲಕ್ಷಣ ಕಂಡು ಬಂದ ಹಿನ್ನೆಲೆಯಲ್ಲಿ ಮಣಿಪಾಲದ ಕೆಎಂಸಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ವಿದ್ಯಾರ್ಥಿಗಳನ್ನು ಯಥಾಪ್ರಕಾರ ಐಸೋಲೇಟೆಡ್ ವಾರ್ಡ್ ನಲ್ಲಿ ಇರಿಸಿ ಚಿಕಿತ್ಸೆಯ ವ್ಯವಸ್ಥೆ ಮಾಡಲಾಗಿದೆ.

ಉಡುಪಿ ಜಿಲ್ಲಾ ಆರೋಗ್ಯ ಅಧಿಕಾರಿ ಡಾ. ಸುಧೀರ್ ಚಂದ್ರ ಸೂಡಾ ಈ ಕುರಿತು ಮಾಹಿತಿ ನೀಡಿದ್ದು, ಮೂವರ ಗಂಟಲ ದ್ರಾವಣವನ್ನು ಹೆಚ್ಚಿನ ಪರೀಕ್ಷೆಗಾಗಿ ಬೆಂಗಳೂರಿಗೆ ರವಾನೆ ಮಾಡಲಾಗಿದೆ ಎಂದು ತಿಳಿಸಿದರು.

ಎರಡು ದಿನದಲ್ಲಿ ವೈದ್ಯಕೀಯ ವರದಿ ಬರುವ ನಿರೀಕ್ಷೆ ಇದ್ದು, ವಿದ್ಯಾರ್ಥಿಗಳ ಮೂಲದ ಬಗ್ಗೆ ನಿಯಮದಂತೆ ವೈದ್ಯರು ಗೌಪ್ಯತೆ ಕಾಪಾಡಿದ್ದಾರೆ.

English summary

Three Corona suspects in Udupi have been admitted to KMC Hospital in Manipal.