ಮೋದಿಗೆ ಪ್ರತಿವರ್ಷ ರಾಖಿ ಕಟ್ಟುವ ಈ ಪಾಕ್ ಮಹಿಳೆ ಯಾರು?
ನವದೆಹಲಿ, ಆಗಸ್ಟ್ 14: ಸಹೋದರತೆಯ ದ್ಯೋತಕವಾದ ರಕ್ಷಾಬಂಧನವನ್ನು ಇಂದು(ಆ.15) ಭಾರತದಾದ್ಯಂತ ಆಚರಿಸಲಾಗುತ್ತಿದೆ. ಈ ಸಂದರ್ಭದಲ್ಲಿ ಗಮನ ಸೆಳೆದಿದ್ದು, ಪ್ರಧಾನಿ ನರೇಂದ್ರ ಮೋದಿ ಅವರಿಗೆ ರಾಖಿ ಕಟ್ಟಲೆಂದು ಬಂದ ಪಾಕಿಸ್ತಾನಿ ಮಹಿಳೆ ಖಾಮರ್ ಮೋಹ್ಸಿನ್ ಶೇಖ್. ಕಳೆದ 21-23 ವರ್ಷಗಳಿಂದಲು ಅವರು ಮೋದಿ ಅವರಿಗೆ ಒಂದು ವರ್ಷವೂ ಬಿಡದೆ ರಾಖಿ ಕಟ್ಟುತ್ತ ಬಂದಿದ್ದಾರೆ!
ಖಾಮರ್ ಅವರನ್ನು ಮೋದಿ ಮೊದಲ ಬಾರಿಗೆ ಭೇಟಿಯಾಗಿದ್ದು, ಮೋದಿ ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಕಾರ್ಯಕರ್ತರಾಗಿದ್ದಾಗ. ಖಾಮರ್ ಅವರ ಪತಿ ಚಿತ್ರಕಾರರಾಗಿದ್ದು, ಪತಿ ಮತ್ತು ಪತ್ನಿ ಇಬ್ಬರೂ ಮೋದಿ ಅವರಿಗೆ ಕ್ರಮೇಣ ಆಪ್ತರಾಗಿದ್ದರು.
ಕೆಲವು ವರ್ಷಗಳ ಹಿಂದೆ ಪಾಕಿಸ್ತಾನದಿಂದ ದೆಹಲಿಗೆ ಬಂದು ವಾಸಿಸುತ್ತಿರುವ ಖಾಮರ್ ಕುಟುಂಬ, ಎಲ್ಲಿಯೇ ಇದ್ದಿರಲಿ, ರಕ್ಷಾಬಂಧನದ ದಿನ ಮೋದಿ ಅವರನ್ನು ಭೇಟಿಯಾಗದೆ ಇರುವುದಿಲ್ಲ. ಮೋದಿಯವರು ಪ್ರಧಾನಿಯಾದ ಮೇಲೂ ಈ ಸಂಪ್ರದಾಯ ಮುಂದುವರಿದಿದೆ.
ಈ ಬಾರಿ ಸ್ವಾತಂತ್ರ್ಯ ದಿನದಂದೇ ರಕ್ಷಾಬಂಧನವನ್ನೂ ಆಚರಿಸಲಾಗುತ್ತಿದ್ದು, ಕೆಂಪುಕೋಟೆಯಲ್ಲಿ ತಮ್ಮ ಐತಿಹಾಸಿಕ ಭಾಷಣ ಮುಗಿಸಿದ ಬಳಿಕ ಲೋಕ ಕಲ್ಯಾಣ ಮಾರ್ಗದಲ್ಲಿರುವ ತಮ್ಮ ನಿವಾಸಕ್ಕೆ ಆಗಮಿಸಿ, ಮೋದಿ ಅವರು ರಕ್ಷಾಬಂಧನ ಆಚರಿಸಿದ್ದಾರೆ.
Click it and Unblock the Notifications
Sign in with Google