Pele Passes Away : ಬ್ರೆಜಿಲ್ನ ಲೆಜೆಂಡರಿ ಫುಟ್ಬಾಲ್ ಆಟಗಾರ ಪೀಲೆ ನಿಧನ
ನವದೆಹಲಿ, ಡಿಸೆಂಬರ್ 30: ಬ್ರೆಜಿಲ್ನ ಖ್ಯಾತ ಫುಟ್ಬಾಲ್ ಆಟಗಾರ ಪೀಲೆ ಅವರು ತಮ್ಮ 82ನೇ ವಯಸ್ಸಿನಲ್ಲಿ ನಿಧನರಾದರು ಎಂದು ಅವರ ಕುಟುಂಬ ಗುರುವಾರ ತಿಳಿಸಿದೆ.
ಸಾರ್ವಕಾಲಿಕ ಶ್ರೇಷ್ಠ ಆಟಗಾರರಲ್ಲಿ ಒಬ್ಬರಾದ ಪೀಲೆ ಮೂರು ಬಾರಿ ಫೀಫಾ ವಿಶ್ವಕಪ್ ಗೆದ್ದ ಏಕೈಕ ಆಟಗಾರ ಎಂದು ಜನಪ್ರಿಯವಾಗಿದ್ದಾರೆ. ನಿಮಗೆ ನಮ್ಮೆಲ್ಲರ ಧನ್ಯವಾದಗಳು. ನಾವು ನಿನ್ನನ್ನು ಎಂದೆಂದಿಗೂ ಪ್ರೀತಿಸುತ್ತೇವೆ. ಶಾಂತಿಯಿಂದ ವಿಶ್ರಾಂತಿ ಪಡೆಯಿರಿ ಎಂದು ಪೀಲೆ ಅವರ ಮಗಳು ಕೆಲಿ ನಾಸಿಮೆಂಟೊ ಇನ್ಸ್ಟಾಗ್ರಾಂನಲ್ಲಿ ಬರೆದಿದ್ದಾರೆ.
ಲೆಜೆಂಡರಿ ಫುಟ್ಬಾಲ್ ಆಟಗಾರ ಪೀಲೆ ಕರುಳಿನ ಕ್ಯಾನ್ಸನಿಂದ ಬಳಲುತ್ತಿದ್ದರು. ಅವರು ಕಳೆದ ನವೆಂಬರ್ 29ರಂದು ಉಸಿರಾಟದ ಸಮಸ್ಯೆಗಾಗಿ ಆಸ್ಪತ್ರೆಗೆ ದಾಖಲಾಗಿದ್ದರು. ಅವರು ಆಸ್ಪತ್ರೆಯ ಹಾಸಿಗೆಯಿಂದಲೇ ಕತಾರ್ನಲ್ಲಿ ಇತ್ತೀಚೆಗೆ ಮುಕ್ತಾಯಗೊಂಡ ಫೀಫಾ ವಿಶ್ವಕಪ್ನಲ್ಲಿ ಬ್ರೆಜಿಲಿಯನ್ ತಂಡವನ್ನು ಹುರಿದುಂಬಿಸಿದರು. ಅವರಿಗೆ ಇಡೀ ಫುಟ್ಬಾಲ್ ಸಹೋದರರು ಮತ್ತು ಅವರ ಅಭಿಮಾನಿಗಳಿಂದ ಶ್ರದ್ಧಾಂಜಲಿಗಳು ಹರಿದುಬಂದಿವೆ.
ಎಡ್ಸನ್ ಅರಾಂಟೆಸ್ ಡೊ ನಾಸಿಮೆಂಟೊ ಎಂಬ ಅವರು ಪೀಲೆ ಎಂದು ಜಗತ್ತಿಗೆ ಜನಪ್ರಿಯವಾಗಿ ಪರಿಚಿತರು. ಅಕ್ಟೋಬರ್ 23, 1940ರಂದು ಬ್ರೆಜಿಲ್ನ ರಾಜ್ಯವಾದ ಮಿನಾಸ್ ಗೆರೈಸ್ನಲ್ಲಿರುವ ಟ್ರೆಸ್ ಕೊರಾಕೋಸ್ನಲ್ಲಿ ಜನಿಸಿದರು. 1958 ರಲ್ಲಿ ಬ್ರೆಜಿಲ್ನ ಚೊಚ್ಚಲ ಫೀಫಾ ವಿಶ್ವಕಪ್ ವಿಜಯೋತ್ಸವದಲ್ಲಿ ಪ್ರಮುಖ ಪಾತ್ರ ವಹಿಸಿದ ನಂತರ ಅವರು ಜಾಗತಿಕ ಸೂಪರ್ಸ್ಟಾರ್ಡಮ್ ಅನ್ನು ಗಳಿಸಿದರು.
ಇನ್ನೂ ಹದಿಹರೆಯದವರಾಗಿದ್ದ ಪೀಲೆ ಅವರು ಫ್ರಾನ್ಸ್ ವಿರುದ್ಧದ ಸೆಮಿಫೈನಲ್ನಲ್ಲಿ ಹ್ಯಾಟ್ರಿಕ್ ಗೋಲು ಗಳಿಸಿದವರು. ಸ್ವೀಡನ್ ವಿರುದ್ಧದ ಫೈನಲ್ನಲ್ಲಿ ಬ್ರೇಸ್ನೊಂದಿಗೆ ಅದನ್ನು ಮುಂದುವರೆಸಿದರು. 1970 ರಲ್ಲಿ ತನ್ನ ಹೆಸರಿಗೆ ಮೂರನೇ ವಿಶ್ವಕಪ್ ಸೇರಿಸಿದರು. 1962ರಲ್ಲಿ ಪ್ರಶಸ್ತಿಯನ್ನು ರಕ್ಷಿಸಿದ ತಂಡದ ಭಾಗವಾಗಿ ಬ್ರೆಜಿಲ್ ಪ್ರಸಿದ್ಧವಾಗಿ ಇಟಲಿಯನ್ನು ಫೈನಲ್ನಲ್ಲಿ ಸೋಲಿಸಿತು. ಅದು ದೂರದರ್ಶನದಲ್ಲಿ ಪ್ರಸಾರವಾದ ಮೊದಲ ಫುಟ್ಬಾಲ್ ವಿಶ್ವಕಪ್ ಆಗಿತ್ತು. ಅವರು ತಮ್ಮ ವಿಶ್ವ ಕಪ್ ವೃತ್ತಿಜೀವನದಲ್ಲಿ 12 ಗೋಲುಗಳನ್ನು ಗಳಿಸಿದರು. ಇದರಲ್ಲಿ ಒಟ್ಟು ನಾಲ್ಕು ಪಂದ್ಯಾವಳಿಗಳು ಸೇರಿವೆ.
ಪೀಲೆ ತನ್ನ ಜೀವಿತಾವಧಿಯಲ್ಲಿ 95 ಪಂದ್ಯಗಳಲ್ಲಿ 77 ಗೋಲುಗಳೊಂದಿಗೆ ಬ್ರೆಜಿಲ್ಗಾಗಿ ಅತಿ ಹೆಚ್ಚು ಗೋಲು ಗಳಿಸಿದ ಆಟಗಾರನಾಗಿ ಉಳಿದುಕೊಂಡಿದ್ದಾರೆ. ಈ ತಿಂಗಳ ಆರಂಭದಲ್ಲಿ ವಿಶ್ವಕಪ್ನಲ್ಲಿ ತಂಡವು ಕ್ವಾರ್ಟರ್ ಫೈನಲ್ ಸೋಲಿನ ಸಂದರ್ಭದಲ್ಲಿ ಅವರ ದಾಖಲೆಯನ್ನು ಪ್ರಸ್ತುತ ಬ್ರೆಜಿಲ್ ಸೆನ್ಸೇಶನ್ ನೇಮರ್ ಅವರು ಸಮಗೊಳಿಸಿದರು.
ಪೀಲೆ ಅವರು ಕಿಮೊಥೆರಪಿಗೆ ಒಳಗಾಗಿದ್ದರು, ಆದಾಗ್ಯೂ, ಅವರು ಕಿಮೊಥೆರಪಿಗೆ ಪ್ರತಿಕ್ರಿಯಿಸುವುದನ್ನು ನಿಲ್ಲಿಸಿದರು. ಬಳಿಕ ಐಸಿಯು ಆರೈಕೆಗೆ ವರ್ಗಾಯಿಸಲಾಯಿತು. ಪೀಲೆ ಅವರು 2021ರಲ್ಲಿ ತಮ್ಮ ಕರುಳಿನಿಂದ ಗೆಡ್ಡೆಯನ್ನು ತೆಗೆದುಹಾಕಿದ್ದರು. ಅಂದಿನಿಂದ ಕೀಮೋಥೆರಪಿಯನ್ನು ತೆಗೆದುಕೊಳ್ಳುತ್ತಿದ್ದರು. ಕೊನೆಯಲ್ಲಿ ಕೊಲೊನ್ ಕ್ಯಾನ್ಸರ್ನಿಂದ ಕೊನೆಯುಸಿರೆಳೆದರು. ಬ್ರೆಜಿಲಿಯನ್ ಫುಟ್ಬಾಲ್ ಆಟಗಾರ ಪೀಲೆ ಫೀಫಾದಿಂದ 'ದಿ ಗ್ರೇಟೆಸ್ಟ್' ಎಂದು ಕೂಡ ಕರೆಯಲ್ಪಟ್ಟವರು. ಮೂರು ವಿವಾಹವಾಗಿದ್ದ ಅವರಿಗೆ ಒಟ್ಟು 7 ಮಕ್ಕಳಿದ್ದರು. ಪೀಲೆ ನಿಧನಕ್ಕೆ ಜಗತ್ತಿನಾದ್ಯಂತ ಸಂತಾಪಗಳು ವ್ಯಕ್ತವಾಗಿವೆ.
Click it and Unblock the Notifications
Sign in with Google