ಈ ಸರ್ಕಾರಿ ಉದ್ಯೋಗಕ್ಕೆ ಜನರಲ್ ಕೆಟಗರಿಗಿಂತ SC ಗಳೇ ಹೆಚ್ಚು ಅಂಕ ಪಡೆಯಬೇಕು!
ನವದೆಹಲಿ, ಫೆಬ್ರವರಿ 22: ಸಾಮಾನ್ಯವಾಗಿ ಸರ್ಕಾರಿ ಕೆಲಸ ಪಡೆಯುವುದಕ್ಕಾಗಿ ನಡೆಸುವ ಪರೀಕ್ಷೆಗಳಲ್ಲಿ ಪರಿಶಿಷ್ಟ ಜಾತಿಯ ಅಭ್ಯರ್ಥಿಗಳಿಗೆ ಕಟ್ ಆಫ್ ಅಂಕಗಳು ಸಾಮಾನ್ಯ ವರ್ಗದ ಅಭ್ಯರ್ಥಿಗಳಿಗಿಂತ ಕಡಿಮೆ ಇರುತ್ತದೆ.
ಆದರೆ ದೆಹಲಿ ಸರ್ಕಾರಿ ಶಾಲೆಗಳಲ್ಲಿ ಹಾಗಿಲ್ಲ. ದೆಹಲಿ ಸರ್ಕಾರಿ ಶಾಲೆಯಲ್ಲಿ ಶಿಕ್ಷಕರ ಕೆಲಸಕ್ಕೆ ಅರ್ಹರಾಗುವವರು ಸಾಮಾನ್ಯ ವರ್ಗದವರಾಗಿದ್ದಲ್ಲಿ 80.96 ಅಂಕ ಪಡೆಯಬೇಕು. ಪರಿಶಿಷ್ಟ ಜಾತಿಯ ಅಭ್ಯರ್ಥಿಗಳಾದರೆ 85.45 ಅಂಕ ಪಡೆಯಬೇಕು!
ದೆಹಲಿ ಸರ್ಕಾರಿ ಶಾಲೆಯಲ್ಲಿ ಖಾಲಿ ಇದ್ದ ವಿಜ್ಞಾನ ಶಿಕ್ಷಕರ 222 ಹುದ್ದೆಗಳಲ್ಲಿ 31 ಹುದ್ದೆಗಳು ಪರಿಶಿಷ್ಟ ಜಾತಿಗೆ ಮೀಸಲಾಗಿವೆ. ಆದರೆ ಆ ಹುದ್ದೆಯನ್ನು ಪಡೆಯಬೇಕಾದರೆ ಅಭ್ಯರ್ಥಿ ಕನಿಷ್ಠ 85.45 ಅಂಕ ಗಳಿಸಲೇಬೇಕಿದೆ.
ರಾಜಸ್ಥಾನದಲ್ಲೂ ಸಾರ್ವಜನಿಕ ಸೇವಾ ಆಯೋಗವು ರಾಜಸ್ಥಾನ ನಾಗರಿಕ ಸೇವಾ ಪರೀಕ್ಷೆಗಳಿಗೆ ಇತರ ಹಿಂದುಳಿದ ವರ್ಗದ ಅಭ್ಯರ್ಥಿಗಳ ಕಟ್ ಆಫ್ ಅಂಕಗಳನ್ನು ಹೆಚ್ಚಿಸಿತ್ತು.
Click it and Unblock the Notifications
Sign in with Google