ವಿವರಣೆ: ರವಿಶಂಕರ್ ಗುರೂಜಿ ಯಮುನಾ ನದಿ ತೀರ ವಿವಾದ

ನವದೆಹಲಿ, ಮಾರ್ಚ್ 09: ಆರ್ಟ್ ಆಫ್ ಲಿವಿಂಗ್ ನ ರವಿಶಂಕರ್ ಗುರೂಜಿ ಅವರು ಮಾರ್ಚ್ 11ರಂದು ಹಮ್ಮಿಕೊಂಡಿರುವ ವಿಶ್ವ ಸಂಸ್ಕೃತಿ ಉತ್ಸವ ಕಾರ್ಯಕ್ರಮಕ್ಕೆ ನೂರೆಂಟು ಸಮಸ್ಯೆಗಳು ಎದುರಾಗಿವೆ.

ವಿವಾದ ಕಾವು ಹೆಚ್ಚಾಗುತ್ತಿದ್ದಂತೆ ಈ ಕಾರ್ಯಕ್ರಮಕ್ಕೆ ತೆರಳುವುದಿಲ್ಲ ಎಂದು ರಾಷ್ಟ್ರಪತಿಗಳು ಹಾಗೂ ಪ್ರಧಾನಿ ಸಚಿವಾಲಯ ಪ್ರಕಟಿಸಿದೆ. ಯಮುನಾ ನದಿ ಮೇಲೆ ಸೇತುವೆ, ಪರಿಸರ ಕಲುಷಿತಗೊಂಡಿರುವುದು, ಸೈನಿಕರ ಬಳಕೆ ಹೀಗೆ ನಾನಾ ವಿವಾದಗಳ ಕೇಂದ್ರ ಬಿಂದುವಾಗಿರುವ ಈ ಕಾರ್ಯಕ್ರಮದ ಬಗ್ಗೆ ವಿವರಣೆ ಇಲ್ಲಿದೆ:

ರಾಷ್ಟ್ರಪತಿ ಪ್ರಣಬ್ ಮುಖರ್ಜಿ ಅವರು ಮಾರ್ಚ್ 11ರಂದು ಕಾರ್ಯಕ್ರಮ ಉದ್ಘಾಟನೆ ಮಾಡಲಿದ್ದಾರೆ ಹಾಗೂ ಸಮಾರೋಪ ಸಮಾರಂಭಕ್ಕೆ ಪ್ರಧಾನಿ ನರೇಂದ್ರ ಮೋದಿ ಅವರು ಆಗಮಿಸಿದ್ದಾರೆ ಎಂದು ಹೇಳಲಾಗಿತ್ತು. ಆದರೆ, ಈಗ ಇಬ್ಬರು ಕೂಡಾ ಕಾರ್ಯಕ್ರಮಕ್ಕೆ ಗೈರು ಹಾಜರಾಗುವ ಸಾಧ್ಯತೆ ಇದೆ.

ಏನಿದು ಕಾರ್ಯಕ್ರಮ:
* ಆರ್ಟ್ ಆಫ್ ಲಿವಿಂಗ್ ಸ್ಥಾಪನೆಯಾಗಿ 35 ವರ್ಷಗಳಾಗಿದ್ದು, ವಾರ್ಷಿಕೋತ್ಸವ ಸಮಾರಂಭವನ್ನು ಯಮುನಾ ನದಿ ತೀರದಲ್ಲಿ ಮೂರು ದಿನಗಳ ಕಾಲ ನಡೆಸಲು ಉದ್ದೇಶಿಸಲಾಗಿದೆ.
* ಸುಮಾರು 35 ಲಕ್ಷಕ್ಕೂ ಅಧಿಕ ಮಂದಿ ಈ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳುವ ನಿರೀಕ್ಷೆ ಇದೆ.
* ಯೋಗ, ಧಾನ್ಯ, ಸುದರ್ಶನ ಕ್ರಿಯೆ, ಉಪನ್ಯಾಸ, ಶಾಂತಿ ಪ್ರಾರ್ಥನೆ, ದೇಶ, ವಿದೇಶದ ಕಲಾವಿದರಿಂದ ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆಯಲಿವೆ.
* ಈ ಕಾರ್ಯಕ್ರಮವಾಗಿ ತಾತ್ಕಾಲಿಕವಾಗಿ ತೂಗು ಸೇತುವೆ ನಿರ್ಮಿಸಲಾಗಿದೆ. ಇದಕ್ಕೆ ಭಾರತೀಯ ಸೇನೆಯ ಯೋಧರನ್ನು ಬಳಸಲಾಗಿದೆ.

ವಿವಾದ ಏನು?:
* ಕಾರ್ಯಕ್ರಮದ ಆಯೋಜನೆಯಿಂದ ಯಮುನಾ ನದಿ ಕಲುಷಿತಗೊಂಡಿದೆ ಎಂದು ಪರಿಸರವಾದಿಗಳು ಆರೋಪಿಸಿದ್ದಾರೆ.
* ರಾಷ್ಟ್ರೀಯ ಹಸಿರು ಪ್ರಾಧಿಕಾರಕ್ಕೆ ಈ ಬಗ್ಗೆ ದೂರು ನೀಡಲಾಗಿದೆ. ಈ ಬಗ್ಗೆ ಬಂದಿರುವ ದೂರಿನ ವಿಚಾರಣೆ ಜಾರಿಯಲ್ಲಿದೆ.
* ನೀರಿನ ಅಭಾವ ಎದುರಿಸುತ್ತಿರುವ ಪೂರ್ವ ದೆಹಲಿ ಭಾಗದಲ್ಲಿ ಯಮುನಾ ನದಿಯ ನೀರು ಆಸರೆಯಾಗಿದ್ದು, ಪರಿಸರ, ನೀರು ಮಾಲಿನ್ಯಗೊಂಡು ಶಾಶ್ವತವಾಗಿ ಕುಡಿಯುವ ನೀರಿನ ಸಮಸ್ಯೆಗೆ ಕಾರಣವಾಗಲಿದೆ.

ಕಾರ್ಯಕ್ರಮ ಹಾಗೂ ವಿವಾದದ ಬಗ್ಗೆ ರವಿಶಂಕರ್ ಗುರೂಜಿ ಟ್ವೀಟ್:

Thanks to the efforts of over 100,000 Delhi households who for 3 months prepared enzymes to clean nallahs, methane emission has reduced.(4)

— Sri Sri Ravi Shankar (@SriSri) March 3, 2016

English summary

Sri Sri's Art of Living row: President Pranab Mukherjee and PMO reportedly has announced that Both will not attend three day function starting from Friday, March 11.Here are all the facts you need to know about the controversy.