ನಂಜನಗೂಡಲ್ಲಿ ಗೊಂದಲ ಮೂಡಿಸಿದ ಚುನಾವಣಾ ಆಯೋಗದ ಸುತ್ತೋಲೆ

ನಂಜನಗೂಡು, ಏಪ್ರಿಲ್ 9: ಇವಿಎಂ ಯಂತ್ರವಿದ್ದರೂ ವೋಟಿನ ಕಾಗದವನ್ನು ವೋಟಿನ ಪೆಟ್ಟಿಗೆಯಲ್ಲೇ ಹಾಕಿ ಎಂಬ ಚುನಾವಣಾ ಆಯೋಗದ ಎಚ್ಚರಿಕೆಯ ಫಲಕ ಮತದಾರರಲ್ಲಿ ಗೊಂದಲ ಮೂಡಿಸಿದೆ.

ದೇವನೂರು ಹಾಗೂ ಗೋಳೂರು ಗ್ರಾಮಗಳಲ್ಲಿನ ಮತಗಟ್ಟೆಗಳಲ್ಲಿ ಚುನಾವಣಾ ಆಯೋಗದ ಈ ಎಚ್ಚರಿಕೆಯ ನೋಟೀಸ್ ಕಂಡು ಬಂದಿದ್ದು, ಚುನಾವಣಾ ಆಯೋಗವೇ ಖುದ್ದು ಗೊಂದಲದಲ್ಲಿರುವಂತೆ ಕಂಡು ಬರುತ್ತದೆ. ನೋಟೀಸ್ ನಲ್ಲಿ ಏ.9ರ ತಾರೀಕಿನ ಸೀಲ್ ಜತೆ ಸಹಿಯೂ ಕಂಡು ಬಂದಿದ್ದು, ಗ್ರಾಮಸ್ಥರಲ್ಲಿ ಗೊಂದಲ ಮೂಡಿಸಿದೆ.[LIVE ಗುಂಡ್ಲುಪೇಟೆ: ಮತದಾರರಲ್ಲಿ ಉತ್ಸಾಹ, ಶೇಕಡಾ 17 ಮತದಾನ]

ಮತಗಟ್ಟೆಗೆ ಆಗಮಿಸಿದ ಮತದಾರರು ಈ ಸುತ್ತೋಲೆಯನ್ನು ನೋಡಿ ಒಮ್ಮೆ ಗೊಂದಲಕ್ಕೆ ಒಳಗಾದರು. ಬಳಿಕ ಇವಿಎಂ ಯಂತ್ರವಿದೆ ಅದರ ಮೂಲಕವೇ ಮತ ಚಲಾಯಿಸಿ ಎಂದು ತಿಳಿಸಿದಾಗ ಗೊಂದಲ ನಿವಾರಣೆಯಾಗಿದೆ.[LIVE ಗುಂಡ್ಲುಪೇಟೆ: ಮತದಾರರಲ್ಲಿ ಉತ್ಸಾಹ, ಶೇಕಡಾ 17 ಮತದಾನ]

ಎಲ್ಲವನ್ನೂ ಅಚ್ಚುಕಟ್ಟಾಗಿ ನಿಭಾಯಿಸುವ ಚುನಾವಣಾ ಆಯೋಗ ಈಗ ಯಾಕೆ ಎಡವಟ್ಟು ನೋಟೀಸು ಲಗತ್ತಿಸಿದೆ, ಖುದ್ದು ಚುನಾವಣಾ ಆಯೋಗವೇ ಗೊಂದಲದಲ್ಲಿ ಬಿದ್ದಿದೆಯೇ ಎಂಬ ಪ್ರಶ್ನೆ ಸಾರ್ವಜನಿಕ ವಲಯದಲ್ಲಿ ಕೇಳಿ ಬಂದಿದೆ.

English summary

Election commission’s one of the circular confused to the people of Devanuru and Goluru. People get confused after watching circular which says that, put voting ballots into voting box only.