ಕರ್ನಾಟಕದಲ್ಲೇ ಮೊದಲು; ಮೈಸೂರಲ್ಲಿ ಒಳಚರಂಡಿ ಸ್ವಚ್ಛತೆಗೆ ರೊಬೋಟ್

ಮೈಸೂರು, ಜನವರಿ 29: ಮಹಾನಗರಗಳಲ್ಲಿ ಒಳಚರಂಡಿ ಸ್ವಚ್ಛಗೊಳಿಸುವುದು ದೊಡ್ಡ ಸವಾಲು. ಯಂತ್ರಗಳ ಸಹಾಯದಿಂದ ಸ್ವಚ್ಛಗೊಳಿಸಬೇಕು. ಕೆಲವು ಕಡೆ ಪೌರ ಕಾರ್ಮಿಕರು ಸ್ವಚ್ಛಗೊಳಿಸುವಾಗ ಮೃತಪಟ್ಟ ಘಟನೆಗಳು ನಡೆದಿವೆ.

ಕರ್ನಾಟಕದಲ್ಲಿಯೇ ಮೊದಲ ಬಾರಿಗೆ ಮೈಸೂರಿನಲ್ಲಿ ಒಳಚರಂಡಿ ಸ್ವಚ್ಛಗೊಳಿಸಲು ರೊಬೋಟ್ ಬಳಕೆ ಮಾಡಲಾಗುತ್ತದೆ. ಮೈಸೂರು ಮಹಾನಗರ ಪಾಲಿಕೆ ಇಂತಹ ವಿನೂತನ ಪ್ರಯತ್ನ ಮಾಡುತ್ತಿದೆ.

ಮಹಾನಗರ ಪಾಲಿಕೆ ಈಗಾಗಲೇ ಬ್ಯಾಂಡಿಕೂಟ್ ರೋಬೊಟ್ ಖರೀದಿಯನ್ನು ಮಾಡಿದೆ. ಶೀಘ್ರದಲ್ಲೇ ನಗರದ ಒಳಚರಂಡಿ ಸ್ವಚ್ಛಗೊಳಿಸಲು ಈ ರೊಬೋಟ್ ಬಳಕೆ ಮಾಡಲಾಗುತ್ತದೆ.

ನಗರಾಭಿವೃದ್ಧಿ ಸಚಿವರು ಶೀಘ್ರವೇ ರೊಬೋಟ್ ಸಹಾಯದಿಂದ ಒಳಚರಂಡಿ ಸ್ವಚ್ಛಗೊಳಿಸುವ ಕಾರ್ಯಕ್ಕೆ ಚಾಲನೆ ನೀಡಲಿದ್ದಾರೆ. ಮ್ಯಾನ್ ಹೋಲ್ ಸ್ವಚ್ಛಗೊಳಿಸಲು ಈ ರೊಬೋಟ್ ಬಹಳ ಉಪಯುಕ್ತವಾಗಲಿದೆ.

ಇದರಿಂದಾಗಿ ಕಾರ್ಮಿಕರು ಅನಾರೋಗ್ಯಕ್ಕೆ ತುತ್ತಾಗುವುದು. ಅವಘಡಗಳನ್ನು ತಪ್ಪಿಸಲು ಸಹಾಯಕಾರಿಯಾಗಲಿದೆ. "ಈ ಯಂತ್ರ ಅಳವಡಿಕೆಯಿಂದ ಸ್ವಚ್ಛತೆಯಲ್ಲಿ ಮತ್ತೊಂದು ಹೆಜ್ಜೆ ಮುಂದೆ ಸಾಗುತ್ತೇವೆ" ಎಂದು ಪಾಲಿಕೆ ಆಯುಕ್ತ ಗುರುದತ್ತ್ ಹೆಗ್ಡೆ ಮಾಹಿತಿ ನೀಡಿದ್ದಾರೆ.

ಅತ್ಯಾಧುನಿಕ ವ್ಯವಸ್ಥೆಗಳನ್ನು ಹೊಂದಿರುವ ರೊಬೋಟ್‌ ಈಗಾಗಲೇ ನಗರಕ್ಕೆ ಬಂದು ತಲುಪಲಿದೆ. ಒಳಚರಂಡಿ ಸ್ವಚ್ಛತೆಗೆ ರೊಬೋಟ್‌ ಬಳಸುತ್ತಿರುವ ಮೊದಲ ಮಹಾನಗರ ಪಾಲಿಕೆ ಎಂಬ ಕೀರ್ತಿಗೆ ಮೈಸೂರಿಗೆ ಸಿಗಲಿದೆ.

ಒಳಚರಂಡಿ ಸ್ವಚ್ಛಗೊಳಿಸಲು ಪುಣೆಯಿಂದ ಬ್ಯಾಂಡಿಕೂಟ್‌ ರೊಬೋಟ್‌ ಖರೀದಿ ಮಾಡಲಾಗಿದೆ. ಇದನ್ನು ಬಳಸುವ ಬಗ್ಗೆ ತರಬೇತಿ ನೀಡಲು ತಜ್ಞರನ್ನು ಕರೆಸಲಾಗುತ್ತಿದೆ.

English summary

Mysuru city corporation will use robot for drainage clean. This is the first attempt in the state.