ಗಗನವೇ ಬಾಗುವಂತೆ ಮತ್ತೆ ಹೆಚ್ಚಾಯಿತು ಇಂಧನ ದರ

ನವದೆಹಲಿ, ಅಕ್ಟೋಬರ್ 13 : ಇಂಧನ ಬೆಲೆ ಮತ್ತೆ ಗಗನಕ್ಕೇರಿದೆ, ನವದೆಹಲಿಯಲ್ಲಿ ಶನಿವಾರ ಪೆಟ್ರೋಲ್ ದರ ಲೀಟರ್‌ಗೆ 18 ಪೈಸೆ ಏರಿಕೆಯಾಗಿದ್ದು 82.66 ರೂಗೆ ತಲುಪಿದೆ. ಇನ್ನು ಡೀಸೆಲ್ ದರ ಲೀಟರ್‌ಗೆ 29 ಪೈಸೆ ಏರಿಕೆಯಾಗಿದ್ದು 75.19ರೂ ಆಗಿದೆ.

ಕೇಂದ್ರ ಸರ್ಕಾರವು ಇಂಧನ ಮೇಲಿನ ದರ 2.50ರೂ ಕಡಿಮೆ ಮಾಡಿದ್ದರೂ ಕೂಡ ದರ ಏರಿಕೆ ಇನ್ನೂ ನಿಂತಿಲ್ಲ, ಮುಂಬೈನಲ್ಲಂತೂ ಗ್ರಾಹಕರ ಜೇಬನ್ನು ಬಿಸಿ ಮಾಡುತ್ತಿದೆ.

ಪೆಟ್ರೋಲ್ ದರ 18 ಪೈಸೆ ಏರಿಕೆ ಕಂಡಿದ್ದು, 88.12 ರೂ ಆಗಿದೆ. ಇನ್ನು ಡೀಸೆಲ್ 31 ಪೈಸೆ ಏರಿಕೆ ಕಂಡಿದ್ದು ಒಟ್ಟು 78.82 ರೂ ಆಗಿದೆ. ಇದೇ ರೀತಿ ಇನ್ನೊಂದು ತಿಂಗಳು ಮುಂದುವರೆದರೆ ಇಂಧನ ದರ 100ರೂ ದಾಟುವುದರಲ್ಲಿ ಯಾವುದೇವ ಸಂಶಯವಿಲ್ಲ.

ಕಳೆದ ಮೂರು ತಿಂಗಳಿನಿಂದ ಷೇರು ಮಾರುಕಟ್ಟೆಯಲ್ಲಿ ಅಮೆರಿಕದ ಡಾಲರ್ ಎದುರು ರೂಪಾಯಿ ಮೌಲ್ಯ ಕುಸಿತದಿಂದಾಗಿ ಇಂಧನ ದರ ಮತ್ತಷ್ಟು ಏರಿಕೆ ಕಾಣುತ್ತಿದೆ. 2.50 ರೂಪಾಯಿ ವ್ಯಾಟ್ ಇಳಿಸಿ, ಕೇಂದ್ರದ 2.50 ಜೊತೆ ಒಟ್ಟು 5 ರೂಪಾಯಿ ಲಾಭವನ್ನು ಜನರಿಗೆ ತಲುಪುವಂತೆ ಮಾಡಿದ್ದರು ಆದರೂ ದಿನದಿಂದ ದಿನಕ್ಕೆ ಪೆಟ್ರೋಲ್ ಡೀಸೆಲ್ ಬೆಲೆ ಏರುತ್ತಲೇ ಇದೆ. ಬೆಂಗಳೂರಲ್ಲಿ ಶನಿವಾರ ಪೆಟ್ರೋಲ್ ಬೆಲೆ 83.21 ರಷ್ಟಿದ್ದು, ಡೀಸೆಲ್ 75.29ರೂಗಳಷ್ಟಿದೆ.

English summary

Fuel price cointinuous to haunt public as it touched new highs on Saturday.