ಬಿಜೆಪಿ ಕಚೇರಿಯಲ್ಲಿ ಪತ್ನಿಗೆ ಹೊಡೆದ ಬಿಜೆಪಿ ನಾಯಕ: ವಿಡಿಯೋ ವೈರಲ್

ನವದೆಹಲಿ, ಸೆಪ್ಟೆಂಬರ್ 20: ಚುನಾವಣಾ ಸಿದ್ಧತೆಯ ಕುರಿತಂತೆ ಬಿಜೆಪಿ ಕಚೇರಿಯಲ್ಲಿ ಸೇರಿದ್ದ ಸಭೆಯ ನಂತರ ಬಿಜೆಪಿ ನಾಯಕರೊಬ್ಬರು ತಮ್ಮ ಪತ್ನಿಗೆ ಹೊಡೆದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಅವರನ್ನು ಪಕ್ಷದಿಂದ ಅಮಾನತು ಮಾಡಿ ಆದೇಶ ಹೊರಡಿಸಲಾಗಿದೆ.

ದೆಹಲಿಯಲ್ಲಿ ಕೇಂದ್ರ ಸಚಿವ ಪ್ರಕಾಶ್ ಜಾವ್ಡೇಕರ್ ಅವರು ಚುನಾವಣಾ ಪೂರ್ವಸಿದ್ಧತೆಯ ಕುರಿತಂತೆ ಸಭೆ ನಡೆಸಿದ್ದರು. ಈ ಸಭೆಗೆ ಹಾಜರಾಗಿದ್ದ ದೆಹಲಿಯ ಮೆಹ್ರೌಲಿ ಜಿಲ್ಲೆಯ ಬಿಜೆಪಿ ಮುಖ್ಯಸ್ಥ ಆಜಾದ್ ಸಿಂಗ್ ಸಭೆಗೆ ಆಗಮಿಸಿದ್ದ ತಮ್ಮ ಪತ್ನಿಯ ಮೇಲೆ ಕೈ ಮಾಡಿದ್ದರು. ಈ ಘಟನೆ ಗುರುವಾರ ನಡೆದಿತ್ತು.

औरत की इज्जत करते हैं BJPians!!! 🙄

Delhi BJP leader Azad Singh slapped his wife in front of state party office.
Azad Singh has been removed as Mehrauli District president with immediate effect.
Vikas Tanwar has been appointed as new district president
pic.twitter.com/jwwDFZjffz

— Alka (@AlkaMaverick) September 19, 2019

ಅಜಾದ್ ಸಿಂಗ್ ಮತ್ತು ಅವರ ಪತ್ನಿ ವಿಚ್ಛೇದನಕ್ಕೆ ಅರ್ಜಿ ಹಾಕಿದ್ದು, ಅವರ ನಡುವೆ ವೈವಾಹಿಕ ಬದುಕು ಉತ್ತಮವಾಗಿರಲಿಲ್ಲ ಎಂಬುದು ತಿಳಿದುಬಂದಿದೆ.

ದಕ್ಷಿಣ ದೆಹಲಿಯ ಮಾಜಿ ಮೇಯರ್ ಸರಿತಾ ಚೌಧರಿ ಅವರು ಸಿಂಗ್ ಅವರ ಪತ್ನಿಯಾಗಿದ್ದು, ಹಲವು ದಿನಗಳಿಂದ ಇಬ್ಬರ ನಡುವೆ ಸಂಬಂಧ ಸರಿಯಿರಲಿಲ್ಲ ಎಂದು ಮೂಲಗಳು ತಿಳಿಸಿವೆ.

ಬಿಜೆಪಿಯ ಕಚೇರಿಯ ಹೊರಗೆ ಈ ಘಟನೆ ನಡೆದಿದ್ದು, ಘಟನೆ ನಡೆಯುವ ಸಮಯದಲ್ಲಿ ಕಚೇರಿಯೊಳಗೆ ಪ್ರಕಾಶ್ ಜಾವ್ಡೇಕರ್ ಅವರೂ ಇದ್ದರು ಎನ್ನಲಾಗಿದೆ.

English summary

Delhi BJP leader Azad Singh slaps wife in Party office suspended,