ಏರ್ ಸೆಲ್ ಮ್ಯಾಕ್ಸಿಸ್ ಹಗರಣ: ಕಾರ್ತಿಗೆ ನಿರೀಕ್ಷಣಾ ಜಾಮೀನು

ನವದೆಹಲಿ, ಮಾರ್ಚ್ 24: ಏರ್ ಸೆಲ್ ಮ್ಯಾಕ್ಸಿಸ್ ಹಗರಣಕ್ಕೆ ಸಂಬಂಧಿಸಿದಂತೆ ದೆಹಲಿಯ ವಿಶೇಷ ನ್ಯಾಯಾಲಯ ಕಾರ್ತಿ ಚಿದಂಬರಂಗೆ ನಿರೀಕ್ಷಣಾ ಜಾಮೀನು ಮಂಜೂರು ಮಾಡಿದೆ.

'ಯಾವುದೇ ಸಂದರ್ಭದಲ್ಲೂ ತನಿಖಾಧಿಕಾರಿಗಳ ತನಿಖೆಗೆ ಸ್ಪಂದಿಸುವ' ಷರತ್ತಿನೊಂದಿಗೆ ಮಾಜಿ ವಿತ್ತ ಸಚಿವ ಪಿ.ಚಿದಂಬರಂ ಅವರ ಪುತ್ರ ಕಾರ್ತಿ ಚಿದಂಬರಂಗೆ ಜಾಮೀನು ಮಂಜೂರು ಮಾಡಲಾಗಿದ್ದು, ಮುಂದಿನ ವಿಚಾರಣೆ ಏ.16 ರಂದು ನಡೆಯಲಿದೆ.

2 ಜಿ ಹಗರಣದ ಒಂದು ಭಾಗವಾದ ಏರ್ ಸೆಲ್ ಮ್ಯಾಕ್ಸಿಸ್ ಹಗರಣದಲ್ಲಿ ಸಾಕಷ್ಟು ಕಿಕ್ ಬ್ಯಾಕ್ ಗಳು ನಡೆದಿವೆ ಎಂಬ ದೂರಿನನ್ವಯ 2011 ರಲ್ಲೇ ಸಿಬಿಐ, ಕಾರ್ತಿ ವಿರುದ್ಧ ಎಫ್ ಐಆರ್ ದಾಖಲಿಸಿತ್ತು.

ಐಎನ್ ಎಸ್ ಮೀಡಿಯಾ ಹಗರಣಕ್ಕೆ ಸಂಬಂಧಿಸಿದಂತೆಯೂ ಕಾರ್ತಿ ಚಿದಂಬರಂಗೆ ದೆಹಲಿ ಹೈಕೋರ್ಟ್ ನಿನ್ನೆ ತಾನೇ ಜಾಮೀನು ಮಂಜೂರು ಮಾಡಿತ್ತು.

English summary

Special Delhi Court granted anticipatory bail to Karti Chidambram in Aircel Maxis case, asking him to appear before the investigating officer whenever he is summoned. Next date of hearing is 16 April.