2 ಬಿಎಸ್ಎಫ್ ಯೋಧರು ಸಾವು, 193ಕ್ಕೆ ಏರಿದೆ ಸೋಂಕಿನ ಸಂಖ್ಯೆ

ದೆಹಲಿ, ಮೇ 7: ಕೊರೊನಾ ಸೋಂಕಿನಿಂದ ಇಬ್ಬರು ಬಿಎಸ್ಎಫ್ ಯೋಧರು ಮೃತಪಟ್ಟಿದ್ದಾರೆ. ಓರ್ವ ಸೈನಿಕ ಇಂದು ಸಾವನ್ನಪ್ಪಿದ್ದಾರೆ. ಮತ್ತೊರ್ವ ಯೋಧ ಸೋಮವಾರ ದೆಹಲಿಯ ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದಿದ್ದಾರೆ.

ಬಿಎಸ್ಎಫ್ ಯೋಧರ ಅಕಾಲಿಕ ನಿಧನಕ್ಕೆ ಬಿಎಸ್ಎಫ್ ಡಿಜಿ ಮತ್ತು ಇತರೆ ಸಿಬ್ಬಂದಿಗಳು ಸಂತಾಪ ಸೂಚಿಸಿದ್ದಾರೆ. ದುಃಖಿತ ಕುಟುಂಬಕ್ಕೆ ಈ ನೋವು ಭರಿಸುವ ಶಕ್ತಿ ಸಿಗಲಿ ಹಾಗೂ ಆ ಕುಟುಂಬಗಳ ಜೊತೆ ನಾವಿದ್ದೇವೆ ಎಂದು ಬಿಎಸ್ಎಫ್ ತಿಳಿಸಿದೆ.

ಹೊಸದಾಗಿ 41 ಬಿಎಸ್ಎಫ್ ಯೋಧರಿಗೆ ಸೋಂಕು ದೃಢವಾಗಿದೆ. ಈ ಮೂಲಕ ಬಿಎಸ್ಎಫ್‌ನಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 193ಕ್ಕೆ ಏರಿಕೆಯಾಗಿದೆ. ನಿನ್ನೆ ಒಟ್ಟು 85 ಕೇಸ್ ವರದಿಯಾಗಿತ್ತು. ಇಂದು 41 ಕೇಸ್ ಸೇರ್ಪಡೆಯಾಗಿದೆ.

ಸಿಆರ್‌ಪಿಎಫ್ ಯೋಧರೂ ಸಹ ಕೊರೊನಾದಿಂದ ಸಂಕಷ್ಟಕ್ಕೆ ಸಿಲುಕಿದ್ದು, ಈವರೆಗೂ 441 ಯೋಧರು ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಇನ್ನು ಕೊರೊನಾ ಸೋಂಕಿನಿಂದ ಹೊರಬರಲು ಹೋರಾಡುತ್ತಿರುವ ಭಾರತದಲ್ಲಿ ಇದುವರೆಗೂ ಕೊವಿಡ್ ರೋಗಿಗಳ ಸಂಖ್ಯೆ 50 ಸಾವಿರ ಗಡಿದಾಟಿದೆ. 52952 ಜನರಿಗೆ ಸೋಂಕು ಖಚಿತವಾಗಿದ್ದು, 1783 ಮಂದಿ ಮೃತಪಟ್ಟಿದ್ದಾರೆ.

English summary

2 BSF personnel die of coronavirus today, total case rise to 200 in nation.