ವಿಶ್ವಯೋಗ ದಿನ : ಕಾತುರರಾಗಿರುವ ಮುಸ್ಲಿಮರು
ಜೈಪುರ, ಜೂ, 17 : ಪ್ರಪಂಚದಾದ್ಯಂತ ವಿಶ್ವಯೋಗ ದಿನವನ್ನು ಆಚರಿಸಲು ಮುಸ್ಲಿಮರು ಸೇರಿದಂತೆ ಪ್ರತಿಯೊಬ್ಬರು ಕಾತುರರಾಗಿದ್ದಾರೆ ಎಂದು ಅಜ್ಮಿರ್ ಶರೀಫ್ ದರ್ಗಾದ ಮುಖ್ಯಸ್ಥರು ಹೇಳಿದ್ದಾರೆ.
ಆದರೆ, ಮೂಲಭೂತವಾದಿ ಸಂಘಟನೆಗಳು ಮಾತ್ರ ಯುವಕರ ಮನಸ್ಸಿನಲ್ಲಿ ಪ್ರದರ್ಶನಗೊಳ್ಳುವ ಯೋಗಾಸನದ ಕುರಿತಾಗಿ ಇಲ್ಲಸಲ್ಲದ ಗೊಂದಲಗಳನ್ನು ಸೃಷ್ಟಿಮಾಡುತ್ತಿದ್ದಾರೆ ಎಂದು ಅಜ್ಮಿರ್ ಶರೀಫ್ ದರ್ಗಾ ಮುಖ್ಯಸ್ಥರು ಕಿಡಿಕಾರಿದ್ದಾರೆ.
ಯೋಗ ಭೌತಿಕ ಚಟುವಟಿಕೆಗೆ ಮಾತ್ರ ಸಂಬಂಧಿಸಿದ್ದು. ಇದನ್ನು ಯಾವುದೇ ಸಮುದಾಯದೊಂದಿಗೆ ಹಾಗೂ ಧಾರ್ಮಿಕ ಚಟುವಟಿಕೆಗಳಿಗೆ ಹೋಲಿಕೆ ಮಾಡುವುದು ಉತ್ತಮ ಚಿಂತನೆಯಾಗಲಾರದು. ಇದು ಸಂಪೂರ್ಣವಾಗಿ ಮುಸ್ಲಿಂ ಸಮುದಾಯದವರ ಮನಸ್ಸನ್ನು ಗೊಂದಲಕ್ಕೀಡು ಮಾಡಲಿದೆ ಎಂದು ದಿವಾನ್ ಸಯ್ಯದ್ ನಾಜಿವುಲ್ಲಾ ಅಬ್ದೀನ್ ಅಲಿಖಾನ್ ತಿಳಿಸಿದ್ದಾರೆ.
ಜೂನ್ 21 ವಿಶ್ವಯೋಗ ದಿನವನ್ನು ಜಗತ್ತಿನಾದ್ಯಂತ ಪ್ರತಿಯೊಂದು ರಾಷ್ಟ್ರಗಳು, ಜನರು ವೀಕ್ಷಿಸುವುದರಲ್ಲಿ ಯಾವುದೇ ಅನುಮಾನವಿಲ್ಲ. ಏಕೆಂದರೆ ಇದು ಆಸ್ತಮಾ ಹಾಗೂ ಹೃದಯ ಸಂಬಂಧಿತ ಖಾಯಿಲೆಗಳಿಗೆ ರಾಮಬಾಣವಾಗಲಿದೆ ಎಂದು ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಹೇಳಿಕೆ ನೀಡಿದ್ದಾರೆ. (ಪಿಟಿಐ)
Click it and Unblock the Notifications
Sign in with Google