ಮೈಸೂರು ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
Oneindia App Download

ಶತಮಾನಗಳ ಇತಿಹಾಸವಿರುವ ಮೈಸೂರಿನ ರೈಲ್ವೆ ವರ್ಕ್ ಶಾಪ್ ಮತ್ತಷ್ಟು ಮೇಲ್ದರ್ಜೆಗೆ

|
Google Oneindia Kannada News

ಮೈಸೂರು, ಅಕ್ಟೋಬರ್. 24: ಮೈಸೂರು ನಗರದ ಅಶೋಕಪುರಂನಲ್ಲಿರುವ ರೈಲ್ವೆ ಕಾರ್ಯಾಗಾರ (ರೈಲ್ವೆ ವರ್ಕ್‍ಶಾಪ್) ವನ್ನು 35.44 ಕೋಟಿ ರೂ. ವೆಚ್ಚದಲ್ಲಿ ಮೇಲ್ದರ್ಜೆಗೇರಿಸುವ ಹಾಗೂ ಆಧುನೀಕರಣಗೊಳಿಸುವ ಕಾರ್ಯ ನಡೆಯುತ್ತಿದ್ದು, ಮೈಸೂರು-ಕೊಡಗು ಲೋಕಸಭಾ ಕ್ಷೇತ್ರದ ಸಂಸದ ಪ್ರತಾಪ್ ಸಿಂಹ ಅವರು ಇಂದು ಬುಧವಾರ ಪರಿಶೀಲನೆ ನಡೆಸಿದರು.

ಕೇಂದ್ರ ರೈಲ್ವೆ ಕಾರ್ಯಾಗಾರದ ವ್ಯವಸ್ಥಾಪಕ ಅಜಯ್ ಕುಮಾರ್, ಉಪ ವ್ಯವಸ್ಥಾಪಕ ಎಂ.ರವೀಂದ್ರನ್, ಉಪ ಮುಖ್ಯ ಇಂಜಿನಿಯರ್ ಬಿ.ರಮೇಶ್ ಚಂದ್ರ ಅವರೊಂದಿಗೆ ರೈಲ್ವೆ ಕಾರ್ಯಾಗಾರಕ್ಕೆ ಭೇಟಿ ನೀಡಿದ ಪ್ರತಾಪ್ ಸಿಂಹ ಅಧಿಕಾರಿಗಳಿಂದ ಮಾಹಿತಿ ಪಡೆದರು.

ಹೇಗಿದೆ ನಮ್ಮ ದೇಶದ ರೈಲು ನಿಲ್ದಾಣಗಳ ಸ್ಥಿತಿ..!

ನಂತರ ಸುದ್ದಿಗಾರರೊಂದಿಗೆ ಮಾತನಾಡಿದ ಪ್ರತಾಪ್ ಸಿಂಹ, ಕೇಂದ್ರ ರೈಲ್ವೆ ಕಾರ್ಯಾಗಾರದಲ್ಲಿ ನಡೆಯುತ್ತಿರುವ ಆಧುನೀಕರಣ ಕಾಮಗಾರಿ 2019ರ ಜೂನ್ ಗೆ ಪೂರ್ಣಗೊಳ್ಳಲಿದೆ.

ಆರ್ಥಿಕ ಬೆಳವಣಿಗೆಯಲ್ಲಿ ರೈಲ್ವೆಯ ಪ್ರಾಮುಖ್ಯತೆ ಹೆಚ್ಚಿರುವುದರ ಹಿನ್ನೆಲೆಯಲ್ಲಿ ರೈಲ್ವೆ ಸಂಸದೀಯ ಸ್ಥಾಯಿ ಸಮಿತಿ ಮೈಸೂರು ರೈಲ್ವೆ ಕಾರ್ಯಾಗಾರದ ಆಧುನೀಕರಣಕ್ಕೆ ಪ್ರಬಲವಾಗಿ ಮನವಿ ಮಾಡಿತ್ತು. ಇದರ ಫಲವಾಗಿ ಕೇಂದ್ರ ಸರ್ಕಾರ ಹಣ ಬಿಡುಗಡೆ ಮಾಡಿತು.

ರೈಲ್ವೆ ಇಲಾಖೆಯಿಂದ ಹೊಸ ಸೇವೆ: 20 ನಿಮಿಷ ಮೊದಲು SMS ಅಲರ್ಟ್ರೈಲ್ವೆ ಇಲಾಖೆಯಿಂದ ಹೊಸ ಸೇವೆ: 20 ನಿಮಿಷ ಮೊದಲು SMS ಅಲರ್ಟ್

ಕೇಂದ್ರ ರೈಲ್ವೆ ಕಾರ್ಯಾಗಾರ 500 ಕೆ.ವಿ.ಸಾಮರ್ಥ್ಯದ ಸೋಲಾರ್ ವಿದ್ಯುತ್ ಪ್ಯಾನೆಲ್ ಹೊಂದಿದ್ದು, ಪ್ರತಿವರ್ಷ 50,000 ಮೆ.ವ್ಯಾಟ್ ವಿದ್ಯುತ್ ಉತ್ಪಾದಿಸುತ್ತಿದೆ. ಉಳಿದ 35,000 ಮೆ.ವ್ಯಾಟ್ ವಿದ್ಯುತ್ ಸೆಸ್ಕ್ ನಿಂದ ಪಡೆಯುತ್ತಿದೆ ಎಂದು ತಿಳಿಸಿದರು.

 1,600 ಮಂದಿ ಕಾರ್ಯನಿರ್ವಹಣೆ

1,600 ಮಂದಿ ಕಾರ್ಯನಿರ್ವಹಣೆ

ಪ್ರಸ್ತುತ ರೈಲ್ವೆ ಕಾರ್ಯಾಗಾರದಲ್ಲಿ 1,600 ಮಂದಿ ಕಾರ್ಯನಿರ್ವಹಿಸುತ್ತಿದ್ದು, ಇನ್ನೂ 300 ಮಂದಿಯನ್ನು ನೇಮಕಾತಿ ಮಾಡಿಕೊಳ್ಳುವ ಯೋಜನೆ ಇದೆ.

ಭಾರತೀಯ ರೈಲ್ವೆಯ ಸಾಧನೆಯನ್ನು ಉತ್ತಮಗೊಳಿಸುವ ಹಿನ್ನೆಲೆಯಲ್ಲಿ ರೈಲ್ವೆ ಕೋಚ್ ಗಳನ್ನು ದುರಸ್ತಿಗೊಳಿಸುವ ಹಾಗೂ ಅದನ್ನು ಆಧುನೀಕರಣಗೊಳಿಸುವ ಕಾರ್ಯವನ್ನು ನಡೆಸುವ ರೈಲ್ವೆ ಕಾರ್ಯಾಗಾರದ ಸಾಮರ್ಥ್ಯ ಹೆಚ್ಚಿಸಲು ಹಾಗೂ ಮೂಲಸೌಕರ್ಯಗಳನ್ನು ಒದಗಿಸಲು ಕೇಂದ್ರ ಸರ್ಕಾರ 2016ರ ಮುಂಗಡಪತ್ರದಲ್ಲಿ 35.44 ಕೋಟಿ ರೂ.ಗಳನ್ನು ನೀಡಿತ್ತು ಎಂದು ಪ್ರತಾಪ್ ಸಿಂಹ ತಿಳಿಸಿದ್ದಾರೆ.

 ರೈಲ್ವೆ ಕೋಚ್ ಪರಿಶೀಲನೆ

ರೈಲ್ವೆ ಕೋಚ್ ಪರಿಶೀಲನೆ

ನಿಯತಕಾಲಿಕವಾಗಿ ಕೂಲಂಕುಷವಾಗಿ ರೈಲ್ವೆ ಕೋಚ್ ಗಳನ್ನ ಬಳಕೆಗೆ ಯೋಗ್ಯವಾಗಿ ಹಾಗೂ ಸೇವೆಗೆ ಅನುಕೂಲವಾಗಿ ನಿರ್ವಹಣೆ ಮಾಡುವುದು ಇಲ್ಲಿನ ಮುಖ್ಯ ಕಾರ್ಯವಾಗಿದ್ದು, ಎಲ್ಲ ಭಾಗಗಳನ್ನೂ ಬೇರ್ಪಡಿಸಿ ಅವುಗಳನ್ನು ದುರಸ್ತಿ ಮಾಡಿ ಮತ್ತೆ ಜೋಡಿಸುವುದು, ಹಳಿಯ ಮೇಲೆ ಅವು ಸಂಚರಿಸಲು ಯೋಗ್ಯವಾಗಿದೆಯೇ ಎಂಬುದನ್ನು ಪರಿಶೀಲಿಸಿ ನೀಡುವುದು ಸೇರಿದೆ ಎಂದು ಪ್ರತಾಪ್ ಸಿಂಹ ಮಾಹಿತಿ ನೀಡಿದರು.

ದೇಶದ ಟಾಪ್ 10 ಗಲೀಜು ಹಾಗೂ ತುಂಬ ಸ್ವಚ್ಛ ರೈಲು ನಿಲ್ದಾಣಗಳ ಪಟ್ಟಿದೇಶದ ಟಾಪ್ 10 ಗಲೀಜು ಹಾಗೂ ತುಂಬ ಸ್ವಚ್ಛ ರೈಲು ನಿಲ್ದಾಣಗಳ ಪಟ್ಟಿ

 70 ಕೋಚ್ ಗಳು ಸಿದ್ಧವಾಗುತ್ತಿವೆ

70 ಕೋಚ್ ಗಳು ಸಿದ್ಧವಾಗುತ್ತಿವೆ

12 ಅಥವಾ 18 ತಿಂಗಳಿಗೊಮ್ಮೆ ಇಲ್ಲವೇ ಅವು ಕ್ರಮಿಸಿರುವ ಮಾರ್ಗದ ಆಧಾರದ ಮೇಲೆ ರೈಲ್ವೆ ಕೋಚ್ ಗಳ ನಿರ್ವಹಣೆ ಮಾಡಲಾಗುವುದು. ನೈಋತ್ಯ ರೈಲ್ವೆ ವಲಯದಲ್ಲಿ ಇದು ಎರಡನೇ ಕಾರ್ಯಾಗಾರವಾಗಿದ್ದು, ಮತ್ತೊಂದು ಹುಬ್ಬಳ್ಳಿಯಲ್ಲಿದೆ. ಪ್ರಸ್ತುತ ತಿಂಗಳಿಗೆ 70 ಕೋಚ್ ಗಳನ್ನು ಇಲ್ಲಿ ಸಿದ್ಧಪಡಿಸಲಾಗುತ್ತಿದೆ.

 1932ರಲ್ಲಿ ಮೇಲ್ದರ್ಜೆಗೆ

1932ರಲ್ಲಿ ಮೇಲ್ದರ್ಜೆಗೆ

ಮೇಲ್ದರ್ಜೆಗೇರಿದ ನಂತರ ಇದರ ಸಾಮರ್ಥ್ಯ 80ಕ್ಕೇರಲಿದೆ. ರೈಲ್ವೆ ವರ್ಕ್‍ಶಾಪ್ ಅನ್ನು 1924ರಲ್ಲಿ ಸ್ಥಾಪಿಸಿದ್ದು, 1932ರಲ್ಲಿ ಇದನ್ನು ಮೇಲ್ದರ್ಜೆಗೆ ಏರಿಸಲಾಗಿತ್ತು.

English summary
In Mysuru Ashokapuram Railway workshop is being upgraded at a cost of Rs 35.44 crore.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X