ಇಪ್ಪತ್ತು ನಾಯಿಗಳ ಜತೆ ಪುಟ್ಟ ಬಾಲಕ; ವರ್ತನೆಯೂ ಬದಲು
ಪುಣೆ, ಮೇ 12: ಒಂದೇ ಮನೆಯಲ್ಲಿ 20ಕ್ಕೂ ಹೆಚ್ಚು ನಾಯಿಗಳ ಜೊತೆ 11 ವರ್ಷದ ಬಾಲಕನನ್ನು ಕೂಡಿಹಾಕಿದ ಭಯಾನಕ ಘಟನೆ ಪುಣೆಯಲ್ಲಿ ಬೆಳಕಿಗೆ ಬಂದಿದೆ. ಈ ಸಂಬಂಧ ಬಾಲಕನ ಪೋಷಕರ ವಿರುದ್ಧ ಎನ್ಜಿಒ ಸಂಸ್ಥೆಯೊಂದು ದೂರು ನೀಡಿದ್ದು, ಪ್ರಕರಣ ದಾಖಲಾಗಿದೆ. ಸದ್ಯ ಈ ಬಾಲಕನ್ನು ರಕ್ಷಿಸಲಾಗಿದೆ. ಆದರೆ, ಪೋಷಕರ ಬಂಧನ ಇನ್ನೂ ಆಗಿಲ್ಲ.
ನಾಯಿಗಳ ಜೊತೆ ಬಾಲಕ ಸೆರೆಯಾಗಿರುವ ವಿಚಾರ ಅನಾಮಧೇಯ ವ್ಯಕ್ತಿಯೊಬ್ಬರ ಮೂಲಕ ಚೈಲ್ಡ್ಲೈನ್ (Childline NGO) ಎಂಬ ಎನ್ಜಿಒಗೆ ಗೊತ್ತಾಗಿದೆ. ಕೊಂಧ್ವಾ ಪ್ರದೇಶದ ಫ್ಲಾಟ್ವೊಂದರಲ್ಲಿ 20-22 ನಾಯಿಗಳ ಜೊತೆ 24 ಗಂಟೆಯೂ ಇರುವಂತೆ ಬಾಲಕನ ಮೇಲೆ ಬಲವಂತ ಮಾಡಲಾಗುತ್ತಿದೆ ಎಂಬ ಮಾಹಿತಿ ಸಿಕ್ಕಿತು. ಸ್ಥಳಕ್ಕೆ ಹೋಗಿ ಪರಿಶೀಲನೆ ಮಾಡಿದಾಗ ಬಾಲಕ ನಾಯಿಗಳ ಜೊತೆ ಇರುತ್ತಿರುವುದರ ಸುಳಿವು ಸಿಕ್ಕಿತು. ನಂತರ ಎನ್ಜಿಒ ಪೊಲೀಸರಿಗೆ ಈ ವಿಷಯ ತಿಳಿಸಿ ಕ್ರಮ ಕೈಗೊಳ್ಳುವಂತೆ ಕೋರಿತು.
ವಿದೇಶಿ ದೇಣಿಗೆ ಪ್ರಕರಣ: ಎನ್ಜಿಒಗಳ ಮೇಲೆ 40 ಸ್ಥಳಗಳಲ್ಲಿ ಸಿಬಿಐ ದಾಳಿ
"ದೂರುದಾರರು ಮೇ 5ರಂದು ಮನೆಗೆ ಹೋದಾಗ ಒಬ್ಬ ಬಾಲಕ ನಾಯಿಗಳ ಜೊತೆ ಫ್ಲಾಟ್ನ ಕಿಟಕಿ ಬಳಿ ಕುಳಿತುಕೊಂಡಿರುವುದನ್ನು ಕಾಣುತ್ತಾರೆ. ಆ ಮನೆಯಿಂದ ಕೆಟ್ಟ ವಾಸನೆ ಬರುತ್ತಿತ್ತು. ಆ ಬಾಲಕನ ಪೋಷಕರೊಂದಿಗೆ ಅವರು ಮಾತನಾಡಿದಾಗ, ಆ ಹುಡುಗ ಶಾಲೆ ಹೋಗುತ್ತಿಲ್ಲದಿರುವುದು ಗೊತ್ತಾಗಿದೆ. ನಾಯಿಗಳೊಂದಿಗೆ ಬಾಲನನ್ನು ಬಿಡಬೇಡಿ. ಆತನನ್ನು ಶಾಲೆಗೆ ಸೇರಿಸಿ ಎಂದು ಪೋಷಕರಿಗೆ ಆಕೆ ಕಿವಿಮಾತು ಹೇಳಿಬರುತ್ತಾರೆ" ಎಂದು ಪೊಲೀಸ್ ಅಧಿಕಾರಿಯೊಬ್ಬರು ಈ ಪ್ರಕರಣದ ವಿವರಣೆ ಕೊಡುತ್ತಾರೆ.
ಚೈಲ್ಡ್ಲೈನ್ ಸಂಸ್ಥೆಯ ಆ ಸದಸ್ಯೆ ಮತ್ತೊಮ್ಮೆ, ಅಂದರೆ ಮೇ 9ರಂದು ಆ ಮನೆಗೆ ಹೋಗುತ್ತಾರೆ. ಆಗ ಪೋಷಕರು ಮನೆಯಲ್ಲಿ ಇರುವುದಿಲ್ಲ. ಬಾಲಕನನ್ನು ಮನೆಯೊಳಗೆಯೇ ಕೂಡಿಹಾಕಿ ಹೋಗಿರುತ್ತಾರೆ. "ಅದೇ ದಿನ ಎನ್ಜಿಒದವರು ಮಕ್ಕಳ ಕಲ್ಯಾಣ ಸಮಿತಿಯ ಸಹಾಯದಿಂದ ಬಾಲಕನನ್ನು ರಕ್ಷಿಸುತ್ತಾರೆ. ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸುತ್ತಾರೆ" ಎಂದು ಪೊಲೀಸರು ಹೇಳಿದ್ದಾರೆ.
ಬೀದಿ ನಾಯಿಗಳ ದಾಳಿಗೆ 2 ವರ್ಷದ ಮಗು ಬಲಿ
ಶ್ವಾನದ
ರೀತಿ
ವರ್ತನೆ:
ಅಷ್ಟು
ನಾಯಿಗಳೊಂದಿಗೆ
ಇದ್ದೂ
ಇದ್ದೂ
11
ವರ್ಷದ
ಬಾಲಕನ
ವರ್ತನೆ
ಪ್ರಾಣಿಗಳ
ರೀತಿಯಂತೆ
ಇತ್ತು
ಎಂದು
ಪೊಲೀಸರು
ತಿಳಿಸುತ್ತಾರೆ.
ಆ
ಹುಡುಗನನ್ನು
ಮಕ್ಕಳ
ಪಾಲನಾ
ಗೃಹಕ್ಕೆ
ಸೇರಿಸಲಾಗಿದೆ.
ಈ
ಪ್ರಕರಣದ
ತನಿಖೆಯನ್ನು
ಪೊಲೀಸರು
ಮುಂದುವರಿಸಿದ್ಧಾರೆ.
Recommended Video
(ಒನ್ಇಂಡಿಯಾ ಸುದ್ದಿ)