ಏರ್ ಇಂಡಿಯಾ ದರ ಸಮರ : 1,557 ರು.ಗೆ ಟಿಕೆಟ್
ನವದೆಹಲಿ, ಜ. 12: ದರ ಸಮರವು ಖಾಸಗಿ ಸಂಸ್ಥೆಗಳ ಮಾರುಕಟ್ಟೆ ತಂತ್ರಗಳಲ್ಲಿ ಒಂದು. ಆದರೆ, ಸರ್ಕಾರಿ ವಿಮಾನಯಾನ ಸಂಸ್ಥೆಯಾದ ಏರ್ ಇಂಡಿಯಾ ಗ್ರಾಹಕರಿಗೆ ಅತ್ಯಂತ ಕಡಿಮೆ ದರದಲ್ಲಿ ಟಿಕೆಟ್ ನೀಡಲು ಮುಂದಾಗಿದೆ. ಇನ್ನು ಆರು ದಿನಗಳ ಒಳಗೆ ಟಿಕೆಟ್ ಬುಕ್ ಮಾಡಿದವರಿಗೆ ಈ ಲಾಭ ಸಿಗಲಿದೆ.
'ನ್ಯೂ ಇಯರ್ ಬನಂಜಾ' ಹೆಸರಿನಲ್ಲಿ ಯೋಜನೆ ಜಾರಿಗೆ ತಂದಿರುವ ಏರ್ ಇಂಡಿಯಾ 1,557 ರು.ಗಳಲ್ಲಿ ದೇಶ ಸುತ್ತುವ ಅವಕಾಶ ಒದಗಿಸಿದೆ. [ಗಗನಸಖಿಯರಿಗೆ ನೆಲ ತೋರಿಸಿದ ಏರ್ ಇಂಡಿಯಾ]
ಈ ಆಕರ್ಷಕ ದೇಶೀಯ ವಿಮಾನಯಾನ ಶುಲ್ಕದ ಲಾಭ ಡೆಯಲು ಜ. 12ರಿಂದ 18ರೊಳಗೆ ಟಿಕೆಟ್ ಬುಕ್ ಮಾಡಬೇಕು. ಈ ಟಿಕೆಟ್ನಿಂದ ಜ. 16ರಿಂದ 30ರ ಅವಧಿಯವರೆಗೆ ಜಾರಿಯಲ್ಲಿರಲಿದೆ.
ಈ ಯೋಜನೆಯಡಿ ಪಡೆದ ಟಿಕೆಟನ್ನು ಎಲ್ಲ ದೇಶೀಯ ಪ್ರಯಾಣದಲ್ಲಿ ಉಪಯೋಗಿಸಬಹುದು (ಅಂತಾರಾಷ್ಟ್ರೀಯ ಪ್ರಯಾಣದ ವಿಮಾನದಲ್ಲಿಯೂ ದೇಶೀಯ ಪ್ರಯಾಣ ಮಾಡಬಹುದು). [ದುಬೈ ಪ್ರವಾಸದ ಪ್ಯಾಕೇಜ್]
ಏರ್ ಇಂಡಿಯಾ ಬುಕಿಂಗ್ ಕಚೇರಿಗಳು ಮತ್ತು ಅಧಿಕೃತ ವೆಬ್ ಸೈಟ್ www.airindia.in, ಏರ್ ಇಂಡಿಯಾ ಮೊಬೈಲ್ ಅಪ್ಲಿಕೇಶನ್ ಮತ್ತು ಅಧಿಕೃತ ಪ್ರಯಾಣ ಏಜೆಂಟ್ಗಳ ಮೂಲಕ ಟಿಕೆಟ್ ಬುಕ್ ಮಾಡಬಹುದು. [ಸ್ಪರ್ಧೆಗೆ ಏರ್ ಇಂಡಿಯಾ, ಇದು ಸರ್ಕಾರಿ ಸವಾಲ್]
ಟಿಕೆಟ್ ಶುಲ್ಕಗಳನ್ನು ಪರೀಕ್ಷಿಸಲು ಇಲ್ಲಿ ಕ್ಲಿಕ್ ಮಾಡಿ.