ಆರ್ಮ್ಡ್ ಫೋರ್ಸಸ್ ಫ್ಲ್ಯಾಗ್ ಡೇ: ಯೋಧರಿಗಾಗಿ ನೀವೇನು ಮಾಡ್ತೀರಾ?
ನವದೆಹಲಿ, ಡಿಸೆಂಬರ್ 7: ದೇಶವನ್ನು ಕಾಪಾಡಲು ಹೋರಾಡಿ ಹುತಾತ್ಮರಾದ ಹಾಗೂ ದೇಶದ ಗಡಿಯಲ್ಲಿ ನಿಂತು ದೇಶಕ್ಕಾಗಿ ಹೋರಾಡುತ್ತಿರುವ ಯೋಧರ ನೆನಪಿಗಾಗಿ' ಆರ್ಮ್ಡ್ ಫೋರ್ಸಸ್ ಫ್ಲ್ಯಾಗ್ ಡೇ'ಯನ್ನು ಡಿಸೆಂಬರ್ 7ರಂದು ಆಚರಿಸಲಾಗುತ್ತಿದೆ.
ಮೊದಲು 1949ರಲ್ಲಿ ಈ ದಿನವನ್ನು ಆಚರಿಸಲಾಯಿತು. ಹ್ಯಾಷ್ ಟ್ಯಾಗ್ ಆರ್ಮ್ಡ್ ಫೋರ್ಸ್ ಫ್ಲ್ಯಾಗ್ ಡೇ 2018 ಎಂದು ಬರೆಯುವ ಮೂಲಕ ಟ್ವಿಟ್ಟರ್ನಲ್ಲಿ ಈ ದಿನದ ಕುರಿತು ಅರಿವು ಮೂಡಿಸಲಾಗುತ್ತಿದೆ.
ಜೊತೆಗೆ ಯೋಧರಿಗೆ ಸಹಾಯಾರ್ಥವಾಗಿ ಈ ದಿನದ ಅಂಗವಾಗಿ ಆರ್ಮಡ್ ಫೋರ್ಸ್ ಫ್ಲ್ಯಾಗ್ ಡೇ ಫಂಡ್ ನ್ನು ಕೂಡ ಪಡೆಯಲಾಗುತ್ತಿದೆ.
ಈ ಮೊದಲು ಆರ್ಮ್ಡ್ ಫೋರ್ಸ್ ಫ್ಲ್ಯಾಗ್ ಡೇ ಬಗ್ಗೆ ನಮಗೆ ತಿಳಿದಿರಲಿಲ್ಲ ಆಚರಣೆಯನ್ನೂ ಮಾಡುತ್ತಿರಲಿಲ್ಲ, ಆದರೆ ತಿಳಿದ ಮೇಲೆ ಉತ್ಸಾಹದಿಂದ ಈ ದಿನವನ್ನು ಆಚರಣೆ ಮಾಡಲಾಗುತ್ತಿದೆ. ಆರ್ಮ್ಡ್ ಫೋರ್ಸ್ ಫ್ಲ್ಯಾಗ್ನ್ನು ತೊಟ್ಟು ಆರ್ಮ್ಡ್ ಫೋರ್ಸ್ ಫ್ಲ್ಯಾಗ್ ಡೇ ಫಂಡ್ಗೆ ಹಣವನ್ನು ನೀಡಿ ಎಂದು ರಕ್ಷಣಾ ಸಚಿವೆ ನಿರ್ಮಲಾ ಸೀತಾರಾಮನ್ ಮನವಿ ಮಾಡಿದ್ದಾರೆ.
ಯೋಧರಿಗೆ ಫಂಡ್ ನೀಡಲು ನೀವೇನು ಮಾಡಬೇಕು
ವಾಯುಪಡೆ, ನೌಕಾಪಡೆ, ಸೇನೆ ಇವು ಮೂರು ಸೇನೆಗಳ ಯೋಧರು ನಮ್ಮ ದೇಶವನ್ನು ಕಾಪಾಡಲು ಎಂದಿಗೂ ಸಿದ್ಧರಿರುತ್ತಾರೆ, ಹೋರಾಟ ಮಾಡುತ್ತಿರುತ್ತಾರೆ. ಈ ಸೈನಿಕರಿಗೆ ನೀವು ಸಹಾಯ ಮಾಡಬಯಸುವುದಾದರೆ Paytm on 8800462175 ಪೇಟಿಎಂ ಮಾಡಿ ಹಣ ನೀಡಬಹುದಾಗಿದೆ. ವರ್ಷಪೂರ್ತಿ ನಮಗಾಗಿ ದುಡಿಯುವ ಯೋಧರಿಗೆ ನಿಮ್ಮ ಕೈಲಾದಷ್ಟು ಧನಸಹಾಯವನ್ನು ಮಾಡಬಹುದು. ಅಥವಾ ksb.gov.in ವೆಬ್ಸೈಟ್ಗೆ ಭೇಟಿ ನೀಡಿ.
ಆರ್ಮಡ್ ಫೋರ್ಸಸ್ ಫ್ಲ್ಯಾಗ್ ಹೇಗಿರುತ್ತೆ
ಆರ್ಮಡ್ ಫೋರ್ಸಸ್ ಫ್ಲ್ಯಾಗ್ ಮೂರು ಬಣ್ಣಗಳನ್ನು ಒಳಗೊಂಡಿರುತ್ತದೆ. ಕೆಂಪು, ನೆವಿ ಬ್ಲ್ಯೂ ಹಾಗೂ ಲೈಟ್ ಬ್ಲ್ಯೂ ಒಳಗೊಂಡಿರುತ್ತದೆ ಪ್ರತಿಯೊಂದು ಬಣ್ಣವು ಮೂರು ಸೇನೆಯ ಪರಿಚಯವನ್ನು ಮಾಡಿಕೊಡುತ್ತದೆ. ಭಾರತೀಯ ಸೇನೆ, ಭಾರತೀಯ ನೌಕಾಪಡೆ, ಭಾರತೀಯ ವಾಯುಪಡೆ ಈ ಮೂರು ಸೇನೆಗಳನ್ನು ನೆಪಿಸುತ್ತದೆ.
ಆರ್ಮಡ್ ಫೋರ್ಸ್ ಫ್ಲ್ಯಾಗ್ ಫಂಡ್ ಏಕೆ ನೀಡಬೇಕು?
ಆರ್ಮಡ್ ಫೋರ್ಸ್ ಫ್ಲ್ಯಾಗ್ ಫಂಡ್ ನ್ನು ಯಾಕೆ ನೀಡಬೇಕು ಎಂದು ನೀವು ಆಲೋಚಿಸುತ್ತಿರಬಹುದು, ಪ್ರತಿ ವರ್ಷ 60 ಸಾವಿರ ಯೋಧರು ನಿವೃತ್ತರಾಗುತ್ತಾರೆ, ನೀವು ನೀಡಿರುವ ಹಣ ನಿವೃತ್ತ ಯೋಧರು, ಹುತಾತ್ಮರ ಹೆಂಡತಿಯ ಅವರ ಕುಟುಂಬ ಸುರಕ್ಷಿತವಾಗಿರಲು ಸಹಕಾರಿಯಾಗುತ್ತದೆ.
ಆರ್ಮಡ್ ಫೋರ್ಸ್ ಫ್ಲಾಗ್ ಫಂಡ್ ಎಲ್ಲಿಗೆ ಹೋಗುತ್ತದೆ
ಯುದ್ಧದಲ್ಲಿ ಕಾಲುಗಳನ್ನು ಕಳೆದುಕೊಂಡಿರುವ ಅಂಗವಿಕಲರಾಗಿರುವ ನಿವೃತ್ತ ಯೋಧರಿಗೆ, ಗಂಭೀರ ಕಾಯಿಲೆಗಳಿಂದ ಬಳಲುತ್ತಿರುವ ಸೈನಿಕರಿಗೆ, ಆಲ್ ಇಂಡಿಯಾ ಗೂರ್ಖಾ ಇಎಸ್ಎಂ ವೆಲ್ಫೇರ್ ಆರ್ಗನೈಸೇಷನ್, ವಾರ್ ಮೆಮೊರಿಯಲ್ ಹಾಸ್ಟೆಲ್ಸ್, ರಕ್ಷಾ ಮಂತ್ರೀಸ್ ಎಕ್ಸ್ ಸರ್ವೀಸ್ ಮೆನ್ ವೆಲ್ಫೇರ್ ಫಂಡ್ ಗಳಿಗೆ ಈ ಹಣ ಹೋಗುತ್ತದೆ.
Click it and Unblock the Notifications
Sign in with Google