ಶೀಘ್ರದಲ್ಲಿ 20 ರೂ ನೋಟು ಚಾಲ್ತಿಗೆ, ಏನಿದರ ವಿಶೇಷತೆ?

ನವದೆಹಲಿ, ಡಿಸೆಂಬರ್ 25: ಭಾರತೀಯ ರಿಸರ್ವ್ ಬ್ಯಾಂಕ್ ಶೀಘ್ರದಲ್ಲೇ 20 ರೂಪಾಯಿ ನೋಟನ್ನು ಬಿಡುಗಡೆ ಮಾಡಲಿದೆ.

ನೋಟು ಅಮಾನ್ಯೀಕರಣದ ಬಳಿಕ ಆರ್‌ಬಿಐ 50, 100,500, 200,2000 ರೂ ನೋಟುಗಳನ್ನು ಮುದ್ರಿಸಿತ್ತು. 20 ರೂ ನೋಟಿನಲ್ಲಿ ಕೆಲವು ವೈಶಿಷ್ಟ್ಯತೆಗಳು ಇರಲಿವೆ ಎಂದು ಬ್ಯಾಂಕ್​ ಮೂಲ ತಿಳಿಸಿದೆ.

2016ರ ನವೆಂಬರ್​ನಿಂದ ಈ ಹೊಸರೂಪದ ನೋಟುಗಳು ಚಾಲ್ತಿಯಲ್ಲಿ ಬಂದಿವೆ. ಹಳೇ ನೋಟುಗಳಿಗೆ ಹೋಲಿಸಿದರೆ ಇವುಗಳ ವಿನ್ಯಾಸ, ಅಳತೆಯಲ್ಲಿ ತುಂಬ ವ್ಯತ್ಯಾಸವಿದೆ.ಒಟ್ಟಾರೆ ನೋಟುಗಳ ಪ್ರಸರಣದಲ್ಲಿ ಶೇ.9.8ರಷ್ಟು 20 ರೂಪಾಯಿ ನೋಟುಗಳ ಪ್ರಸರಣವಿದೆ ಎನ್ನಲಾಗಿದೆ.

2016ರ ಮಾರ್ಚ್​ 31ರಲ್ಲಿ ಸುಮಾರು 4.92 ಬಿಲಿಯನ್​ಗಳಷ್ಟು 20 ರೂಪಾಯಿ ನೋಟುಗಳ ಪ್ರಸರಣವಿತ್ತು. 2018ರ ಮಾರ್ಚ್​ನಲ್ಲಿ ಪ್ರಸರಣ ದ್ವಿಗುಣಕ್ಕೂ ಹೆಚ್ಚಾಗಿದ್ದು, 10 ಬಿಲಿಯನ್​ ನೋಟುಗಳು ಸರ್ಕ್ಯೂಲೆಟ್​ ಆಗುತ್ತಿವೆ ಎಂದು ಬ್ಯಾಂಕ್​ ದಾಖಲೆ ತಿಳಿಸಿದೆ ಈಗ 20 ರೂಪಾಯಿ ನೋಟು ಕೂಡ ಶೀಘ್ರದಲ್ಲೇ ಹೊಸದಾಗಿ ಚಾಲ್ತಿಯಲ್ಲಿ ಬರಲಿದೆ.

English summary

The Reserve Bank of India (RBI) will soon introduce a new Rs 20 currency note with additional features, according to a document of the central bank.