ಕಲ್ಕಾ-ಶಿಮ್ಲಾ ರೈಲು ಮಾರ್ಗದಲ್ಲಿ ಪ್ರಾಯೋಗಿಕ ಸಂಚಾರ ಯಶಸ್ವಿ

ನವದೆಹಲಿ, ನವೆಂಬರ್ 12 : 115 ವರ್ಷದ ಹಳೆಯ ಕಲ್ಕಾ-ಶಿಮ್ಲಾ ರೈಲು ಮಾರ್ಗದಲ್ಲಿ ವಿಸ್ತಡೋಮ್ ಗಾಜು ಲೇಪಿತ ರೈಲು ಪ್ರಾಯೋಗಿಕ ಸಂಚಾರ ನಡೆಸಿದೆ. 96 ಕಿ.ಮೀ. ಉದ್ದದ ನ್ಯಾರೊಗೇಜ್ ಮಾರ್ಗವಿದಾಗಿದೆ.

ಸೋಮವಾರ ಕಲ್ಕಾ-ಶಿಮ್ಲಾ ರೈಲು ಮಾರ್ಗದಲ್ಲಿ ವಿಸ್ತಡೋಮ್ ಲೇಪಿತ ರೈಲು ಬೋಗಿಗಳು ಪ್ರಾಯೋಗಿಕ ಸಂಚಾರ ನಡೆಸಿವೆ ಎಂದು ಕೇಂದ್ರ ರೈಲ್ವೆ ಸಚಿವ ಪಿಯೂಷ್ ಗೋಯೆಲ್ ಟ್ವೀಟ್ ಮಾಡಿದ್ದಾರೆ.

ಗಾಜಿನ ಮೇಲ್ಛಾವಣಿ ಹೊಂದಿರುವ ರೈಲಿನ ಬೋಗಿಯಿಂದಾಗಿ ಪ್ರಯಾಣಿಕರು ಬೆಟ್ಟ-ಗುಡ್ಡಗಳನ್ನು ಕಣ್ತುಂಬಿಕೊಳ್ಳಬಹುದಾಗಿದೆ. ನ್ಯಾರೊಗೇಜ್ ಮಾರ್ಗದಲ್ಲಿ ವಿಸ್ತಡೋಮ್ ಗಾಜು ಲೇಪಿತ ರೈಲು ಸಂಚಾರ ಆರಂಭವಾಗಲಿದೆ ಎಂಬ ನಿರೀಕ್ಷೆ ಹಲವು ದಿನಗಳಿಂದ ಇತ್ತು.

ಕಲ್ಕಾ-ಶಿಮ್ಲಾ ರೈಲು ಮಾರ್ಗ ದೇಶದ ಉತ್ತರ ಭಾಗದ ಪರ್ವತ ಪ್ರಾಂತ್ಯದಲ್ಲಿನ ನ್ಯಾರೊಗೇಜ್ ಮಾರ್ಗವಾಗಿದೆ. ಹರ್ಯಾಣಾದ ಕಾಲ್ಕಾದಿಂದ ಹಿಮಾಚಲ ಪ್ರದೇಶದ ಶಿಮ್ಲಾ ವರೆಗಿನ 96 ಕಿ.ಮೀ. ಉದ್ದದ ಮಾರ್ಗವಿದು.

ಯುರೋಪಿಯನ್ನು ಶಿಮ್ಲಾಕ್ಕೆ ಬರಲು ಮತ್ತು ತೆರಳಲು ಶತಮಾನದ ಹಿಂದೆಯೇ ಕಲ್ಕಾ-ಶಿಮ್ಲಾ ರೈಲು ಮಾರ್ಗವನ್ನು ನಿರ್ಮಿಸಲಾಗಿತ್ತು. ಆಗ ದೇಶದಲ್ಲಿದ್ದ ಬ್ರಿಟಿಷರಿಗೆ ಶಿಮ್ಲಾ ಬೇಸಿಗೆ ಕಾಲದ ರಾಜಧಾನಿಯಾಗಿತ್ತು.

The Kalka - Shimla Rail, equipped with a Vistadome Coach, ran its first trial trip today. Passengers can now soak in the aesthetic landscape with better vision through the glass top ceiling of the newly converted coach. pic.twitter.com/qzFRzwczNq

— Piyush Goyal (@PiyushGoyal) November 10, 2018

English summary

First trial trip success in 115 year old Kalka -Shimla rail route. Vistadome Coach first rail trial trip held on November 12, 2018. Passengers can now soak in the aesthetic landscape with better vision through the glass top ceiling of the newly converted coach.